ئێمە لە تۆرە کۆمەڵایەتیەکان

کوردستان

بڕیاری دەستگیركردن بۆ ڕێبوار تاڵەبانی دەركرا

خەڵك- بەشی هەواڵ
دادگای لێكۆڵینەوەی كەركوك لەسەر سكاڵایەكی دەستەی دەستپاكی پارێزگاكە فەرمانگی دەستگیركردن بۆ سەرۆكی ئەنجومەنی پارێزگا بە وەكالەت دەردەكات.

بەپێی نووسراوێك، كە میدیا عیراقییەكان بڵاویانكردۆتەوە، دادگای لێكۆڵینەوەی كەركوك لەسەر سكاڵای نووسینگەی لێكۆڵینەوەی دەستەی دەستپاكی كەركوك فەرمانی دەستگیر كردنی بۆ ڕێبوار تاڵەبانی، سەرۆكی ئەنجومەنی پارێزگا بە وەكالەت دەركردووە.

وەك لە فەرمانی گرتنەكەدا دیارە، تاڵەبانی بەپێی مادەی 331ی یاسای سزادانی عیراقی تۆمەتبار كراوە.

مادەی 331ی یاسای سزادانی عیراقی دەڵێت: “سزادەدرێت بە بەندكردن و بە غەرامە یان بە یەكێك لەو دوو سزایە، هەر فەرمانبەرێك یان ڕاسپێردراوێك بە كاری گشتی بە ئەنقەست كارێك بكات پێچەوانەی ئەركی وەزیفی بێت یان ڕێگری بكات لە كارێك لەكارەكانی بەمەبەستی زیان گەیاندن بە بەرژەوەندی یەكێك یان بەمەبەستی سوود گەیاندن بە كەسێك لەسەر حسابی كەسێكی دیكە لەسەر حسابی دەوڵەت”.

کوردستان

ناوەڕۆكی وتاری هەینی مامۆستایانی ئایینی دیاریكرا

خەڵك- بەشی هەواڵ
وەزارەتی ئەوقاف و کاروباری ئایینی حكومەتی هەرێم دوو ناونیشان بۆ وتاری هەینی ئەم هەفتەیە 12ی كانونی یەكەم دیاری دەكات و مامۆستایانی ئایینی-ش سەرپشك دەكات لە هەڵبژاردنی تەوەرێكیان.

بەپێی ناونیشانە پێشنیازکراوەکان بۆ وتاری ئایینی ئەم هەفتەیە، کە وێنەیەکی دەست (خەڵک) کەوتووە، دوو ناونیشان پێشنیاركراوه‌ بۆ وتاری هه‌ینی تا مامۆستایانی ئایینی لەسەری بوەستن و بۆ موسڵمانانی باس بكەن.

بەپێی ناونشانەکان، مامۆستایانی ئاینی دەتوانن بۆ ئەم هەینییە یەکێک لەم ناونیشانانە هەڵبژێرن:
1. ڕاستگۆیی و دەرهاویشتەكانی لەژیانی مرۆڤ و لەنێو كۆمەڵگادا.
2. قورئانی پیرۆز و ڕۆڵی لە چەسپاندنی بەها ئیمانییەكان.

بەردەوام بە لە خوێندنەوە

کوردستان

پولیسێك بەهۆی كارەباوە گیانی لەدەستدا

خەڵك- بەشی هەواڵ

كارمەندێكی چالاكیە مەدەنیەكانی گەرمیان بەهۆی تەزووی كارەباوە گیانی لەدەستدا.

بەپێی ڕاگەیاندراوێكی پۆلیسی گەرمیان، كە وێنەی دەست (خەڵك) كەوتووە، “ئێوارەی ئەمڕۆ سێ شەممە لەگەڕەكی سیروانی قەزای كەلار، كارمەندێكی چالاكییە مەدەنیەكانی گەرمیان بەهۆی تەزووی كارەباوە، گیانی لەدەستدا”.

هەر لە ڕاگەیەندراوەكەدا هاتووە، “ئەو پۆلیسە ناوی ( ج. ع. ر)ە و لەدایكبووی 1972وە، لەكاتی پشووی فەرمی خۆیدا و لەماڵی خۆیان كارەبا گرتویەتی و لەئەنجامدا گیانی لەدەستداوە”.

بەردەوام بە لە خوێندنەوە

کوردستان

سەعدی پیرە: پەیامی خۆمان گەیاندە پارتی

خەڵك- بەشی هەواڵ
وتەبێژی مەكتەبی سیاسی یەكێتيی نیشتمانیی كوردستان ڕایدەگەییەنێت، لەكۆبوونەوەی ئەمڕۆی مەكتەبی سیاسی یەكێتی و پارتی، جەخت سەر پتەوكردنی پەیوەندییەكانی نێوان هەردوولا كرایەوە، یەكێتیش لە كۆبوونەوەكەدا بە پارتی ڕاگەیاندووە، كە بە شەراكەتی ڕاستەقینە بەشداری حكومەتی داهاتووی هەرێمی كوردستان دەكات.

سەعدی ئەحمەد پیرە، وتەبێژی مەكتەبی سیاسی یەكێتی لە كۆنفرانسێكی ڕۆژنامەوانیدا ڕایگەیاند، “لەكۆبوونەوەی ئەمڕۆمان لەگەڵ مەكتەبی سیاسی پارتی دیموكراتی كوردستان، بە ڕاشكاوانە بەپارتیمان ڕاگەیاند، یەكێتی بە شەراكەتی ڕاستەقینە بەشداری حكومەتی داهاتووی هەرێمی كوردستان دەكات و لای یەكێتی شەراكەتی ڕاستەقینە بەمانای بەشداریكردنییەتی لەسەرجەم جومگە سەرەكییەكانی حكومەتی داهاتووی هەرێم، بە ئاسایش و كەرتی وزە و تەواوی بوارە گرنگەكانی تر”.

بە وتەی سەعدی پیرە، ” لە كۆبوونەوەكەدا باس لەباشتر ڕێكخستنەوەی پەیوەندییەكانی نێوان هەردوولا كرا و بڕیاردرا پڕۆژەیەك بۆ یەكهەڵوێستی هەردوولا لە بەغدا لەپێناو بەهێزكردنی ئامادەیی كورد بخرێتە كارنامەی هەردوو حزبەوە، یەكێكی دیكە لە تەوەرەكانی كۆبوونەوەكە تایبەت بوو بەچارەسەركردنی كێشەی كەركوك و دانانی پارێزگارێك بۆ ئەو شارە، لەگەڵ پێویستی چارەسەركردنی كێشەكانی ناوچە دابڕێنراوەكان”.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین