ئێمە لە تۆرە کۆمەڵایەتیەکان

راپۆرت

ئەمڕۆ بڕیاری قەدەغەی چەك فرۆشتن بە ئێران كۆتایی دێت

خەڵك- بەشی هەواڵ

پێش كۆتاییهاتنی قەدەغەی چەك فرۆشتن بە ئێران، تاران ئەو بڕیارەی پێشێلكردووە و میلیشیاكانی لە ناوچەكە پڕچەك كردووە، ئەی دوای كۆتاییهاتنی بڕیارەكە چ روو دەدات؟

ئەمڕۆ یەك شەممە بڕیاری قەدەغەی چەك فرۆشتن بە ئێران كۆتایی دێت كە نەتەوە یەكگرتووەكان لە 2007وە بەسەر ئێراندا سەپاندوویەتی دوای پەرەسەندنەكان لەسەر بەرنامەی ناوەكی و دواتر رێككەوتنی ناوەكی لە 2015 و ئۆكۆتۆبەری 2020 كۆتایی قەدەغەی چەكە.

ئەمریكا چەند مانگی رابردوو هەوڵی كۆكردنەوەی كۆمەڵێكی دا بۆ نوێكردنەوەی بڕیارەكە، بەڵام شكستی هێنا، بەهۆی رازی نەبوونی روسیا و چین.

گۆڤاری ئیكۆنۆمیستی بەریتانی نوسی: چەكی بەریتانی لە ئێران زرێپۆشی بەریتانی و فڕۆكەی ئەمریكی كۆن دەگرێتەوە كە خۆرئاوا لە مۆزەخانەكانی چەكدا دایناون.

بەپێی گۆڤارەكە، ئێران زۆرینەی كەرەستەی سەربازی خۆی لە شەڕی هەشت ساڵەی ئێران و عێراقدا لەدەستداوە لە سەدەی رابردوودا.

بە كۆتاییهاتنی بڕیاری قەدەغەی فرۆشتنی چەك بە ئێران، حكومەتی ئێران دەتوانێت چەكی نوێ بكڕێت.

ئایا گەیشتن بە چەك نزیكە؟

رادیۆ فەردا كە تایبەتە بە كاروباری ئێران بڵاویكردەوە، ئێران بەشێوەیەكی فراوان دەتوانێت چەكی وەك زرێپۆش و فڕۆكەی جەنگی و سیستمی موشەكی بكڕێت.

بەپێی رادیۆكە، ئێران دەتوانێت چەك بكڕێت، بەڵام بەپەلە ناكرێت، لەوێ هەندێك ئاستەنگ هەن لە جوڵەكردن لەو بوارەدا، وەك سزاكانی ئەمریكا لە سەر ئێران كە ئێران دەناڵێنێت بەهۆی كەمی پارەی نەختینەوە.

ئێران بە فەڕمی ئەمڕۆ رایگەیاند ئەوان پشت دەبەستن بە بڕوای بەرگری كە خۆی دەبینێتەوە لە گەلەكەی و توانا ناوخۆییەكان، نەك كڕینی چەندین جۆرە چەك.

وەزارەتی دەرەوەی ئێران وتی: ئێران ناچێت بۆ چەك كڕین بەهۆی قەیرانی دارایی و سزاكانی ئەمریكا كە دژی هەر فرۆشەرێكی چەكە بە ئێران.

 

هەڵوێستی روسیا و چین

 

بەپێی سەرچاوەكان چین و روسیا چەك نافرۆشنە ئێران سەرباری هەڵوێستی لایەنگرییان بۆ كۆتایی بڕیاری قەدەغە.

توێژەر لە پەیمانگای توێژینەوەی چەك و سیاسەتی ئاسایش ئۆلیڤەر مایەر وتی: كۆتاییهاتنی بڕیاری قەدەغەی چەك فرۆشتن بە ئێران كاریگەری سنورداری دەبێت بۆ ئێرانییەكان، چونكە سیاسەتەكانیان ناگۆڕێت.

توێژەرێك لە گروپی ئۆرسیا كە بارەگاكەی لە واشنتنە، دەڵێت: روسیا و چین دەچنە گفتوگۆ لەگەڵ ئێران بەڵام چاوەڕێی هەڵبژاردنەكانی ئەمریكا دەكەن.

وتیشی: ئەو دوو وڵاتە بەرژەوەندی گەورەیان لە ناوچەكەدا هەیە، زۆرێك نیگەران دەبن بە فرۆشتنی چەك بە ئێران.

رونیشیكردەوە پشتگیری گرێبەستەكانی چەك بە لای ئێرانەوە قورسە.

ژمارەیەك شرۆڤەكاری دیكە وتیان: ئێران لە ماوەی ئایندەدا دەچێت بۆ نوێكردنەوەی سوپاكەی بەشێوەی بەش بەش، وەك كڕینی سیستمی موشەكی ئێس 400ی روسی.

لە 2019 وەزارەتی بەرگری ئەمریكا وتی: ئێران هەوڵدەدات بۆ كڕینی فڕۆكەی جەنگی نوێ.

مایك پۆمپەیۆ وەزیری دەرەوەی ئەمریكا وتی: ئێران بۆ كڕینی چەك دەگاتە ئەوروپا لە كاتی لابردنی بڕیاری قەدەغە، لەوانە كڕینی فڕۆكەی جەنگی پێشكەوتوو لەگەڵ سیستمی موشەكی دورمەودا.

پێشتر راگەیەنراوە ئێران بڕیاری قەدەغەی پێشێلكردووە بە ناردنی چەك بۆ ملیشیاكان بەتایبەت حوسییەكانی یەمەن، پۆمپەیۆ لە نەتەوە یەكگرتووەكان سەلماندی كە ئێران چەكی بۆ حوسییەكان ناردووە.

راپۆرت

پاشای بیابان و دیكتاتۆرێكی نامۆ و سەرنجڕاكێش

خەڵك- بەشی هەواڵ

لە ماوەی چوار دەیەدا موعەمەر محەمەد عەبدولسەلام ئەبو منیار قەزافی دەسەڵاتی لیبیای بەدەستەوە بوو، لە چوارچێوەیدا دەستی گرت بەسەر سامان و دەسەڵاتدا كە سنورەكانی لیبیای بڕی، زیاتر لە قەیران و ململانێیەكی دروستكرد بۆ دەرەوەی سنور لە زۆر وڵات و هەرێم و كیشوەر.

قەزافی لە 7ی حوزەیرانی 1942 لە شاری سێرت لەدایكبووە و هەر لەوێش ژیانی كۆتایی پێهات.

جولەكە بووە

بەپێی میدیای ئیسرائیلی بنەڕەتی رەگەزی قەزافی دەگەڕێتەوە بۆ جولەكە لە داپیرەیەوە كە داپیرەی جولەكە بووە.

ناوبراو چادرێكی لە بیابانی سێرت هەڵدابوو، زۆرینەی كاتەكانی لەوێ بەسەر دەبرد، لەوێ پێشوازی لە میوانەكانی دەكرد و كۆنگرەكانی دەبەست، بە سەعات قسەی دەكرد لەسەر فەلسەفە و بیروبۆچونەكانی لەسەر جیهان، تەنانەت بە فڕۆكەكەی چادرەكەی دەگواستەوە بۆ نێوەندە گەورە جیهانییەكان كە بانگێشت دەكرا لەوێ دەچوە ناوی.

میوانەكانی قەزافی شەوی مەترسیداریان بەسەر دەبرد كاتێك لای دەمانەوە لە بێدەنگی شەودا، كاتێكیش قەزافی كۆمەڵێك پرۆتۆكۆڵی نامۆی بەسەردا دەسەپاندن لە دابەزین بۆ خێوەتێك لە شێوەی هۆتیلی پێنج ئەستێرە.

پاشای بیابان

ئەو پاشای دەشت و بیابان بوو، زۆر جار دەیگوت ئەو رێبەری شۆڕشە، هەژارە خاوەنی هیچ نییە جگە لە خێوەتێك، لەگەڵ تفەنگەكەی.

قەزافی لە سەرەتای منداڵیدا لەبارەی ئاینی ئیسلامەوە هەندێك وانەی خوێندووە و دواتر گواستویەتیەوە بۆ سیستمی سەربازی پێش ئەوەی لەگەڵ كۆمەڵێك هاوڕێی بزوتنەوەی ئەفسەرانی یەكگرتووی رزگاریخواز دابمەزرێنێت كە سیستمی پاشاییان روخاند.

حكومەتەكەی ئیدریس سنوسی لە 1969 لە كودێتایەكی سەربازیدا روخا كە بزوتنەوەی ئەفسەرە رزگاریخوازەكان سەركردایەتیان كرد.

ئەم گەنجە چوە سەر دەسەڵات لەسەر پشتی زرێپۆش و دەستی بەسەر لیبیادا گرت بۆ ماوەی چوار دەیە كە تێیدا نە یەكسانی و نە دیموكراسی هەبوو، دواتر بووە دەوڵەتێكی نەوتی كاریگەر بۆ راكێشانی كرێكاری بیانی لە سەرانسەری جیهانەوە.

سیستمی جەماوەریی

بۆچونەكانی قەزافی تا ئێستا مشتومڕی لەسەرە لە رایگشتی جیهاندا، بەتایبەت روانینە جەماوەرییەكەی كە دەیگوت سیستمی دەسەڵاتەكەی نە پاشایی نە كۆمارییە، بەڵكو جەماوەرییە، جەماوەر بۆ خۆیەتی، ئەو نە سەرۆكە، نە حاكمە، بەڵكو گەل حكومی خۆی دەكات لە رێگای كۆنگرە میلییەكانەوە كە سەرچاوەی یاسادانان و لیژنە شۆڕشگێڕەكانە كە دەسەڵاتی جێبەجێكردنە.

قەزافی سەرجەم جومگەكانی دەسەڵاتی لە نفوز و سامان و بیری سیاسی لە دەستی خۆی و بەشێكی كەمیشی لە دەستی بنەماڵەكەیدا كۆكردەوە.

كتێبی سەوز

ئەو بیروبۆچونەكانی لەكتێبێكدا كۆكردەوە كە بە كتێبی سەوز ناسرا، دواتر بە فەڕمی بووە دەستوری لیبیا.

لە 2ی ئاداری 1977 سیستم كرایە دەسەڵاتی فراوانی گەل، خەڵك بەشدار دەبن لە دەسەڵات و سامان و چەك، بەڵام ئەوانە بۆ گەلی لیبی نەهاتنە دی تا لێی راپەڕین لە 2011 لەسەر كۆكردنەوەی هەموو شتێك لە دەستی خۆی و بنەماڵەكەی.

لە سەرەتای ساڵانی یەكەمی دەسەڵاتیدا جۆرێك لە جۆرەكان یەكگرتوویی لەگەڵ سیستمی ناسری لە میسر تاقیكردەوە، كە لیبیا و سودان و میسر رێككەوتن لە 1969.

قەزافی ئامانجی یەكگرتن نەبوو هێندەی بە دوای خەونی یەكگرتووی عەرەبەكانەوە بوو بۆ دانیشتنی لەسەر تەختی پاشایی و رێبەری.

قەزافی و شەڕی خۆرئاواییەكان

لە قۆناغێكی تردا قەزافی شەڕێكی میدیایی لە دژی خۆرئاوا بەرپا كرد، پشتیوانی یاخیبوەكانی ئیرلەندای دەكرد تۆمەتباركرا بە خستنەخوارەوەی فڕۆكەیەكی ئەمریكی لەسەر گوندی لۆكەربی لە ئەسكۆتلەندا لە 1988 كە بووەهۆی كوژرانی 256 كەس.

بەمهۆیەوە ئەمریكا سزای ئابوری بەسەر لیبیادا سەپاند بۆ چەند ساڵێك دواتر تا قەزافی سازشی كرد تۆمەتبارەكانی رادەستی دادگای لاهای كردن ئەوانیش عەبدولباست مقرحی كە سزای هەمیشەیی بۆ دەركرا، ئەمین فەحیمە كە بێتاوان دەرچوو، لەگەڵ قەرەبوكردنەوەی قوربانیانی رووداوەكە بە بڕی 2.7 ملیار دۆلار.

هاوڕێی بەرلسكۆنی و ساركوزى بوو 

قەزافی لەگەڵ شەڕەكەی لە دژی ئیمپریالیزی خۆرئاوایی هاوپەیمانێكی سیاسی بەهێزی سەرمایەداری ئیتالی سیلڤیۆ بەرلسكۆنی بووە، پشتیوانێكی سەرەكی سەرۆكی پێشووی فەرەنسا نیكۆلا ساركۆزی بووە.

قەزافی لە ماوەی 42 ساڵ حكومیدا چەندین دۆسێی گرتن و كوشتن و لەناوبردن و بێسەروشوێن هەن، بەڵام لە هەموویان خراپتر دەیان چیرۆكی سێكسی قەزافین لەگەڵ كچە گەنجەكان و سوپا ژنانییەكەی، كە پاسەوانی تایبەتی خۆی بوون.

لە 17ی شوباتی 2011 خەڵكێكی زۆر لە قەزافی راپەڕین، بەڵام ئەو بە سەركوتكردن و توندوتیژی وەڵامی دانەوە ناوی بە جرج بردن، بەڵام ئەو جرجانە توانیان بەردەوام بن لە ركابەرییەكەیان لەگەڵ قەزافی تا پشتیوانی نێودەوڵەتییان بۆ دروستبوو، توانیان تاك رێبەری وڵاتەكەیان بڕوخێنن و بەوەش نەوەستان قەزافییان لە زێرابێكدا دەرهێنا و بەشێوازێكی ناشیرین كوژرا و كۆتایی بە دەسەڵاتە 40 ساڵییەكەی هێنرا.
سەرچاوە/ الجزیرە

بەردەوام بە لە خوێندنەوە

راپۆرت

جیهان لە كۆتایهێنان بە ئایدز نزیك دەبێتەوە

خەڵك- بەشی هەواڵ

30 ساڵ بەسەر وتارەكەی كوفی ئەنان ئەمینداری پێشووی نەتەوە یەكگرتووەكان تێپەڕدەبێت كە داوای پێشكەشكردنی هاوكاری كردبوو بە كۆمەڵگەكان بەتایبەت ژنان لەپێناو شەڕی ئایدز، ئێستاش هەنگاوەكان خێراتر دەكرێن بۆ كۆتاییهێنان بەنەخۆشییەكە.

رێكخراوی تەندروستی جیهانی لە رۆژی جیهانی ئایدزدا تیشكی خستووەتەسەر هەوڵەكان بۆ كۆتاییهێنان بە ڤایرۆسی ئێچ ئای ڤی و داوای زیاتركردنی چاودێری تەندروستی كردووە.

هەڵگرانی ڤایرۆسی ئێچ ئای ڤی ئێستا 37.9 ملیۆن كەسن بەپێی ئاماری رێكخراوی تەندروستی جیهانی، كە 21%یان نەیانزانیوە كە نەخۆشن.

تا ئێستا نەخۆشی ئایدز مەترسی دروستكردووە سەرباری پێشكەوتنی گەورە لە روبەڕوبونەوەیدا لەسەرەتای راگەیاندنیەوە لەلایەن نەتەوە یەكگرتووەكانەوە لە ساڵی 1988.

پسپۆڕان چارەسەری فراوان بۆ ئەم نەخۆشییە كە لە رێگەی خوێن و سێكسەوە دەگوازرێتەوە بە قورس دەزانن، بەڵام چاودێری و خۆپارێزی بە باشترین چارەسەر دەزانرێت.

دواین ئاماری نەتەوە یەكگرتووەكان بریتییە لە نزیكەی 38 ملیۆن توشبوو لە 2018 كە لەو ساڵەدا 770 هەزاریان مردوون و بەپێی ئامارەكان 24.5 ملیۆن نەخۆش بەرەو چارەسەر رۆیشتوون.

بەپێی ئامارەكانی بەرنامەی نەتەوە یەكگرتووەكان بۆ هەوڵەكانی نەهێشتنی ئایدز بەراورد بە ساڵی 1997 كە بەرزترین ئاماری توشبوو تۆماركراوە لە مێژوودا كە 3 ملیۆن كەس بووە، تا 2018 بە رێژەی 40% دابەزیوە.

لە 2010وە رێژەی توشبوون 16% كەمیكردووە، رێژەی توشبوونی منداڵان 41% كەمیكردووە، حاڵەتەكانی مردن لە 2004ەوە بە رێژەی 56% كەمیكردووە، كە لەو ساڵەدا بەرزترین رێژەی مردن تۆماركراوە كە بریتی بووە لە 1.2 ملیۆن مردوو بە ئایدز.

رێژەی 95%ی توشبووان لە ئەوروپای خۆرهەڵات، ئاسیای ناوەڕاست، رۆژهەڵاتی ناوەڕاست و باكوری ئەفریقایە.

دابەزینی رێژەی توشبوون لە جیهاندا كاریگەری نەبووە لەسەر ناوچەی خۆرهەڵاتی ئەوروپا و ئاسیای ناوەڕاست، لەوێ رێژەكە لە 2018 بە رێژەی 29% زیادیكردووە و لە 10% لە رۆژهەڵاتی ناوەڕاست و باكوری ئەفریقا زیادیكردووە.

هۆكاری توشبوونی نەخۆشییەكە كە سێكسە، بووە بەهۆی نەخۆشییەكە بشاردرێتەوە و باس نەكرێت، ئەمەش بەهۆكاری سەرەكی زیاتر بڵاوبونەوەی دادەنرێت بەتایبەت لە وڵاتانی عەرەبیدا.

ڤایرۆسەكە دەكرێت بۆ ماوەی ساڵانێكی زۆر لە جەستەدا بمێنێتەوە بێ دەركەوتنی هیچ نیشانەیەكی نەخۆش لەسەر كەسەكە، ئەمەش قۆناغی زۆر مەترسیدارە و هۆكاری گواستنەوەیەتی بە ئاسانی و بڵاوبونەوەی بێ زانین.

نەتەوە یەكگرتووەكان 2030 دیاریكردووە بۆ كۆتایهێنان بە ئایدز، ئەمە ئامانجێكی خوازراوە، داوای هەوڵ و هاوكاری گەورە دەكرێت، لە نامەیەكی ئەنتۆنیۆ گۆتێریش سكرتێری گشتی نەتەوە یەكگرتووەكان.

پێش 2030 ئامانجێكی دیكە هەیە، ئەویش ئاشكراكردنی رێژەی 90%ی توشبووانە بە ئایدز و گەیشتنیانە بە دەرمانی دژە ڤایرۆس، بەكارهێنەرانی دەرمانەكەش هیچ نیشانەیەكی نەخۆشیان لێ دیار ناكەوێت.

هەرچەندە ئەم ئەنجامە لەم ساڵدا قورسە، بەڵام ئامارەكان هاندەرن كە نزیكبونەوە هەیە لە ئامانجەكە، 79%ی توشبووان بە نەخۆشییەكەیان زانیوە، ئامانجی دووەم گەیشتنە بە چارەسەر تا ئێستا لە سنوری 62%ە، ئەوانەی نەخۆشن ژمارەیان 53% تێپەڕناكات.

ئەم ژمارانە پێشكەوتنی بەرچاون لە شەڕی ئایدزدا بە كاریگەری دەرمانی دژە ڤایرۆس كە نیوەی توشبووان نەگەیشتوون بە نەخۆشی.

هەندێك وڵاتی وەك سویسرا، ئوسترالیا، بەریتانیا، دانمارك، سوێد، هۆڵەند، نزیكبوونەوە لە ئامانجەكە، بەڵام تا ئێستا بۆ وڵاتانی دیكە قورسە بە تایبەت 18 وڵاتی ئەفریقی.

تا ئێستا توێژینەوە و ئەزمونەكان بەردەوامن بۆ گەیشتن بە دەرمانێكی چارەسەری كۆتایی بۆ ئایدز بەڵام تاكو ئێستا بەو ئەنجامە نەگەیشتوون.

ئایدز سەرەتا لە پێنج پیاودا دۆزرایەوە لە حوزەیرانی 1981 لە لوس ئەنجلوس لە ویلایەتی كالیفۆرنیا لە ئەمریكا و وەك پەتایەكی جیهانی لە 1988 راگەیەنرا.
سەرچاوە/ الجزیرە

بەردەوام بە لە خوێندنەوە

راپۆرت

عێراق لەچاوەڕوانی دواڕۆژە خوێناوییەكانی ترەمپدا

خەڵك- بەشی هەواڵ

لە ئەنجامی پەرەسەندنەكانی نێوان ئەمریكا و ئێران چاوەڕێدەكرێت خاكی عێراق ببێتە گۆڕەپانی روبەڕوبونەوەیەكی نوێی توند لەنێوان هەردوو وڵاتدا، بەتایبەت لە هەفتەكانی كۆتایی ویلایەتەكەی دۆناڵد ترەمپ سەرۆكی ئەمریكا بەپێی رۆژنامەی واشنتن پۆست.

لە عێراق مەترسییەكان زیاتر بوون دوای كوژرانی زانای ناوەكی ئێران موحسین فەخری زادە لە رۆژی هەینی.

عێراق بووە گۆڕەپانی روبەڕوبونەوەی تاران و واشنتن لە دوای كوژرانی قاسم سولەیمانی فەرماندەی سوپای قودس لە فڕۆكەخانەی نێودەوڵەتی بەغدا لەسەرەتای ئەمساڵ و وەڵامدانەوەی ئێران بە هێرشە موشەكییەكان بۆ سەر بنكە سەربازییەكانی ئەمریكا لە عێراق.

ئێستا لە ناوچەكەدا جارێكی دیكە پەرەسەندنی تێدا رووداوە دوای كوژرانی فەخری زادە زانای ناوەكی ئێران لە تاران لە رۆژی هەینی كە ئێران ئیسرائیل تۆمەتبار دەكات.

سوپای پاسداران هەڕەشەی وەڵامدانەوەی توندی كردووە و هەڕەشەی لە سەرۆك ترەمپ كردووە.

سەرچاوەكان ئاشكرای دەكەن ترەمپ بیركردووەتەوە لە وەشاندنی گورزی پێشدەست لە ئێران و مۆڵەتی بە راوێژكارە سەربازییەكانی داوە.

عومەر نەداوی بەڕێوەبەری پرۆگرام لە ناوەندی ئاشتی لە عێراق لە واشنتن دەڵێت: رەوشێكی ئاڵۆزە، مەترسییەكانی عێراق لۆژیكییە، بەڵام ناكرێت زێدەڕۆیی تێدا بكرێت، ئیدارەی ترەمپ خوازیاری پەرەسەندنی سەربازییە تا ئاستەنگ بۆ بایدن دابنێت لە هەر هەوڵێكی بۆ گەڕانەوە بۆ رێككەوتنی ناوەكی لەگەڵ تاران.

وتیشی: پەرەسەندنی سەربازی لە بەرژەوەندی ئەمریكا و ئێراندا نیە، هەر لایەك پێی هەڵبستێت بۆ سەر لایەكەی دیكە بە تاكلایەنە، نمونە میلیشیاكان كەس ئەنجام و لێكەوتەكانی نازانێت.

ئەمریكا فڕۆكەی جۆری بۆمبهاوێژی بی 52ی ناردووە بۆ رۆژهەڵاتی ناوەڕاست و هاوكات كەشتی جەنگی یو ئێس ئێس نییمیتزی بۆ كەنداو گەڕاندەوە لە هەنگاوێكی دوای كشانەوەی هێزە ئەمریكییەكان لە ناوچەكە.

چاودێران پێشبینی دەكەن لایەنگرانی ئێران دان بەخۆیاندا بگرن تا ئەو كاتەی ترەمپ دەڕوات دوای بردنەوەی ركابەرەكەی جۆ بایدن لە هەڵبژاردنەكاندا.

لە دواین سەردانیدا بۆ بەغدا ئیسماعیل قائانی فەرماندەی سوپای قودس داوای هێوركردنەوەی لە میلیشیا شیعەكان كردبوو بۆ خۆلادان لە پەرەسەندنی زیاتر لەگەڵ ئەمریكا.

رۆژنامەی واشنتن پۆست لە سجاد جیاد پسپۆڕی كاروباری عێراقی گواستەوە، كە چاوەڕوانی پەرەسەندنێكی زۆر دەكرێت كە حكومەت دەڵێت عێراقییەكان تەنها لایەنگرن، دەكرێت چاوەكانیان دابخەن رێبدەن بە تێپەڕینی ئەو دوو مانگە لە ماوەكەی ترەمپ تا 20ی كانونی دووەم لە حاڵی دڵنیابوونی لە دۆڕانی لەبەرامبەر بایدندا.

مستەفا كازمی سەرۆك وەزیرانی عێراقیش روبەڕوی فشارێكی زۆری ئەمریكا بووەتەوە بۆ چڕكردنەوەی هەڵمەت لە دژی میلیشیا ئێرانییەكان لە عێراق.

سەرچاوە/ الحرە

بەردەوام بە لە خوێندنەوە

کوردستان