ئێمە لە تۆرە کۆمەڵایەتیەکان

ژینگە

کەشناسی هەرێم ڕوونکردنەوە لەدواکەوتنی بارانبارین دەدات

خەڵک – بەشی هەواڵ
بەڕێوەبەرایەتی کەشناسی و بوومەلەرزەزانی هەرێم لەڕاپۆرتێکیدا ڕایگەیاند، بە شێوەیەکى گشتى سەرەتاو دەستپێکى باران لە هەرێمى کوردستان دەکەوێتە دواى ڕێکەوتى ( 15-10 ) هەموو ساڵێک و سەرەتاى مانگى یازدە.
لەو ڕاپۆرتەیدا بەڕێوەبەرایەتی کەشناسی و بوومەلەرزەزانی هەرێم ئاماژەى بەئەوەشدا،  هەندێ ساڵى دەگمەن هەبووە سەرتای بارانبارین کەوتۆتە سەرەتاکانى مانگى 10ەوە باران پێش کەوتووە، بەڵام بەشێوەیەکی گشتی سەرەتاو دەستپێکى باران لە هەرێمى کوردستان دەکەوێتە دواى ڕێکەوتى ( 15-10 ) هەموو ساڵێک و سەرەتاى مانگى یازدە.
لەڕاپۆرتەکەدا بەم جۆرەی خوارەوە ڕێژە و کاتی بارانبارینی ساڵی ڕابردوو خراوەتەڕوو:
پارێزگاى هەولێر/ ساڵى رابردوو لە ڕێکەوتى 25-10-2019 یەکەم باران بارین تۆمارکرا بە ڕێژەى 0.3 ملم لە ڕێکەوتى 28-10-2019 2.1 ملم تۆمارکرا.
بەپێ ى ساڵەکان لە سەنتەرى پارێزگاى هەولێر دەستپێکى باران بارین دەکەوێتە مانگى یازدەوە هەندێ کاتیش باران پێش کەوتووەو لە سەرەتاى مانگى 10 ەوە دەستى پێ کردووە
پارێزگاى سلێمانى/ یەکەم باران بارینى پار ساڵ لە ڕێکەوتى 12-10-2019 دەستى پێکرد کە لەم ڕێکەوتە 0.6 ملم بارى پاشان لە ڕێکەوتى 20-10-2019 باران بارینى تۆمارکراو گەیشتە 2.6 ملم
پارێزگاى دهۆک/ سەنتەرى دهۆک دەستپێکى باران بارینى پارساڵى ئەم پارێزگایە لە ڕێکەوتى 19-10-2019 بوو کە 5.5 ملم بارى
پارێزگاى هەڵەبجە/ سەنتەرى هەڵەبجە یەکەم باران بارینى لە ڕێکەوتى 12-10-2019 دەستى پێکرد
پاریزگاى کرکووک/ دەستپێکى باران بارین لە سەنتەرى کرکووک لە ڕێکەوتى 21-10-2019 دەستى پێکرد

ریکلام

ژینگە

كەشوهەوای ئەمڕۆ و سبەینێی شارەكانی هەرێمی كوردستان

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە.

بەپێی پێشبینییەكانی كەشناسی، ئەمڕۆ پێنج شەممە ئاسمان پەڵە هەور دەبێت.

هەر بەپێی پێشبینییەكان، سبەینێ هەینی شەممە ئاسمان پەڵە هەور دەبێت.

بەردەوام بە لە خوێندنەوە

ژینگە

شەپۆلی بەفر و باران هەرێم دەگرێتەوە

خەڵك- بەشی هەواڵ
بەپێی پێشبینییە كەشناسییەكان، بە چوونە ناو وەرزی زستان لە ناوچەكانی هەرێم بەفر بارین دەستپێدەكات و بارانێكی بەخوڕ دەبارێت.

ئاراس جەبار، شارەزای كەشناسی بۆ (خەڵك) ئاماژەی بەوەكرد، كە سبەینێ پێنج شەممە ڕەوشی كەش و ھەوای ھەرێم سەقامگیر ئەبێت و ئاسمان ساماڵ و ھەندێك كات پەڵە ھەوری جیا جیا ئەبێت و پلەكانی گەرما بە جێگیری دەمێننەوە.

ڕاشیگەیاند، خێرایی با ئاسایی بۆ مامناوەند (٥ تا ١٥) كیلۆمەتر لە كاتژمێرێكدا دەبێت بە ئاڕاستەی باكور و باكوری ڕۆژھەڵات .

لای خۆشیەوە، محەمەد كەمال، شارەزای كەشناسی بۆ (خەڵك) ئاماژەی بەوەكرد، پێشبینی دەکرێت بەگشتی و لەهەرێمی کوردستان لەدوای ڕێکەوتی 26_12_2020 بەفربارین دابەزێتە سەنتەری شارەکان.

وتیشی، “پێشبینی دەکەین دوای چەند ڕۆژێک لەدوای ئەو وادەیە شەپۆلێکی بارانبارین و بەفربارین هەرێمی کوردستان بگرێتەوە”.

بەردەوام بە لە خوێندنەوە

ئابوری

دەستەی گەشتوگوزار، هانی وەبەرهێنەران دەدات

خەڵك- بەشی هەواڵ
سەرۆكی یەكێتی وەبەرهێنەرانی كوردستان سەردانی سەرۆكی نوێی دەستەی گەشتوگوزاری هەرێم دەكات و ڕایدەگەیەنێت، ” بڕیار دراوە چاوخشاندنەوە بە پڕۆژە گەشتیارییەكاندا بكرێت بە مەبەستی هاندانی وەبەرهێنەران بۆ چوونە ناو ئەو كەرتە “.

یاسین مەحمود ڕەشید، سەرۆكی یەكێتی وەبەرهێنەرانی كوردستان بۆ (خەڵك) ئاماژەی بەوەكرد، كە ئەمڕۆ سەردانی دەستەی گەشتوگوزاری هەرێمی كردووە و پیرۆزبایی دەستبەكاربوونی لە ئەمەل جەلال، سەرۆكی نوێی دەستەكە كردووە و دەشڵێت: “پێمان وایە ئەمەل جەلال كەسێكی لێهاتوو شارەزایە و دەتوانێت گۆڕانكاری جەوهەری لە بەرەوپێشبردنی كەرتی گەشتوگوزاری بكات”.

ڕاشیگەیاند، لە كۆبوونەوەكەدا بەڵێنی هەماهەنگی درا لەنێوان یەكێتی وەبەرهێنەران و دەستەی گەشتوگوزار و سەرۆكی دەستەی گەشتوگوزار پێی ڕاگەیاندوون، كە چاوخشاندنەوە دەكەن بە پڕۆژەكان و گۆڕانكاری گەورە ئەنجام دەدەن بەمەبەستی كارئاسانی بۆ وەبەرهێنەران بەمەبەستی هاندانیان لە پڕۆژەكانی گەشتوگوزار.

ئاشكراشی كرد، كە سەرۆكی دەستەی گەشتوگوزار وتویەتی، كە ئاسانكاری دەكەن بۆ هاتنی گەشتیاران لە وڵاتانەوە و لە شارەكانی عیراقیشەوە و وتیشی، “گفتوگۆمان كرد سەبارەت بەو بەربەست و ڕێگریانەی لەبەردەم كەرتی گەشتوگوزاردان”.

یاسین مەحمود وتیشی، “دوو خاڵی گرنگ هەبوو هەردووكمان هاوكۆك بووین لەسەری، ئەوانیش دروستكردنی ئەنجوومەنی باڵای گەشتوگوزار، كە لەلایەن خاتوو ئەمەل-ەوە ئەم پێشنیارەکراوە، هەروەها لەو نشینگانەی هاوسنووری شارەكانی عیراقن ئۆفیسی گەشتوگوزار بكرێتە بەمەبەستی ئاسانكاری زیاتری گەشتیاری”.

سەرۆكی یەكێتی وەبەرهێنەران جەختیشی كردەوە، كە بڕیار دراوە چاوخشاندنەوە بكرێت بە خزمەتگوزاری ناو پڕۆژە گەشتیارییەكان تاوەكو گەشتیاران زیاتر بێنە هەرێم.

یاسین مەحمود وتی، “بەڵێنم بە سەرۆكی دەستەی گەشتوگوزار داوە، كە ئەگەر لیژنەیەكی باڵا دروست بكرێت بۆ سەردانی وڵاتان بە مەبەستی پێشخستنی كەرتی گەشتوگوزار ئەوا هەموو ئەركێكی دەخەنە سەر یەكێتی وەبەرهێنەران بە مەبەستی پێشخستنی كەرتی گەشتوگوزاری هەرێم.

لە ماوەی ڕابردوودا ئەمەل جەلال لە پشكی یەكێتیی نیشتمانیی كوردستان وەك سەرۆكی دەستەی گەشتوگوزاری هەرێم دەستبەكاربوو.

بەردەوام بە لە خوێندنەوە

کوردستان