ئێمە لە تۆرە کۆمەڵایەتیەکان

کوردستان

ئاسایشی سلێمانی ؛ باندێكی باندێكی‌ چوار كەسی‌ دەستگیركرد

خەڵك – بەشی هەواڵ

بەڕێوەبەرایەتی‌ ئاسایشی‌ پارێزگای‌ سلێمانی‌ ڕایدەگەیەنێت، باندێكی‌ چوار كەسیان دەستگیركردووە، كە كاریان بارزگانی بووە بە شوێنەوار و ماددەی‌ هۆشبەرەوە و بە چەكی بێ ‏مۆڵەتەوە هەستاون بە ‏هەڕەشەكردن لە خەڵك .

بەڕێوەبەرایەتی‌ ئاسایشی‌ پارێزگای‌ سلێمانی‌ ئەمڕۆ پێنجشەممە 24ی‌ ئەیلولی‌ 2020، لە ڕاگەیەندراوێكدا ، كە وێنەیەكی بۆ (خەڵك) هاتووە ڕایگەیاندووە، هێزەكانیان لە رۆژی 10ی ئەیلوولی 2020 باندێكی چوار كەسییان ‏دەستگیركرد كە بازرگانییان بە شوێنەوار و ماددە هۆشبەرەكانەوە ‏كردووە.

ڕاشیگەیاندووە، ئەو چوار كەسە هەستاون بە ‏هەڕەشەكردن لە خەڵك بە چەكی بێ ‏مۆڵەت و بازرگانییان بە شوێنەوار و ‏ماددە هۆشبەرەكانەوە كردووە، هاوكات بە چەقۆ و چەكیش خەڵكیان بریندار ‏كردووە.‏

ئاشكراشیكردووە، ئەو چوار كەسە ‏تەمەنیان لەنێوان 40 بۆ 44 ساڵدا بووە، سیانیان دانیشتووی وڵاتی ‏بەریتانیان ‌و یەكێكیشیان دانیشتووی شاری سلێمانییە‌ و سەرجەمیشیان دانیان بە تاوانەكانیاندا ناوە، ئێستاش رووبەڕووی یاسا كراونەتەوە و ‏لێكۆڵینەوەش لەگەڵیاندا بەردەوامە.‏

 

بۆ بەڕێز / كەناڵەكانی ڕاگەیاندن
بابەت / دەستگیركردنی باندێكی تۆمەتبار
لەدرێژەی كارو چالاكیەكانی بەڕێوەبەرایەتی ئاسایشی سلێمانی , بەمەبەستی پاراستنی سەروماڵا و كەرامەتی هاوڵاتیان و ڕوو بەڕوو بونەوەی هەرجۆرە كارێكی هەڵخەڵەتاندن و فریودان و ئەنجامدانی كاری نایاسی تێكدانی ئاسایش و ئارامی هاوڵاتیان
هێزەكانی ئاسایشی سلێمانی توانیان لەڕۆژی (10/9/2020 ) لە چالاكیەكدا چوار تۆمەتبار دەستكیربكەن بەفەرمانی دادوەر و بەپێی ماددەی ( 431) لەیاسای سزادانی عێراقی بە ناوەكانی ( ك،ع،خ لەدایكبوی ساڵی 1981 ڕەگەز كورد دانیشتوی وڵاتی بەڕیتانیا / س،م،ص لەدایكبوی 1985 ڕەگەز كورد دانیشتوی وڵاتی بەڕیتانیا / ب،ص،ڕ لەدایكبوی 1980 ڕەگەز كورد دانیشتوی وڵاتی بەڕیتانیا / ز،م،م لەدایكبوی 1976 دانیشتوی سلێمانی) ، تۆمەتباران هەستاون بە هەڕەشەكردن لەخەڵكی بەچەكی بێ مۆڵەت و بازركانی كردن بە شوێنەوار و بازرگانی بە ماددەی هۆشبەر و برینداركردنی هاوڵاتیان بەچەقۆ و،هەڵگرتنی چەكی بێ مۆڵەت ، سەرجەمیان دانیان بەتاوانەكانیاندا ناوە و ڕوبەڕوی یاسا كراونەتەوە و لێكۆڵینەوە لەگەڵیاندا بەردەوامە .

لەگەڵ ڕێزدا….

ڕاگەیاندنی
بەڕێوەبەرایەتی ئاسایشی پارێزگای سلێمانی

کوردستان

سێ‌ ڕۆژە تووشبوون بە كۆرۆنا لە هەرێم هەزار كەس تێدەپەڕێنێت

خەڵك- بەشی هەواڵ
وەزارەتی تەندروستی هەرێم ئاشكرای دەكات، كە لە 24 كاتژمێری ڕابردوودا 1078 حاڵەتی تووشبوون بە كۆرۆنا تۆماركراوە و 15 كەسیش گیانیان لەدەستداوە.

وەزارەتی تەندروستی حكومەتی هەرێم لە ڕاگەیەنراوێكدا ئاماژەی بەوەكردووە، ٦١٣٢ پشكنین ئەنجام دراوە و دەركەوتووە لە هەولیر 422 كەس و سلێمانی 100 كەس و لە گەرمیان 24 كەس و ڕاپەڕین 24 و دهۆك 471 و هەڵەبجە 37 كەس تووشی كۆرۆنا بوون.

ئاشكراشی كردووە، كە 375 كەس چاكبوونەوە و 15 كەسیش گیانیان لەدەستداوە.

بەردەوام بە لە خوێندنەوە

کوردستان

شێخ جەعفەر: داعش سەریهەڵداوەتەوە

خەڵك- بەشی هەواڵ
جێگری سەرۆكی هەرێمی كوردستان ڕایدەگەیەنێت، داعش به ‌جووڵەیەكی بەهێزەوە دەستی بە چالاكی كردوەتەوە و لەو چوارچێوەیەشدا دۆخی كەركوك لەبار نییە.

شێخ جەعفەر شێخ مستەفا، جێگری سەرۆكی هەرێمی كوردستان بە ماڵپەڕی (باسنیوز)ی ڕاگەیاندووە: “له ‌هەندێك ناوچە داعش بە بەهێزی سەری هەڵداوەتەوە و جێگیر بوون“.

بە وتەی شێخ جەعفەر:”ئێستا چەكدارانی داعش بە شێوەی پارتیزانی پەلاماری هێزەكان دەدەن و هێرش دەكەن، ”بە ‌تایبەتیش لە زنجیره ‌چیاكانی حەمرین و ئەو ناوچانەی كە دەكەونە سنووری بۆشایی ئەمنیی نێوان پێشمەرگە و سوپای عێراق، بەشێكیش له ‌پشت ناوچەكانی ژێر كۆنترۆڵی سوپای عێراقەوە جووڵەیان هەیە، واتە لە سنووری سوپای عێراقەوە“.

جێگری سەرۆكی هەرێمی كوردستان دەڵێت”بە گرنگی دەزانێن هێزی پێشمەرگە و سوپای عێراق له رووی هەواڵگری و لێژنەی هەماهەنگی و ئۆپەراسیۆنی هاوبەشەوە هەماهەنگیان هەبێت، چونكە لە هەموو شوێنەكان مەترسیی داعش هەیە، بە تایبەتیش لە كەركوك و دەرەوەی شاری كەركوك، لە هەموو بارێكەوە لە دۆخەكە دەترسین“.

بەردەوام بە لە خوێندنەوە

کوردستان

یەكێتی پۆستێكی دیكەی لە حكومەتی هەرێم وەرگرت

خەڵك- بەشی هەواڵ
لەچوارچێوەی ڕێككەوتنی یەكێتی و پارتی بۆ پێكهێنانی حكومەتی هەرێم، دوێنێ‌ یەكێتی پۆستی سەرۆكی دەستەی گەشتوگوزاری وەرگرت، ئەمڕۆش پۆستی بریكاری وەزارەتی پیشەسازی و بازرگانی وەردەگرێت.

قوباد تاڵەبانی، جێگری سەرۆكی حكومەتی هەرێم لە پشكی یەكێتی لە هەژماری خۆی لە فەیسبووك بڵاویكردەوە، مە‌ِراسیمێك بۆ دەستبەكاربوونی عەلی عوسمان وەک بریکاری وەزیری پیشەسازی و بازرگانی ئەنجام درا و وێڕای پێشکەش کردنی چەپکە گوڵی پیرۆزبایی، هیوای سەركەوتنمان بۆ خواستن.

ڕاشیگەیاندووە، جەختیشمان لە گرنگی پەرەپێدانی پیشەسازی و فراوانکردنی ئاسۆکانی بازرگانی کردەوە وەك هۆكارێك بۆ فرەجۆركردنی سە‌رچاوەكانی داهاتی گشتی و ڕە‌‌خساندنی ھە‌لی كاری زیاتر بۆ هاووڵاتیان.

دوێنێ‌ لە مەڕاسیمێكی دیكەدا بە ئامادەبوونی جێگری سەرۆكی حكومەت و وەزیرانی پلاندانان و شارەوانی، ئەمەل جەلال لە پشكی یەكێتی پۆستی سەرۆكی دەستەی گەشتوگوزاری وەرگرت.

بەردەوام بە لە خوێندنەوە

کوردستان