ئێمە لە تۆرە کۆمەڵایەتیەکان

کوردستان

“عەیبەیەكی‌ گەورەیە دەرماڵە و شایستەی دارایی كارمەندو مامۆستا ببەسترێتەوە بە ئەندامبوون لە سەندیكاكان”

خەڵك-بەشی هەواڵ

 

ئەندامێكی پەڕلەمانی كوردستان ڕایدەگەیەنێت، پێموانیە یاسای چاكسازی بتوانێت هیچ لە دۆخی‌ خراپی‌ ژیانی‌ خەڵك بگۆڕێت‌.

عومەر گوڵپی ئەندامی پەڕلەمانی كوردستان سەبارەت بە ڕاپۆرتەكەی حكومەتی هەرێم لەبارەی یاسای چاكسازی لە هەژماری خۆی بڵاویكردەوە، بەپێی‌ ڕاپۆرتەكە، حكومەت تەمەنی‌ چەندین كابینەی‌ تریشی‌ پێویستە تا تەواوی‌ قەرزە بازرگانیەكانی لە كۆمپانیاكان وەردەگرێتەوە.

وتیشی”ئەگەرچی‌ لە بنەمادا، پێموانیە ئەم یاسایە بتوانێت هیچ لە دۆخی‌ خراپی‌ ژیانی‌ خەڵك بگۆڕێت‌و چاكسازی‌ ڕاستەقینەو بە بەرهەم ئەوەیە كە لە داهاتەكان و داهاتی‌ (خاڵە سنورییەكان) و (داهاتی‌ نەوت) و وازهێنان لە (قۆرخكاری)دا بكرێت، بەڵام لەو ڕوانگەیەوە كە خودی‌ دەركردنی‌ یاساكان ئامانج نین‌ و حیكمەت لە جێبەجێكردن‌و هێنانەدی‌ ئامانجی‌ دەرچوواندنی‌ یاساكاندایە”.

ناوبراو چەند سەرنجێك لەسەر ڕاپۆرتی‌ سێ مانگی‌ یەكەمی‌ جێبەجێكردنی‌ یاسای‌ چاكسازی‌ ئاشكرا دەكات و ئاماژە بۆ ئەوە دەكات، خودی‌ ڕاپۆرتەكە تەنها (١٥) لاپەڕەیەو (١٥٣) لاپەڕەی‌ تەرخانە بۆ هاوپێچەكانی‌، كە بریتین لەو سیستم و ڕێنمایی‌ و بڕیارانەی‌ بۆ جێبەجێكردنی‌ یاساكە لەلایەن حكومەتەوە دەركراون، هەروەها بێجگە لە نزیكەی‌ یەك ملیار دینار لە قەرزی‌ كۆمپانیاكان (كە دەبوو حكومەت بەبێ ئەو یاسایەش ئەو قەرزانە لەو كۆمپانیایانە وەربگرێتەوە!)، ئاماژە نەدراوە بەهیچ بڕە پارەیەك كە بەهۆی‌ یاساكەوە بۆ خەزێنەی‌ گشتی‌ زیاد بووبێت.

ڕوونیشیكردەوە، ئەگەر حكومەت بە سێ مانگ تەنها یەك ملیارو سەد ملیۆن و پێنج سەد هەزار دیناری‌ لە قەرزە بازرگانیەكان لە كۆمپانیاكان وەرگرتبێتەوە، كەواتە بۆ گەڕانەوەی‌ زیاتر لە (٩٢٨) ملیار دیناری قەرزەكان، حكومەت تەمەنی‌ چەند‌ كابینەی تری‌ پێویستە!، لەكاتێكدا دەسەڵات بە پارەی‌ خەڵك كۆمپانیا حزبی‌ و نیمچە حزبییەكانی‌ دەوڵەمەند كردووە و كۆمپانیای‌ گیرفان بەتاڵ و بێ سەرمایەی‌ كردووەتە سەرمایەدار.
٤
گوڵپی جەخت لەوەش دەكاتەوە، بە پێی‌ ڕاپۆرتەكە، بەڕێوەبەرایەتیەكی‌ گشتی‌ و یەك یاریدەدەری‌ بەڕێوەبەری‌ گشتی‌ و چوار بەرێوەبەرایەتی‌، داهێنراوە كە پێشتر نەبوون، كە خەرجی زیاد دەكەن.

بسی لەوەش كرد، بە پێی‌ ڕاپۆرتەكە یەك دینار نەخراوەتە سەر سندوقی‌ خانەنشینی‌ بۆ خانەنشینان! كە بەپێی‌ یاساكە پێویستە حكومەت پشتیوانی‌ دارایی‌ سندوقەكە بكات، ئەمە لە كاتێكدا پەیڕەوی‌ دامەزراندنی‌ سندوقی‌ خانەنشینی‌ لە (١ی‌ ٨ی‌ ٢٠٢٠)ەوە دەرچووە و هەروەها لە ڕاپۆرتەكەدا هیچ ئاماژەیەك نییە بۆ گەڕاندنەوەی‌ شایستەی‌ دارایی‌ مووچەخۆران لە ڕێگەی‌ ئەژمێری‌ بانكیەوە‌ و تا ئێستا تەنها نزیكەی‌ ٦٨ هەزار كارمەندو مووچەخۆر ئەژمێری‌ بانكیان بۆ كراوەتەوە، ئەی‌ بۆ كردنەوەی‌ ئەمێرەكە بۆ زیاتر لە ملیۆنێك مووچەخۆر حكومەت چەند كاتی‌ تری‌ پێویستە؟ و كەی كارمەندان دەتوانن سود لە شایستە داراییەكانیان وەرگرن؟

ئاشكراشیكرد، یەكەی‌ ٨٠ی‌ پێشمەرگە، لە بەرواری‌ (١١ی‌ ١٠ی‌ ٢٠٢٠)، وەڵامی‌ وەزارەتی‌ پێشمەرگەی‌ داوەتەوە كە ئامادەن سەرجەم دۆسییەكان و لیستی‌ مووچەخۆران و ئەفسەران و خانەنشینی‌ بە هەموو جۆرەكانییەوە بۆ وەزارەتی‌ پێشمەرگە بنێرن، بەڵام ڕاپۆراتەكە باس لە یەكەی‌ هێزەكانی‌ (٧٠) ناكات داخۆ ئەوانیش ئامادەن یان نا؟ ئەمە لە كاتێكدا لە سەرەتای‌ مانگی‌ (٩)ی‌ ساڵی‌ (٢٠٢٠)ەوە نووسراو بۆ هەردوو یەكەكە كراوە، هەروەها ڕاپۆرتەكە ئاماژە ناكات بە تەنها یەك دیناریش كە لە خەزێنەی‌ گشتی‌ زیاد بووبێت بەهۆی‌ جێبەجێكردنی‌ یاساكەوە و ڕاپۆرتەكە زیاتر تەرخانە بۆ ئاماژەدان بە ژمارەیەك سیستم و ڕێنمایی‌ و بڕیار كە بۆ جێ بەجێكردنی‌ یاساكە لەلایەن حكومەتەوە دەركراون.
وتیشی”لە هاوپیچی‌ ڕاپۆرتەكەدا،‌ هێندێك ڕێنمایی‌ و بەیان هەن كە هیچ پەیوەندییان بە یاسای‌ چاكسازی‌ و جێبەجێكردنیەوە نییە و لە بۆچوونی‌ وەزارەتی‌ دارایی‌ لەسەر دەرماڵەی كارمەندان نمونە بە دەرماڵەی‌ پیشەیی‌ بۆ مامۆستایان هێنراوەتەوە كە مەرجدار بكرێت و هێندێك مەرجی‌ بۆ پیشنیار كراوە، وەك ئەندامبوون لە یەكێتی‌ مامۆستایان، ئەم بۆچونە زۆر دوورە لە بنەماكانی‌ كاری‌ ڕێكخراوەكانی‌ كۆمەڵگەی‌ مەدەنی‌ و سەندیكا پیشەییەكان و پێویستە وەزارەتی‌ دارایی‌ و هیچ دامەزراوەیەك بیر لە بابەتی‌ لەمجۆرە نەكاتەوە، چونكە عەیبەیەكی‌ گەورەیە دەرماڵە و شایستەی دارایی كارمەندو مامۆستاو پزیشك ببەسترێتەوە بە ئەندامبوون لە سەندیكاكان.

کوردستان

وەفدێكی تەكنیكی هەرێم بەرەو بەغدا بەڕێكەوت

خەڵك – بەشی هەواڵ

وەفدێكی تەكنیكی هەرێمی كوردستان بۆ دانوستان لەگەڵ حكومەتی عیراق بەرەو بەغدا بەڕێكەوت كە ئاوات شێخ جەناب، وەزیری دارایی و ئابوورى هەرێمی كوردستان سەرپەرشتی دەكات.

هەر یەكە لە خالید شوانی، وەزیری هەرێم بۆ كاروباری بەغدا و عەبدولحەكیم خەسرۆ، سەرۆكی فەرمانگەی هەماهەنگی و بەدواداچوون لە حكومەتی هەرێمی كوردستان ئەندامانی وەفدەكەن. بڕیارە لەگەڵ حكومەتی عیراق لەبارەی ناردنی 320 ملیار دینارەكە، بودجەی ساڵی 2021 و گفتوگۆ بكەن.

ڕۆیشتنی وەفدە تەكنیكییەكەی هەرێمی كوردستان لە چوارچێوەی گفتوگۆكردنە لەگەڵ كۆمپانیای سۆمۆ، وەزارەتی دارایی و حكومەتی عیراق بۆ دابینكردنی شایستە داراییەكانی هەرێمی كوردستان لە بودجەی 2021.

بەردەوام بە لە خوێندنەوە

کوردستان

قاسم ئەعرەجی: سەركەوتنی ئەزموونی ڕێككەوتنی شەنگال ڕێگەخۆشكەرە بۆ ڕێككەوتنی كەركوك

خەڵك – بەشی هەواڵ

ڕاوێژكاری ئاسایشی نەتەوەیی عیراق ڕایدەگەیەنێت، سەركەوتنی ئەزموونی ڕێككەوتنی شەنگال ڕێگەخۆشكەرە بۆ ڕێككەوتنی كەركوك و شارەكانی تری عیراق.

قاسم ئەعرەجی، ڕاوێژكاری ئاسایشی نەتەوەیی عیراق لە میانی پێشوازیكردن لە ڕێكخراوی پڕۆمیدیاسیۆنی فەڕەنسی ڕایگەیاند، كاری لەپێشینەیان چارەسەركردنی كێشەكان و نەهێشتنی گیانی تۆڵەسەندنەوەیە لەنێوان لایەنە ناكۆكەكان.

نووسینگەی قاسم ئەعرەجی ڕاوێژكاری ئاسایشی نەتەوەیی عیراق لە ڕاگەیەنراوێكدا ئاشكرایكرد:”سەركەوتنی ئەزموونی ڕێككەوتنی شەنگال ڕێگەخۆشكەرە بۆ جێبەجێكردنی ئەو ئەزموونە لە كەركوك و شارەكانی تری عیراق. حكومەتی عیراقیش هەموو هەوڵێكی بۆ گەڕاندنەوەی ئاسایش و سەقامگیرییە بۆ سەرانسەری وڵات”.

بەپێی ڕاگەیەنراوەكە، مەجدوولین جیر ئاردۆ، لێپرسراوی ڕێكخراوی پڕۆمیدیاسیۆنی فەڕەنسی داوای لە ئەعرەجی كردووە كار بكەن بۆ ڕێكخستنی گفتوگۆ لەنێوان لایەنەكان و ڕێكخراوەكەشیان لە گفتوگۆدایە لەگەڵ سەرجەم لایەنەكانی شەنگال.

ڕۆژی 9ی تشرینی یەكەمی 2020 وتەبێژی سەرۆك وەزیرانی عیراق ڕایگەیاند، مستەفا كازمی، سەرۆك وەزیران چاودێریی ڕێككەوتنی تایبەت بە شەنگالی كرد كە دەسەڵاتی حكومەتی فیدراڵیی لەو شارە بەهێزدەكات.

بەردەوام بە لە خوێندنەوە

کوردستان

د.جوان ئیحسان: ئەگەر هەرێم ئامادەی ڕێككەوتن نەبێت دەست بۆ بژاردەی تر دەبەین

خەڵك – بەشی هەواڵ

د. جوان ئیحسان، سەرۆكی فڕاكسیۆنی یەكێتی لە ئەنجومەنی نوێنەرانی عیراق ڕایدەگەیەنێت:”تا ڕێككەوتنی سیاسی هەرێم و بەغدا نەكرێت ئێمەی پەرلەمانتار ناتوانین هیچ بكەین، چونكە ئێستا نەریتی عیراق بە شێوەیەكە دەبێت پێشتر ڕێككەوتنی سیاسی كرابێت بۆ ئەوەی بتوانرێت بە ئاسانی یاسا دەربكرێت و دەنگی پێویست بهێنێت بەتایبەت پڕۆژە یاسای بودجە”.

سەرۆكی فڕاكسیۆنی یەكێتی لە ئەنجومەنی نوێنەرانی عیراق وتیشی: ئەگەر ئەمجارە حكومەتی هەرێم نەیەتە پێشەوە و ئامادەی ڕێككەوتن نەبێت، دەست بۆ بژاردەی تر بەرین كە لە وانەیە بەدڵی هێزە سیاسییەكانی هەرێم نەبێت و لە بەرژەوەندی هاووڵاتییاندا بێت”.

بەردەوام بە لە خوێندنەوە

کوردستان