ئێمە لە تۆرە کۆمەڵایەتیەکان

جیهان

دواین ئاماری تووشبووانی كۆرۆنا لە جیهان

خەڵك-بەشی هەواڵ

 

بە گوێرەی دواین ئامار، تووشبووانی ڤایرۆسی كۆرۆنا لە جیهاندا گەیشتە 43 ملیۆن و 790 هەزار و 543 حاڵەت.

بە گوێرەی ئامارە جیهانییەكان، تاكو كاتژمێر 9ی ئەمڕۆ سێ شەممە ژمارەی تووشبووانی كۆرۆنا لە جیهاندا گەیشتە 43 ملیۆن و 790 هەزار و 543 حاڵەت، لەو ژمارەیەش ملیۆنێك و 164 هەزار و 609 حاڵەتی گیانلەدەستدانیش هەبووە.

لەسەر ئاستی وڵاتانی جیهان، ئەمریكا زۆرترین ڕێژەی تووشبوون بە پەتاكەی تێدا تۆماركراوە و گەیشتووەتە هەشت ملیۆن و 962 هەزار و 783 كەس و 231 هەزار و 45 كەسیش گیانیان لەدەستداوە.

ڤایرۆسی كۆرۆنا نەخۆشییەكی كوشندەیە و مانگی 12ی ساڵی ڕابردوو لەشاری وۆهانی وڵاتی چین سەریهەڵداو لەئێستاشدا لە زیاتر لە 210 وڵات و ناوچەی جیهان بڵاوبووەتەوە.

جیهان

بەریتانیا: دەستپێكردنی شەپۆلی سێیەمی بڵابوونەوەی كۆرۆنا لە ئارادایە

خەڵك – بەشی هەواڵ

وەزیری دەرەوەی بەریتانیا پێشبینی دەكات لە سەرەتای مانگی یەكی ساڵی داهاتوودا، شەپۆلی سێیەمی بڵاوبوونەوەی ڤایرۆسی كۆرۆنا لە وڵاتەكەی دەستپێبكات.

دۆمینیك ڕاب وەزیری دەرەوەی بەریتانیا لە چاوپێكەوتنێكدا لەگەڵ ئاژانسی (بی.بی.سی) وڵاتەكەی، ئاماژەی بەوەدا بەپێی ئەو داتا و ئامارانەی سەبارەت بە كۆرۆنا كۆكراونەتەوە، پێدەچێت لە سەرەتای مانگی یەكی ساڵی داهاتوودا، شەپۆلی سێیەمی بڵاوبوونەوەی كۆرۆنا لە بەریتانیا دەستپێبكات.

وەزیری دەرەوەی بەریتانیا دووپاتیشیكردەوە، حكومەتی وڵاتەكەی بە شێوەیەكی زانستی ورد ئامادەكاری بۆ داڕشتنی پلانێكی تۆكمە دەكات بۆ پاراستنی بەریتانیا لە مەترسییەكانی ئەو شەپۆلە.

دۆمینیك ڕاب وتیشی، ئەركی هاووڵاتیانە هاوشانی حكومەت و لایەنە پەیوەندیدارەكان كار بۆ پاراستنی ئاسایشی تەندروستی بەریتانیا بكەن.

بەردەوام بە لە خوێندنەوە

جیهان

ترەمپ: ببمەوە بە سەرۆك بە زووترین كات ڕێككەوتن لەگەڵ ئێران واژۆ دەكەم

خەڵك – بەشی هەواڵ

سەرۆكی ئەمریكا ڕایدەگەیەنێت: ئەگەر جارێكی تر بە سەرۆكی ئەمریكا هەڵببژێردرێتەوە بە زووترین كات ڕێككەوتن لەگەڵ ئێران واژۆ دەكات.

دۆناڵد ترەمپ سەرۆكی ئەمریكا لەچاوپێكەوتنێكی تەلەفزیۆنیدا هەڵوێستێكی چاوەڕوان نەكراوی ئاشكراكرد و ڕایگەیاند، ئەگەر جارێكی تر بە سەرۆكی ئەمریكا هەڵببژێردرێتەوە بە زووترین كات ڕێككەوتن لەگەڵ ئێران واژۆ دەكات و كۆتایی بەكێشەكان دەهێنن.

سەرۆكی ئەمریكا ئاماژەی بۆ ئەوەشكرد، جیاوازی زۆری نێوان دەنگەكان دەرخەری ئەو ڕاستییە بوو كە ساختەكارییەكی گەورە لەكاتی هەڵبژاردنی سەرۆكایەتی ئەمریكادا ئەنجام دراوە.

ئەمەش لە كاتێكدایە، دۆناڵد ترەمپ سەرۆكی ئەمریكا و كاندیدی كۆمارییەكان بەرامبەر جۆ بایدن كاندیدی دیموكراتەكان بۆ سەرۆكایەتی ئەمریكا شكستیهێنا و هیچ هیوایەكی نەماوە بۆ دووبارە هەڵبژاردنەوەی بە سەرۆكی ئەمریكا.

بەردەوام بە لە خوێندنەوە

جیهان

لە ئەفغانستان دەیان كەس كوژران و بریندار بوون

خەڵك- بەشی هەواڵ

لە ئەفغانستان دەیان كەس كوژران و بریندار بوون لە چەند هێرشێكدا.

بەپێی هەواڵی كەناڵی جەزیرەی ئینگلیزی، بە لایەنی كەمەوە 34 كەس كوژران لە دوو تەقینەوەدا كە هێزە سەربازییەكانی كردبووە ئامانج لەگەڵ سەرۆكی هەرێمێك.

لە رۆژهەڵاتی هەرێمی غەزنی 31 سەرباز كوژران لەگەڵ برینداربوونی 24ی دیكە لە رۆژی یەك شەممە لە هێرشێكدا.

هاوكات لە هێرشێكدا لە رۆژهەڵاتی ئەفغانستان كە سەرۆكی هەرێمەكەی كردبووە ئامانج، بەلایەنی كەمەوە 3 كەس كوژراون و 12ی دیكەش بریندار بوون كە منداڵیان لەنێودان، بەڵام سەرۆكی هەرێمەكە رزگاری بوو.

لە كۆتایی هەفتەی رابردوودا زیاتر لە 50 كەس كوژران لە كابوڵی پایتەخت، لە هێرشێكی موشەكی و دەستدرێژییەك بۆ سەر سەنتەرێكی پەروەردەییدا.
سەرچاوە/aljazeera

بەردەوام بە لە خوێندنەوە

کوردستان