ئێمە لە تۆرە کۆمەڵایەتیەکان

جیهان

ڕووسیا، دان بەمەترسی دزەکردنی چەکدارانی بەکرێگیراو بۆنێو وڵاتەکەیدا دەنێت

 

خەڵک – بەشی هەواڵ

جێگری وەزیری دەرەوەی ڕووسیا ڕایگەیاند، ئەگەر زۆرە ئەو بەکرێگیراوانەی تورکیا ڕەوانەی ئازەربایجانی کردوون بۆ شەڕی قەرەباخ، دزە بکەنە ناو خاکی ڕوسیا.

ئۆلێگ سێرامۆلۆتۆف، جێگری وەزیری دەرەوەی ڕووسیا بە تپڕی هەواڵی (سپۆتنیک)ی وتووە؛ نکۆڵی لەمەترسیی ئەو بەکرێگیراوانەی تورکیا ناکرێت کە لە شەڕەکانی ناگۆرنۆ-کاراباخ دا بەشدارن دزە بکەنە ناو خاکی ڕووسیا، چونکە تورکیا بەشێک لە چەکدارانی بەکرێگیراوی لە سووریا و لیبیاوە هێناوە بۆ پشتگیری لە ئازەربایجان بەرامبەر ناکۆکییەکانی لەگەڵ ئەرمەنستان.

ئۆلێگ سێرامۆلۆتۆف، وتوویەتی؛ لەمبارەیەوە، دەزگاکانی جێبەجێکردنی یاسای ڕووسیا، لە نزیکەوە چاودێری بارودۆخەکە دەکەن ” .

پێشتر سەرۆکی دەزگای هەواڵگریی دەرەوەی ڕووسیا، سێرگی نەریشکین، ڕایگەیاندبوو؛ کە ئەو زانیاریانەی لەلایەن دەزگای هەواڵگرییەوە بەدەستگەیشتووە ئاماژە بۆ ئەوە کراوە کە بەکرێگیراوانی ڕێکخراوە تیرۆریستییە نێودەوڵەتییەکانی بەشدار لەئۆپەراسیۆنە سەربازییەکان لەخۆرهەڵاتی ناوەڕاستدا، ژمارەیان بۆ هەزاران کەس بەرزبۆتەوە و هۆکاری سەرهەڵدانی مەترسین لە ناوچەکەداو ڕووسیاش بە وردی چاودێری هەنگاوەکانیان دەکات.

هەرێمی ناگۆرنۆ-کاراباخ کە ئەرمەنییەکانی تێدا نیشتەجێیە، بەڵام لەلایەن کۆمەڵگەی نێودەوڵەتییەوە وەک بەشێک لە ئازەربایجان ناسرابوو، لەچەند ساڵی ڕابردوو بە چەند قۆناغێکی دژواری جەنگ و کوشتاردا تێپەڕبووە

دوایین شەڕ لە نێوان هێزەکانی ئازەربایجان و ئەرمەنستان، لە 27 ی ئەیلوولی ئەمسداڵ دەستی پێکرد، کە بەهۆیەوە سەدان کەس بوونە قوربانی .

جیهان

لە ئەفغانستان دەیان كەس كوژران و بریندار بوون

خەڵك- بەشی هەواڵ

لە ئەفغانستان دەیان كەس كوژران و بریندار بوون لە چەند هێرشێكدا.

بەپێی هەواڵی كەناڵی جەزیرەی ئینگلیزی، بە لایەنی كەمەوە 34 كەس كوژران لە دوو تەقینەوەدا كە هێزە سەربازییەكانی كردبووە ئامانج لەگەڵ سەرۆكی هەرێمێك.

لە رۆژهەڵاتی هەرێمی غەزنی 31 سەرباز كوژران لەگەڵ برینداربوونی 24ی دیكە لە رۆژی یەك شەممە لە هێرشێكدا.

هاوكات لە هێرشێكدا لە رۆژهەڵاتی ئەفغانستان كە سەرۆكی هەرێمەكەی كردبووە ئامانج، بەلایەنی كەمەوە 3 كەس كوژراون و 12ی دیكەش بریندار بوون كە منداڵیان لەنێودان، بەڵام سەرۆكی هەرێمەكە رزگاری بوو.

لە كۆتایی هەفتەی رابردوودا زیاتر لە 50 كەس كوژران لە كابوڵی پایتەخت، لە هێرشێكی موشەكی و دەستدرێژییەك بۆ سەر سەنتەرێكی پەروەردەییدا.
سەرچاوە/aljazeera

بەردەوام بە لە خوێندنەوە

جیهان

ئەسیوپیا پایتەختی هەرێمی تیگرای كۆنترۆڵ كرد

خەڵك- بەشی هەواڵ

سەرۆك وەزیرانی ئەسیوپیا ئەبی ئەحمەد رایگەیاند، هێزەكانی حكومەتەكەی توانیویانە بە تەواوی پایتەختی هەرێمی تیگرای لە باكوری ناوچەكە كۆنترۆڵ بكەن.

هێزەكانی حكومەت چوونە نێو شاری مێكیلاوە وەك هەنگاوێك بۆ چونە پێشەوە لە دژی رێكخراوی رزگاریخوازی گەلی تیگرای لە روبەڕوبونەوەكاندا.

سەركردەی گرووپی رزگاریخوازی گەلی تیگرای بۆ رۆیتەز وتی: پێویستە بەردەوام بن لە بەرگری لە مافەكانمان و پشتیوانیكردن لە شەڕكردن.

سەدان كەس كوژران و هەزارانی دیكەش بریندار و ئاوارە بوون بە هۆی شەڕەوە.

بەر لەمانگێك سەرۆك وەزیران ئەبی ئەحمەد رایگەیاند كە ئۆپەراسیۆنێك دەستپێدەكەن لە دژی تیگرای، ئەوانی تۆمەتبار كرد بە هێرشكردنەسەر سوپای ئەسیۆپی لە باكوری وڵات لە مێكیلا.

هاوكات دوای راگەیاندنی كۆنترۆڵكردنی پایتەختی هەرێمی تیگرای، شەش تەقینەوە ئەسمەرای پایتەختی ئەریتریای دراسێی ئەسیوپیای هەژاند.

پێشتر نەیارانی حكومەت لە هەرێمی تیگرای ژمارەیەك موشەكیان ئاڕاستەی شاری ئەسمەرا كردبوو.
سەرچاوە/ BBC World

بەردەوام بە لە خوێندنەوە

جیهان

قائانی: ئیسرائیل باجی قورس دەدات

خەڵك – بەشی هەواڵ

فەرماندەی فەیلەقی قودسی سوپای پاسدارانی ئێران ڕایدەگەیەنێت: دەبێت ئیسرائیل باجی قورس بدات.

ئیسماعیل قائانی فەرماندەی فەیلەقی قودسی سوپای پاسدارانی ئێران هەڵوێستی خۆی لەبارەی كوشتنی موحسین فەخریزادە زانای ئەتۆمی وڵاتەكەی ئاشكراكرد و ڕایگەیاند: ئەو دوژمنانەی زانا ئەتۆمییەكەیان كوشت ناتوانن شەڕی ڕووبەڕووی ئێران بكەن.

قائانی هەڕەشەی توندیشی لە ئیسرائیل كرد وئاماژەی بەوەدا، دەبێت ئیسرائیل باجی قورسی ئەو كارەی بدات.

فەرماندەی فەیلەقی قودسی سوپای پاسدارانی ئێران وتیشی، مەرگی ئیسرائیل نزیكە و ئەمەی كردوویانە دوایین هەناسەی دوژمنكارانەیانە.

بەردەوام بە لە خوێندنەوە

کوردستان