ئێمە لە تۆرە کۆمەڵایەتیەکان

کوردستان

وەزیرەکانی گۆڕان و بەرپرسانی گۆڕان لەگردەکە کۆبوونەوە

خەڵک- بەشی هەواڵ

 

ڕێکخەرى گشتى و خانەى ڕاپەڕاندن و تیمى وزارى بزوتنەوەى گۆڕان کۆبونەوە، ئەندامێکى خانەى ڕاپەڕاندنیش دەڵێت:”لە کۆبونەوەکەدا هەڵسەنگاندن بۆ ئەداى حکومەت کرا و بارى سەرنجى خەڵک و خۆشمان بە ڕاپۆرتێک دایە تیمى گۆڕان لە حکومەت”.

ئەمڕۆ شەممە (21/11/2020)، کۆبونەوەى ڕێکخەرى گشتى و خانەى ڕاپەڕاندن و تیمى گۆڕان لە حکومەت لە مەکۆى سەرەکى بەڕێوەچو.

شەماڵ عەبدولوەفا ئەندامى خانەى راپەڕاندنى بزوتنەوەى گۆڕان لە بارەى کۆبونەوەکەوە بەمیدیای فەرمی حزبەکەی ڕاگەیاند، ئەوە کۆبونەوەیەکى دەورییە هەر چەند مانگ جارێک خانەى راپەڕاندن و تیمى حکومەت کۆدەبینەوە، کە تێیدا هەڵسەنگاندنى ئێمە بۆ ئەوان و ئەوانیش چالاکى و وردکردنەوەى ئەو پڕۆژانەى هەیانە تاوتوێکران و تیشک خرایە سەر کەموکورتییەکان”.

ئاماژەى بەوەش کرد، بەشێکى کۆبونەوەکە تایبەتبووە بە کاروبارەکانى حکومەت بەتایبەت بابەتى چاکسازى و پێکهێنانى ئەنجومەنى باڵاى چاکسازى و ئەو پلان و بەرنامانەى بەپێى رێککەوتنى پێکهێنانى کابینەى نۆ لەگەڵ پارتى دیموکراتى کوردستان لەسەریان رێککەوتون بۆئەوەى “کارا بکرێن بە ئامانجى جێبەجێکردنیان”.

وتیشى:”بارى سەرنجى خەڵک و هەڵسوڕاوەکانمان و خۆشمان لە چوارچێوەى راپۆرتێکدا دەدەینە تیمى حکومەت، بە سەرۆکى تیمى حکومەت و وەزیرەکانمان و بریکارى وەزارەتەکان، بەنیازیشین لە داهاتودا کۆبونەوەیەکى فراوانتر بکەین کە هەمو تیمى حکومەت بە راویژکارەکان و بەڕێوەبەرە گشتییەکان بەشداربن، بەهەمان شێوە کۆبونەوەیەکى دیکەى تیمى حکومەتى خۆجێیش لەگەڵ بەڕێوەبەرى گشتى و قائیمقام و بەڕیوەبەرى ناحییەکان ئەنجام دەدەین”.

ریکلام

کوردستان

لە ئورمیە كۆڵبەرێك بووە قوربانی

خەڵك- بەشی هەواڵ

كۆڵبەرێكی خەڵكی ئورمیە لەكاتی كۆڵبەری لە سنوورەكانی ئەو شارە بە تەقەی ڕاستەوخۆی هێزەكانی سوپای پاسداران بە سەختی بریندار كرا.

بەپێی ڕاپۆرتی گەیشتوو بە ڕێكخراوی مافی مرۆڤی هەنگاو، ئێوارەی ڕۆژی یەكشەممە هێزەكانی سوپای پاسداران لە ناوچە سنوورییەكانی ئورمیە تەقەیان لە كۆڵبەران كردووە و لە ئاكامدا كۆڵبەرێك بە سەختی بریندار بووە.

لە ئەنجامی تەقەی ڕاستەوخۆی هێزەكانی سوپای پاسداران كۆڵبەرێكی تەمەن ٢٢ ساڵ بەناوی ئایهان خدری سەری بە سەختی پێكراوە و بە مەبەستی چارەسەریی پزیشكی ڕەوانەی یەكێك لە بنكە تەندروستییەكانی شاری ئورمیە كراوە.

باری تەندروستی ئەو كۆڵبەرە لاوە كە باوكی دوو منداڵیشە، ناجێگیر ڕاگەیەندراوە.

بەردەوام بە لە خوێندنەوە

کوردستان

شۆفێران لە خراپی ڕێگا و بان بەهۆی كەشوهەواوە ئاگادار دەكرێنەوە

خەڵك-بەشی هەواڵ

 

بەڕێوەبەرایەتی‌ هاتوچۆی‌ هەڵەبجە ڕایدەگەیەنێت، لە ڕێگای جوتسایدی هەڵەبجە – سەیدسادق تەمێكی چڕ هەیە و داواكارن شۆفێران بە ووریاییەوە شۆفێری‌ بكەن.

بەڕێوەبەرایەتی‌ هاتوچۆی‌ هەڵەبجە لە ڕاگەیەنراوێكدا ئاماژە بۆ ئەوە دەكات، ئاگاداری شۆفێران دەكەینەوە، كە لە ناوچەی شارەزوور و بەتایبەت لە ڕێگای جوتسایدی هەڵەبجە – سەیدسادق تەمێكی چڕ هەیە و ئاستی بینین كەمە، بۆیە پێویستە بە ووریاییەوە شۆفێری بكەن.

ئاشكراشیكرد، داواكارن لە شۆفێران ڕێنماییەكانی هاتوچۆ جێبەجێ بكەن و خێرایی ئۆتۆمبێلەكانیان دابەزێنن بۆ خوار خێرایی ڕێگەپێدراو.

بەردەوام بە لە خوێندنەوە

کوردستان

پەڕلەمانی كوردستان كۆدەبێتەوە
دۆخی خراپی هاووڵاتیانی هەرێم گفتوگۆی لەسەر ناكرێت

خەڵك-بەشی هەواڵ

 

بە ئامادەبوونی وەزیرە پەیوەندیدارەكان، پەڕلەمانی كوردستان كۆچی گەنجان بۆ دەرەوەی وڵات تاوتوێ دەكات و خوێندنەوەی یەكەمیش بۆ دوو پێشنیازەیاسا دەكات.

ئەمڕۆ دوو شەممە 30/11/2020 پەڕلەمانی كوردستان كۆدەبێتەوە، بەپێی بەرنامەی كاری كۆبوونەوەكەش، خوێندنەوەی یەكەم بۆ پێشنیازەیاسای پەروەردە و خوێندن لە هەرێمی كوردستان و پێشنیازەیاسای هەمواری یەكەمی زانكۆ تایبەتەكان دەكرێت.

هەربەپێی بەرنامەی كاری كۆبوونەوەكە، پەڕلەمانی كوردستان خوێندنەوە و گفتوگۆی هەردوو ڕاپۆرتی لیژنەی پەیوەندییەكان و ڕەوەندی كوردستان و لیژنەی ڕۆشنبیری و كۆمەڵگەی مەدەنی و وەرزش و لاوان، سەبارەت بە كۆچی گەنجان بۆ دەرەوەی وڵات بە ئامادەبووی وەزیرە پەیوەندیدارەكان لە حكومەتی هەرێمی كوردستان دەكات.

ئەمەش لەكاتێكدایە، ٣٨ ئەندامی پەڕلەمان لە فراكسیۆنە جیاوازەكان داوایان كرد، پرسی دواكەوتنی مووچەی فەرمانبەران و دانوستانەكانی نێوان هەولێر و بەغدا و بابەتی دارایی بخرێتە كارنامەی كۆبوونەوەكەی ئەمڕۆوە، بەڵام دەستەی سەرۆكایەتی پەڕلەمان داواكەی ڕەتكردووەتەوە و لە بەرنامەی كاردا نییە.

بەردەوام بە لە خوێندنەوە

کوردستان