ئێمە لە تۆرە کۆمەڵایەتیەکان

جیهان

“پەیوەندییەكانی نێوان توركیا و ئەمریكا هیچ كاتێك نەپچڕاون “

خەڵك- بەشی هەواڵ
وەزیری گەنجینە و دارایی توركیا، بەرات ئاڵبایراك وێڕای ئاماژەدان بەوەی كە پەیوەندییەكانی نێوان توركیا و ئەمریكا هیچ كاتێك نەپچڕاون، رایگەیاند “ئەمڕۆ قۆناغێكی ئێجگار بنیاتنەر و ئەرێنی بوونی هەیە. ئیرادەیەكی بەهێز نیشاندراوە بە مەبەستی درێژەدان بە پەیوەندیی بنیاتنەرانە لە پێناو بەرژەوەندییەكانی هەردوو وڵاتدا. لەو چوارچێوەیەشدا بەردەوام دەبین لە پارێزگارییكردن لەمە”.

لە میانی بەشدارییكردنی لە بەرنامەیەكی كەناڵی ئێن تی ڤی، بەرات ئاڵبایراك روونكردنەوەی دا لەبارەی پێشهاتەكانی رۆژەوە.

بەپێی هەواڵێكی ئاژانسی ئەنادۆڵو، وەزیری گەنجینە و دارایی توركیا، بەرات ئاڵبایراك لەبارەی بڕیاری سزادانی توركیا لە لایەن ئەمریكاوە ئاماژەی بەوەكرد، پێویستە پێشهاتەكانی دوا قۆناغ دوور لە هەست و سۆز و بە شێوەیەكی عەقڵانیی بەڕێوەببرێت.

وەزیری گەنجینە و دارایی توركیا راشیگەیاند “دەوڵەت بوون و نوێنەرایەتیكردنی عەقڵی دەوڵەت بەم شێوەیە دەبێت. پەیوەندییەكانی نێوان هەردوو وڵات ریشەیەكی مێژووییان هەیە. پێویستە پەیوەندییەكانی نێوان هەردوولا لەچوارچێوەی پێكەوەییە مێژووییە بەهێزەكان، هاوپەیمانبوون لە ناتۆ و هاوپەیمانێتیی ستراتیجییدا هەڵبسەنگێنرێن و بەڕێوەببرێن. ئێمە وەك توركیا هەمیشە لە هەوڵی ئەوەداین لەڕێگەی ئەم تێگەیشتنەوە قۆناغەكان بەڕێوەبەرین”.

وەزیری گەنجینە و دارایی توركیا، بەرات ئاڵبایراك تیشكی خستەسەر ئەوەی كە پێویستە پێشهاتەكانی ئەم دواییە بەم پێوەرە هەستیارە و لەچوارچێوەی عەقڵ و چارەسەری هاوبەشدا بەرێوەببرێن و جەختی لەوەكردەوە لە كۆبوونەوەی سەر لە بەیانی ئەمڕۆی نێوان وەزیرانی دەرەوەی هەردوو وڵاتدا ئیرادەیەكی بەهێز لەوبارەیەوە خراوەتەڕوو.

بەرات ئاڵبایراك باسی لەوەكرد كە رەنگە كێشە بكەوێتە پەیوەندییەكانی نێوان دوو وڵاتەوە، بەڵام دەكرێت لەڕێگەی باڵادەستبوونی دیپلۆماسییەوە پەیوەندییەكان درێژەیان پێبدرێت و وەك نموونەیەك كە تایبەتمەندیی هاوشێوەی هەیە باسی لە پەیوەندییەكانی نێوان توركیا و یەكێتیی ئەورووپا كرد كە هەمیشە عەقڵی دیپلۆماسیی سەركەوتوو بووە تیایدا. ئاماژەی بەوەشكرد هەمان دۆخ بۆ پەیوەندییەكان لەگەڵ ئەمریكاشدا راستە و وتی: “رەنگە ئەمڕۆ پەیوەندییمان گرژ بێت، رەنگە سبەینێ چاكبێتەوە. هەمیشە بە لەبەرچاوگرتنی ئەم شێوازە، بێ ئەوەی لەبیری بكەین پێویستە شتەكان بەرێوەبەرین. لە هەڵكشان و داكشانەكانی ماوەی رابردوودا ئێمە لە هەوڵی ئەوەدا بووین كە ئەمە بە باڵدەستیی بمێنێتەوە”.

وەزیری گەنجینە و دارایی توركیا تیشكی خستەسەر ئەوەش كە زانیاریی سەبارەت بە كۆبوونەوەی نێوان وەزیری دەرەوەی وڵاتەكەی، مەولود چاوشئۆغڵو و وەزیری دەرەوەی ئەمریكا، مایك پۆمپیۆ وەرگرتووە و گوتی:

“ئیرادەیەكی بەهێز نیشاندراوە كە لە ئاست یاساكانی رابردووی هەردوو وڵاتدا بووە. كۆبوونەوەی وەزیرانی دەرەوەی دوو وڵات بۆ گەیشتن بە چارەسەری كێشەكان گرنگە. ئەو كۆبوونەوەیە لە ئەنجامی ئیرادەیەكی باش بووە بۆ چۆنێتی دیاریكردنی خاڵەكانی نەخشەڕێگایەك پەیوەندیدار بە كێشە و كێشە شاراوەكانی هەردوو وڵات. بۆیە كە لەو روانگەوە سەیری دەكەی نابێت بە ئیستیفزازیانە بەڵكو دەبێت بە شێوازێكی ژیرانەی دەوڵەت و جددییەتەوە ئەو پرسانە بخرێنەڕوو”.

وەزیری گەنجینە و دارایی توركیا، بەرات ئاڵبایراك سەرنجی بۆ ئەوە راكێشا كە ژمارەیەك كەناڵ و قسە كەوتنە نێوان پەیوەندییەكانی هەردوو وڵات لەوانەیە هەڵسەنگاندنێكی جیاوازیان هەبێت و وتی: “تاكو دەوڵەتان بەمجۆرە جددی بن پەیوەندییەكان هیچ كاتێك ناپچڕێن. ئەمریكا و كۆریای باكوور (لەسەر ئاستی باڵا) كۆبوونەوە. پێویستە كۆمەڵ و رای گشتی ئەوە بزانێت گرنگ بەڕێوەچوونی پەیوەندییەكانە بە شێوەیەكی راست نەك ئەوەی هەموو كات پچڕێن یاخود هەموو كات نزیك بن.

لەوانەیە دوو برا لە ماڵێكیشدا لەسەر هەمان بابەت ناكۆك بن. ژن و مێردێك كە ٤٠ ساڵە هاوسەرگیریان كردووە لەوانەیە لەسەر هەموو بابەتێك كۆك و تەبا نەبن. هەندێكجار مشتومڕ دەكەن و دواتر ئاشت دەبنەوە. پێویستە ئاوا سەیر بكرێت و ئێمە هەر ئاوا بۆی دەڕوانین، یاسای هاوپەیمانیی ستراتیجیش هەروایە. لە بەرامبەر ئەو شێوازە بونیاتنەرانەی دەوڵەتیشدا مێژووی سەدان ساڵەشمان شاهیدی ئەوە دەدات كۆماری توركیا سازش ناكات. ئێمە هەمیشە بونیاتنەر دەبین، بەڵام ناچارین لە هەموو دۆخێكدا ئامادە بین. ئێستا پرۆسەیەكی بونیاتنەر و باش هەیە. ئیرادەیەكی بەهێز خراوەتەڕوو بۆ بەردەوامیدان بە پەیوەندییە بونیاتنەرەكان بە جۆرێك لە بەرژەوەندی هەردوو وڵات بێت. لەو میانەیەدا بەردەوام دەبین لە پاراستنی ئەمە. ئێمە هەر بەو شێوەیە سەیر دەكەین. مافی هاوپەیمانی ستراتیجیش بەم شێوەیەیە. ئێمە هەموو كات بونیاتنەر دەبین، بەڵام ئامادەش دەبین بۆ هەر ئەگەرێك و رووداوێكی نەخوازراو. جگە لەمە هیچ كێشەیەكی دیكەمان نییە. ئەمڕۆ قۆناغێكی زۆر باش و بونیاتنەر هەیە. لە بەرژەوەندی هەردوو وڵات دەبێت. بە ئامانجی بەردەوامبوونی ئەمەش تەواوی ئیرادەشمان بەكاردەهێنین.

وەزیری گەنجینە و دارایی توركیا، بەرات ئاڵبایراك هۆشداری دا لەمەڕ ئەو بانگەشانەی دەكرێت و وتی: “لە میدیا و لەناو رای گشتی لە كۆنەوە بانگەشە و فرت و فێڵ هەبووە و هەوڵ دراوە بارودۆخ تێكبدرێت، بەڵام پێویستە گرنگی بەو شتانە نەدرێت”.

جیهان

ئێران، زیاتر لە 3700 حاڵەتی تووشبوونی نوێ‌ بە كۆرۆنا تۆماركرا

خەڵك-بەشی هەواڵ
وتەبێژی وەزارەتی تەندروستی ئێران ڕایدەگەیەنێت، لە 24 كاتژمێری ڕابردوودا 3712 كەس تووشی كۆرۆنا بوون.

سیما سادات لاری وتەبێژی وەزارەتی تەندروستی ئێران لە كۆنفڕانسێكی ڕۆژنامەوانیدا ڕایگەیاند، لە 24 كاتژمێری ڕابردوودا 3712 كەس لە ئێران تووشی ڤایرۆسی كۆرۆنا بوون و 183 كەسیش گیانیان لە دەستداوە.

وتیشی”لە سەرەتای دەركەوتنی ڤایرۆسەكە تاكو ئەمڕۆ 429 هەزار و 193 كەس لە ئێران تووشی كۆرۆنا بوون”.

ئاماژەی بۆ ئەوەش كرد، لە ماوەی بیست و چوار كاتژمێری ڕابردوودا 178 كەس بەهۆی ڤایرۆسەكەوە گیانیانلەدەستداوە و ژمارەی ئەوانەش كە تائێستاش نەخۆشییەكەیان پەڕاندووە و چاكبوونەتەوە، گەیشتۆتە 363 هەزار و 737 كەس.

بەردەوام بە لە خوێندنەوە

جیهان

نوێترین ئاماری تووشبوون بەکۆرۆنا لەجیهاندا

خەڵک – بەشی هەواڵ

 

بەپێی نوێترین ئامار، نزیکی ٢٣ ملیۆن  و ١٤٠ هەزار تووشبووی کۆرۆنا لەجیهاندا چاکبوونەتەوە.

 

بەپێی نوێترین ئامار لەسەرەتای بڵاوبوونەوەى ڤایرۆسی کۆرۆنا تاکو ئێستا  زیاتر لە ٣١ ملیۆن و ٥١٧ هەزار تووشبووی ڤایرۆسی کۆرۆنای نوێ تۆمارکراون.

هەر بەپێی ئەو ئامارە، لەوماوەیەدا نزیکی ٢٣ ملیۆن  و ١٤٠ هەزار تووشبووی کۆرۆنا چاکبوونەتەوە، کە لەبەرامبەردا نزیکی ٩٧٠ هەزار کەس گیانیان لەدەستداوە، ئەوانی دیکەش لەژێر چارەسەردان.

بەردەوام بە لە خوێندنەوە

جیهان

تڕەمپ: ئەگەر بە گوێی بۆڵتۆنم بكردایە ئێستا جەنگی جیهانیی پێنجەم ڕوویدەدا

خەڵك-بەشی هەواڵ

 

سەرۆكی ئەمریكاڕایدەگەیەنێت، ئەگەر گوێم لە جۆن بۆڵتۆن بگرتایە، ئەوا ئێستا جەنگی جیهانیی پێنجەم ڕوویدەدا.

دۆناڵد تڕەمپ سەرۆكی ئەمریكا لە شاری دایتۆن سەربە ویلایەتی ئۆهایۆ كە لە ڕووی هەڵبژاردنە سەرۆكایەتییەكەی سێی تشرینی دووەمەوە پێگەیەكی گرنگی هەیە و هەستیارە، وتارێكی پێشكەش كرد و لە وتارەكەیدا ڕەخنەی توندی ئاڕاستەی جۆن بۆڵتۆن ڕاوێژكاری پێشووی ئاسایشی نیشتمانیی ئەمریكا كرد و ڕایگەیاند، ئەگەر من گوێم لەو شێتە بگرتایە، ئەوا ئێستا جەنگی جیهانیی پێنجەم ڕوویدەدا.

وتیشی”ئەگەر بایدن هەڵبژاردنەكە بباتەوە، ئەوا بەرامبەر خراپترین كاندید لە مێژوودا، هەڵبژاردن دەدۆڕێنم”.

جەختی لەسەر ئەوەش كردەوە، لە سەردەمی ئیدارەكەیدا توانای سەربازیی وڵاتەكەی زیادیكردووە و لە ئێستادا F-35مان هەیە، ئێوە ئەوانە نابینن، ئەوانە نهێنین.

بەردەوام بە لە خوێندنەوە

کوردستان