ئێمە لە تۆرە کۆمەڵایەتیەکان

جیهان

ئەنتۆنی فاوچی: ڕەنگە تا ساڵی 2022 هەندێك لایەنی ژیان ئاسایی ببێتەوە

خەڵك – بەشی هەواڵ

بەڕێوەبەری پەیمانگای نیشتمانی ئەمریكا بۆ نەخۆشییە هەستیاری و گوازراوەكان ڕایدەگەیەنێت، ئەستەمە ڤاكسینی كۆرۆنا، پێش مانگی كانوونی دووەمی ساڵی 2021 بەرهەمبهێنرێت.

ئەنتۆنی فاوچی بەڕێوەبەری پەیمانگای نیشتمانی ئەمریكا بۆ نەخۆشییە هەستیاری و گوازراوەكان لە چاوپێكەوتنێكی ڕۆژنامەوانییدا ڕایگەیاند: ئەمریكا لە دۆخێكی خراپدایە پاش ئەوەی نەتوانرا حاڵەتەكانی تووشبوون بە ڤایرۆسی كۆرۆنا لەم قۆناغەدا كەم بكرێتەوە ، بەدووریشی زانیوە ڤاكسینی كۆرۆنا، پێش مانگی كانوونی دووەمی ساڵی ٢٠٢١ بەرهەم بهێنرێت.

بەبڕوای فاوچی، دەبوایە لایەنە پەیوەندیدارەكان ڕێوشوێنی نوێ بۆ كەمبوونەوەی ژمارەی تووشبووان بگرنەبەر، بەڵام دواجار شكستیان هێنا.

ئەنتۆنی فاوچی دووپاتیشكردووەتەوە، ئەگەر لە چارەكی دووەم یان سێیەمی ساڵی ٢٠٢١دەست بە دابەشكردنی ڤاكسینی كۆرۆنا بكرێت، ئەگەری زۆرە لەسەرەتای ساڵی ٢٠٢٢ هەندێك لە لایەنەكانی ژیان، ئاسایی بێتەوە.

جیهان

لە ئەفغانستان دەیان كەس كوژران و بریندار بوون

خەڵك- بەشی هەواڵ

لە ئەفغانستان دەیان كەس كوژران و بریندار بوون لە چەند هێرشێكدا.

بەپێی هەواڵی كەناڵی جەزیرەی ئینگلیزی، بە لایەنی كەمەوە 34 كەس كوژران لە دوو تەقینەوەدا كە هێزە سەربازییەكانی كردبووە ئامانج لەگەڵ سەرۆكی هەرێمێك.

لە رۆژهەڵاتی هەرێمی غەزنی 31 سەرباز كوژران لەگەڵ برینداربوونی 24ی دیكە لە رۆژی یەك شەممە لە هێرشێكدا.

هاوكات لە هێرشێكدا لە رۆژهەڵاتی ئەفغانستان كە سەرۆكی هەرێمەكەی كردبووە ئامانج، بەلایەنی كەمەوە 3 كەس كوژراون و 12ی دیكەش بریندار بوون كە منداڵیان لەنێودان، بەڵام سەرۆكی هەرێمەكە رزگاری بوو.

لە كۆتایی هەفتەی رابردوودا زیاتر لە 50 كەس كوژران لە كابوڵی پایتەخت، لە هێرشێكی موشەكی و دەستدرێژییەك بۆ سەر سەنتەرێكی پەروەردەییدا.
سەرچاوە/aljazeera

بەردەوام بە لە خوێندنەوە

جیهان

ئەسیوپیا پایتەختی هەرێمی تیگرای كۆنترۆڵ كرد

خەڵك- بەشی هەواڵ

سەرۆك وەزیرانی ئەسیوپیا ئەبی ئەحمەد رایگەیاند، هێزەكانی حكومەتەكەی توانیویانە بە تەواوی پایتەختی هەرێمی تیگرای لە باكوری ناوچەكە كۆنترۆڵ بكەن.

هێزەكانی حكومەت چوونە نێو شاری مێكیلاوە وەك هەنگاوێك بۆ چونە پێشەوە لە دژی رێكخراوی رزگاریخوازی گەلی تیگرای لە روبەڕوبونەوەكاندا.

سەركردەی گرووپی رزگاریخوازی گەلی تیگرای بۆ رۆیتەز وتی: پێویستە بەردەوام بن لە بەرگری لە مافەكانمان و پشتیوانیكردن لە شەڕكردن.

سەدان كەس كوژران و هەزارانی دیكەش بریندار و ئاوارە بوون بە هۆی شەڕەوە.

بەر لەمانگێك سەرۆك وەزیران ئەبی ئەحمەد رایگەیاند كە ئۆپەراسیۆنێك دەستپێدەكەن لە دژی تیگرای، ئەوانی تۆمەتبار كرد بە هێرشكردنەسەر سوپای ئەسیۆپی لە باكوری وڵات لە مێكیلا.

هاوكات دوای راگەیاندنی كۆنترۆڵكردنی پایتەختی هەرێمی تیگرای، شەش تەقینەوە ئەسمەرای پایتەختی ئەریتریای دراسێی ئەسیوپیای هەژاند.

پێشتر نەیارانی حكومەت لە هەرێمی تیگرای ژمارەیەك موشەكیان ئاڕاستەی شاری ئەسمەرا كردبوو.
سەرچاوە/ BBC World

بەردەوام بە لە خوێندنەوە

جیهان

قائانی: ئیسرائیل باجی قورس دەدات

خەڵك – بەشی هەواڵ

فەرماندەی فەیلەقی قودسی سوپای پاسدارانی ئێران ڕایدەگەیەنێت: دەبێت ئیسرائیل باجی قورس بدات.

ئیسماعیل قائانی فەرماندەی فەیلەقی قودسی سوپای پاسدارانی ئێران هەڵوێستی خۆی لەبارەی كوشتنی موحسین فەخریزادە زانای ئەتۆمی وڵاتەكەی ئاشكراكرد و ڕایگەیاند: ئەو دوژمنانەی زانا ئەتۆمییەكەیان كوشت ناتوانن شەڕی ڕووبەڕووی ئێران بكەن.

قائانی هەڕەشەی توندیشی لە ئیسرائیل كرد وئاماژەی بەوەدا، دەبێت ئیسرائیل باجی قورسی ئەو كارەی بدات.

فەرماندەی فەیلەقی قودسی سوپای پاسدارانی ئێران وتیشی، مەرگی ئیسرائیل نزیكە و ئەمەی كردوویانە دوایین هەناسەی دوژمنكارانەیانە.

بەردەوام بە لە خوێندنەوە

کوردستان