ئێمە لە تۆرە کۆمەڵایەتیەکان

کوردستان

دەست بەسەر 450 گرام مادەی هۆشبەردا دەگیرێت

خەڵك-بەشی هەواڵ

ئاسایشی راپەڕین ئاشكرایدەكات، دەستیان بەسەر 450 گرام مادەی هۆشبەردا گرتووە كە لە ئێرانەوە هاوردە كرابوو.

بەڕێوەبەرایەتی ئاسایشی ڕاپەڕین لە راگەیەندراوێكدا ئاماژە بۆ ئەوە دەكات، بەشی ماددە هۆشبەرەكان لە یاریدەدەرێتی ئاسایشی قەڵادزێ‌ و هێزەكانی بنكەی ئاسایشی هێرۆ توانیان سێ‌ كەس دەستگیر بكەن كە بڕی 450 گرام ماددەی هۆشبەریان پێ‌ بووە لە جۆری (كریستاڵی سپی) كە لە ئێرانەوە هێنابویانە ناو خاكی هەرێم بەمەبەستی بەكارهێنان و بازرگانی پێوەكردن.

ئاسایشی راپەرین راشیدەگەیەنێت، تۆمەتبارەكان دانیشتوی شاری “كۆیەو قەڵادزێ”ن.
رونیشیدەكاتەوە، تۆمەتبارەكان جگە لەوەی بازرگانیان بە مادە هۆشبەرەكانەوە كردووە، بەكاریشیان هێناوە‌و لە ئێستادا پەڕاوی لێكۆڵینەوەیان بۆ تۆمەتبارەكان كردووەتەوە‌و بەپێی ماددەی (14 ی مخدرات) دانیان ناوە بەتاوانەكەیاندا.

کوردستان

تەم سلێمانی داپۆشی و لە هەندێك شەقام قەرەباڵغی دروستبوو

خەڵك- بەشی هەواڵ

بەرەبەیانی ئەمڕۆ دوو شەممە تەم شاری سلێمانی داپۆشی و لە هەندێك شەقامیش ئاستەنگی هاتووچۆ دروستبوو.

بەپێی پێشبینییەكانی كەشناسی هەرێمی كوردستان ئەو شەپۆلی باران و بەفربارینەی لە چوار هەفتەی رابردووەوە هەرێمی كوردستانی گرتبووەوە ئەمڕۆ كۆتایی دێت.

پەیامنێری (خەڵك) لە سلێمانی رایگەیاند، بەرەبەیانی ئەمڕۆ تەمێكی چڕ شاری سلێمانی داپۆشی و لە زۆرێك لە شەقامەكان ئاستەنگی هاتووچۆی دروست كرد.

راشیگەیاند، لە هەندێك لە شەقامەكان بەهۆی كەمبوونەوەی ئاستی بینینەوە قەرەباڵغی زۆر دروستبووە و تاكو ئێستا تەمە بە چڕی بەردەوامە.

بەردەوام بە لە خوێندنەوە

کوردستان

پارتی پۆستەكانی كابینەی نوێ بۆ خۆی و یەكێتی و گۆڕان دیاری دەكات

خەڵك- بەشی هەواڵ

پارتی دیموكراتی كوردستان پۆستەكانی حكومەتی هەرێمی كوردستان لە كابینەی نوێدا دەستنیشان دەكات بۆ حزبە بەشداربووەكان كە هەر حزبە و چەند وەزارەتی بەردەكەوێت.

بەپێی زانیاری مێدیاكانی پارتی، شاندی باڵای پارتی ئەمڕۆ دووشەممە 10/12/2018 كۆبوونەوەیەكی نێوخۆیی دەكەن و دواتر دەست بە سەردانەكانیان دەكەن بۆ لای هێزە براوەكانی هەڵبژاردن.

ئەندامێكی فراكسیۆنی پارتی لە پەرلەمانی كوردستان دەڵێت “پارتی شاندی دانوستاندن لەسەر بنەمای 50 بە50 رەوانەی لای لایەنەكان ناكات و كۆبوونەوەكان كراونەتە دوو پاكێج :”سەرەتا كار بۆ ئەوە دەكرێ پێش كۆتایی ئەمساڵ دەستەی سەرۆكایەتی پەرلەمان و حكومەت یەكلا بكرێتەوە، دواتر وردەكارییەكانی پێكهێنانی حكومەت دەبێتە پاكێجی دووەمی دانوستاندنەكان كە ئەویش لە دوای پشووی سەری ساڵەوە دەستپێدەكات”.

هێڤیدار ئەحمەد، نەرمبڕیی پارتی لە دانوستاندنەكان بۆ ئەوە دەگێڕێتەوە كە پارتی نایەوێ 23ـی حوزەیران دووبارە ببێتەوە و هەوڵی زۆر دەدات بۆ ئەوەی بە رێككەوتن سەرۆكایەتییەكان و پۆستەكان دیاریی بكرێن “بەڵام لەنێو پارتی رایەك هەیە كە حەزی لە بەشداریی كۆمەڵی ئیسلامی نییە، بەڵام ئەوە بڕیاری كۆتایی و فەرمی نییە و شاندی دانوستاندكار بە گفتوگۆ ئەوە یەكلایی دەكاتەوە”.

ناوبراو دەشڵێت “دابەشكاریی وەزارەتەكان بەشێوەیەكە “پارتی 9 وەزارەت و یەكێتی 5 وەزارەت و بزووتنەوەی گۆڕان 3 وەزارەت و توركمانە و كریستیانەكانیش هەریەكە و وەزارەتێكیان بەردەكەوێ، بەڵام هێشتا ئەوە روون نییە كە كام وەزارەتانەیە”.

بەردەوام بە لە خوێندنەوە

کوردستان

یەپەگە كوژرانی 4 چەكداری ئۆپۆزسیۆنی راگەیاند

خەڵك- بەشی هەواڵ

ناوەندی راگەیاندنی یەكینەكانی پاراستنی گەل (یەپەگە) كوژرانی 4 چەكداری ئۆپۆزسیۆنی سوریای لە عەفرین راگەیاند.

یەپەگەدا لە راگەیاندراوێكدا رونیكردەوە “دەستەیەك لە شەڕڤانانی یەپەگە رۆژی ٧ی كانوونی یەكەمی ٢٠١٨ لە دەورووبەری گوندی دێر بەلوت لە ناوچەی جندرێس لە دژی ئۆتۆمبێلێكی سەربازیی چەتەكانی ئەحرار شام چالاكییەكی سابوتاژیان ئەنجامدا. بەهۆی ئەو چالاكییەوە ٢ چەتەی داگیركەر كوژران”.

راشیگەیاند “دەستەیەكی تری شەڕڤانانی یەپەگە رۆژی ٨ی كانوونی یەكەمی ٢٠١٨ لە رۆژئاوای ناوەندی عەفرین لە دژی ئۆتۆمبێلێكی چەتەكانی ئەحرار شەرقییە چالاكییەكی سابوتاژیان ئەنجامدا. لەو چالاكییەدا چەتەكان كوژراو و برینداریان هەبوو، بەڵام ژمارەی كوژراو و بریندارەكانیان روون نەبووەوە، دەستەیەكی تر لە شەڕڤانان هەر لە رۆژی ٨ی كانوون یەكەمی ٢٠١٨ لەسەر رێگای گوندی شێخ ئورزێ لە ناوچەی بلبلێ لە دژی ئۆتۆمبێلێكی سەربازیی چەتەكانی سوڵتان موراد چالاكییەكی سابوتاژیان ئەنجامدا. لەو چالاكییەدا ٢ چەتەی داگیركەر كوژران”.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین