ئێمە لە تۆرە کۆمەڵایەتیەکان

عێراق

ئەمریكا 10 ملیۆن دۆلار دەداتە ئەو كەسەی دەبێتە مایەی دەستگیركردنی حاجی عەبدوڵڵا

خەڵك- بەشی هەواڵ
وەزارەتی دەرەوەی ئەمریكا جارێكی تر خەڵاتە گەورەكەی خۆی كە بڕەكەی 10 ملیۆن دۆلارە وەبیر جیهان دەهێنێتەوە و دەیداتە ئەو كەسەی دەبێتە مایەی دەستگیركردنی حاجی عەبدوڵڵا سەركردەی نوێی ڕێكخراوی داعش.

ئەكاونتی فەرمی پرۆگرامی خەڵات و پاداشتەكانی سەر بە وەزارەتی دەرەوەی ئەمریكا، لە تویتێكیدا لەسەر تۆڕی كۆمەڵایەتی (تویتەر) بڵاویكردۆتەوە”حاجی عەبدوڵڵا تیرۆریست و ناپاكە. بۆیە پێویستە ئەوەی ڕفی لە تیرۆر و ناپاكییە، زانیاریی لەبارەوە بدات. دەمانەوێت لەڕێی ئێوەوە لەبارەی سەركردە نوێیەكەی داعشەوە بزانیین. خەڵاتی 10 ملیۆن دۆلار لەدەستی خۆتان مەدەن”.

ئامانج لە پرۆگرامی “خەڵات و پاداشتەكان لەپێناو دادپەروەریی”، ڕادەستكردنی تیرۆریستانە بە دادگا و ڕێگرتنە لە كاریی تیرۆریستی نێودەوڵەتی لەدژی هاووڵاتیان و بەرژەوەندییەكانی ویلایەتە یەكگرتووەكان.

بەپێەی ئەو پرۆگرامە، وەزیری دەرەوە”خەڵاتەكان بۆ ئەو كەسانە تەرخان دەكات كە لەڕێی زانیارییەكانییەوە تیرۆریستان دەستگیردەكرێن، یان ئیدانەی كەسێك دەكرێت كە بەنیاز بووە كاریی تیرۆریستی نێودەوڵەتی ئەنجام بدات دژ بە هاووڵاتیانی ویلایەتە یەكگرتووەكان و بەرژەوەندییەكانیان، و زانیارییەكانی دەبێتە مایەی ڕێگر لەو كارانە و دەبێتە مایەی ناسین یان شوێنی سەركردەی سەرەكی تیرۆریستان، یان دەبێتە مایەی لەگەڕخستنی كۆمەككردنی تیرۆر”، هەموو ئەمانە لەلایەن وەزارەتی دەرەوەی ئەمریكاوە ئاماژەیان پێكراوە.

عێراق

عیراق؛ لە 24 سەعاتی ڕابردوودا 3804 حاڵەتی نوێ تۆماركراوە

خەڵك- بەشی هەواڵ

وەزارەتی تەندروستی عیراق ئاشكرای دەكات، 3804 حاڵەتی نوێی تووشبوون بە ڤایرۆسی كۆرۆنا تۆماركراوە و 3376 كەسیش چاكبوونەتەوە و 45 حاڵەتی مردنیش هەبووە.

وەزارەتی تەندروستی عیراق لە بەیاننامەیەكدا ئاماژەی بەوەكردووە، كە لە 24 كاتژمێری ڕابردوودا 18 هەزار و 575 پشكنینی تایبەت بە كۆرۆنا ئەنجام دراوە و دەركەوتووە 3804 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون.

ئاشكراشی كردووە، كە زۆرینەی تووشبووەكان لە بەغدا بوون، هەروەها لە سلێمانی 256 و هەولێر 580 و كەركوك 175 و دهۆك 440 حاڵەت تۆماركراوە.

ڕوونیشی كردۆتەوە ، كە 3376 تووشبوو بە پەتاكە چاكبوونەتەوە، كە زۆرینەیان لە بەغدا بوون و هەروەها لە سلێمانی 77 و هەولێر 114 و دهۆك 312 و كەركوك 102 كەس چاكبوونەوە.

ڕاشیگەیاندووە، 45 كەس بە پەتاكە گیانیان لەدەستداوە و بەوەش ژمارەی مردووان گەیشتۆتە 10815 كەس.

 

بەردەوام بە لە خوێندنەوە

عێراق

كازمی: نابێت ئەفسەرەكانی ناوخۆ سەردانی دەرەوەی وڵات بكەن

خەڵك- بەشی هەواڵ
مستەفا كازمی سەرۆكی ئەنجومەنی وەزیرانی عیراق، ڕێگری لە سەفەركردنی ئەفسەرەكان دەكات بە پلەی عەمید و بەرەو ژوور بۆ دەرەوەى وڵات، تا ئەو كاتەی ڕەزامەندی لە فەرماندەی گشتی هێزە چەكدارەكان وەردەگرن.

ئەمڕۆ پێنج شەممە، سەرچاوەیەكی باڵای ئەمنی بە میدیاكانی عیراقی ڕاگەیاند”مستەفا كازمی فەرماندەی گشتی هێزە چەكدارەكان، فەرمانی كردووە مۆڵەت و ڕەزامەندی بۆ هیچ ئەفسەرێكی باڵای وەزارەتی ناوخۆ نەكرێت (عەمید و بەرەوژوور)، بۆ مەبەستی سەفەركردنیان بۆ دەرەوەی وڵات، تا ئەو كاتەی ڕەزامەندی لە فەرماندەی گشتی هێزە چەكدارەكان وەردەگرن”.

سەرچاوەكە وردەكاریی لەبارەی هۆكارەكانی ئەو بڕیارەوە نەخۆستۆتەڕوو، بەڵام بە وتەی شارەزایان لە كاروباریی سەربازی، ڕێوشوێنەكان ڕۆتینین و دەكەونە چوارچێوەی ڕێكارەكانی دامەزراوەی سەربازییەوە.

بەردەوام بە لە خوێندنەوە

عێراق

دوو ژن دەستگیركران كچێكی منداڵیان بە 20 ملیۆن دینار دەفرۆشت

خەڵك- بەشی هەواڵ
ئاژانسی هەواڵگری عیراقی، دەستگیركردنی دوو داواكراو بە تۆمەتی بازرگانی بە مرۆڤەوە لە بەغدا، ڕادەگەیەنێت.

بەپێی بەیاننامەیەك كە لەلایەن ئاژانسی هەواڵگری عیراقەوە بڵاوكرایەوە”وەك جێبەجێكردنی ڕێنماییەكانی وەزیری ناوخۆ و لەڕێی بەدواداچوونی بەردەوام بۆ سنوری بەرپرسیارێتییان، مەفرەزەكانی هەواڵگری لە بەڕێوەبەرایەتی هەواڵگری و تاوانی ڕێكخراوی سەر بە وەزارەتی ناوخۆ، توانییان دوو تۆمەتباری ژن دەستگیربكەن كە داواكراون بە ئەنجامدانی تاوانی بازرگانی بە مرۆڤەوە”.

هەر لە بەیاننامەكەدا هاتووە”پرۆسەی دەستگیركردنەكە لە ناوچەی حسێنییەی بەغدا و لەكاتی ئەنجامدانی تاوانی فرۆشتنی كچێكی منداڵی تەمەن پێنج ساڵاندا بووە بە بڕی 20 ملیۆن دیناری عیراقی”.

ئاژانسی هەواڵگری عیراق دەڵێت”پرۆسەكە لەدوای پێكهێنانی تیمێكی تەكنیكی پسپۆڕ و نانەوە بۆسەیەكی تۆكمە بوو كە دوو تۆمەتبارەكە دەستگیركران كە كچێكی تری تەمەن هەشت ساڵانیان لەگەڵدا بوو، لە كاتی لێكۆڵینەوەكانیشدا دەركەوت كە ئەوییان بە بڕی 3 ملیۆن و پێنج سەد دینار كڕیوە، تۆمەتبارەكانیش بۆ مەبەستی تەواوكردنی لێكۆڵینەوەكان و گرتەبەری ڕێوشوێنی یاسایی لەدژیان، دەستبەسەركران”.

بەردەوام بە لە خوێندنەوە

کوردستان