ئێمە لە تۆرە کۆمەڵایەتیەکان

ژینگە

بەرزترین پلەی گەرما تۆماركرا

خەڵك- بەشی هەواڵ
جارێكی دیكە بەهۆی هاتنی شەپۆلێكی گەرماوە بۆ سەر ناوچەكانی عیراق و ناوچەكە، چەند پارێزگا و ناوچەیەكی عیراق لە كۆی 15 شاری جیهانی چوونە ڕیزبەندی بەرزترین پلەی گەرماوە.

بەپێی ئەو خشتەیەی بۆ تۆماركردنی بەرزترین پلەی گەرما لەلایەن وێستگەی كەشناسی (بلاسێرفیڵی) لە كالیفۆرنیای ئەمریكا بڵاوكراوەتەوە، ریزبەندی یەكەم بە شارێكی ئێران دەستی پێكردووە، كە پلەی گەرما گەیشتۆتە 50.2 پلەی سەدی و شاری فاو لە عیراق لە ڕیزبەندی شەشهەمین شارە گەرمەكانە، گە پلەی گەرما تێیدا گەیشتۆتە 48.8 پلەی سەدی.

هاوكات هەر بەپێی خشتەكە، شاری بەسرە پلەی سیانزەهەمینی خشتەكەی گرتووە و پلەی گەرما گەیشتۆتە 47.5 پلەی سەدی.

هەروەها ناوچەی حسێن لە بەسرە بۆتە ناوچەی پانزەهەمینی خشتەكە و پلەی گەرما گەیشتۆتە 47.4 پلەی سەدی.

ژینگە

بەهۆی بارینی بەفر هاتوچۆ لە چەند ناوچەیەكی كوردستان قەدەغە كرا

خەڵك-بەشی هەواڵ

بەڕێوەبەری پۆلیسی ڕێگاوبانی پارێزگای سنە لە ڕۆژهەڵاتی كوردستان ڕایدەگەیەنێت، دوابەدوای بارینی بەفر لە بەرزاییەكانی پارێزگای سنە هاتوچۆ تێدا مەترسیدارە و تەنها بە زنجیر دەكرێت هاتوچۆ بكرێت.

سەرهەنگ عیسا گەوهەری، بەڕێوەبەری پۆلیسی ڕێگاوبانی پارێزگای سنە بە ئاژانسی (میهر)ی ڕاگەیاندووە، ئێستا دۆخی ڕێگاوبانی پارێزگای سنە لەبارە بۆ هاتوچۆ، بەڵام لە بەرزاییەكان هاتوچۆی ئۆتۆمبێل جگە لە بەستنی زنجیر مەترسیدارە و هاتوچۆی هەر جۆرە بارهەڵگرێكیش لەو ناوچانە قەدەغە كراوە.

وتیشی، “لە ڕێگا سەرەكییەكانی نێوان سنە-دێگولان، سنە-مەریوان، سنە-كامیاران، سەقز-بانە و بەرزاییەكانی دیكەی پارێزگای سنە بارینی بەفر و باران بەردەوامە”.

ئاماژە بۆ ئەوەش دەكات، كارمەندانی ڕێگاوبان بە بەردەوامی خەریكی خاوێنكردنەوەی شەقامە گشتییەكانن، بەڵام نەتوانراوە بە تەواوەتی كۆنتڕۆڵ بكرێت.

ئاشكراشی كردووە، بەهۆی تەم و بەفر و باران بارینەوە، توانای بینین كەم بۆتەوە و شۆفێرەكان لەسەر شەقامەكاندا ڕووبەڕووی كێشە دەبنەوە، بۆیە هاتوچۆی ئۆتۆمبێلە بارهەڵگرەكان قەدەغە كراوە.

بەردەوام بە لە خوێندنەوە

ژینگە

بەنداوێكی هەرێمی كوردستان لافاو بردی

خەڵك-بەشی هەواڵ

یەكێك لەو بەنداوانەی، كە لەلایەن حكومەتی هەرێمی كوردستانەوە دروستكرابوو لافاو بردی و بەرپرسانی قەزای شێخانی سەر بە پارێزگای دهۆكیش ئێوارەی ئەمڕۆ ئاشكرایان كرد، كە زیانی مادی نەبووە.

خالید نەرمو، بەڕێوەبەری شارەوانی شێخان لە كۆنگرەیەكی ڕۆژنامەوانیدا ڕایگەیاند، بەهۆی زۆری باران و بەرزبوونەوەی ڕێژەی ئاو لە نزیك یەكێك لە بەنداوەكانی نزیك گوندی باسفن-ی سەر بە قەزای شێخان، بوەتە هۆی ڕوخانی سەدەكە و ئاوەكە بەرەو خوارووی سەدەكە ڕۆیشتووە.

وتیشی، “ڕوخانی بەنداوەكە هیچ كاریگەرییەكی لەسەر زیانی مادیی گوندەكە نەبووە”.

بەپێی زانیاراییەكان، ئەو بەنداوە لەلایەن حكومەتی هەرێمی كوردستانەوە بە تێچووی 440 ملیۆن دینار دروست كراوە، كە توانای گلدانەوە 200 هەزار مەتر چوار گۆشە ئاوی هەبووە.

Image may contain: sky, mountain, ocean, outdoor and natureImage may contain: mountain, sky, outdoor, nature and water

بەردەوام بە لە خوێندنەوە

ژینگە

باران بارین ئاستی ئاوی بەنداوی دووكانی بەرزكردۆتەوە

خەڵك- بەشی هەواڵ

بەهۆی چەند شەپۆلێكی باران بارینەوە لە ماوەی رابردوودا ئاستی بەنداوەكانی هەرێمی كوردستان بەرزبونەتەوە و بەنداوی دووكانیش نزیكەی مەتر و نیوێك زیادی كردووە.

محەمەد تاهیر، بەرێوەبەری بەنداوی دووكان بۆ (خەڵك) ئاماژەی بەوەكرد، لە رۆژی 22ی تشرینی دووەمی ئەمساڵەوە، چەند شەپۆلێكی باران بارین ناوچەكەی گرتۆتەوە و بەهۆیەوە تائێستا نزیكەی مەتر و نیوێك ئاستی ئاوی بەنداوی دووكان بەرزبوەتەوە.

وتیشی”بڕی 238 ملیۆن مەتری سێجا ئاوی بەنداوەكە زیادی كردووە و ئێستا بەنداوی دووكان بڕی دوو ملیار و 700 ملیۆن مەتر سێجا ئاوی تێدایە”.

بەنداوی دووكان یەكێكە لە پرۆژە ستراتیژییەكانی عێراق و هەرێمی كوردستان و لە شەستەكانی سەدەی رابردوودا دروستكراوە و دەتوانێت 7 ملیار مەتر سێجا ئاو بگرێت.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین