ئێمە لە تۆرە کۆمەڵایەتیەکان

جیهان

هۆڵەندا نزیکی ١٥٠ سەرباز بۆ هەرێمی کوردستان دەنێرێت

خەڵک – بەشی هەواڵ

وەزارەتى بەرگریی هۆڵەندا بەنیازە هێزی سەربازی ڕەوانەی هەرێمی کوردستان بکات.

 

وەزارەتی بەرگریی هۆڵەندا ڕایگەیاند، ١٠٠ بۆ ١٥٠ سەربازی هۆڵەندی ڕەوانەى هەرێمی کوردستان دەکەن، کە لەچوارچێوەی هاوپەیمانێتی نێودەوڵەتى دژ بەداعشدایە.

لەگەڵ دەستپێکردنی شەڕی داعشدا بەشێک لەوڵاتان لەچوارچێوەی هاوپەیمانی نێودەوڵەتی هاوکاری هەرێمی کوردستانیان کرد، بەمەبەستی ڕووبەڕووبوونەوەی چەکدارانی داعش، لەو چوارچێوەیەدا هۆڵەندا مەشقی سەربازی بەهێزەکانی پێشمەرگە ئەنجامدا، و پاش تەواوبوونی ئەرکەکەیان هەرێمی کوردستانیان بەجێهێشت.

 

ریکلام

جیهان

ئەمریكا هەوڵی ئاشتەوایی لەنێوان سعودیە و قەتەر دەدات

خەڵك- بەشی هەواڵ

ئەم هەفتەیە جارید كۆشنەر راوێژكاری كۆشكی سپی ئەمریكا سەردانی كەنداو دەكات بۆ هەردوو وڵاتی سعودیە و قەتەر.

بەپێی هەواڵی رۆیتەرز جارید كۆشنەر لەسەردانەكەیدا لە سعودیە لە شاری نیۆم لەگەڵ محەمەد بن سەلمان جێنشینی سعودیە كۆدەبێتەوە و هاوكات لەسەردانەكەشیدا بۆ قەتەر لەگەڵ تەمیم بن حەمەد ئەلسانی ئەمیری ئەو وڵاتەشدا كۆدەبێتەوە.

كۆشنەر لەسەردانەكەیدا فشار لەسەر سەركردەكانی هەردوو وڵاتی ناكۆكی كەنداو سعودیە و قەتەر دادەنێت بۆ گەیشتن بە ئاشتەوایی ‌و رێككەوتن.

سعودیە و ئیمارات و بەحرێن و میسر گەمارۆیان بەسەر قەتەردا سەپاندووە لە 2017 لە ڕوی وشكانی و ئاوی و ئاسمانییەوە.

سەرچاوە/ AL JAZEERA

بەردەوام بە لە خوێندنەوە

جیهان

لە نەیجەر لە هێرشێكدا 110 جوتیار كوژران

خەڵك- بەشی هەواڵ

لە هێرشێكدا بۆ سەر گوندی خۆشۆبی هەرێمی بۆرنۆ لە باكوری نەیجەر 110 جوتیار و كرێكار كوژران.

گروپێك چەكدار لە رێگای ماتۆڕەوە هێرشێكی دڕندانەیان كردووە بۆ سەر هاووڵاتیانی سڤیل، لەوێ 110 كەس كوژران و ژمارەیەكی زۆرتریش بریندار بوون لە هێرشەكەدا، بەپێی بەیاننامەی نوێنەری نەتەوە یەكگرتووەكان لە نەیجەر.

هیچ گرووپێكی چەكدار بەرپرسیارێتی خۆی لە هێرشەكە رانەگەیاندووە، بەڵام گرووپی چەكداری توندڕەوی بۆكۆحەرام چالاكی هەیە لە ناوچەكەدا.

بەهۆی چالاكی گروپەكەوە لە رابردوودا زیاتر لە 30 هەزار كەس كوژران و زیاتر لە 2 ملیۆن كەسیش ئاوارە و پەنابەری وڵاتانی دراوسێی نەیجەر، چاد و كامیرۆن بوون.

لای خۆیەوە محەمەد بوهاری سەرۆكی نەیجەر لە لێدوانێكدا شەرمەزاری هێرشە تیرۆرستییەكەی كرد كە بووە بەهۆی كوژرانی ئەو ژمارە زۆرەی جوتیار.
سەرچاوە/ AL JAZEERA

بەردەوام بە لە خوێندنەوە

جیهان

عەلی قەرەداغی: پرسی فەلەستین بە ڕەوشێكی ناخۆشدا تێپەڕدەبێت

خەڵك-بەشی هەواڵ

 

سكرتێری گشتی یەكێتی جیهانی زانایانی موسڵمان ڕایدەگەیەنێت، هەندێك كەسی نزیك لەڕێگەی ڕێككەوتنەوە پەیوەندییەكانیان لەگەڵ ئیسرائیلی داگیركار ئاساییكردوەتەوە.

عەلی قەرەداغی سكرتێری گشتی یەكێتی جیهانی زانایانی موسڵمان لە هەژماری تایبەتی خۆی بڵاویكردەوە، بەداخەوە هەندێك كەسی نزیك لە ڕێگەی ڕێككەوتنەوە پەیوەندییەكانیان لەگەڵ ئیسرائیلی داگیركار ئاساییكردوەتەوە و دەستبەرداری گەلی فەلەستین بوون.

ناوبراو وەك ئاماژەیەك بۆ ئاساییكردنەوەی پەیوەندییەكانی ژمارەیەك لە وڵاتانی عەرەبی لەگەڵ ئیسرائیل و هاوكات بەپێی زانیارییەكان شاندێكی باڵای ئەمریكا سەردانی سعودیە و قەتەر دەكات بۆ هەمان مەبەست.

قەرەداغی وتیشی”ڕاستییەكە ئەوەیە لەئێستادا پرسی فەلەستین بە ڕەوشێكی ناخۆشدا تێپەڕدەبێت و داوا لە فەلەستینییەكان دەكەم لەم هەلومەرجەدا، یەكگرتووبن”.

بەردەوام بە لە خوێندنەوە

کوردستان