وەزارەتی دارایی حكومەتی فیدراڵ دەست بە دابەشكردنی مووچەی خانەنشینانی مەدەنی و سەربازی دەكات بۆ مانگی كانوونی یەكەمی 2022.
بەپێی بەیاننامەیەك كە لەلایەن وەزارەتی دارایی عیراقەوە بڵاوكرایەوە”دەبێت هەردوو ئیدارەی بانكی ڕافیدەین و ڕەشید و دەستەی خانەنشینانی نیشتمانی، دەست بە تەواوكردنی ڕێكارەكان بكەن بۆ پێدانی مووچەی خانەنشینانی مەدەنی و سەربازی بۆ مانگی كانوونی یەكەم، لەڕێی كارتە ئەلیكترۆنییەكان”.
وەزارەتی دارایی حكومەتی فیدراڵ، داوای لە هەموو خانەنشینانی مەدەنی و سەربازی كردووە، ئەوانەی ئێس ئێم ئێسیان پێدەگات، سەردانی لقەكانی بانكەكان بكەن لە بەغدا و پارێزگاكان، تا مووچەكانیان وەربگرن.
