ئێمە لە تۆرە کۆمەڵایەتیەکان

کوردستان

٢٢ پزیشک و کارمەندی تەندروستی لەهەولێر گیانیان لەدەستداوە

خەڵک- ئارام سەردار

بەپێی دوایین ئامارەکانی تەندروستی دوێنێ ٣٠٥ تووشبووی کۆڕۆنا تۆمارکران و ٦ تووشبووش گیانیان لەدەستدا، لەهەمان کاتدا ١١٩ کەسیش چاک بوونەتەوە.بەڕێوەبەری ڕاگەیاندن و پەیوەندیەکانی بەڕێوەبەرایەتی گشتی تەندروستی هەولێر ڕایدەگەیەنێت، دەبینین ژمارەی تووشبووانیش زیاتر دەبێ و ئامارەکان زیاد دەکەن، بەداخەوە بەشێکی دەگەڕێتەوە بۆ بەریەککەوتنی زیاتری هاوڵاتیان و پابەند نەبوونیان بە ڕێنمایی و ڕێکارە خۆپارێزییەکان.

 

سامان سەلمان، بەڕێوەبەری ڕاگەیاندن و پەیوەندیەکانی بەڕێوەبەرایەتی گشتی تەندروستی هەولێر بە(خەڵک)ی ڕاگەیاند، ئێستا لەکاتی گۆڕینی وەرزداین، دەبینین ژمارەی تووشبووانیش زیاتر دەبێ و ئامارەکان زیاد دەکەن، بەداخەوە بەشێکی دەگەڕێتەوە بۆ بەریەککەوتنی زیاتری هاوڵاتیان و پابەند نەبوونیان بە ڕێنمایی و ڕێکارە خۆپارێزیەکان، بەتایبەت ک ژیان ئاسایی بۆتەوە.

 

دەشڵێت، وەک تەندروستی هەولێر بەردەوام لەڕێگای تیمەکانی جێگیر و جولاو و هاوشان لەگەڵ پارێزگا و وەزارەتی تەندروستی هەڵمەتی هۆشیاریمان ئەنجامداوە، چەندین پەیاممان بڵاوکردەوە و بەدیوارەکان هەڵمانواسین بۆ ئەوەی هاوڵاتیان کەمترین بەرکەوتەیان هەبێت، تاوەکو خۆشەویستانیان لەدەست نەدەن.

 

ئەوەشی خستەڕوو، لەبەرەنگاربوونەوەی ڤایرۆسی کۆڕۆنا ٢٢ پزیشک و کارمەندی تەندروستی و فەرمانبەرمان بەداخەوە گیانیان سپارد، بۆیە نامانەوێ هیچ کەسێک لەدەست بدەین ئەویش بەپابەندبوونمان بە جێبەجێ کردنی ڕێنماییەکان، تاوەکو ئامارەکانیش کەم ببنەوە.

 

تا ئێستا دوو هەزار و ٤٤٥ تەندروستکار لەهەرێمی کوردستان تووشی ڤایرۆسی کۆرۆنا بوون، بەجۆرێک لە هەولێر نزیکی هەزار و ١٠٠ تووشبووە، لەسلێمانی زیاتر لە ٧٥٠ تووشبووە، لەدهۆك ٥٨٠ تووشبووە و لەهەڵەبجەش ١٥ تووشبووە.

ریکلام

ژینگە

كەشناسی هەرێم ڕێژەی باران بارینی 12 كاتژمێری ڕابردووی بڵاوكردەوە

خەڵك – بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێم بڕی باران بارینی لە ماوەی 12 كاتژمێری ڕابردوو بڵاوكردەوە.

بەڕێوەبەرایەتی گشتی كەشناسی و بومەلەرزەزانی هەرێم لە ڕاگەیەنراوێكدا بڕی باران بارینی لە ماوەی 12 كاتژمێری ڕابردوو بڵاوكردەوە كە بەم شێوەیەی خواروەیە:

هەولێر دڵۆپ دڵۆپ
سلێمانی 5.3 ملم
پیرمام 0.4 ملم
چەمچەماڵ 7.7 ملم
بازیان 5.6 ملم
دەربەندیخان 9.2 ملم
دوكان 4.8 ملم
هەڵەبجە 1.8 ملم
هەڵشۆ 3.4 ملم
كەلار 3.2 ملم
مەیدان 10.8 ملم
قەڵادزە 5 ملم
چۆمان 0.8 ملم
خانەقین 1 ملم

بەردەوام بە لە خوێندنەوە

کوردستان

پۆلیسی سلێمانی: گەنجێك كۆتایی بەژیانی خۆی هێنا

خەڵك – بەشی هەواڵ
وتەبێژی بەڕێوەبەرایەتی پۆلیسی پارێزگای سلێمانی ڕایدەگەیەنێت، كەمێك پێش ئێستا گەنجێك لە كافتریایەكی سلێمانی كۆتایی بە ژیانی خۆی هێنا.

نەقیب سەركەوت ئەحمەد وتەبێژی بەڕێوەبەرایەتی پۆلیسی پارێزگای سلێمانی ڕایگەیاند: كەمێك پێش ئێستا پۆلیس لە ڕووداوێك كە لە یەكێك لە كافتریاكانی سلێمانی ڕوویداوە ئاگادار كرایەوە و تیمەكانی پۆلیس و بەشی نەهێشتنی تاوان هەڵگرتنەوەی بەڵگەنامەكان گەیشتنە شوێنی ڕووداوەكە.

نەقیب سەركەوت ئەحمەد وتیشی: بەپێی لێكۆڵینەوە سەرەتاییەكان پێدەچێت ڕووداوەكە خۆكوژی بێت و لێكۆڵینەوە لە ڕووداوەكە دەستیپێكردووە و تەرمی گەنجەكەش ڕەوانەی پزیشكی دادی لەسلێمانی كراوە بۆ لێكۆڵینەوەی زیاتر لە ڕووداوەكە.

بەردەوام بە لە خوێندنەوە

کوردستان

بڕیار لە كەمكردنەوەی كرێی خوێندی خوێندنگە ئەهلییەكان دەدرێت

خەڵك – بەشی هەواڵ

بڕیاردەری لیژنەی پەروەردە و خوێندنی باڵا لە پەرلەمانی كوردستان ڕایدەگەیەنێت، داوایان لە وەزارەتی پەروەردە كردووە ھاوشێوەی وەزارەتی خوێندنی باڵا، كرێی خوێندنی خوێندنگە ئەھلییەكان 15% تا 25% كەم بكرێتەوە.

گەلاوێژ عوبێد بڕیاردەری لیژنەی پەروەردە و خوێندنی باڵا لە پەرلەمانی كوردستان بە ماڵپەڕی فەرمی پارتی ڕایگەیاندووە:”دوای كەمكردنەوەی كرێی خوێندنی زانكۆ و پەیمانگاكان، بە نووسراوی فەرمی داوامان لە وەزارەتی پەروەردە كردووە كە ھاوشێوەی زانكۆ و پەیمانگاكان كرێی خوێندنی خوێندنگە ئەھلییەكان 15% بۆ 25% كەم بكرێتەوە”.

بڕیاردەری لیژنەی پەروەردە و خوێندنی باڵا لە پەرلەمانی كوردستان وتیشی: “چاوەڕێی وەڵامی وەزارەتی پەروەردە دەكەین بڕیار لەوبارەیەوە بدات و بڕیارە ئەوانیش تاووتوێی داواكارییەكە بكەن و وەڵامی ئێمە بدەنەوە، بەڵام گەشبینین كە وەڵامیان ئەرێنی دەبێت و كرێیەكە بەھۆی ئەو دۆخەوە كەم دەكەنەوە”.

بەردەوام بە لە خوێندنەوە

کوردستان