ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

گروپی هواوی ئەنجامەكانی كارەكانی لە نیوەی یەكەمی 2018 ئاشكرا دەكات

گروپی هواوی ئەنجامی كارەكانی لە نیوەی یەكەمی ساڵی 2018 ئاشكراكرد كەتیایدا كۆمپانیاكە گەشەكردنێكی بەهێزی تۆماركردووە و هەناردەكانی لە بواری مۆبایلدا گەیشتە 95 ملیۆن یەكە .

بەپێی ئامارەكانی دەزگای نێودەوڵەتی (ICD) هواوی پلەی دووەمی گەورەترین كۆمپانیاكانی مۆبایلی وەرگرت لە چارەكی دووەمی ئەمساڵدا، بەشە بازاڕی هواوی گەیشتە 158%.

لەوبارەیەوە، “ریتشارد یو” بەڕێوەبەری جێبەجێكاری هواوی رایگەیاند : گروپی هواوی توانایەكی بێ وێنەی لەشەش مانگی رابردوو تۆماركرد بەهۆی گەشەكردنی سەرجەم كارەكانی لەبازاڕەكان و هێڵەكانی بەرهەمهێنان، ئەم سەركەوتنەمان بۆ پابەندبوونمان بە داهێنان دەگەڕێتەوە جگە لە دڵسۆزیمان لەكاركردن.

وتیشی: هواوی بەردەوام دەبێت لەباشتركردنی بەرهەمكانی تایبەت ئەو مۆبایلانەی كە پاڵپشتن بە تەكنەلۆژیای زیرەكی دەستكرد.

گرنگترین ئەنجامی كارەكانی هواوی :

* زنجیرەی مۆبایلی HUAWEI P20 : زنجیرەی مۆبایلی HUAWEI P20 پێشوازیەكی بێ وێنەی لێكرا بەهۆی ئەوەی كەهونەر لەگەڵ تەكنەلۆژیا تێكەڵ دەكات ، ژمارەی هەناردەی مۆبایلی HUAWEI P20 لەسەرتاسەری جیهان گەیشتە 9 ملیۆن یەكە .

* زنجیرەی مۆبایلی HUAWEI Mate 10 : تازەترین زنجیرەی مۆبایلی HUAWEI Mate تێروانینی تازەی بەدیهێنا لەجیهانی مۆبایلی پاڵپشت بە تەكنەلۆژیای زیرەكی دەستكرد ، ژمارەی هەناردەی مۆبایلی HUAWEI Mate گەیشتە 10 ملیۆن یەكە .

* زنجیرەی HUAWEI nova : ژمارەی بەكارهێنەرانی مۆبایلی HUAWEI nova لەجیهان گەیشتە 50 ملیۆن بەكارهێنەر كەئەوەش بووە هۆكاری بوژانەوەی بازاڕی مۆبایل لەجۆری مام ناوەندا ، ژمارەی هەناردەی مۆبایلی HUAWEI nova بەرێژەی 60% زیادی كرد .

* جوانكاریەكانی هواوی بەرێژەی 147% زیادی كردووە لەسەر بنەمای ساڵانە .

* كارەكانی گروپی هواوی گەشەكردنێكی بێ وێنەی كردووە ، ئێستا هواوی 53 هەزار بازاڕگە بەڕێوەدەبات لەگەڵ 3500 لەبازاڕەكانی ئەزموونی بەكارهێنەران ، كۆمپانیا پلانی هەیە كە 10 هەزار بازاڕی دیكە زیاد بكات لەگەڵ 700 بازاڕی ئەزموونی پێش كۆتایی ساڵی 2018 .


ماركەی هواوی پێشكەوتنی بەرچاو تۆماردەكات
توانای بێ وێنەی مۆبایلەكانی جۆری مام ناوەندی هواوی هۆكار بوو لەپێشكەوتنی نرخی ماركەی بازرگانی كۆمپانیا ، ئەوەش بەدیاركەوت لەوەرگرتنی پلەی 25 لەلیستی دەزگای براند فاینانس بۆ بەنرخترین 500 ماركەی بازرگانی لە جیهان لەساڵی 2018 ، هەروەها پلەی 48 بەپێی پۆلینی لیستی براندز بۆ باشترین 100 ماركەی بازرگانی جیهانی ، پلەی 79 بەپێی پۆلینی فۆربس بۆ بەرزترین ماركە بازرگانیەكانی جیهان . شایانی ئاماژەپێكردنە كە هواوی تاكە كۆمپانیای وڵاتی چین بوو كەناوی لەلیستی فۆربیس هەبوو وەك باشترین 100 كۆمپانیا لە جیهاندا .

ئۆتۆمبێل و تەکنەلۆژیا

تا ئەم خاڵانە لەبەرچاو نەگریت ئۆتۆمبێلێکی بەکارھێنراو مەکڕە

خەڵک-

بازاڕی كرێن و فرۆشتنی ئۆتۆمبێل یەكێكە لەو بازاڕانەی كە زۆرترین كاری ساختە و فێڵكردنی تیا ئەنجام دەدرێت، پێش كڕینی هەر ئۆتۆمبێلێكی بەكارهێنراویش، كڕیار دەبێت هەزار و یەك حسابی خۆی بكات، تا نەكەوێتە داوی ساختە كارانەوە، ئەمەش چەند خاڵێكە بۆ ناسینەوەی كاری ساختەكردن لە ئۆتۆمبێل و پێوەرەكانی ئۆتۆمبێلدا.

ئەگەر ویستت ئۆتۆمبێلێكی بەكارهێنراو بكڕیت، دەبێت وردەكار بیت، چونكە زۆرجار فرۆشیار یاری بە پێوەری رۆشتنی كیلۆمەتری ئۆتۆمبێلەكە دەكات و لە كاتێكدا زۆر بەكارهاتووە، بە نرخی ئۆتۆمبێلێكی كەم بەكارهاتوو، دەیفرۆشێت، لەوەدا پێویستە رەچاوی ئەم خاڵانە بكەیت:

1- بە شێوەیەكی ناوەندی، ئۆتۆمبێل ساڵانە (20) هەزار كیلۆمەتر دەبڕێت، ئەگەر ویستت ئۆتۆمبێلێك بكڕیت و تەمەنی (5) ساڵ بێت، پێوەری كیلۆمەترەكەی لە خوار (90) هەزار كیلۆمەترەوە بوو، ئەوە بكە بە خاڵێك بەدوادا چوون و پرسیاری بۆ بكە، چونكە بە شێوەی ئاسایی ئۆتۆمبێل لەسەرووی (100) هەزار كیلۆمەترەوە، دەست دەكات بە كەمبوونەوەی چوستی و خەرجی تێدەكەوێت، هەرچەند ئەوەش پەیوەستە بە جۆری ئۆتۆمبێلەكە و چۆنێتی بەكارهێنانی، كە ئەوەش بە ئاسانی هەستی پێدەكرێت، ئایا ئەو ئۆتۆمبێلە ماندوو كرابێت یان نا.

2- یەكەمین شت كە پێویستە لەسەری بوەستین، خاوەندارێتی و بەڵگەنامەكانی  ئۆتۆمبێلەكەیە، وەك ژمارە و ساڵنامە و هەر بەڵگەیەكی دیكە، هەروەها بەراوردكردنی ئەو ژمارانەی لەسەر ساڵنامەكەن لەگەڵ ژمارەی سەر ئۆتۆمبێلەكە، وەك ژمارەی شاسی و بزوێنەر، لەگەڵ مۆدێلی ئۆتۆمبێلەكە، ئەمە جگە لەوەی دەبێت ئاگاداری ئەوە بین كە ئەو ئۆتۆمبێلە كێشەی تایبەتی نییە، وەك ماوەی قیست یان قەرز لەسەری و مانی خاوەنەكەی لە ژیاندا.

3- پشكنینی تەواوی بۆدی ئۆتۆمبێلەكە، تا بڕی بۆیاغ كردنەوە یان گۆڕینی پارچەكانی بزانین، هەروەها دەبێت ورد بین لەوەی ئەو ئۆتۆمبێلە تووشی رووداوی هاتووچۆ بووە یان نا، جۆری رووداوەكە چی بووە، چونكە هەر گۆڕینێك لە پارچەكانی ئۆتۆمبێلەكە نرخەكەی دادەبەزێنێت و لە بەهای كرداریی و نرخی ئۆتۆمبێلەكە كەم دەكاتەوە، بۆ زانینی شوێنی لێدراوی یان بوونی هەویركاری لە ژێر بۆیاغەكەوە، دەتوانین سوود لە موگناتیسێكی بچوك وەربگرین.

4- بە وردی تەماشای پایدەرەكان بكە، چونكە پایدەرەكانی ئۆتۆمبێل بە چینێكی لاستیكی داپۆشراون، بە تایبەت پایدەری ئیستۆپ كرد، زۆر بەكارهێنانیش دەبێتە هۆی سوان و رۆشتنی چینە لاستیكەكە، ئەوەش دەكرێت بكرێت بە نیشانە بۆ زانینی چەندێتی بەكارهێنانی ئۆتۆمبێلەكە.

5- بزوێنەرەكەی بخەرە كار و گوێ‌ بۆ هەر دەنگێكی نائاسایی بگرە، تەماشای ئەگزۆزەكەی بكە بزانە دوكەڵی سپی یان شین دەرناكات، سەر قەباغی رۆنەكە كە هەمیشە لە سەرەوەی بزوێنەرەكاندایە، بكەرەوە و بزانە رۆنی بزوێنەرەكە هەڵم دەكات، یان بڕەكەی چەندە، زیادبوونی هەڵمی رۆنەكەش، نیشانەی خەلەلە لە بزوێنەرەكەدا.

6- ئەگەر ئۆتۆمبێلەكە تەبریدی تێدابوو، پیچویستە لە جێدا تاقی بكرێتەوە و لە چوستی و كاركردنی دڵنیا ببینەوە.

7- پشكنینی تایەكان، بە شێوەی ئاسایی نابێت قوڵی گرنجی تایەكان لە (5) ملم واتە نیو سانتیمەتر كەمتر بێت، بە تایبەتی لە وەرزی زستاندا، هەر خراپییەكەیش لە تایەكاندا نرخی ئۆتۆمبێلەكە كەم دەكاتەوە.

8- دوای ئەو هەنگاوانە، پێویستە كەسی كڕیار یان كەسێكی شارەزا ئۆتۆمبێلەكە بۆ ماوەیەك لێ بخوڕێت، باشترە ئەگەر لەسەر جادەیەكی چەورێژ یان قیر نەكراو بێت، تا بزانرێت وەك ئەوەی پێی دەوترێت پێش و پاشی ئۆتۆمبێلەكە هیچ دەنگێك یان تەپە و تەقەیەك ناكات، یان دەبڵەكانی لاواز نییە، وەبزانرێت توانی ئیستۆپ و وەستانەوەی چۆنە. هەروەها لەوەدا توانای بزوێنەر و هەڵەی گێڕبۆكس دەتوانرێت هەست پێ‌ بكرێت.

9- ئەمە و چەند خاڵێكی دیكەش وەك پشكنینی لایتەكان و كارەبایی و دۆخی ناوەوەی ئۆتۆمبێلەكە.

10- لە هەمووی گرنگتر ئەوەیە، بێ‌ پرس و ڕای كەسێكی شارەزا نرخ مەدە بە هیچ ئۆتۆمبێلێكی بەكارهێنراو.

بەردەوام بە لە خوێندنەوە

ئۆتۆمبێل و تەکنەلۆژیا

ڕادیۆی خەڵک لەسەر سیستەمێکی گەورەی جیهانی کەوتە کار بەشێوەیەکی بەردەوام پەخشی دەبێت

خەڵک

ماڵپەری ڕادیۆ گاردن ماڵپەرێکی جیهانی و پێشکەوتووە کە زۆررترین ڕادیۆی لە خۆگرتووە لەسەر سیستەمێکی پێشکەوتوو کە دەتوانیت لە ڕێی سیستەمێکی جیهانییەوە و لەسەر نەخشەیەک گەڕان بۆ سەرجەم ڕادیۆکانی هەر ناوچەیەک بکەیت.
لە ئێستادا ڕادیۆی خەڵک جگە لەوەی پەخشی زەمینی هەیە بە شێوەیەکی بەردەوام و لەسەرجەم شارەکانی کوردستان لەسەر شەپۆلی 97.3 و هاوکات لەسەرماڵپەری خەڵک و ماڵپەری ڕادیۆگاردن بەم لینکە بەردەستە http://radio.garden/live/sulaymaniyah/xelk-radio/ و دەتوانن پاشەکەوتی لینکەکە بکەن تاوەکو لە هەرکاتێکدا بێت گوێبیستی پەخشی ڕادیۆی خەڵک بن.

تۆڕی میدیایی خەڵك دامەزراوەیەكی ڕاگەیاندن و ڕووناكبیریی تایبەتی بێلایەنە بۆ سوودی گشتی، خاوەن كەسایەتییەكی مەعنەوی و سەربەخۆیی دارایی و كارگێڕی و لێهاتوویی خۆیەتی، بایەخدەدات بە كاروباری ڕاگەیاندنی ئەلیكترۆنی، پەخشی ڕادیۆ و تەلەفزیۆن و بەرهەمی میدیایی بەگشتی.

بەردەوام بە لە خوێندنەوە

ئۆتۆمبێل و تەکنەلۆژیا

فیستیڤاڵی تەکنەلۆجیای سلێمانی بەڕێوەچوو بە چەندین نمایشی جیاوازەوە

خەڵک- 
فیستیڤاڵی تەکنەلۆجیای سلێمانی، فیستیڤاڵیکی یەک-رۆژەی تەکنەلۆجی بوو کە ئەمڕۆ ئەنجامدرا لە لایەن ‘هاکاسولی’ و ‘فایڤ وەن لابس’ ەوە رێکخرابوو، فیستیڤاڵەکە گەنجی داهێنەر و هەموو ئەو کەسانەی خولیای تەکنەلۆجیان لەگەڵ سەرکردەو کۆمپانیاکانی بواری تەکنەلۆجیا پێکەوە کۆکردبوویەوە.

ئامانج لەم فیستیڤاڵە، هاندانی بەرەوپێشبردنی تەکنەلۆجیا، زیادکردنی حەز بۆ تەکنەلۆجیا  و فراوانکردنی تێگەیشتن بوو بۆ هەلی کار لە دیدی ئەو کەسانەی بە دوای کاردا دەگەڕێن .

لەم فیستیڤاڵەدا کەسانی بەهرەدار بە دوای کاردا دەگەڕان و خاوەن کاریش دەیتوانی باشترین بەهرەکان بدۆزێتەوە، بەم جۆرە ناساندێک لە نێوان بازاڕ و کەسانی پیشەگەر دروست دەبێت، وە زیاتر ڕوون دەبێتەوە بۆ گەنجان کە چ جۆرە لێهاتووییەک پەرەپێبدەن تاکو بتوانن لە داهاتوودا کار دەستەبەر بکەن.

فیستیڤاڵەکە پێک هاتبوو لە چەندین بەشی جیاواز، لەوانە:

– وتاری ‌قوباد تاڵەبانی، جێگری ئەنجومەنی وەزیرانی کوردستان لە بارەی گرنگی تەکنەلۆجیا.
– وۆرکشۆپێک سەبارەت بە پەرەپێدانی ماڵپەر.
– پێشبڕکێیەکی کۆدین.
– نمایشکردنی پرۆژەی خویندکارانی زانکۆ.
– پێشانگای هەلی کار تایبەت بە ئای-تی.
– شوێنی تایبەت بۆ یارییە ئەلکترۆنییەکان.

چەند وێنەیەکی فیستیڤاڵەکە:

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 84%, 32
    32 84%
    32 - 84% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 8%, 3
    3 8%
    3 - 8% هەموو دەنگەکان

کوردستان

دوایین