ئێمە لە تۆرە کۆمەڵایەتیەکان

جیهان

هۆشداری لەسەرهەڵدانەوەی ناڕەزایەتییەكانی ئێران دەدرێت

خەڵك- بەشی هەواڵ

رۆژنامەی ئیعتیمادی ئێرانی هۆشداری دەدات لە سەر هەڵدانەوەی ناڕەزایەتییەكانی نۆڤەمبەری رابردوو كە بە خوێناویترین شێوە دامركێندرانەوە.

رۆژنامە ئێرانییەكە ئەمڕۆ نوسی: نرخی دۆلار رۆژانە بەرز دەبێتەوە، نرخی كەلوپەل چەند هێندە بەرزدەبێتەوە.

ئاماژەی بەوەشكرد دوای ساڵێك لە شكستی حكومەت و بەردەوامی نیگەرانی جەماوەری لە رووداوەكانی نۆڤەمبەرەوە رۆحانی خوازیاری رۆشتن نییە.

رونیشیكردەوە لە ژێر نەبوونی گفتوگۆی واشنتن و تاران رۆحانی بە سیفەتی سەرۆكی دەسەڵاتی جێبەجێكردن تا ئێستا فەرمانەكانی لیژنەی نیشتمانی روبەڕوبونەوەی كۆرۆنا جێبەجێدەكات كە ڤایرۆسەكە بەردەوامە لە دروێنەی ئێرانیەكان كە رۆژانە 300 كەس دەمرن.

بەپێی رۆژنامەكە، زۆرێك دەیانەوێت رەوشەكە بەردەوام بێت تا هەڵبژاردنی تەموزی 2022 و كۆتایی كابینەكەی رۆخانی، بەڵام ئەم ڕێڕەوە دەبێتەهۆی سەرهەڵدانی ناڕەزایەتی فراوان و دووبارەبوونەوەی رەوشی نۆڤەمبەری رابردوو.

كاردانەوەی ناڕەزایەتییەكانی ساڵی رابردوو بەردەوامە، ئەمینداری گشتی نەتەوە یەكگرتووەكان ئەنتۆنیۆ گۆتێرێس لە راپۆرتی خۆیدا لەم مانگەدا لە كۆبونەوەی گشتی 75هەمیندا رایگەیاند، رەوشی مافی مرۆڤ لە ئێران لە ئەشكەنجەدان و پێشێلكردن، سێدارە و زیندانیكردن بەردەوامە دژی دەستگیركراوانی ناڕەزایەتییەكان.

ئاماژەی بەوەشكردووە. 304 كەس لە ناڕەزایەتییەكانی نۆڤەمبەری 2019 كوژراون كە لەنێویاندا 23 منداڵ و 10 ژن هەن.

هەندێك سەرچاوەی ئۆپۆزسیۆن و ژمارەیەك رێكخراویش ئاماژەیان بە كوژرانی 1500 كەس كردووە لەگەڵ زیندانیكردنی 7 هەزار كەس.

جیهان

لە ئەفغانستان دەیان كەس كوژران و بریندار بوون

خەڵك- بەشی هەواڵ

لە ئەفغانستان دەیان كەس كوژران و بریندار بوون لە چەند هێرشێكدا.

بەپێی هەواڵی كەناڵی جەزیرەی ئینگلیزی، بە لایەنی كەمەوە 34 كەس كوژران لە دوو تەقینەوەدا كە هێزە سەربازییەكانی كردبووە ئامانج لەگەڵ سەرۆكی هەرێمێك.

لە رۆژهەڵاتی هەرێمی غەزنی 31 سەرباز كوژران لەگەڵ برینداربوونی 24ی دیكە لە رۆژی یەك شەممە لە هێرشێكدا.

هاوكات لە هێرشێكدا لە رۆژهەڵاتی ئەفغانستان كە سەرۆكی هەرێمەكەی كردبووە ئامانج، بەلایەنی كەمەوە 3 كەس كوژراون و 12ی دیكەش بریندار بوون كە منداڵیان لەنێودان، بەڵام سەرۆكی هەرێمەكە رزگاری بوو.

لە كۆتایی هەفتەی رابردوودا زیاتر لە 50 كەس كوژران لە كابوڵی پایتەخت، لە هێرشێكی موشەكی و دەستدرێژییەك بۆ سەر سەنتەرێكی پەروەردەییدا.
سەرچاوە/aljazeera

بەردەوام بە لە خوێندنەوە

جیهان

ئەسیوپیا پایتەختی هەرێمی تیگرای كۆنترۆڵ كرد

خەڵك- بەشی هەواڵ

سەرۆك وەزیرانی ئەسیوپیا ئەبی ئەحمەد رایگەیاند، هێزەكانی حكومەتەكەی توانیویانە بە تەواوی پایتەختی هەرێمی تیگرای لە باكوری ناوچەكە كۆنترۆڵ بكەن.

هێزەكانی حكومەت چوونە نێو شاری مێكیلاوە وەك هەنگاوێك بۆ چونە پێشەوە لە دژی رێكخراوی رزگاریخوازی گەلی تیگرای لە روبەڕوبونەوەكاندا.

سەركردەی گرووپی رزگاریخوازی گەلی تیگرای بۆ رۆیتەز وتی: پێویستە بەردەوام بن لە بەرگری لە مافەكانمان و پشتیوانیكردن لە شەڕكردن.

سەدان كەس كوژران و هەزارانی دیكەش بریندار و ئاوارە بوون بە هۆی شەڕەوە.

بەر لەمانگێك سەرۆك وەزیران ئەبی ئەحمەد رایگەیاند كە ئۆپەراسیۆنێك دەستپێدەكەن لە دژی تیگرای، ئەوانی تۆمەتبار كرد بە هێرشكردنەسەر سوپای ئەسیۆپی لە باكوری وڵات لە مێكیلا.

هاوكات دوای راگەیاندنی كۆنترۆڵكردنی پایتەختی هەرێمی تیگرای، شەش تەقینەوە ئەسمەرای پایتەختی ئەریتریای دراسێی ئەسیوپیای هەژاند.

پێشتر نەیارانی حكومەت لە هەرێمی تیگرای ژمارەیەك موشەكیان ئاڕاستەی شاری ئەسمەرا كردبوو.
سەرچاوە/ BBC World

بەردەوام بە لە خوێندنەوە

جیهان

قائانی: ئیسرائیل باجی قورس دەدات

خەڵك – بەشی هەواڵ

فەرماندەی فەیلەقی قودسی سوپای پاسدارانی ئێران ڕایدەگەیەنێت: دەبێت ئیسرائیل باجی قورس بدات.

ئیسماعیل قائانی فەرماندەی فەیلەقی قودسی سوپای پاسدارانی ئێران هەڵوێستی خۆی لەبارەی كوشتنی موحسین فەخریزادە زانای ئەتۆمی وڵاتەكەی ئاشكراكرد و ڕایگەیاند: ئەو دوژمنانەی زانا ئەتۆمییەكەیان كوشت ناتوانن شەڕی ڕووبەڕووی ئێران بكەن.

قائانی هەڕەشەی توندیشی لە ئیسرائیل كرد وئاماژەی بەوەدا، دەبێت ئیسرائیل باجی قورسی ئەو كارەی بدات.

فەرماندەی فەیلەقی قودسی سوپای پاسدارانی ئێران وتیشی، مەرگی ئیسرائیل نزیكە و ئەمەی كردوویانە دوایین هەناسەی دوژمنكارانەیانە.

بەردەوام بە لە خوێندنەوە

کوردستان