ئێمە لە تۆرە کۆمەڵایەتیەکان

ژینگە

بە وێنە؛ یەكەم بەفری ئەمساڵ لە سلێمانی باری

خەڵك- بەشی هەواڵ
دوای چەند شەپۆلێكی باران بارین و بارینی بەفر لە چەند ناوچەیەكی سنووری، بەفر لە چیای پیرەمەگروون لە سلێمانی باری.

ماوەی دوو ڕۆژە شەپۆلێكی باران و سەرما ناوچەكانی هەرێمی كوردستانی گرتۆتەوە و بەرەبەیانی ئەمڕۆ لە چیای پیرەمەگروون لە سلێمانی بەفر باری.

ئەمە لەكاتێكدایە، كە لە دوو ڕۆژی ڕابردوودا لە ناوچەكانی باڵەكایەتی و حاجی ئۆمەران بەفر باریوە.

 

ژینگە

لە چەند ناوچەیەی هەرێم پلەكانی گەرما بۆ خوار سفر دابەزیون

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە.

بەپێی پێشبینییەكانی كەشناسی، ئەمڕۆ دوو شەممە ئاسمان ساماڵ و پەڵە هەور دەبێت.

هەر بەپێی پێشبینییەكان، سبەینێ سێ شەممە ئاسمان ساماڵ دەبێت و پاشان دەگۆڕێت بۆ پەڵە هەور و نیمچە هەور.

كەشناسی ئاشكراشیدەكات، نزمترین پلەكانی گەرمای ئەمڕۆ 2020.11.30 لە ژێر سفری سیلیزییەوە تا سنووری 7 پلەی سیلیزی لە چەند ناوچەیەكی هەرێمی كوردستاندا.

بەردەوام بە لە خوێندنەوە

ژینگە

كەشناسی هەرێم ڕێژەی باران بارینی 12 كاتژمێری ڕابردووی بڵاوكردەوە

خەڵك – بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێم بڕی باران بارینی لە ماوەی 12 كاتژمێری ڕابردوو بڵاوكردەوە.

بەڕێوەبەرایەتی گشتی كەشناسی و بومەلەرزەزانی هەرێم لە ڕاگەیەنراوێكدا بڕی باران بارینی لە ماوەی 12 كاتژمێری ڕابردوو بڵاوكردەوە كە بەم شێوەیەی خواروەیە:

هەولێر دڵۆپ دڵۆپ
سلێمانی 5.3 ملم
پیرمام 0.4 ملم
چەمچەماڵ 7.7 ملم
بازیان 5.6 ملم
دەربەندیخان 9.2 ملم
دوكان 4.8 ملم
هەڵەبجە 1.8 ملم
هەڵشۆ 3.4 ملم
كەلار 3.2 ملم
مەیدان 10.8 ملم
قەڵادزە 5 ملم
چۆمان 0.8 ملم
خانەقین 1 ملم

بەردەوام بە لە خوێندنەوە

ژینگە

ڕەشەبا كۆتایی دێت و هۆشداری تەم دەدرێتە شۆفێران

خەڵك- بەشی هەواڵ
بەپێی پێشبینییە كەشناسییەكان، لە سبەینێوە دۆخی كەشوهەوا سەقامگیر دەبێت و هۆشداریش بە شۆفێران دەدرێت، كە بەهۆی دروست بوونی تەمەوە مەودای بینین كەم دەبێتەوە.

ئاراس جەبار، شارەزای كەشناسی بۆ (خەڵك) ڕایگەیاند، سبەینێ‌ دوو شەممە ٣٠ی١١ی٢٠٢٠ ڕەوشی کەشوھەوای ھەرێم سەقامگیر ئەبێتەوە و ئاسمانی ناوچەکان بە زۆری ساماڵ و پەڵە ھەور ئەبێت و پلەکانی گەرما بەڕێژەی ٢-٣ پلەی سیلیزی لەکاتەکانی ڕۆژدا بەرزبوونەوە بەخۆیەوە ئەبینێت.

ڕاشیگەیاند، خێرایی با ئاسایی ئەبێت بە ئاڕاستەی باکور و باکوری ڕۆژھەڵاتەوە ٥ تا ١٠ کیلۆمەتر لە کاتژمێرێکدا.

هاوكات، محەمەد كەمال، شارەزای كەشناسی بۆ (خەڵك) ئاماژەی بەوەكرد، ئێستا بەرەو کۆتایی شەپۆلە بارانەکە دەچین و ئەمشەو بەتەواوی کۆتایی دێت و ئاسمان هەور و پەڵە هەور دەبێت، بەڵام لەناوچە شاخاویەكان ئەگەری نمە باران هەیە.

ئاماژەی بەوەشكرد، خێرایی با ئاسایی دەبێت و پلەكانی گەرما بەرزدەبنەوە، بەڵام ئەگەری تەم هەیە، بۆیە شۆفێران پێویستە بەوریاییەوە هاتووچۆ بكەن.

بەردەوام بە لە خوێندنەوە

کوردستان