ئێمە لە تۆرە کۆمەڵایەتیەکان

کوردستان

كۆمسیۆن لەسەر ئەنجامدانی هەڵبژاردنی پارێزگاكان روونكردنەوە دەدات

خەڵك-بەشی هەواڵ

وتەبێژی كۆمسیۆنی باڵای هەڵبژاردن و راپرسی لە هەرێمی كوردستان رایدەگەیەنێت، ناتوانین هەڵبژاردنەكانی ئەنجومەنی پارێزگاكان لەگەڵ پەرلەمانی كوردستان ئەنجام بدەین ‌و پێویستمان بە كات و بودجەی زیاتر هەیە.

لەگەڵ نزیكبوونەوەی هەڵبژاردنەكانی پەرلەمانی كوردستان، دەنگۆی دواخستنی هەڵبژاردنەكان لەئارادایە، بەشێوەیەك قوباد تاڵەبانی جێگری سەرۆكی حكومەتی هەرێمی كوردستان رایگەیاند، سەرجەم لایەنەكان پێیان باشە هەڵبژاردنەكان دوابخرێت، بەڵام نایدركێنن.

شیروان زرار وتەبێژی كۆمسیۆنی باڵای هەڵبژاردن و راپرسی هەرێم بە (خەڵك)ی راگەیاند، مانگی 11ی ساڵی رابردوو داوامان كرد هەرسێ هەڵبژاردنەكە پێكەوە بكرێن، بەڵام لەلایەن سەرۆكی ئەنجومەنی وەزیرانەوە تەنها بۆ یەك هەڵبژاردن راسپێردراین.

وتیشی “ئێستا كاتێكی كەمی ماوە‌و ناتوانین ئامادەكاری بۆ هەڵبژاردنەكانی ئەنجومەنی پارێزگاكان بكەین، چونكە كات‌و بوجەی دەوێت”.

ئاشكراشیكرد، ئەگەر كار بۆ ئەو هەڵبژاردنانە بكەین دەبێت سەرلەنوێ رێكاری نوێ دەست پێبكەینەوە.

ئاماژەی بۆ ئەوەش كرد، ناتوانین كار بۆ هەڵبژاردنی ئەنجومەنی پارێزگاكان بكەین لە مانگی 10‌و ئەگەر بێت‌و هەڵبژاردنیتر لە هەرێم ئەنجام بدرێت، پێویستە جارێكیتر لەلایەن سەرۆكایەتی ئەنجومەنی وەزیرانەوە بە نوسراوی فەڕمی ئاگادار بكرێین‌و راوێژمان پێ بكرێت‌و ئەوكات چەند كات‌و بودجەمان پێویست بێت گفتوگۆی لەسەر دەكەین‌و ئەوكات ئاشكرایدەكەین چەندمان كات پێویستە بۆ هەڵبژاردنەكان.

دوێنێی مەسعود بارزانی سەرۆكی پارتی دیموكراتی كوردستان‌و نێچیرڤان بارزانی سەرۆكی حكومەتی هەرێم رایانگەیاند، هەڵبژاردنەكان لەكاتی خۆیدا ئەنجام دەدرێت‌و مەكگۆرك هیچ گفتوگۆیەكی لەسەر دواخستنی هەڵبژاردنەكان لەگەڵ نەكردوین.
ئەمە لەحاڵێكدایە هەندێك لایەن ناڕاستەوخۆ داوایانكردووە هەڵبژاردنەكانی پەرلەمانی كوردستان دوابخرێن و لەگەڵ هەڵبژاردنی پارێزگاكاندا پێكەوە بكرێن.

کوردستان

تەم سلێمانی داپۆشی و لە هەندێك شەقام قەرەباڵغی دروستبوو

خەڵك- بەشی هەواڵ

بەرەبەیانی ئەمڕۆ دوو شەممە تەم شاری سلێمانی داپۆشی و لە هەندێك شەقامیش ئاستەنگی هاتووچۆ دروستبوو.

بەپێی پێشبینییەكانی كەشناسی هەرێمی كوردستان ئەو شەپۆلی باران و بەفربارینەی لە چوار هەفتەی رابردووەوە هەرێمی كوردستانی گرتبووەوە ئەمڕۆ كۆتایی دێت.

پەیامنێری (خەڵك) لە سلێمانی رایگەیاند، بەرەبەیانی ئەمڕۆ تەمێكی چڕ شاری سلێمانی داپۆشی و لە زۆرێك لە شەقامەكان ئاستەنگی هاتووچۆی دروست كرد.

راشیگەیاند، لە هەندێك لە شەقامەكان بەهۆی كەمبوونەوەی ئاستی بینینەوە قەرەباڵغی زۆر دروستبووە و تاكو ئێستا تەمە بە چڕی بەردەوامە.

بەردەوام بە لە خوێندنەوە

کوردستان

پارتی پۆستەكانی كابینەی نوێ بۆ خۆی و یەكێتی و گۆڕان دیاری دەكات

خەڵك- بەشی هەواڵ

پارتی دیموكراتی كوردستان پۆستەكانی حكومەتی هەرێمی كوردستان لە كابینەی نوێدا دەستنیشان دەكات بۆ حزبە بەشداربووەكان كە هەر حزبە و چەند وەزارەتی بەردەكەوێت.

بەپێی زانیاری مێدیاكانی پارتی، شاندی باڵای پارتی ئەمڕۆ دووشەممە 10/12/2018 كۆبوونەوەیەكی نێوخۆیی دەكەن و دواتر دەست بە سەردانەكانیان دەكەن بۆ لای هێزە براوەكانی هەڵبژاردن.

ئەندامێكی فراكسیۆنی پارتی لە پەرلەمانی كوردستان دەڵێت “پارتی شاندی دانوستاندن لەسەر بنەمای 50 بە50 رەوانەی لای لایەنەكان ناكات و كۆبوونەوەكان كراونەتە دوو پاكێج :”سەرەتا كار بۆ ئەوە دەكرێ پێش كۆتایی ئەمساڵ دەستەی سەرۆكایەتی پەرلەمان و حكومەت یەكلا بكرێتەوە، دواتر وردەكارییەكانی پێكهێنانی حكومەت دەبێتە پاكێجی دووەمی دانوستاندنەكان كە ئەویش لە دوای پشووی سەری ساڵەوە دەستپێدەكات”.

هێڤیدار ئەحمەد، نەرمبڕیی پارتی لە دانوستاندنەكان بۆ ئەوە دەگێڕێتەوە كە پارتی نایەوێ 23ـی حوزەیران دووبارە ببێتەوە و هەوڵی زۆر دەدات بۆ ئەوەی بە رێككەوتن سەرۆكایەتییەكان و پۆستەكان دیاریی بكرێن “بەڵام لەنێو پارتی رایەك هەیە كە حەزی لە بەشداریی كۆمەڵی ئیسلامی نییە، بەڵام ئەوە بڕیاری كۆتایی و فەرمی نییە و شاندی دانوستاندكار بە گفتوگۆ ئەوە یەكلایی دەكاتەوە”.

ناوبراو دەشڵێت “دابەشكاریی وەزارەتەكان بەشێوەیەكە “پارتی 9 وەزارەت و یەكێتی 5 وەزارەت و بزووتنەوەی گۆڕان 3 وەزارەت و توركمانە و كریستیانەكانیش هەریەكە و وەزارەتێكیان بەردەكەوێ، بەڵام هێشتا ئەوە روون نییە كە كام وەزارەتانەیە”.

بەردەوام بە لە خوێندنەوە

کوردستان

یەپەگە كوژرانی 4 چەكداری ئۆپۆزسیۆنی راگەیاند

خەڵك- بەشی هەواڵ

ناوەندی راگەیاندنی یەكینەكانی پاراستنی گەل (یەپەگە) كوژرانی 4 چەكداری ئۆپۆزسیۆنی سوریای لە عەفرین راگەیاند.

یەپەگەدا لە راگەیاندراوێكدا رونیكردەوە “دەستەیەك لە شەڕڤانانی یەپەگە رۆژی ٧ی كانوونی یەكەمی ٢٠١٨ لە دەورووبەری گوندی دێر بەلوت لە ناوچەی جندرێس لە دژی ئۆتۆمبێلێكی سەربازیی چەتەكانی ئەحرار شام چالاكییەكی سابوتاژیان ئەنجامدا. بەهۆی ئەو چالاكییەوە ٢ چەتەی داگیركەر كوژران”.

راشیگەیاند “دەستەیەكی تری شەڕڤانانی یەپەگە رۆژی ٨ی كانوونی یەكەمی ٢٠١٨ لە رۆژئاوای ناوەندی عەفرین لە دژی ئۆتۆمبێلێكی چەتەكانی ئەحرار شەرقییە چالاكییەكی سابوتاژیان ئەنجامدا. لەو چالاكییەدا چەتەكان كوژراو و برینداریان هەبوو، بەڵام ژمارەی كوژراو و بریندارەكانیان روون نەبووەوە، دەستەیەكی تر لە شەڕڤانان هەر لە رۆژی ٨ی كانوون یەكەمی ٢٠١٨ لەسەر رێگای گوندی شێخ ئورزێ لە ناوچەی بلبلێ لە دژی ئۆتۆمبێلێكی سەربازیی چەتەكانی سوڵتان موراد چالاكییەكی سابوتاژیان ئەنجامدا. لەو چالاكییەدا ٢ چەتەی داگیركەر كوژران”.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین