ئێمە لە تۆرە کۆمەڵایەتیەکان

کوردستان

توركیا بە نیازە سیناریۆی عەفرین لە باشووری كوردستان دووبارە بكاتەوە

خەڵك- بەشی هەواڵ:

ماوەی چەند رۆژێكە بەشێوەیەكی زۆر ئاشكرا هێزەكانی سوپای توركیا خاكی هەرێمی كوردستانیان بەدرێژایی ٢٧ كیلۆمەتر بەرەو قەندیل بەزاندووە و تێكەڵ بەدانیشتوانی باشوری كوردستان بوون، بەبیانووی لێدان لەبارەگا سەربازیەیكانی هێزەكانی پەكەكە، چاودێرێكی سیاسیش رایدەگەیەنێت، توركیا بچێتە هەر شوێنێك گەڕانەوەی نییە.

مەسعود عەبدولخالق چاودێری سیاسی لەبارەی لەشكركێشییەكانی هێزەكانی توركیا بە(خەڵك)ی راگەیاند، لەدوای ریفراندۆم شتێك نەما لەهەرێمی كوردستان بەناوی سیادە، عێراق نیوەی خاكی هەرێمی برد و توركیاش لەلایەكی تر بەرەو خاكی هەرێم هات، ئەمەش دەرخەری ئەوەیە هەرێمی كوردستان بەهۆی ئەو هەڵەیە و ئەو ریفراندۆمەی ئەنجامیدا پشتیوانی نێودەوڵەتی نەما.

روونیشیكردەوە “بەر لەریفراندۆم كاتێك ماكگۆرك نوێنەری سەرۆكی ئەمەریكا بۆ شەڕی داعش لەگەڵ مەسعود بارزانی سەرۆكی پێشووی هەرێم لەسحێلا دانیشت، پێی گوت (ئەوە ئێمەبووین لەساڵانی رابردوو هەرێمی كوردستانمان پاراست و ئێوە نین پێتان وابێت چەكدارتان هەیە و توانیوتانە كوردستان بپارێزن)، چونكە توركیا لە ١٩٩١ەوە داوا دەكات كە كیانی هەرێمی كوردستان نەمێنێت و بەشێوەیەكی نهێنی ئەمەی بەئەمەریكا گوتووە”.

راشیگەیاند، توركیا ئەوەی لەعەفرین كردی دەیەوێ لەباشوری كوردستانیش بیكات و بەرونی بەعێراقیشی گوتووە، ئەگەر سوپای عێراق نەگەڕێتەوە باشوری كوردستان، ئەوا توركیا بەردەوام دەبێت و ناگەڕێتەوە دواوە.

ئەو چاودێرە سیاسییە، ئەوەشی خستەڕوو، توركیا بەردەوام دەڵێت بەشێوەی كاتی هێزەكانیان دەنێرنە ئەو شوێنە، بەڵام توركیا هەركاتێك بچێتە هەر شوێنێك گەڕانەوەی نییە، ئەوەتا لەرۆژئاوای كوردستان و سوریا ، لەقوبرس و هێزەكانی كاتی شەڕی ناوخۆ كە هێنرابون تائێستاش هێزەكانی لەم شوێنانە نەگەڕاونەتەوە، ئەو هێزەشی هێنایە نزیك موسڵ كاتی خۆی دەیگوت (دوای شەڕی داعش دەكشێنەوە) كەچی تائێستا ماون لەشوێنی خۆیاندا.

ئاماژەی بۆ ئەوەشكرد، تەنها یەك دڵنیایی هەیە بۆ شكستی توركیا ئەویش ئەوەیە ١٢ جارە هێرش دەكاتە سەر قەندیل شكست دێنێت، ئەگەر كورد هاوكاری توركیا نەبێت، ئەوا جارێكی تر شكست دێنێت و دەبێت بەسەرشۆڕی بگەڕێتەوە و رەنگە نەتوانی هەموو هێزەكەشی بەسەلامەت بباتەوە.

کوردستان

فراكسیۆنی كۆمەڵ بۆردێكی یاسایی دروستدەكات

خەڵك – بەشی هەواڵ
فراكسیۆنی كۆمەڵ لە پەرلەمانی كوردستان ڕایدەگەیەنێت، چەند پرۆژە یاسایەكی گرنگ بۆ بەرژەوەندی خەڵكی كوردستان بە گشتی و موچەخۆران بەتایبەتی ئامادە دەكات و ئاراستەی دەستەی سەرۆكایەتی بكات تا بخرێتە بەرنامەی كارەوە، بڕیاری دروستكردنی بۆردێكی یاسایی دەدەن.

عەبدولستار مەجید، سەرۆكی فراكسیۆنی فراكسیۆنی كۆمەڵی ئیسلامی لە پەرلەمانی كوردستان لە هەژماری تایبەتی خۆی لە فەیسبوك ڕایگەیاندووە، فراكسیۆنی كۆمەڵ بڕیاری دروستكردنی بۆردێكی یاسایی دا بە مەبەستی ڕاوێژ و داڕشتنەوەی ئەو پرۆژە یاسایانەی فراكسیۆن پێشكەشی سەرۆكایەتی پەرلەمانی دەكات .

ئاماژەی بۆ ئەوەشكردووە، لە كۆبونەوەیەكدا لەگەڵ فراكسیۆنەكەی چەند پرسێكی تایبەت بە كاری فراكسیۆنیان تاوتوێكردووە.

ئاشكراشیكردووە، دوای هەڵبژاردنی دەستەی سەرۆكایەتیی پەرلەمان، فراكسیۆنی كۆمەڵ چەند پرۆژە یاسایەكی گرنگ بۆ بەرژەوەندی خەڵكی كوردستان بە گشتی و موچەخۆران بەتایبەتی ئامادە بكات و ئاراستەی دەستەی سەرۆكایەتی بكات تا بخرێتە بەرنامەی كارەوە .

بەردەوام بە لە خوێندنەوە

ژینگە

كەشناسی هەرێم ڕاگەیەنراوێكی بڵاوكردەوە

خەڵك – بەشی هەواڵ
كەشناسی هەرێم ڕێژەی بارانبارینی لە كاتژمێر 9ی بەیانی تا9ی شەو بڵاوكردەوە، كە زۆربەی ڕێژەی باران لە ناوچەی گەرمیان و پارێزگای سلێمانی بووە، دەشڵێت: ” لە سلێمانی 27.5 ملم و قەزایی دەربەندیخان زباریووە “.

بەرێوەبەرایەتی گشتی كەشناسی و بوومەلەرزەزانی هەرێمی كوردستان لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، ڕێژەی بارانبارین لە كاتژمێر 9ی سەرلەبەیانیەوە تا 9ی شەو لە سلێمانی 27,5 ملم باریوە، قەزایی دەربەندیخان 48.4 ملم و كەلار 32.2 ملم باریووە.

دەشڵێت: “بارانبارین لە ناوچەكانی دیكە بە ڕێژەی جیاواز باریووە، بە جۆرێك لە پارێزگای هەولێر 13.5 ملم و دهۆك 5.7 و كەركوك 17ملم و هەڵەبجە 29.4 ملم بووە” .

بەپێی ئەو ڕێژەیەی كەشناسی بڵاویكردۆتەوە، بڕی باران لە ناوچە جیاجیاكان بەم شێوەیە بووە:

هەولێر 13.5 ملم
سلێمانی 27.5 ملم
كەركوك 17 ملم
دهۆك 5.7 ملم
هەلەبجە 29.4 ملم
پیرمام 17.6 ملم
خەبات 6.6 ملم
چۆمان 8.8 ملم
حاجی ئۆمەران 0.8 ملم
بارزان 8 ملم
سیدەكان 7 ملم
دوكان 21 ملم
هەڵشۆ 23.6 ملم
ماوەت 17.4 ملم
پێنجوین 29.6 ملم
چەمچەماڵ 26 ملم
دەربەندیخان 48.4
كەلار 32.2 ملم
خانەقین 24.8 ملم
مەیدان 37.6 ملم
خورماتوو 17 ملم
زاخۆ 2 ملم
ئاكرێ 9.6 ملم
ئامێدی 6.2 ملم
بامەڕنی 8.2 ملم
كانی ماسی 10.4 ملم
مانگێش 6.6 ملم
شاریا 3.4 ملم

بەردەوام بە لە خوێندنەوە

کوردستان

لە گەرمیان ماڵی ژنێك دەبێتە لانەی بەساڵاچوان

خەڵك – بەشی هەواڵ
بەمەبەستی دابینكردنی ماڵێكی گەرم و ئاوەدان بۆ بەساڵاچوانی بێ لانە ماڵی خانمێك دەبێتە لانەی ئەو توێژە و بەرێوەبەرایەتی گشتی چاودێڕی و گەشەپێدانی كۆمەڵایەتی گەرمیان-یش دەڵێت،”هەر بەساڵاچویەك جێگەی نییە بۆ مانەوە یاخود كەسوكاری نییە دەتوانێت لە ماڵی حاجی ئاهو بمێنێتەوە”.

بەرێوەبەرایەتی گشتی چاودێڕی و گەشەپێدانی كۆمەڵایەتی گەرمیان لە ئاگادارییەكدا، كە وێنەیەكی دەست (خەڵك) كەوتووە ڕایگەیاندووە، بەمەبەستی دابینكردنی ماڵێكی گەرم و ئاوەدان بۆ بەساڵاچوانی بێ لانە ماڵی حاجی ئاهو بۆ بەساڵاچووان لەلایەن هادی عەبدولڕەحمان-ەوە بونیادنراوە.

دەشڵێت ،”لە ئێستادا دەرگای ئەو ماڵە واڵایە بۆ لە خۆگرتنی هەر بەساڵاچویەك، كە جێگەی نییە بۆ مانەوە یاخود كەسوكاری نییە لەگەڵیان بمێنێتەوە”.

ڕاشیگەیاندووە، ئەم ماڵە لەژێر چاودێری بەرێوەبەرایەتیماندایە، ئیش و كارەكانی ڕۆژانەی بەڕێوە دەبرێت، ناونیشانی ماڵی حاجی ئاهو-ش دەكەوێتە نزیك دادگای بەرای كەلار، پشت گەراجی كەلار سلێمانی.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین