ئێمە لە تۆرە کۆمەڵایەتیەکان

کوردستان

شۆفێرانی هەولێر: لە بەغداوە ڕێگەمان پێنادرێت نەفەرەكان بگوازینەوە

خەڵک-ئارام سەردار
شوفێرانی هێڵی هەولێر-بەغداد لە گەراجی باشوور نیگەرانن لەم مامەڵەیەی لەبەغداد لەگەڵیان ئەنجام دەدرێت و ڕایدەگەیەنن، هەڕەشە لەشوفێرانی تەکسی دەکرێت لەلان ئەوانەوە ڕێگا نادرێت نەفەر لەبەغدادەوە بهێننەوە هەولێر تاوەکو نەفەر بەئۆتۆمبێلەکانی خۆیان بگوازنەوە هەولێر.
سەرکەوت عەبدوڵقادر، بەرپرسی هێڵی هەولێر-بەغداد لە گەراجی باشوور بەڕۆژنامەوانانی ڕاگەیاند، شوفێرانی هیڵی بەغداد کە خاوەنی جۆری ئۆتۆمبێلی تەکسین بەفەڕمی خاوەن هێڵن بەشێوەیەکی ڕێکخراو و یاسایی هاتووچۆ دەکەن، بەڵام لەلایەن خاوەن ئۆتۆمبێلەکانی جۆری GMC غەدرێکی زۆریان لێ دەکرێت و لەبەغداد لەپێش ئەواناوە نەفەر هەڵدەگرن و دێنە هەولێر لێرەشەوە نەفەر بۆ بەغداد دەگوازنەوە بەڕێگای نوسینگە.
دەشڵێت، زۆر کات تەحەدا و هەڕەشە لەشوفێرانی تەکسی دەکرێت لەلان ئەوانەوە ڕێگا نادرێت نەفەر لەبەغدادەوە بهێننەوە هەولێر لەکاتێکدا بەشێکیان خاوەن هێڵی فەڕمی نین، داوا دەکەین وەزارتی گواستنەوە و گەیاند و سەندیکا و حکومەت کیشەی شوفێرانی هڵی بەغداد چارە بکات.
ئەوەش دەخاتەڕوو، نازانین جیاوازی چیە هیچ ئۆتۆمبێڵێکی جۆری GMC ناتوانێ بچێتە سلێمانی بەڵام بۆ هەولێر دێن، لەبەر ئەوە بازگە کاتێک دادەنرێت پێویستە سەندیکا سەرپەرشتی بکات و کارەکان ڕێکبخرێنەوە.
باسی لەوەشکرد، ئەوکەسانەی ڕێگری لە شوفێرە فەڕمیەکان دەکەن کەسانی چەکدارن و لەژێر هەڕەشەوە ڕێگریەکانیان ئەنجام دەدەن.

کوردستان

یەكێتی و حكومەت پرسی لامەركەزی لە هەرێم تاووتوێ‌ دەكەن

خەڵك – بەشی هەواڵ

ئەمڕۆ وەفدێكی یەكێتیی نیشتمانيی كوردستان پێشوازیكرد لە لیژنەی ئەنجومەنی وەزیرانی هەرێم بۆ بەرجەستەكردنی پرسی لامەركەزی لە هەرێمی كوردستان.

كەناڵی گەلی كوردستان بڵاویكردەوە، لە دیدارێكدا لیژنەكەی ئەنجومەنی وەزیرانی هەرێم ڕایانگەیاند: مەبەستی سەردانەكەیان بۆ وەرگرتنی ڕاوبۆچوون و تێروانین و پڕۆژە و پەیرەوی لایەنە سیاسییەكانە بە تایبەت (یەكێتیی و پارتی و بزووتنەوەی گۆڕان) بۆ پرسی لامەركەزی لە هەرێمی كوردستان و لەو چوارچێوەیەشدا یەكەم لایەن سەردانی یەكێتیی نیشتیمانی كوردستانیان كردووە.

لای خۆیانەوە وەفدی یەكێتیی نیشتمانيی كوردستان جەختیانكردەوە كە پرسی لامەركەزییەت كە داواكاری یەكێتی بووە و یەكێكە لە خاڵەكانی ڕێككەوتنەكەیان بۆ پێكهێنانی حكومەت لەگەڵ پارتی دیموكراتی كوردستان، ئامانجەكەی پێشكەشكردنی خزمەتگوزاریی زیاترە بە میللەتەكەمان، نەك تەنیا لە یەك پارێزگا بەڵكو بۆ سەرتاسەری هەرێمی كوردستان.

وەفدی یەكێتی دووپاتیانكردەوە، پێداگرییان لە سەر جێبەجیكردنی پرسی لامەركەزی، نابێتە مایەی لێكترازان و لاوازی حكومەت، بەڵكو پایەكانی حكومڕانی لەهەرێمی كوردستان بەهێزتر دەكات و قەوارەی هەرێم پارێزراوتر دەبێت.

وەفدەكەی یەكێتیی داوایكرد كە دەبێت هەنگاوەكانی ئەو پرسە خێراتر بكرێن، چونكە زۆر بابەتی ستراتیژیی و گرنگتر هەیە كە پێویستە حكومەت و لایەنە سیاسییەكان پێوەی سەرقاڵبن، حكومەتی هەرێم دەبێت متمانە دروست بكاتەوە لەگەڵ هاووڵاتیان، دەبێت ئەولەویەتی ئێستای حكومەت دابینكردنی مووچەی مووچەخۆرانی هەرێم بێت، چونكە هیچ بابەتێك ئەمڕۆ لە بابەتی مووچە گرنتر نییە.

وەفدی یەكێتیی نیشتمانیی كوردستان، ئامادەیی خۆیان دەربڕی كە ئەو پەیڕەو و پڕۆژەیەی كە وەك یەكێتیی ئامادەیان كردووە پێشكەشی حكومەتی بكەن بۆ ئەوەی تا كۆتایی ئەمساڵ پرسی لامەركەزییەت بچێتە بواری جێبەجێكردنەوە.

سەردانەكەی لیژنەی ئەنجومەنی وەزیرانی هەرێم دوای دوو كۆبوونەوەی هاوبەشی ڕابردووی نێوان یەكێتی و پارتی بوو كە تیایدا یەكێتیی پڕۆژەی لامەركەزی پێشنیاركردبوو.

بەردەوام بە لە خوێندنەوە

کوردستان

هێمن هەورامی: دەبێت پێداچوونەوە بە ڕێككەوتنەكانی حزبەكەی لەگەڵ لایەنەكان بكرێت

خەڵك – بەشی هەواڵ

هێمن هەورامی ڕایدەگەیەنێت: سەبارەت بە ڕێككەوتنی حزبەكەی لەگەڵ یەكێتی و گۆڕان ڕایگەیاند” ئەو ڕێككەوتانە دەبێت پێداچوونەوەی بۆ بكرێت”.

هێمن هەورامی ئەندامی سەركردایەتی پارتی دیموكراتی كوردستان و جێگری سەرۆكی پەرلەمانى كوردستان لە چاوپێكەوتنێكدا لەگەڵ كەناڵی ڕووداو سەبارەت بە ڕێككەوتنی حزبەكەی لەگەڵ یەكێتی و گۆڕان ڕایگەیاند” ئەو ڕێككەوتانە دەبێت پێداچوونەوەی بۆ بكرێت، بەرپرسیاریەتی هاوبەشمان هەیە و باوەڕمان بەوە نییە لەكاتی قەیراندا قۆڵی یەكتر بادەین و تەنیا لەكاتی خۆشییەكاندا پابەندی ڕێككەوتنەكان بین”.

هێمن هەورامی ئاماژەی بەوەشكرد:”بڕیاری پارتی ئەوەیە تا ئیمكان بكرێت بە تەوافوق كارەكان لەناو پەرلەمان بكەین و نایانەوێ زۆرینەی پەرلەمان بەكاربهێنن”.

سەبارەت بە ڕێككەوتنەكەیان لەگەڵ گۆڕانیش هێمن  هەورامی دەڵێت:”ڕێككەوتنی باشمان لەگەڵ گۆڕان كردووە و هەردوولامان پابەندین، بەشیكی باشی لێ جێبەجێ كراوە، داوا دەكەین پابەندی ڕێككەوتنەكان بین، ئاگاداری دۆخی ناوخۆی بزووتنەوەی گۆڕان هەین، بەڵام دەبێت هەموو لایەك پابەندی ئەو ڕێككەوتنانە بین كە هەیە بۆ ئەوەی لە قازانجی خەڵكی كوردستان بێت”.

بەردەوام بە لە خوێندنەوە

کوردستان

هەولێر.. دوو برا كوژران و دوو كەسی تریش برینداربوون

خەڵك – بەشی هەواڵ

لە یەكێك لە ترافیك لایتەكانی شەقامی 40 مەتری شاری هەولێر، بەهۆی شەڕە تەقەوە دوو برا كوژران و دوو كەسی تریش برینداربوون.

بەپێی زانیارییەكانی (تۆڕی میدیایی خەڵك)، ڕووداوەكە لە گەڕەكی مامۆستایانی هەولێر نزیك بازاڕی لەنگە بووە و لەنێوان دوو ئۆتۆمبێلدا بووە نزیكەی 20 گولـلە بە یەكێك لە ئۆتۆمبێلەكانەوەیە، ناسنامەی ئەوانەی كوژراون و تەقەكەرەكانیش نادیارە و هۆكاری تەقەكردنەكەش ناڕوونە. تیمەكانی لێكۆڵینەوەی پۆلیسیش گەیشتووەتە شوێنی ڕووداوەكە و دەست بە لێكۆڵینەوە كراوە.

بەپێی وتەی شایەتحاڵەكانی ڕووداوەكە، ئۆتۆمبێلەكەی تر هەوڵیداوە پێش بەو (بی ئێم دەبلیو)ە بگرێت و تەقەی لێكردووە و دواتر هەڵاتووە.

 

بەردەوام بە لە خوێندنەوە

کوردستان