ئێمە لە تۆرە کۆمەڵایەتیەکان

جیهان

وڵاتێكی تری عەرەبی پەیوەندییەكانی لەگەڵ ئیسرائیل ئاسایی دەكاتەوە

خەڵك – بەشی هەواڵ

میدیاكانی ئیسرائیل ئاشكرایانكرد، دەوڵەتێكی تری عەرەبی پەیوەندییەكانی لەگەڵ ئیسرائیل ئاسایی دەكاتەوە.

میدیاكانی ئیسرائیل لە زاری سەرچاوەیەكی باڵای وڵاتەكەیانەوە بڵاویانكردەوە، لەچوارچێوەی هەوڵەكانیان بۆ ئاساییكردنەوەی پەیوەندییەكانی نێوان ئیسرائیل و وڵاتانی عەرەبی، لە داهاتوویەكی نزیكدا بنیامین ناتانیاهۆ سەرۆك وەزیرانی ئیسرائیل لەگەڵ عەبدولفەتاح بورهان سەرۆكی ئەنجومەنی ڕاگوزەری سیاسی سودان كۆدەبێتەوە و پێشبینیش دەكرێت سودان ببێتە سێیەم وڵاتی عەرەبی لە دوای ئیمارات و بەحرەین لەم ماوەیەدا كە پەیوەندییەكانی لەگەڵ تەلئەبیب ئاسایی بكاتەوە.

ئەوەش خراوەتەڕوو، ئاساییكردنەوەی پەیوەندییەكانی نێوان ئیسرائیل و سودان دوای ئەوە دێت، ئەمریكا بەڵێنی داوە ئەگەر سودان ئەو هەنگاوە جێبەجێ بكات لە لیستی وڵاتانی پاڵپشتیكار لە تیرۆر دەردەهێنرێت و سەرجەم سزا سەپێنراوەكانیش لەسەر ئەو وڵات هەڵدەگیرێن.

جیهان

یۆنان: توركیا بنەماكانی بوون بە ئەندام لە یەكێتی ئەوروپای پێشێلكردووە

خەڵك – بەشی هەواڵ

یۆنان داوا لە یەكێتی ئەوروپا دەكات ناردنی چەك بۆ توركیا رابگرن، دوپاتیشی دەكاتەوە، توركیا بنەماكانی بوونە ئەندامی یەكێتییەكەی پێشێلكردووە.

نیكۆس دندياس وەزیری دەرەوەی یۆنان لەمیانی سەردانێكیدا بۆ ئەلبانیا، لە كۆنفڕانسێكی ڕۆژنامەوانی هاوبەشدا لەگەڵ هاوتا ئەلبانییەكەی، باسی سیاسەت و هەنگاوەكانی توركیا كرد و ڕایگەیاند، ئەنقەرە ڕۆژانە لە ڕووی سیاسی و ئابورییەوە بەردەوامە لە پێشێلكردنی بنەماكانی ئەندامبوون لە یەكێتیی ئەوروپا، بۆیە لەو بارەیەوە نامەیەكیان داوەتە سەرۆكی كۆمیسیۆنی فراوانكردنی یەكێتییەكە و تیایدا جەختیان كردووەتەوە لە پێشێلكردنی بنەماكان لەلایەن توركیاوە، داواشیان كردووە ڕێكاری پێویست لە بەرامبەر ئەنقەرە بگیرێتەبەر.

وەزیری دەرەوەی یۆنان داواشی لە یەكێتیی ئەوروپا كرد هەناردەی چەك بۆ توركیا ڕابگرێت، چونكە ئەسینا پێیوایە، ئەنقەرە ئەو چەكانە بۆ دروستكردنی ناسەقامگیری لە ڕۆژهەڵاتی دەریای ناوەڕاست بەكاردەهێنێت.

ئەمەش لەكاتێكدایە، هەفتەی ڕابردوو لە كۆبوونەوەی وڵاتانی یەكێتی ئەوروپا، یۆنان پێشنیازێكی پێشكەشكرد تایبەت بە گەمارۆی چەكی سەر توركیا.

بەردەوام بە لە خوێندنەوە

جیهان

سەعد حەریری بۆ پێكهێنانی كابینەی نوێ راسپێردرا

خەڵك- بەشی هەواڵ

سەعد حەریری سەرۆك وەزیرانی پێشووتری لوبنان سەرلەنوێ بۆ پێكهێنانی كابینەی نوێی حكومەت دەستنیشانكرایەوە.

لە كۆشكی بەعبەدا دوای راوێژەكانی پەرلەمان بە دەنگی 65 پەرلەمانتار و بە دەنگی دژی 53 پەرلەمانتار، سەعد حەریری بۆ پێكهێنانی كابینەی نوێی حكومەت راسپێردرا.

ئەو پەرلەمانتارانەی حەریریان دیاریكردووە لەناویاندا ژمارەیەك فراكسیۆن و كەسایەتی دیكە هەیە.

پێشتر حەسەن دیاب كاندیدی راسپێردراو بۆ پێكهێنانی كابینەی نوێ شكستی هێنا لە پێكهێنانی كابینەكەی.

بەردەوام بە لە خوێندنەوە

جیهان

ئەمساڵ زیاتر لە ١٤ هەزار گەنج لەهەرێمی کوردستان کۆچیان کردووە

خەڵک – بەشی هەواڵ

 

شەپۆلێکی دیکەی کۆچی گەنجانی هەرێمی کوردستان رووەو وڵاتان بەتایبەت وڵاتانی ئەورووپا دەستیپێکردووە و بەپێی ئامارێکی بەردەستی لیژنەی رەوەندی کوردستانی لە پەرلەمانی کوردستان، ئەمساڵ نزیکەی ١٤ هەزار و ٥٠٠ گەنج هەرێمی کوردستانیان بەجێهێشتووە.

 

سەرۆکی لیژنەی په‌یوه‌ندییه‌كان و ره‌وه‌ندى كوردستانی لە پەرلەمانی کوردستان، رێبوار بابکەیی بەئەنادۆڵوی راگەیاند “ئەوەی ئێستا لەبەردەستمانە نزیکەی ١٤ هەزار و ٥٠٠ گەنج سەریان هەڵگرتووە و رووەو رۆژئاوا کۆچیان کردووە و ٢٧ کەسیش بێ سەروشوێنن، جگە لەوە هەندێک ئاماری دیکەشمان لەبەردەستە کە رێکخراوە نێودەوڵەتییەکان پێیان داوین لە شەش ساڵی رابردوودا، نزیکەی ٤٥٠ هەزار کەس، عێراق و هەرێمی کوردستانیان بەجێهێشتووە”.

 

رێبوار بابکەیی دەربارەی زیانەکانی دەستپێکردنەوەی لێشاوی کۆچی گەنجان گوتی: “کۆچ بەپێی جارنامەی مافەکانی مرۆڤ بابەتێکە و ئەو دەرفەتە دراوە بە مرۆڤ کە مافی نیشتەجێبوونی هەبێت لە هەر جوگرافیایەکی ئەم دنیایە، بەڵام چوونی گەنجان بە لێشاو و پۆل بە پۆل بۆ دەرەوەی وڵات کاریگەرییەکی نەرێنی دەکاتە سەر ئاسایشی مرۆیی، چونکە گەنج سەرمایەیەکی مرۆیی گەورەیە و ئەگەر بەو فراوانییە کۆچ بەردەوام بێت لە ماوەیەکی دیکە ناتوانین بڵێین کۆمەڵگای کوردستان کۆمەڵگایەکی گەنجە و هێزی کار و هێزی بەرگریی و هێزی ئاوەدانی و بنیاتنان نامێنێت لە هەرێمی کوردستاندا”.

 

سەرۆکی لیژنەی په‌یوه‌ندییه‌كان و ره‌وه‌ندى كوردستانی لە پەرلەمانی کوردستان دەربارەی هۆکارەکانی کۆچی گەنجانیش لە هەرێمی کوردستان بۆ دەرەوەی وڵات وتی: “سەرەکیترین هۆکارەکان، لایەنی ئابووری، دۆخی سیاسیی، ناتەبایی نێوان هێز و لایەنە سیاسییەکان، نادادپەروەری و گەندەڵی گەنجی ئێمەی تووشی نامۆبوون و بێ ئومێدی کردووە و هەستی نەتەوەخوازی و نیشتمانخوازی لاواز کردووە، بۆیە ڕوو لە دەرەوە دەکات و هەست دەکات کە لێرە بوونی نەماوە و لە جوگرافیایەکی دیکە دەیەوێت خۆی بدۆزێتەوە، جگە لەوە هۆکاری خودی هەیە، گەنج هەیە دەیەوێت بچێت لە رۆژئاوا خواستە خودییەکانی خۆی بەدی بهێنیت و جۆرێکی دیکە بژی”.

بەردەوام بە لە خوێندنەوە

کوردستان