ئێمە لە تۆرە کۆمەڵایەتیەکان

کوردستان

بەغدا.. یەكێتی و هاوپەیمانی فەتح لەبارەی دۆخی كەركوك و دیالە بڕیارێكیاندا

خەڵك – بەشی هەواڵ

یەكێتیی نیشتمانیی كوردستان و هاوپەیمانی فەتح لەبارەی بارودۆخی ئەمنی پارێزگاكانی كەركوك و دیالە بڕیاریاندا هاوئاهەنگی نێوانیان زیاتر بكەن.

لاهور شێخ جەنگی هاوسەرۆكی یەكێتیی نیشتمانیی كوردستان لە لاپەڕەی فەرمی خۆی لە تۆڕی كۆمەڵایەتی فەیسبوك بڵاویكردەوە، ڕۆژی 22/10/2020 لەمیانی سەردانێكیدا بۆ بەغدا چەندین پرسی گرنگی پەیوەست بە عیراق و هەرێمی كوردستان لەگەڵ سەركردەی لایەنە سیاسییەكان تاووتوێ كرد.

لەم ڕووەوە هاوسەرۆكی یەكێتیی نیشتمانیی كوردستان سەردانی هادی عامری سەرۆكی هاوپەیمانی فەتحی كرد و بەگەرمی پێشوازی لێكرا.

لە دیدارێكدا گفتوگۆ كرا لەبارەی رەوشی سیاسی ئێستای عیراق و هەڕەشەكانی سەر ئاسایش و ئارامی وڵات و قەیرانی دارایی و پێویستی هەماهەنگی زیاتری نێوان حزب و كوتلە سیاسییەكان.

تاووتوێكردنی بارودۆخی ئەمنی پارێزگاكانی كەركوك و دیالەش تەوەرێكی ترى دیدارەكە بوو، لەو بارەیەشەوە بڕیار درا هاوئاهەنگی نێوان یەكێتیی نیشتمانیی كوردستان و هاوپەیمانی فەتح زیاتر بكرێت.

هەر لەمیانی سەردانەكەیدا بۆ بەغدا، لاهور شێخ جەنگی هاوسەرۆكی یەكێتیی نیشتمانیی كوردستان پێشوازی لە د. سەلیم جبوری سەرۆكی پارتی كار و وەفدێكی هاوڕێی كرد.

لە دیدارێكدا دۆخی سیاسی عیراق و سوننەكان و هەڵبژاردنی داهاتووی عیراق و یاسای هەڵبژاردن تاووتوێ كران، هەروەك دۆخیپارێزگای دیالە تەورێكی دیكەی دیدارەكەی پێكهێنا.

هەر لەو چوارچێوەیەدا هاوسەرۆكی یەكێتیی نیشتمانیی كوردستان پێشوازی لە وەفدێكی سەركردایەتی سوننە لە پارێزگا جیاجیاكان كرد.

لەو دیدارەشدا رەوشی سیاسی عیراق بەگشتی و بارودۆخی ناوچە ئازادكراوەكان گفتوگۆی لەبارەوە كرا و تەئكید لەسەر هەماهەنگی زیاتر لەگەڵ سەركردایەتی تازەی یەكێتیی نیشتمانیی كوردستان لە ناوچە دابڕێندراوەكان كرایەوە.

هەر لەو سەردانەدا هاوسەرۆكی یەكێتیی نیشتمانیی كوردستان پێشوازی لە شێخ ئەحمەد ئەبو ریشە سەرۆكی كۆنگرەی سەحوەی عیراق كرد.

لە دیدارێكدا رەوشی ناوچە ئازادكراوەكان بەگشتی و پارێزگای ئەنبار بەتایبەتی تاووتوێ كرا.

 

ژینگە

كەشناسی هەرێم ڕێژەی باران بارینی 12 كاتژمێری ڕابردووی بڵاوكردەوە

خەڵك – بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێم بڕی باران بارینی لە ماوەی 12 كاتژمێری ڕابردوو بڵاوكردەوە.

بەڕێوەبەرایەتی گشتی كەشناسی و بومەلەرزەزانی هەرێم لە ڕاگەیەنراوێكدا بڕی باران بارینی لە ماوەی 12 كاتژمێری ڕابردوو بڵاوكردەوە كە بەم شێوەیەی خواروەیە:

هەولێر دڵۆپ دڵۆپ
سلێمانی 5.3 ملم
پیرمام 0.4 ملم
چەمچەماڵ 7.7 ملم
بازیان 5.6 ملم
دەربەندیخان 9.2 ملم
دوكان 4.8 ملم
هەڵەبجە 1.8 ملم
هەڵشۆ 3.4 ملم
كەلار 3.2 ملم
مەیدان 10.8 ملم
قەڵادزە 5 ملم
چۆمان 0.8 ملم
خانەقین 1 ملم

بەردەوام بە لە خوێندنەوە

کوردستان

پۆلیسی سلێمانی: گەنجێك كۆتایی بەژیانی خۆی هێنا

خەڵك – بەشی هەواڵ
وتەبێژی بەڕێوەبەرایەتی پۆلیسی پارێزگای سلێمانی ڕایدەگەیەنێت، كەمێك پێش ئێستا گەنجێك لە كافتریایەكی سلێمانی كۆتایی بە ژیانی خۆی هێنا.

نەقیب سەركەوت ئەحمەد وتەبێژی بەڕێوەبەرایەتی پۆلیسی پارێزگای سلێمانی ڕایگەیاند: كەمێك پێش ئێستا پۆلیس لە ڕووداوێك كە لە یەكێك لە كافتریاكانی سلێمانی ڕوویداوە ئاگادار كرایەوە و تیمەكانی پۆلیس و بەشی نەهێشتنی تاوان هەڵگرتنەوەی بەڵگەنامەكان گەیشتنە شوێنی ڕووداوەكە.

نەقیب سەركەوت ئەحمەد وتیشی: بەپێی لێكۆڵینەوە سەرەتاییەكان پێدەچێت ڕووداوەكە خۆكوژی بێت و لێكۆڵینەوە لە ڕووداوەكە دەستیپێكردووە و تەرمی گەنجەكەش ڕەوانەی پزیشكی دادی لەسلێمانی كراوە بۆ لێكۆڵینەوەی زیاتر لە ڕووداوەكە.

بەردەوام بە لە خوێندنەوە

کوردستان

بڕیار لە كەمكردنەوەی كرێی خوێندی خوێندنگە ئەهلییەكان دەدرێت

خەڵك – بەشی هەواڵ

بڕیاردەری لیژنەی پەروەردە و خوێندنی باڵا لە پەرلەمانی كوردستان ڕایدەگەیەنێت، داوایان لە وەزارەتی پەروەردە كردووە ھاوشێوەی وەزارەتی خوێندنی باڵا، كرێی خوێندنی خوێندنگە ئەھلییەكان 15% تا 25% كەم بكرێتەوە.

گەلاوێژ عوبێد بڕیاردەری لیژنەی پەروەردە و خوێندنی باڵا لە پەرلەمانی كوردستان بە ماڵپەڕی فەرمی پارتی ڕایگەیاندووە:”دوای كەمكردنەوەی كرێی خوێندنی زانكۆ و پەیمانگاكان، بە نووسراوی فەرمی داوامان لە وەزارەتی پەروەردە كردووە كە ھاوشێوەی زانكۆ و پەیمانگاكان كرێی خوێندنی خوێندنگە ئەھلییەكان 15% بۆ 25% كەم بكرێتەوە”.

بڕیاردەری لیژنەی پەروەردە و خوێندنی باڵا لە پەرلەمانی كوردستان وتیشی: “چاوەڕێی وەڵامی وەزارەتی پەروەردە دەكەین بڕیار لەوبارەیەوە بدات و بڕیارە ئەوانیش تاووتوێی داواكارییەكە بكەن و وەڵامی ئێمە بدەنەوە، بەڵام گەشبینین كە وەڵامیان ئەرێنی دەبێت و كرێیەكە بەھۆی ئەو دۆخەوە كەم دەكەنەوە”.

بەردەوام بە لە خوێندنەوە

کوردستان