ئێمە لە تۆرە کۆمەڵایەتیەکان

کوردستان

بەڕێوەبەرایەتی ئاوی ڕاپەرین بۆ ماوەی 24 كاتژمێر ئاو دابەش ناكرێت

خەڵك – بەشی هەواڵ

بەڕێوەبەرایەتی ئاوی ڕاپەرین ڕایدەگەیەنێت ، بەهۆی پاكردنەوەی (سەرچاوەی ئاوی قولە) لە شارۆچكەی ڕانیە بۆ ماوەی 24 كاتژمێر ئاو نادرێتە بەشداربووانیان، داواش لەهاووڵاتیان دەكەن، بڕی ئاوی پێویست گەنجینە بكەن و دەست بە ئاوەوە بگرن.

بەڕێوەبەرایەتی ئاوی ڕاپەرین لە ڕاگەیەنراوێكدا بڵاویكردەوە ، سبەی یەكشەممە 22-11-2020، بەرێوەبەرایەتیمان هەڵدەستێت بە پاكردنەوەی (سەرچاوەی ئاوی قولە) لە شارۆچكەی ڕانیە.

ڕاشیگەیاندووە، داوا لە هاووڵاتیان دەكەن ئاوی پاك گەنجینە بكەن لەبەر ئەوەی هەناردەكردنی ئاو لە پرۆژەكە بۆ ماڵان بۆ ماوەی 24 كاتژمێر ڕادەوەستێت بە هۆی شڵوێ بوونی ( لێڵ بوونی) ئاوەكەوە.

کوردستان

كوێستان محەممەد: داوامان كردووە پێدانی قەرزی بچوك دەستپێبكەینەوە

خەڵك- ئارام سەردار

 

وەزیری كارو كاروباری كۆمەڵایەتی ڕایدەگەیەنێت، بێكاری و هەژاری و قەیرانی دارایی و ئابووری هۆكاری كۆچی گەنجانن و داوامان كردووە لەئەنجوومەنی وەزیران پێدانی قەرزی بچووك دەست پێبكەینەوە.

كوێستان موحەممەد وەزیری كارو كاروباری كۆمەڵایەتی لەكۆنفڕانسێكی ڕۆژنامەوانیدا ڕایگەیاند، ئێمە ڕاپۆرتی خۆمان ئامادەیە لەبارەی هۆكارەكانی كۆچی گەنجان و ئەو كارانەی كردوومانە لەماوەی دەستبەكاربوونمان لەچوارچێوەی ڕاپۆرتەكەمان دەیخەینەڕوو.

دەشڵێت”ناتوانم بڵێم ڕێژەی بێكاری چەندە تا ئەوكاتەی سەرژمێریەكی دروست نەكرێت، ئامارێك خراوەتەڕوو، بەڵام پشتی پێنابەسەتین تاوەكو سەرژمێری نەكرێت”.

سەبارەت بەهۆكاری كۆچ وەزیری كار باسی لەوەكرد، یەكێك لەهۆكارەكان بێكاری و هەژاری و قەیرانی دارایی و ئابوورییە. ئەوەشی لەدەستمە ڕاپۆرتی تایبەتە هۆكارەكانی كۆچی گەنجان و ئەو كارانەی كردومانە.

چەندین پڕۆژە هەیە بۆ دروستكردنی هەلی كار، ئەوەی پەیوەندی بەئێمەوە هەیە یاسای كار و یاسای خانەنشین و دەستەبەری كۆمەڵایەتی و پڕۆژەی قەرزی بچوكە كە داوامان كردووە لەئەنجوومەنی وەزیران پێدانی ئەو قەرزە دەست پێبكەینەوە.

بەردەوام بە لە خوێندنەوە

کوردستان

لە ئورمیە كۆڵبەرێك بووە قوربانی

خەڵك- بەشی هەواڵ

كۆڵبەرێكی خەڵكی ئورمیە لەكاتی كۆڵبەری لە سنوورەكانی ئەو شارە بە تەقەی ڕاستەوخۆی هێزەكانی سوپای پاسداران بە سەختی بریندار كرا.

بەپێی ڕاپۆرتی گەیشتوو بە ڕێكخراوی مافی مرۆڤی هەنگاو، ئێوارەی ڕۆژی یەكشەممە هێزەكانی سوپای پاسداران لە ناوچە سنوورییەكانی ئورمیە تەقەیان لە كۆڵبەران كردووە و لە ئاكامدا كۆڵبەرێك بە سەختی بریندار بووە.

لە ئەنجامی تەقەی ڕاستەوخۆی هێزەكانی سوپای پاسداران كۆڵبەرێكی تەمەن ٢٢ ساڵ بەناوی ئایهان خدری سەری بە سەختی پێكراوە و بە مەبەستی چارەسەریی پزیشكی ڕەوانەی یەكێك لە بنكە تەندروستییەكانی شاری ئورمیە كراوە.

باری تەندروستی ئەو كۆڵبەرە لاوە كە باوكی دوو منداڵیشە، ناجێگیر ڕاگەیەندراوە.

بەردەوام بە لە خوێندنەوە

کوردستان

شۆفێران لە خراپی ڕێگا و بان بەهۆی كەشوهەواوە ئاگادار دەكرێنەوە

خەڵك-بەشی هەواڵ

 

بەڕێوەبەرایەتی‌ هاتوچۆی‌ هەڵەبجە ڕایدەگەیەنێت، لە ڕێگای جوتسایدی هەڵەبجە – سەیدسادق تەمێكی چڕ هەیە و داواكارن شۆفێران بە ووریاییەوە شۆفێری‌ بكەن.

بەڕێوەبەرایەتی‌ هاتوچۆی‌ هەڵەبجە لە ڕاگەیەنراوێكدا ئاماژە بۆ ئەوە دەكات، ئاگاداری شۆفێران دەكەینەوە، كە لە ناوچەی شارەزوور و بەتایبەت لە ڕێگای جوتسایدی هەڵەبجە – سەیدسادق تەمێكی چڕ هەیە و ئاستی بینین كەمە، بۆیە پێویستە بە ووریاییەوە شۆفێری بكەن.

ئاشكراشیكرد، داواكارن لە شۆفێران ڕێنماییەكانی هاتوچۆ جێبەجێ بكەن و خێرایی ئۆتۆمبێلەكانیان دابەزێنن بۆ خوار خێرایی ڕێگەپێدراو.

بەردەوام بە لە خوێندنەوە

کوردستان