ئێمە لە تۆرە کۆمەڵایەتیەکان

جیهان

ژمارەی ئەو حاجیانەی تائێستا گەیشتوونەتە سعودیە ڕادەگەیەنرێت

خەڵك- بەشی هەواڵ
خالید فەیسەڵ، میری ناوچەی مەككەی پیرۆز، گەیشتنی 557 هەزار حاجی بۆ بەجێگەیاندنی فەریزەی حەج بۆ وڵاتەكە ڕادەگەیەنێت و ڕەتیدەكاتەوە، تائێستا هیچ حاجییەی قەتەری گەیشتبێتە سعودیە.

ئەمڕۆ چوار شەممە، خالید فەیسەڵ لە كۆنفرانسێكی ڕۆژنامەوانیدا ڕایگەیاند، “لەئێستا هەڵمەتێكی گەورە لە ژێر ناوی (حەج پەیامی ئاشتییە) سەبارەت بە هۆشیاری لەبارەی حەجەوە، كە پەرستن و هەڵسوكەوتێكی شارستانییە دەستیپێكردووە، هەڵمەتەكەش گەورەترین ڕووداوی گەشە و پەرەپێدانە”، ئاماژەی بە گەیشتنی 557 هەزار حاجیش كرد لە تێكڕای ڕێڕەوەكانی سعودییەوە.

بە وتەی ئەو میرەی ناوچەی مەككەی پیرۆز، “ئەندۆنیزیا لە لە سەرو ڕیزبەندی وڵاتانەوەیە بۆ زۆری ژمارەی حاجیان و تائێستا 103 هەزار حاجی ئەو وڵاتە گەیشتوونەتە سعودیە، لە پلەی دووەمیشدا هندستانە، كە 92 هەزار حاجی گەیشتووە، پاكستانیش لە پلەی سێیەمدایە و 81 هەزار حاجی گەیشتوون، دوای ئەوانیش وڵاتانی بەنگلادیش بە 74 هەزار حاجی و توركیا بە 44 هەزار حاجی دێن”، ڕەتیشكردەوە تاوەكو ئێستا هیچ حاجییەك لە وڵاتی قەتەرەوە ڕووی لە سعودیە كردبێت.

سەرلەبەیانی ئەمڕۆ چوار شەممە، دەستەی حەج و عومرەی عیراق گەیشتنی 17 هەزار حاجی تاوەكو ئێستا بۆ سعودیە ڕاگەیاند.

جیهان

ئێران، 207 كەس بەهۆی كۆرۆناوە گیانيانلەدەستدا

خەڵك-بەشی هەواڵ
وتەبێژی وەزارەتی تەندروستی ئێران، تۆماركردنی 207 حاڵەتی گیانلەدەستدانی نوێ‌ بەهۆی ڤایرۆسی كۆرۆناوە ڕادەگەیەنێت، بەمەش كۆی گشتی ئەوانەی لە وڵاتەكەدا بەهۆی ڤایرۆسەكەوە گیانیانلەدەستداوە بۆ 25 هەزار و 222 كەس بەرزدەبێتەوە.

سیما سادات لاری وتەبێژی وەزارەتی تەندروستی ئێران لە كۆنفرانسێكی ڕۆژنامەوانیدا ڕایگەیاند، لە 24 كاتژمێری ڕابردوودا 4023 كەس لە ئێران تووشی ڤایرۆسی كۆرۆنا بوون و 207 كەسیش گیانیان لە دەستدا.

بە وتەی سادات لاری”نزیكەی 370 هەزار كەسیش لە وڵاتدا تاوەكو ئێستا نەخۆشییەكەیان پەڕاندووە و چاكبوونەتەوە”.

ئێران بە یەكێك لەو وڵاتانە دادەنرێت كە لە ناوچەی خۆرهەڵاتی ناوەڕاست زۆرترین ژمارەی تووشبوانی بە ڤایرۆسی كۆرۆنا هەیە، تائێستاش بەهۆی ڤایرۆسەكەوە زیاتر لە 25 هەزار كەس لە وڵاتەكەدا گیانيانلەدەستداوە.

بەردەوام بە لە خوێندنەوە

جیهان

وەزیری دەرەوەی فەڕەنسا: داهاتووی لوبنان لە مەترسیدایە

خەڵك – بەشی هەواڵ

فەڕەنسا داوای سەپاندنی گوشاری نێودەوڵەتی بەهێزی كۆمەڵی نێودەوڵەتی دەكات لەپێناو پێكهێنانی حكومەتێكی نوێ لە لوبنان و ڕزگاركردنی ئەو وڵاتە لەو قەیرانە قوڵەی تێی كەوتووە.

ژان ئیف لۆدریان وەزیری دەرەوەی فەڕەنسا ڕایگەیاند، هێزە سیاسییەكانی ئەو وڵاتە سەركەوتوو نەبوون لەگەیشتنە ڕێككەوتن لەسەر پێكهێنانی حكومەتی نوێ و ئاماژەی بەوەكرد گوشاركردنی بەهێز بووەتە پێویستییەك لەپێناو هاندانی لێپرسراوانی لوبنان بۆ ڕێزگرتن لەپابەندی و بەڵێنەكان.

وەزیری دەرەوەی فەڕەنسا ئەوەشی خستەڕوو، داهاتووی لوبنان لە مەترسیدایە و بەبێ ئەنجامدانی چاكسازیی ئەوا یارمەتی دارایی نێودەوڵەتی بۆ ئەو وڵاتە دابین ناكرێت.

بەردەوام بە لە خوێندنەوە

جیهان

سعودیە، تەنیا 498 حاڵەتی تووشبوونی نوێ بە كۆرۆنا تۆماركرا

خەڵك- بەشی هەواڵ
وزارەتی تەندروستی سعودیە، تۆماركردنی 498 تووشبووی نوێ‌ بە ڤایرۆسی كۆرۆنا لە ماوەی 24 كاتژمێری ڕابردوودا لە شانشینی عەرەبی ڕادەگەیەنێت، ئەمەش بەراورد بەڕۆژانی پێشوو بە ژمارەیەكی كەمتر دادەنرێت.

ئەمڕۆ پێنج شەممە، وەزارەتی تەندروستی سعودیە لە بەیاننامەیەكدا ڕایگەیاند”لەماوەی 24 كاتژمێری ڕابردوودا 498 حاڵەتی توشبوونی نوێ‌ بە ڤایرۆسی كۆرۆنا‌ (كۆڤید-19) تۆماركرا”، ئەم ژمارەیەش بە دەستەواژەیەكی باش بۆ پاشەكشەكردنی ژمارەی تووشبوان لە وڵاتەكەدا كە بەڕێژەی 75% ڕووی لە كەمبوونەوە كردووە، دادەنرێت.

وەزارەتی تەندروستی سعودیە دەڵێت”لەماوەی 24 كاتژمێری ڕابردوو 30 حاڵەتی گیانلەدەستدان بەهۆی ڤایرۆسەكەوە تۆماركرا، بەمەش كۆی گشتی ژمارەی ئەوانەی بەهۆی كۆرۆناوە لە سعودیەوە گیانیانلەدەستداوە گەیشتە 4599 كەس، لەئێستاشدا كۆی گشتی ئەوانەی لە سعودیە دووچاری ڤایرۆسی كۆرۆنا بوون، بۆ 330798 حاڵەت بەرزبۆتەوە”.

هەر بەپێی بەیاننامەكەی وەزارەتی تەندروستی سعودیە، لەماوەی 24 كاتژمێری ڕابردوودا، 1007 كەس نەخۆشییەكەیان پەڕاندووە و چاكبوونەتەوە، بەمەش كۆی گشتی ژمارەی ئەوانەی چاكبوونەتەوە، گەیشتە 314793 كەس.

بەردەوام بە لە خوێندنەوە

کوردستان