ئێمە لە تۆرە کۆمەڵایەتیەکان

کوردستان

سۆسیالیست بڕیاری لەبارەى کۆنگرەی حەوتەمەوەدا

خەڵک – بەشی هەواڵ
حزبی سۆسیالیست دیموکراتی کوردستان پرسی کۆنگرەى حەوتەمی حزبەکەیان تاووتوێکرد و بڕیاریاندا، بە لە بەرچاوگرتنی بارودۆخەکە کارەکانی کۆنگرەی حەوتەم کۆتایی پێبێت و لە ئایندەدا کۆنگرەی حەوتەم ئەنجام بدرێت.
فەرهاد تۆفیق، ئەندامی ئەنجومەنی سەرکردایەتی حزبی سۆسیالیست دیموکراتی کوردستان ڕایگەیاند، پێش نیوەڕۆی ئەمڕۆ لیژنەی باڵای ئامادەکاری کۆنگرەی حەوتەمی حزبی سۆسیالیست دیمۆکراتی کوردستان لە گوندی گوڵەخانەی دەڤەری شارەزوو لەگەڵ محەمەدی حاجی مەحمود سکرتێری حزبی سۆسیالست دیمۆکراتی کوردستان کۆبووەوە.
ئاماژەى بەئەوەشدا، لەکۆبوونەوەکەدا باس لە پرسی ئامادەسازییەکانی کۆنگرەی حەوتەم کرا، جەختکرایەوە بە لە بەرچاوگرتنی بارودۆخەکە کارەکانی کۆنگرەی حەوتەم کۆتایی پێبێت و لە ئایندەدا کۆنگرەی حەوتەم ئەنجام بدرێت.
ریکلام

کوردستان

لە دەروازەی ڕاپەڕین خۆپیشاندان دەستی پێكرد

خەڵك- بەشی هەواڵ
لە شاری ڕانیە دژی نەبووی خزمەتگوزاری و بێ‌ مووچەیی هاووڵاتیان ڕژانە سەر شەقام و ڕێگای سەرەكی شارەكەیان بەرەو سلێمانی داخست.

بەپێی زانیارییەكانی (خەڵك) دوانیوەڕۆی ئەمڕۆ یەك شەممە، لە گرجانی سەر بە شاری ڕانیە هاووڵاتیان دژی نەبووی خزمەتگوزاری و مووچە خۆپیشاندانیان دەستپێكرد و تا ئێستا بەردەوامە.

هەر بەپێی زانیارییەكان، خۆپیشاندەران شەقامی سەرەكی نێوان ڕانیە- دوكان بەرەو سلێمانی-یان داخستووە.

بەردەوام بە لە خوێندنەوە

کوردستان

یەكێتی و گۆڕان سێ‌ بڕیاریان دەركرد

خەڵك- بەشی هەواڵ
كۆبوونەوەی لوتكەی یەكێتیی نیشتمانیی كوردستان و بزووتنەوەی گۆڕان لە گردی دەباشان لە سلێمانی كۆتایی هات و هەردوو حزبەكە سێ‌ بڕیاریان دەركرد.

بەپێی ڕاگەیەنراوی هاوبەشی یەكێتی و گۆڕان، كە دەست (خەڵك) كەوتووە، ئاماژە بەوەكراوە، “بەپەلە وەفدێكی خاوەن بڕیاری حكومەتی ھەرێم پێكبهێنرێت و بچێتە بەغدا بۆ گفتوگۆكردن لەسەر چارەسەركردنی ریشەیی و كۆتایی كێشەی بودجە و مووچەی ھەرێمی كوردستان”.

دەقی ڕاگەیەنراوەكە:
ئەمڕۆ یەكشەمە ٢٩/١١/٢٠٢٠ كۆبوونەوەی لوتكەی یەكێتیی نیشتمانیی كوردستان و بزووتنەوەی گۆڕان لەدەباشان بەڕێوەچوو .

تەوەری سەرەكی كۆبوونەوەكە گفتوگۆكردن بوو ، لەسەر دواین گۆڕانكاری و پێشھاتە سیاسی و ئابوورییەكانی ھەرێم و عێراق ، بەتایبەت خراپی بژێوی ژیانی ھاوڵاتیان و مووچەخۆرانی ھەرێم ، كەبەرئەنجامی قەیرانی دارایی و بڵاوبوونەوەی ڤایرۆسی كۆرۆنا دروست بووە ، دواتریش بەدیاركراوی دوای دەركردنی یاسای ئەنجومەنی نوێنەرانی عێراق ، پەیوەندیدار بە كورتھێنانی بودجە و وەرگرتنی قەرز قەیرانەكە قوڵتربووەتەوە .

سەڕەڕای جەختكردنەوە، لەتوندوتۆڵكردنی پەیوەندی نێوان ھەردوولا ، بەپێویست زانرا ھەنگاوی كرداری خێرا بۆ چارەسەركردنی كێشەكان بنرێت ، ھەروەك ھاوڕابووین لەسەر ئەم ھەنگاو و بڕیارانەی خوارەوە.

1- بەپەلە وەفدێكی خاوەن بڕیاری حكومەتی ھەرێم پێكبھێنرێت و بچێتە بەغدا بۆ گفتوگۆكردن لەسەر چارەسەركردنی ریشەیی و كۆتایی كێشەی بودجەو موچەی ھەرێمی كوردستان ، لەھەمانكاتدا ئەم ھەنگاوە ببێتە بناغەیەكی پتەو بۆ یاسای بودجەی ٢٠٢١ فیدڕاڵی

2- پێشوازی لەھەنگاوەكانی بەرەوپێشچوونی سیستمی لامەركەزی كارگێڕی و دارایی دەكەین ، ھەروەك لەكارنامەی كابینەی نۆیەمی حكومەتی ھەرێمدا ھاتووە.

3- زەمینەخۆشكردن بۆ كۆبوونەوەی لایەنە سیاسیەكانی كوردستان و پەرەپێدانی پەیوەندییەكان بە مەبەستی چارەسەركردنی ئەو كێشانەی رووبەڕووی واقیعی ھەرێم و عێراق دەبێتەوە .

یەكێتیی نیشتمانی كوردستان بزووتنەوەی گۆڕان

بەردەوام بە لە خوێندنەوە

کوردستان

كەمترین ڕێژەی مردن بە كۆرۆنا لە هەرێم تۆماركرا

خەڵك- بەشی هەواڵ
وەزارەتی تەندروستی هەرێم ئاشكرای دەكات، كە لە 24 كاتژمێری ڕابردوودا 304 حاڵەتی تووشبوون بە كۆرۆنا تۆماركراوە و 539 كەسیش چاكبوونەتەوە و 14 كەسیش گیانیان لەدەستداوە.

وەزارەتی تەندروستی حكومەتی هەرێم لە ڕاگەیەنراوێكدا ئاماژەی بەوەكردووە، 4380 پشكنین ئەنجام دراوە و دەركەوتووە لە هەولیر 98 كەس و سلێمانی 72 كەس و لە گەرمیان 18 كەس و دهۆك 105 و هەڵەبجە 9 و ڕاپەڕین 2 كەس تووشی كۆرۆنا بوون.

ئاشكراشی كردووە، كە 539 كەس چاكبوونەوە و 14 كەسیش گیانیان لەدەستداوە.

بەردەوام بە لە خوێندنەوە

کوردستان