ئێمە لە تۆرە کۆمەڵایەتیەکان

ئابوری

وەزیری کارەبا: کاتێک دابەشکردنی درایە کەرتی تایبەت، بەڵێندەدەین نرخ لەسەر هاوڵاتی زیادنابێت

خەڵک- ئارام سەردار

 

ئەمڕۆ سێ شەممە ٢٠ی تشرینی یەکەمی ٢٠٢٠ وەزیری کارەبای حکومەتی هەرێم لەپەڕلەمان لەگەڵ لیژنه‌ى وزه‌ و سامانه‌ سروشتییه‌كان کۆبۆوە و دوای کۆبوونەوەکەش ڕایگەیاند، تائێستا دابەشکردنی کارەبا بەهیچ کۆمپانیایەک نەدراوە.

كه‌مال محه‌مه‌د، وه‌زیرى كاره‌باى حكومه‌تى هه‌رێمى لەکۆنفڕانسێکی ڕۆژنامه‌وانیدا ڕەتی کردەوە، کەوا تاوەکو ئێستا دابەشکردنی كه‌رتى كاره‌با درابێتە هیچ کۆمپانیایەک و ڕایگەیاند، ئەو بابه‌ته‌ له‌ پرۆسه‌ى ته‌نده‌ریندایه‌، لەهەمان کاتدا له‌ ئه‌گه‌رى جێبه‌جێكردنى پرۆژه‌كه‌دا به‌ڵێن ده‌ده‌ین كه‌ نرخ له‌سه‌ر هاووڵاتییان زۆر نابێت .

سەبارەت بە گواستنەوەی فەرمانبەران بۆ سەر کەرتی تایبەت دەڵێت، به‌نیازین دابه‌شكردنى كه‌رتى كاره‌با بده‌ینه‌ ده‌ست كه‌رتى تایبه‌ت، بەپێی پێویستی ئێمە هه‌رچه‌نده‌ كارمه‌ند پێویست بێت، ده‌یخه‌ینه‌ سه‌ر كه‌رتى تایبه‌ت واتە ئه‌و‌ بابه‌ته‌ به‌گوێره‌ى پێویستییه‌.

 

وەزیری کارەبا ئەوەشی ڕەتکردەوە پارەی زۆر بۆ هاوڵاتیبان هەژمارکرابێت، چونکە ئەو پێوەرانەی کاردەکەن باوەڕپێکراون و چەندە هەژمار بکات دروستە.

ریکلام

ئابوری

نرخی زێڕ و نەوت و دراوەکان

خەڵک – بەشی هەواڵ

 

نرخی زێڕ و نەوت و دراوەکان بۆ ئەمڕۆ یەک شەممە لەبازاڕەکانی هەرێمی کوردستان بەم جۆرەى خوارەوەیە، کە لە زێڕنگەری پێشین وەرگیراوە:

 

زێڕ:

Oz: 1786$
24K: 360,000
21K: 315,000
18K: 270,000
Lira 22K= 378$

نەوت:

BRENT: 48.3$
WTI: 45.5$

دراوەکان:

100$= 125,500
100€= 150,000
100£= 167,000
100$=785 لیرەی تورکی
100$= 2,435,000 تمەن (نەقدی)
100$= 2,530,000 تمەن (حەواڵە)

 

بەردەوام بە لە خوێندنەوە

ئابوری

بەشێک لەپەرلەمانتاران هۆشداری بەسەرۆکایەتى پەرلەمان دەدەن

خەڵک – بەشی هەواڵ
ئەندامێکی پەرلەمانی کوردستان ڕایدەگەیەنێت، لە حاڵەتی جێگیرنەکردنی بڕگەی موچەى هاوڵاتییان لە بەرنامەی کاری سبەینێ پەرلەماندا، یاخود دەرفەت نەدان بە گفتوگۆ لەسەر موچەی ھاوڵاتی، ھەڵوێستی کردارییان دەبێت.
شایان عەسکەری ئەندامی پەرلەمانی کوردستان ڕایگەیاند، دەستەی سەرۆکایەتی پەرلەمان بەرنامەی کاری دانیشتنی ڕۆژی دوو شەممەی ٢٠٢٠/١١/٣٠ داناوە، بڕگەی کێشەی موچەی ھاوڵاتیانی تێدا نییە.
ئەوەشی خستەڕوو، ژمارەی یاسایی پەرلەمانتاران واژوویان کردووە ، بۆ زیادکردنی بڕگەی موچە بۆ بەرنامەی کاری دانیشتنی سبەینێی پەرلەمانی کوردستان.
وتیشی: دۆزینەوەی چارەسەر بۆ دۆخی خراپی موچەی ھاوڵاتیان و ڕێککەوتن لەگەڵ بەغدا، دەبێ لە پێشینەی ئەرکی پەرلەمان بێت.
دەشڵێت: لە حاڵەتی جێگیر نەکردنی ئەو بڕگەیە لە بەرنامەی کاری سبەینێ، یاخود دەرفەت نەدان بە گفتوگۆ لەسەر موچەی ھاوڵاتی، ھەڵوێستی کرداریمان دەبێت.
بەردەوام بە لە خوێندنەوە

ئابوری

هاوردەكردنی غاز لە ئێرانەوە بۆ عێراق كەمیكرد

خەڵك- بەشی هەواڵ

وەزارەتی كارەبای عێراق رایگەیاند سەعاتەكانی كارەبا لە بەغدا و شارەكانی دیكە نەتوانراوە زیاد بكرێت بەهۆی كەمبوونەوەی بڕی غازی هاوردەكراو لە ئێرانەوە بۆ كارپێكردنی وێستگەكانی بەرهەم و كاری سیانە لەگەڵ كردنە ئامانجی تاوەرەكانی گواستنەوەی وزە لە باكور.

ئەحمەد عەبادی وتەبێژی وەزارەتی كارەبای عێراق بە رۆژنامەی سەباحی وتووە، وەزارەت هەوڵ دەدات بۆ زیادكردنی توانای بەرهەمهێنان لە وزە و زیادكردنی بەرهەم لە وێستگەكانی بەرهەم هێنان ، بەڵام سیستمی كارەبا لە دوو رۆژی رابردوو 3565 مێگاواتی لە ناوچەكانی باشور و ناوەڕاست و بەشێكی باكور لە دەستدا بەهۆی كەمبونەوەی بڕی غازی هەناردەكراو لە ئێرانەوە.

رونیشیكردەوە هاوردەكردنی غاز لە ئێرانەوە بۆ ئەو ناوچانە 10 ملیۆن مەتر چوار گۆشە لە رۆژێكدا كەمیكرد كە پێشتر 25 ملیۆن مەتر چوارگۆشە بوو، كە كاریگەری كرد لە وێستگەكانی بسمایە، سەدر، قودس، كەربەلا، حەیدەریە، نەجەف، مەنسوریە، شەتی عەرەب، حلە، دیوانیە، نەجیبیە، واست، باشوری بەغدا.

ئاماژەی بەوەشكرد لە هەمان كاتدا سیستمی كارە روبەڕووی كردنەئامانجی هێڵەكانی گواستنەوە بووە لە چەند ناوچەیەك لەوانە هێڵی رەشید، بسمایە و گەیارە، موسڵ و گەیارە، كەركوك، كە بەهۆی بەشێك لە تاوەرەكانی گواستنەوە لەكار كەوتن.

بەردەوام بە لە خوێندنەوە

کوردستان