ئێمە لە تۆرە کۆمەڵایەتیەکان

جیهان

هاوشێوەكەی هاوسەری تڕەمپ
بەوێنە..تڕەمپ لەگەڵ دوو ژن سەردانەكانی ئەنجام دەدات

خەڵك-بەشی هەواڵ

 

بەكارهێنەرانی تۆڕە كۆمەڵایەتییەكان لە ئەمریكا چەندین وێنەی تڕەمپ و میلانیای هاوسەری و هاوشێوەكەیان بڵاوكردووەتەوە.
تۆڕی سپوتنیك بڵاویكردەوە، دەنگۆی دەركەوتنی هاوشێوەی میلانیا تڕەمپ هاوسەری دۆناڵد تڕەمپ سەرۆكی ئەمریكا كە پێشتر لەلایەن بەشێك لە ئەمریكاییەكان بڵاوكرابووەوە بەدرۆ دەخرێتەوە، بەڵام ئەمجارە بەكارهێنەران بە بڵاوكردنەوەی وێنەی نوێی دۆناڵد تڕەمپ و هاوسەرەكەی كە لە یەكێك لە گەشتەكانی دەركەوتووە و پێیانوایە ئەو ژنەی لەگەڵ تڕەمپ دەركەوتووە هاوسەری ڕاستەقینەی تڕەمپ نییە و هاوشێوەی میلانیا تڕەمپە.

 

 

View this post on Instagram

 

Who are these women? Because they’re not #flotus. #fakemelania #lies #whereismelania

A post shared by Craig (@nylephile44) on

پێشتر ئەم بابەتە لەلایەن دۆناڵد تڕەمپ بە هەواڵێكی ناڕاست لە قەڵەم درا، بەڵام بەكارهێنەرانی تۆڕە كۆمەڵایەتییەكان بە بەرواردكردنی وێنەی میلانیا و ژنێكی دیكە پێیانوایە ئەم دووانە هاوشێوەی یەكترین و دەڵێن، ئەوان وادەزانن ئێمە چاومان نییە؟
پێشیانوایە، ئەگەر بەراوردی وێنەكان بكەیت دەردەكەوێت، كە ددانەكانیان و هێڵی لێو و سوراوەكانیان و پێكەنینەكانیان بە تەواوەتی ئەو جیاوازییەیان دەردەكەوێت.

 

جیهان

سێ سەرۆكی ئەمریكا ڤاكسینی كۆرۆنا لەسەر خۆیان تاقی دەكەنەوە

خەڵك – بەشی هەواڵ

سێ سەرۆكی پێشووتری ئەمریكا پێش هاووڵاتیانی وڵاتەكەیان ڤاكسینی كۆرۆنا لەسەر خۆیان تاقی دەكەنەوە.

هەریەك لە بێل كلینتۆن و جۆرج دەبلیو بۆش و باراك ئۆباما سەرۆكانی پێشووتری ویلایەتە یەكگرتووەكانی ئەمریكا، ئامادەییان نیشانداوە بۆ بەدەستهێنانی متمانەی گەلی وڵاتەكەیان بەكاریگەری پێشكەوتنە تەندروستییەكان، لەبەردەم میدیاكان ڤاكسینی كۆرۆنا لەسەر جەستەیان تاقیبكەنەوە، ئەمەش لەپێناوی ئەوەی بۆ گەلی ئەمریكای بسەلمێنن بەكارهێنانی ڤاكسینەكە بێزیانە و هیچ كاریگەرییەكی نەرێنی لەسەر جەستە جێناهێڵێت.

نووسینگەی ڕۆژنامەوانی هەر سێ سەرۆك ڕایانگەیاندووە: ئامادەن لەبەردەم چاوی كامێراكاندا ئەو پڕۆسەیە ئەنجامبدەن، ئەمەش لەپێناوی ئەوەی متمانەی گەلی ئەمریكا بەڤاكسینەكە بەدەستبهێنن.

بەردەوام بە لە خوێندنەوە

جیهان

ئەمریكا سزای نوێ بەسەر ئێراندا دەسەپێنێت

خەڵك – بەشی هەواڵ

ویلایەتە یەكگرتووەكانی ئەمەریكا سزای نوێی بەسەر دامودەزگاكانی ئێران سەپاند و ئەم جارە گرووپێكی كردووەتە ئامانج كە لە توێژینەوەكانی دروستكردنی چەكی كیمیایی كاردەكات.

وەزارەتی گەنجینەی ئەمریكا ئەمڕۆ پێنجشەممە لە ڕاگەیەنراوێكدا ڕایگەیاند: گرووپی”شەهید میسامی” و سەرۆكی گرووپەكە مێهران بابری سزا بەسەریاندا دەسەپێنرێت بەهۆی بەشدارییان لە توێژینەوەكانی تایبەت بە دروستكردنی چەكی كیمیایی.

وەزارەتەكە لە ڕاگەیاندنەكەیدا ئاماژەی بەوەشداوە، گرووپی ناسراو بە شەهید میسامی سەر بە دەزگای توێژینەوە و داهێنانی بەرگری ئێرانە كە بە فارسی پێی دەوترێت “سازمان پژوهشهای نوین دفاعی” یان كورتكراوەكەی “سازمان سپند”. ئەم گرووپە بە ملیۆنان دۆلاری بۆ تەرخانكردەكرێت تا بۆ توێژینەوە و بەرهەمهێنانی كەرەستە كیمیاییەكان خەرجی بكات.

لایخۆیەوە، ستیڤن منوچن وەزیری گەنجینەی ئەمریكا ڕایگەیاند، دروستكردنی چەكی كۆمەڵكوژ لەلایەن ئێرانەوە هەڕەشەیەكە بۆ سەر دراوسێكانی و تەواوی جیهان، بۆیە ئەمریكا بەردەوام دەبێت لە ڕووبەڕووبوونەوەی هەر هەوڵێكی ئێران بۆ دروستكردنی چەكی كیمیایی كە لەوانەیە ئێران یان ئەو گرووپانەی بە وەكالەت كاری بۆ دەكەن بەكاری بهێنن.

بەردەوام بە لە خوێندنەوە

جیهان

تەندروستی جیهانی: ڤاكسینەكان هیوایەكی گەورەن

خەڵك- بەشی هەواڵ
بەڕێوەبەری هەرێمایەتی ڕێكخراوی تەندروستی جیهانی، گەشبینی بەرانبەر بە سەركەوتنی ڤاكسینەكانی كۆرۆنا دەردەبڕێت و دەڵێت، هیواكان بە ڤاكسینەكان گەورەن و “ئەگەر هەیە بنەمای گەمەكە بگۆڕن”.

ئەمڕۆ پێنج شەممە، هانز كلوج بەڕێوەبەری هەرێمایەتی ڕێكخراوی تەندروستی جیهانی لە لێدوانێكی ڕۆژنامەوانیدا ڕایگەیاند”پێشبینی دەكرێت لە قۆناغەكانی سەرەتاوە گەیاندنی ڤاكسینەكان زۆر سنورداربن، پێویستە وڵاتان بڕیاربدەن كە كێ‌ لە سەرەتاوە پێویستە ئەو ڤاكسینە وەربگرێت”، ئەمەش لەكاتێكدایە كە پێشتر ڕێكخراوەكە ڕایگەیاندبوو، كۆدەنگی هەیە لەسەر ئەوەی بەساڵاچووەكان و تیمە پزیشكییەكان و ئەوانەی نەخۆشی درێژخایەنییان هەیە، لە سەرەتاوە ڤاكسینی دژە كۆرۆنایان بدرێتێ‌.

ئەمڕۆ چوار شەممە، بەریتانیا مۆڵەتیدا بە ڤاكسینی فایزەر- پیونتیك لە دژی كۆرۆنا، ئەمەش بە هەنگاوێكی بێ‌ پێشینە دادەنرێت لەنێو وڵاتانی جیهان، لەپێناو دەستكردن بە جێبەجێكردنی بەرنامەی وەرگرتنی بەكۆمەڵی ڤاكسینەكە كە بە گرنگترین لە مێژوودا دادەنرێت.

بەردەوام بە لە خوێندنەوە

کوردستان