ئێمە لە تۆرە کۆمەڵایەتیەکان

عێراق

هێڵی ئاسمانی نێوان عیراق و ئەوروپا دەخرێتەوەگەڕ

خەڵك- بەشی هەواڵ
بریكاری كۆمپانیای هێڵی ئاسمانی عیراق لە شاری فرانكفۆرتی ئەڵمانی ڕایدەگەیەنێت، هێڵی ئاسمانی نێوان عیراق و ئەوروپا دەخرێتەوەگەڕ.

ئەمڕۆ پێنج شەممە، ئاژانسی دەنگوباسی (العراقیە) لە زاری بەلسەم سامر، بریكاری كۆمپانیای هێڵی ئاسمانی عیراق لە شاری فرانكفۆرتی ئەڵمانی بڵاویكردەوە”هێڵی ئاسمانی نێوان هەریەك لە ئەڵمانیا و دانیمارك و بەریتانیا لەگەڵ عیراقدا دەخرێتەگەڕ، ئەمەش لەڕێی واژۆكردنی گرێبەستی كاركردن لەگەڵ كۆمپانیای (ئێر ئێكسپلۆری بەلجیكی) كە لە سەرەتای مانگی كانوونی یەكەمی داهاتووەوە چوار گەشت لە ئەڵمانیا و گەشتێك لە كۆبنهاگن و گەشتێكی تر لە لەندەنەوە ئەنجام دەدات”.

بە وتەی بەلسەم سامر”واژۆكردنی ئەو گرێبەستە نوێیە، دوای سەردانەكەی ئەم دواییەی وەزیری گواستنەوە بوو بۆ بەرلین كە لە چوارچێوەی شاندێكدا بەسەرۆكایەتی مستەفا كازمی سەرۆك وەزیرانی عیراق سەردانی ئەڵمانیایان كرد”.

عێراق

پڕۆسەی خوێندن لە عیراق دەستی پێكرد

خەڵك- بەشی هەواڵ
ساڵی نوێی خوێندنی 2020-2021 لە سەرجەم شارەكانی عیراق بە شاری كەركوك و ناوچە كێشە لەسەرەكانەوە دەستی پێكرد و ڕێكاری توند بۆ خۆپارێزی گیراوەتەبەر.

بەپێی بڕیاری وەزارەتی پەروەردەی عیراق، ئەمڕۆ یەك شەممە 29-11-2020، ساڵی نوێی خوێندن لە سەرجەم خوێندنگەكانی عیراق دەستی پێكرد، بەڵام بەڕێكارێكی توندی خۆپارێزی و سەرجەم خوێندكاران و مامۆستایان دەمامك بەكار دەهێنن.

وەزارەتی پەروەردەی عیراق لە ڕاگەیەنراوێكدا ئاماژەی بەوەكردووە، كە پڕۆسەی خوێندنی ئەمساڵ بە بەشداری 10 ملیۆن خوێندكارە و ئەمڕۆ یەكەم ڕۆژی ساڵی خوێندنی 2020- 2021 دەبێت.

پەروەردە داواشی لە خێزانی پەروەردەیی لە (مامۆستایان و كەسوكاری خوێندكاران) كردووە، كە هەست بە بەرپرسیارێتی بكەن تاوەكو كەشی خوێندن بۆ خوێندكاران لەباربێت و پاكوخاوێنی و خۆپارێزی ئەنجام بدەن تاوەكو بەدووربن لە تووشبوون بە كۆرۆنا.

بەپێی بڕیاری لیژنەی باڵای تەندروستی و سەلامەتی نیشتمانی عیراق، خوێندكاران یەك ڕۆژ لە ناو پۆل وانە دەخوێننن و ڕۆژەكانی دیكە بە ئەلیكترۆنی وانە دەخوێنن تاوەكو ڤایرۆسی كۆرۆنا بەرەو كەمبوونەوە دەچێت.

بەردەوام بە لە خوێندنەوە

عێراق

ترەمپ: تۆڵە دەكەینەوە

خەڵك – بەشی هەواڵ

ڕۆژنامەیەكی ئەمریكایی ئاشكرایدەكات، سەرۆكی ئەمریكا هۆشداری توندی داوە سەبارەت بە كوژرانی سەربازانی وڵاتەكەی لە عیراق.

ڕۆژنامەی واشنتۆن پۆست لەزاری لێپرسراوانی ئەمریكاوە بڵاویكردووەتەوە، دۆناڵد ترەمپ سەرۆكی ئەمریكا هۆشداری توندی داوە لە كوژرانی سەربازی وڵاتەكەی لە عیراق و ڕایگەیاندووە: لەكاتی كوژرانی سەربازانی ئەمریكی لەعیراق دەستبەجێ وەڵامی توندی دەبێت، ئەو هۆشدارییەی سەرۆكی ئەمریكاش هاوكاتە لەگەڵ كوژرانی زانا ئەتۆمییەكەی ئێران.

ڕۆژنامەكە ئەوەشی خستووەتەڕوو، مستەفا كازمی سەرۆك وەزیرانی عیراق لەلایەن لێپرسراوانی ئەمریكاوە گوشارێكی زۆری لەسەر دروستكراوە بۆ ئەوەی هەڵمەتی بەرەنگاربوونەوەی گرووپە چەكدارە شیعییەكان فراوانتر بكات.

بەردەوام بە لە خوێندنەوە

جیهان

توركیا 22 هاووڵاتی عیراقی دەستگیر دەكات

خەڵك – بەشی هەواڵ

هێزە ئەمنییەكانی توركیا 22 هاووڵاتی عیراقییان لەویلایەتی یوزگات دەستگیركرد.

ئاژانسی ئەنادۆڵی توركی بڵاویكردەوە، ئۆپراسیۆنی دەستگیركردنەكە لەلایەن هێزەكانی دژە تیرۆری سەر بە ئاسایش بەهاوكاری نووسینگەی داواكاری گشتی و دەزگای هەواڵگری ئەو ویلایەتەی توركیا ئەنجامدراوە.

ئەوەش خراوەتەڕوو، هەڵمەتی دەستگیركردنەكە لەچوارچێوەی هەڵمەتێكی دەستگیركردن و ڕاوەدونانی گومانلێكراوان بووە لەناوەڕاستی شارەكە و دوای دەستگیركردنیان، ئەو 22 كەسە كە هەڵگری ناسنامەی عیراقی بوون، ڕەوانەی بەشی لێكۆڵینەوەی ئاسایش كراون و سەرجەم دەستگیركراوەكانیش تۆمەتبارن بە ئەنجامدانی تاوان لە عیراق و دواتر هەڵاتوون بۆ توركیا.

بەردەوام بە لە خوێندنەوە

کوردستان