ئێمە لە تۆرە کۆمەڵایەتیەکان

کوردستان

هەولێر، ناوچەیەكی پیشەسازی نوێ‌ دروست دەكرێت

خەڵك- بەشی هەواڵ
سەرۆكی دەستەی وەبەرھێنان لە ھەرێمی كوردستان ڕایدەگەیەنێت، ناوچەیەكی پیشەسازی لە ھەولێر بە ناوی “تیمارت” لەسەر ڕوبەری دووهەزار و 500 دۆنم زەوی دروست دەكرێت، كە 52 كۆمپانیای وەبەرھێنان و كۆمەڵێك كارگە لەخۆ دەگرێت، ئاماژە بە ڕەزامەندی سەرۆكی حكوومەتیش لەسەر دابینكردنی خزمەتگوزاری بۆ ئەو ناوچەیە.

محەمەد شوكری، سەرۆكی دەستەی وەبەرھێنان لە ھەرێمی كوردستان بە ماڵپەڕی فەرمیی پارتی دیموكراتی كوردستانی ڕایگەیاندووە”هەفتەی داهاتوو دەست بە دروستكردنی ناوچەیەكی پیشەسازی لە ھەولێر دەكرێت، كە ئەوەی ھەولێر دەكرێتە تەندەر و دەكەوێتە كار و یەكێكی تریش لە هەڵەبجە بنیات دەنرێت، كە بۆ ئەویش سەرقاڵی دیاریكردنی زەوین و ئەوەی سلێمانیش لە ناوچەی عەربەت ھەزار دۆنمە و خەریكی دەرخستەین و ھەركاتێك تەواو بوو، ئەویش ڕادەگەیەنین”.

بە وتەی شوكری”سەبارەت بەوەی ھەولێر، كۆبوونەوەیەكمان لەگەڵ وەزارەتی بازرگانی و پیشەسازی و شارەوانی و پارێزگار كردووە و سەرۆكی حكوومەتیش رەزامەندیی دەربڕیوە كە خزمەتگوزاری بۆ دابین بكرێت، بۆیە چاوەڕێ دەكرێت ھەفتەی داھاتوو دەست بە كاركردن بكەین”.

سەرۆكی دەستەی وەبەرھێنان دەڵێت” ئەوەی (تیمارت) 2ھەزار و 500 دۆنم زەوی دەبێت، كە ناوچەی پیشەسازی لەسەر دروست دەكرێت و 52 كارگەی وەبەرھێنانی ھەیە و چەند كارگەیەكی پیشەسازییش لە خۆ دەگرێت، ئەوەی دیكەش بۆ مامەڵەكردن تەرخان دەكرێت”.

محەمەد شوكری پێیوایە”پلانی سەرەكیی حكومەتە گرنگی بە ژێرخانی ئابووری بدات، بە تایبەت لە ھەردوو بواری كشتوكاڵ و پیشەسازی لە ھەرێمی كوردستان، بۆیە ھەموو ھەوڵی حكومەت ئەوەیە كار بۆ ئەو دوو كەرتە بكات”.

ژینگە

كەشناسی هەرێم ڕێژەی باران بارینی 12 كاتژمێری ڕابردووی بڵاوكردەوە

خەڵك – بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێم بڕی باران بارینی لە ماوەی 12 كاتژمێری ڕابردوو بڵاوكردەوە.

بەڕێوەبەرایەتی گشتی كەشناسی و بومەلەرزەزانی هەرێم لە ڕاگەیەنراوێكدا بڕی باران بارینی لە ماوەی 12 كاتژمێری ڕابردوو بڵاوكردەوە كە بەم شێوەیەی خواروەیە:

هەولێر دڵۆپ دڵۆپ
سلێمانی 5.3 ملم
پیرمام 0.4 ملم
چەمچەماڵ 7.7 ملم
بازیان 5.6 ملم
دەربەندیخان 9.2 ملم
دوكان 4.8 ملم
هەڵەبجە 1.8 ملم
هەڵشۆ 3.4 ملم
كەلار 3.2 ملم
مەیدان 10.8 ملم
قەڵادزە 5 ملم
چۆمان 0.8 ملم
خانەقین 1 ملم

بەردەوام بە لە خوێندنەوە

کوردستان

پۆلیسی سلێمانی: گەنجێك كۆتایی بەژیانی خۆی هێنا

خەڵك – بەشی هەواڵ
وتەبێژی بەڕێوەبەرایەتی پۆلیسی پارێزگای سلێمانی ڕایدەگەیەنێت، كەمێك پێش ئێستا گەنجێك لە كافتریایەكی سلێمانی كۆتایی بە ژیانی خۆی هێنا.

نەقیب سەركەوت ئەحمەد وتەبێژی بەڕێوەبەرایەتی پۆلیسی پارێزگای سلێمانی ڕایگەیاند: كەمێك پێش ئێستا پۆلیس لە ڕووداوێك كە لە یەكێك لە كافتریاكانی سلێمانی ڕوویداوە ئاگادار كرایەوە و تیمەكانی پۆلیس و بەشی نەهێشتنی تاوان هەڵگرتنەوەی بەڵگەنامەكان گەیشتنە شوێنی ڕووداوەكە.

نەقیب سەركەوت ئەحمەد وتیشی: بەپێی لێكۆڵینەوە سەرەتاییەكان پێدەچێت ڕووداوەكە خۆكوژی بێت و لێكۆڵینەوە لە ڕووداوەكە دەستیپێكردووە و تەرمی گەنجەكەش ڕەوانەی پزیشكی دادی لەسلێمانی كراوە بۆ لێكۆڵینەوەی زیاتر لە ڕووداوەكە.

بەردەوام بە لە خوێندنەوە

کوردستان

بڕیار لە كەمكردنەوەی كرێی خوێندی خوێندنگە ئەهلییەكان دەدرێت

خەڵك – بەشی هەواڵ

بڕیاردەری لیژنەی پەروەردە و خوێندنی باڵا لە پەرلەمانی كوردستان ڕایدەگەیەنێت، داوایان لە وەزارەتی پەروەردە كردووە ھاوشێوەی وەزارەتی خوێندنی باڵا، كرێی خوێندنی خوێندنگە ئەھلییەكان 15% تا 25% كەم بكرێتەوە.

گەلاوێژ عوبێد بڕیاردەری لیژنەی پەروەردە و خوێندنی باڵا لە پەرلەمانی كوردستان بە ماڵپەڕی فەرمی پارتی ڕایگەیاندووە:”دوای كەمكردنەوەی كرێی خوێندنی زانكۆ و پەیمانگاكان، بە نووسراوی فەرمی داوامان لە وەزارەتی پەروەردە كردووە كە ھاوشێوەی زانكۆ و پەیمانگاكان كرێی خوێندنی خوێندنگە ئەھلییەكان 15% بۆ 25% كەم بكرێتەوە”.

بڕیاردەری لیژنەی پەروەردە و خوێندنی باڵا لە پەرلەمانی كوردستان وتیشی: “چاوەڕێی وەڵامی وەزارەتی پەروەردە دەكەین بڕیار لەوبارەیەوە بدات و بڕیارە ئەوانیش تاووتوێی داواكارییەكە بكەن و وەڵامی ئێمە بدەنەوە، بەڵام گەشبینین كە وەڵامیان ئەرێنی دەبێت و كرێیەكە بەھۆی ئەو دۆخەوە كەم دەكەنەوە”.

بەردەوام بە لە خوێندنەوە

کوردستان