ئێمە لە تۆرە کۆمەڵایەتیەکان

ژینگە

بومەلەرزە شارێكی كوردستان دەهەژێنێت

خەڵك-بەشی هەواڵ

 

بوومەلەرزەیەك بە گوڕی 3.4 بە پێوەری ڕێختەر شاری بانەی سەر بە پارێزگای سنە لە ڕۆژهەڵاتی كوردستان هەژاند.

ناوەندی بومەلەرزەزانی زانكۆی تاران بڵاویكردەوە، كاتژمێر 6:30ی بەیانیی ئەمڕۆ سێ شەممە 27-10-2020، لە قوڵایی 15 كیلۆمەتر لە ناوچەی ئارمەردەی بانە و دووری 2 كیلۆمەتر لە شای بانەوە بومەلەرزە ڕوویدا.

ئاشكراشیكرد، تاكو ئێستا هیچ زانیارییەك لە زیانەكانی بوومەلەرزەكە بڵاونەكراوەتەوە.

ژینگە

كەشناسی هەرێم ڕێژەی باران بارینی 12 كاتژمێری ڕابردووی بڵاوكردەوە

خەڵك – بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێم بڕی باران بارینی لە ماوەی 12 كاتژمێری ڕابردوو بڵاوكردەوە.

بەڕێوەبەرایەتی گشتی كەشناسی و بومەلەرزەزانی هەرێم لە ڕاگەیەنراوێكدا بڕی باران بارینی لە ماوەی 12 كاتژمێری ڕابردوو بڵاوكردەوە كە بەم شێوەیەی خواروەیە:

هەولێر دڵۆپ دڵۆپ
سلێمانی 5.3 ملم
پیرمام 0.4 ملم
چەمچەماڵ 7.7 ملم
بازیان 5.6 ملم
دەربەندیخان 9.2 ملم
دوكان 4.8 ملم
هەڵەبجە 1.8 ملم
هەڵشۆ 3.4 ملم
كەلار 3.2 ملم
مەیدان 10.8 ملم
قەڵادزە 5 ملم
چۆمان 0.8 ملم
خانەقین 1 ملم

بەردەوام بە لە خوێندنەوە

ژینگە

ڕەشەبا كۆتایی دێت و هۆشداری تەم دەدرێتە شۆفێران

خەڵك- بەشی هەواڵ
بەپێی پێشبینییە كەشناسییەكان، لە سبەینێوە دۆخی كەشوهەوا سەقامگیر دەبێت و هۆشداریش بە شۆفێران دەدرێت، كە بەهۆی دروست بوونی تەمەوە مەودای بینین كەم دەبێتەوە.

ئاراس جەبار، شارەزای كەشناسی بۆ (خەڵك) ڕایگەیاند، سبەینێ‌ دوو شەممە ٣٠ی١١ی٢٠٢٠ ڕەوشی کەشوھەوای ھەرێم سەقامگیر ئەبێتەوە و ئاسمانی ناوچەکان بە زۆری ساماڵ و پەڵە ھەور ئەبێت و پلەکانی گەرما بەڕێژەی ٢-٣ پلەی سیلیزی لەکاتەکانی ڕۆژدا بەرزبوونەوە بەخۆیەوە ئەبینێت.

ڕاشیگەیاند، خێرایی با ئاسایی ئەبێت بە ئاڕاستەی باکور و باکوری ڕۆژھەڵاتەوە ٥ تا ١٠ کیلۆمەتر لە کاتژمێرێکدا.

هاوكات، محەمەد كەمال، شارەزای كەشناسی بۆ (خەڵك) ئاماژەی بەوەكرد، ئێستا بەرەو کۆتایی شەپۆلە بارانەکە دەچین و ئەمشەو بەتەواوی کۆتایی دێت و ئاسمان هەور و پەڵە هەور دەبێت، بەڵام لەناوچە شاخاویەكان ئەگەری نمە باران هەیە.

ئاماژەی بەوەشكرد، خێرایی با ئاسایی دەبێت و پلەكانی گەرما بەرزدەبنەوە، بەڵام ئەگەری تەم هەیە، بۆیە شۆفێران پێویستە بەوریاییەوە هاتووچۆ بكەن.

بەردەوام بە لە خوێندنەوە

ژینگە

هۆشداری دروست بوونی لافاو لە شارێكی هەرێم دەدرێت

خەڵك- بەشی هەواڵ
سەرۆكایەتی شارەوانی هەڵەبجە هۆشداری بە هاووڵاتیان دەدات لە ئەگەری دروست بوونی لافاو بەهۆی بارانی بەلێزمە و بەردەوامەوە.

سەرۆكایەتی شارەوانی هەڵەبجە لە ڕاگەیەنراوێكدا، كە وێنەی دراوە بە (خەڵك) ئاماژە بەوەكراوە، هاووڵاتیانی سنوری سەرۆكایەتی شارەوانی هەڵەبجە ئاگادار دەكەین بەهۆی بارینی باران لەئەگەری بەردەوام بوونی مەترسی دروست بوونی لافاو دەكرێت.

ڕاشیگەیاندووە، لەكاتی ڕوودانی لافاو یان هەر كارەساتێكی سروشتی نەخوازراو پەیوەندی بكەن بەم ژمارانەوە
1- كوێستان ئەكرەم، سەرۆكی شارەوانی هەڵەبجە (٠٧٥٠١٥١٤٩١٤)
2- عەبدولحەكیم نەجیب، بەرپرسی بەشی ئامێرەكانی شارەوانی (٠٧٥٠٨٨٩٣٩٤٥)
3- ڕێكخەری پەیوەندییەكان JCC (٨٨٥٢٠٣٥)

ماوەی چەند ڕۆژێكە بارانی بەلێزمە شارەكانی هەرێمی كوردستانی گرتۆتەوە و بەفر لە ناوچە شاخاوییەكان باریوە.

بەردەوام بە لە خوێندنەوە

کوردستان