ئێمە لە تۆرە کۆمەڵایەتیەکان

ئابوری

دابەشكردنی مووچەی مانگی 10 دەستپێدەكات

خەڵك- بەشی هەواڵ
دوابەدوای بڕیاری وەزارەتی دارایی بۆ دابەشكردنی مووچەی مانگی 10ی فەرمانبەران، دەستەی گشتی خانەنشینی عیراق ئاشكرای دەكات، كە مووچەی خانەنشینان لە وادەی خۆیدا خەرج دەكرێت.

بەپێی بڕیاری وەزارەتی دارایی حكومەتی عیراق لە هەفتەی داهاتووەوە دابەشكردنی مووچەی مانگی 10ی فەرمانبەران دەستپێدەكات و بەپێی بڕیاری سەرۆك وەزیرانی عیراقیش، لەگەڵ مووچەی فەرمانبەرانی عیراق، پارەی مووچەی فەرمانبەرانی هەرێم، كە 320 ملیار دینارە ڕەوانەی هەولێر دەكرێت.

دەستەی گشتی خانەنشینی عیراق لە بەیاننامەیەكدا ئاماژەی بەوەكردووە، كە دەست دەكەن بە دابەشكردنی مووچەی خانەنشینان لە وادەی دیاریكراوی خۆیدا و بەبێ‌ دواكەوتن.

ڕاشیگەیاندووە، كە سەرجەم مامەڵەی خانەنشینە نوێیەكان تەواو بووە و هیچ كێشەیەكیان نەماوە.

ئاشكراشی كردووە، كە هۆكاری دواكەوتنی خەرج كردنی پاداشتی كۆتایی خزمەتی فەرمانبەرانی مەدەنی بەهۆی دواكەوتنی پەسەندكردنی بودجەی 2020ەوە بوو، چونكە كێشە بۆ تەمویلی پارە دروست بوو، بەڵام بۆ خانەنشینانی سەربازی كێشە دروست نەبووە و بەپێی خشتەی خۆیان پارەكەیان بۆ خەرج كراوە.

خانەنشینی عیراق جەختیشی كردۆتەوە، كە تا ئێستا 60 هەزار مامەڵەی نوێ‌ بۆ خانەنشینی هاتۆتە بەردەستیان و ڕێژەی 90%ی تەواو بووە.

سبەینێ‌ چوار شەممە بە خانەنشینانی مەدەنی دابەشكردنی مووچەی مانگی 9 بە لێبڕینی 18%ەوە دابەشكردنی مووچە كۆتایی دێت و تا ئێستا ئەوە دیار نییە ئاخۆ لەگەڵ عیراق دەست بە دابەشكردنی مووچەی مانگی 10 دەكرێت یان نا، چونكە ئەنجوومەنی وەزیرانی هەرێم لە دواین كۆبوونەوەی خۆیدا بڕیاریدا خشتە و لیستی دابەشكردنی مووچە لەگەڵ عیراق هاوتا بكات.

ئابوری

لە بانكێك بڕی 100 هەزار دینار بەسەر كەمدەرامەتان دابەش دەكرێت

خەڵك- بەشی هەواڵ

بەڕێوەبەرایەتی تۆڕی پاراستنی كۆمەڵایەتی گەرمیان ئاشكرای دەكات، كە سبەینێ‌ بڕی 100 هەزار دیناری كەمدەرامەتان لە بانكی شێروانە دابەش دەكرێت.

بەڕێوەبەرایەتی تۆڕی پاراستنی كۆمەڵایەتی گەرمیان لە ڕاگەیەنراوێكدا ئاماژەی بەوەكردووە، كە هەموو خێزانە هەژار و كەمدەرامەتەكانی (شارەدێی ڕزگاری) كە لەمانگی ئاب-ی ڕابردوودا ناوەكانیان لەلایەن لیژنەكانمانەوە تۆماركراوە پارەی كەمدەرامەتییان بەسەردا دابەش دەكرێت.

ڕاشیگەیاندووە، ئەو هاووڵاتیانە دەتوانن سبەی چوار شەممە ۲ی ۱۲ی ۲۰۲۰ سەردانی بانكی شێروانە بكەن لەشاری كەلار بەمەبەستی وەرگرتنی هاوكارییەكەی حكومەتی هەرێم كە برەكەی (١٠٠) هەزار دینارە.

جەختیشی كردۆتەوە، دەبێت هاوولاتیان ڕەگەزنامە و فۆڕمی خۆراك لەگەڵ خۆیان ببەن بۆ وەرگرتنی بڕە هاوكارییەكە.

بەردەوام بە لە خوێندنەوە

ئابوری

لە عیراق دابەشكردنی مووچەی مانگی 12 دەستپێدەكات

خەڵك- بەشی هەواڵ

دەستەی گشتی خانەنشینی عیراق ئاشكرای دەكات، كە لە سبەینێوە دەست بە دابەشكردنی مووچەی مانگی 12ی خانەنشینان دەكرێت.

دەستەی گشتی خانەنشینی عیراق لە بەیاننامەیەكدا ئاماژەی بەوەكردووە، كە لەسەر ڕاسپاردەی وەزارەتی دارایی دەست دەكەن بە دابەشكردنی مووچەی خانەنشینان.

ڕاشیگەیاندووە، مووچەی مانگی كانوونی یەكەم (12)یە و خانەنشینانی سەربازی و مەدەنی دەتوانن بچن بۆ وەرگرتنی مووچەكانیان.

ئەمە لەكاتێكدایە، كە لە مانگی 11دا حكومەتی عیراق دوو مووچەی مانگی 10 و 11ی دابەشكرد، بەلام فەرمانبەرانی هەرێم هێشتا چاوەڕێی وەرگرتنی مووچەی مانگی 10 دەكەن لەكاتێكدا بە فەرمانی ئەنجوومەنی وەزیرانی هەرێم مانگانە لەگەڵ عیراق مووچە دابەش دەكرێت.

بەردەوام بە لە خوێندنەوە

ئابوری

حكومەتی هەرێم كاتی دابەشكردنی مووچە دیاری دەكات

خەڵك- ئارام سەردار
وتەبێژی فەرمی حكومەتی هەرێم ئاشكرای دەكات، كە سبەینێ‌ ئەنجوومەنی وەزیران دوابڕیار لەسەر مووچەی فەرمانبەران دەدات.

د.جوتیار عادل، وتەبێژی فەرمی حكومەتی هەرێمی كوردستان لەكۆنگرەیەكی ڕۆژنامەوانیدا دوای كۆبوونەوەی لیژنەی باڵای ڕووبەڕووبوونەوەی كۆرۆنا ڕایگەیاند، بەمنزیكانە حكومەتی هەرێمی كوردستان كۆبوونەوەی تایبەت دەكات بە مووچە و بڕیاری تایبەت دەدات سەبارەت بە مووچە.

جەختیشی كردەوە، هەر كاتێك حكومەت بە گونجاوی زانی شاندی دانوستانكاری هەرێم بچێتە بەغدا و لە بەرژەوەندی هەرێم بوو ئەو كات شاندەكە دەچێت.

ئەمە لەكاتێكدایە، كە دواكەوتنی پێدانی مووچە نزیك دەبێتەوە لە دوو مانگ و هێشتا مووچەی مانگی 10ی فەرمانبەران دابەش نەكراوە.

بەردەوام بە لە خوێندنەوە

کوردستان