ئێمە لە تۆرە کۆمەڵایەتیەکان

ژینگە

كەشوهەوای ئەمڕۆ و سبەینێی شارەكانی باشووری كوردستان

خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە.

بەپێی پێشبینییەكانی كەشناسی، ئەمڕۆ شەممە ئاسمان هەوری باراناوی دەبێت لە زۆربەی كاتەكاندا و هەندێكجار تاوەباران و هەورە تریشقەشی لەگەڵدایە.

هەر بەپێی پێشبینییەكان، سبەینێ یەك شەممە، ئاسمان ساماڵ دەبێت لەگەڵ هەندێك پەڵە هەور، ئەگەری دروستبوونی تەمێكی سوكیش هەیە بەتایبەت لە بەرەبەیانی سبەینێدا.

ژینگە

شەپۆلێكی بەفر و باران هەرێمی كوردستان دەگرێتەوە

خەڵك- بەشی هەواڵ
بەپێی پێشبینییە كەشناسییەكان شەپۆلێكی بەفر و باران هەرێمی كوردستان دەگرێتەوە و لە سەرەتای ئەم هەفتەیەوە دەستپێدەكات.

محەمەد كەمال، شارەزای كەشناسی بۆ (خەڵك) ئاماژەی بەوەكرد، بەپێی نەخشەکان و دواین گۆڕانکارییەکانی كەشوهەوا، شەپۆلی بارانبارین دەرکەوتووە بۆ دوای 16ی ئەم مانگە لەگەڵ ئەگەرەکانی بەفر بارین لەناوچەکەمان.

لای خۆشیەوە، ئاراس جەبار، شارەزای كەشناسی بۆ (خەڵك) ڕوونی كردەوە، سبەی شەممە ٥ی١٢ی٢٠٢٠ کەش و ھەوای ھەرێم بەشێوەیەکی گشتی سەقامگیر ئەبێت و لەکاتەکانی نیوەڕۆ بۆ شەو ئاسمانی ناوچەکان لە ئەنجامی کاریگەری لاوازی نزمە پاڵەپەستۆیەک لە (دەریای سوور)وە ئەگۆڕێت بۆ نیمچە ھەور و ھەوری تەواو و پلەکانی گەرما بەڕێژەی ١-٢ پلەی سیلیزی ڕوو لەنزمبوونەوە دەكەن.

ئاماژەی بەوەشكرد، خێرایی با لەناوچەکانی ڕۆژھەڵات و ناوچە بەرزەکان چالاک دەبێت بە ئاڕاستەی باکور و باکوری ڕۆژھەڵات بەخێرایی ١٠ تا ٢٠ کیلۆمەتر زیاتر لە کاتژمێرێکدا.

ڕاشیگەیاند، لەکاتەکانی شەو درەنگ بۆ بەرەبەیانی ڕۆژی یەک شەممە ٦-١٢-٢٠٢٠ ئەگەری بڕێک بارانبارین ھەیە بەڕێژەی ٢ بۆ ٤ ملیمەتر لەناوچەکانی سنوری پارێزگای سلێمانی و ھەڵەبجە و لەناوچە شاخاوییە سنوریەکانی ڕۆژھەڵات و باکوری ڕۆژھەڵات بەفر بارین ئەبێت بە ڕێژەی کەم و جیاجیا.

بەردەوام بە لە خوێندنەوە

ژینگە

ئایا سەوزە و میوە بە تایت و شامپۆ بشۆینەوە؟

خەڵك- بەشی هەواڵ
ئەندازیارێكی بواری خۆراك باس لە بەكارهێنانی ماددەی كیمیایی دەكات بۆ شۆردنەوەی سەوزە و دەشڵێت: “پێویستە بە پەرمەگەناتی پۆتاسیۆم یان سركە و ئاو و خوێ‌ پاكبكرێتەوە”.

لەشكر حەمید، ئەندازیاری خۆراك و سەرۆكی لیژنە هاوبەشەكانی سلێمانی بۆ (خەڵك) ئاماژەی بەوەكرد، بەكارهێنانی پاكەرەوە كیمیاییەكان (تایت و سابون و شامپۆ) بۆ شۆردنەوەی سەوزە و میوەكان هەڵەیەكی گەورەیە دژ بە یاساكانی سەلامەتی خۆراك.

دەشڵێت: “ئاشكرایە ئەو موادە كیمیاییانە ئەگەر بخورێت لە ڕێگەی قوتدانەوە یان هەڵبمژرێت یان بەرچاو بكەوێت زۆر مادەش بەر پێست بكەوێت زیانی بە تەندروستی دەگەیەنێت، بۆیە ئەگەر بەكاربهێنرێت بۆ شۆردنەوەی سەوزە و میوەكان بڕێك لە موادە كیمیایەكان لەڕێگەی هەڵمژین یان مانەوە بە میوە و سەوزەكانەوە دەمێنێتەوە یان لەڕێگەی كونیلەكانەوە دەچێتە ناو سەوزە و میوەكان ئەوەش ڕاستەوخۆ كاریگەری هەیە بۆ سەر تەندروستی مرۆڤ”.

جەختیشی كردەوە، ڕێكخراوی خۆراك و دەرمانی جیهانی ڕێگە نادات موادی كیمیایی بۆ شۆردنەوەی سەوزە و میوە بەكاربێت پێویستە بە پەرمەگەناتی پۆتاسیۆم پاك بكرێتەوە یان لەڕێگەی سركە و ئاو و خوێوە پاك بكرێتەوە.

بەردەوام بە لە خوێندنەوە

ژینگە

بەوێنە..ڕنینی ترێ لە كۆتایی وەرزی پاییزدا

خەڵك-بەشی هەواڵ

 

گوندی چەمەك یەكێكە لە گوندەكانی ناوچەی شارباژێر كە ڕەزێكی زۆر تێدایە و هەندێك لە خاوەن ڕەزەكان لێكردنەوەی ترێ-كە بۆ كاتێكی درەنگتر دوادەخەن.
ئەو خاوەن ڕەزانە پێیانوایە، لێكردەوەی ترێ لەمكاتانەدا هەم تام و چێژێكی تایبەتی هەیە، هەم دەتوانرێت لە ڕووی ئابووریشەوە داهاتێكی زیاتر بەدەستبهێنرێت، چونكە لەم كاتانەدا كەمترین ترێی دێم لە بازاڕەكاندا بوونیان هەیە.

شارباژێر، ناوچەیەكە لە باكووری پارێزگای سلێمانی، دەكەوێتە پشت كێوەكانی گۆیژە و ئەزمەڕ و قەیوانەوە، دەكەوێتە نێوان ناوچەی پێنجوێن و سلێمانی و پشدەر و دوكان و كوردستانی ڕۆژهەڵات.
لە شارۆچكەی چوارتا و شارۆچكەی ماوەت و ناحیەكانی سرۆچك و سیوەیل و زەلان و گاپیڵۆن و سیتەك پێكهاتووە.

 

بەردەوام بە لە خوێندنەوە

کوردستان