ئێمە لە تۆرە کۆمەڵایەتیەکان

کوردستان

وەزارەتی سامانەسروشتییەكان ڕاگەیەنراوێكی بڵاوكردەوە

خەڵك – بەشی هەواڵ

وەزارەتی سامانە سروشتییەكانی حكومەتی هەرێم بەتوندی ئەو دەنگۆیانەی ئەم دواییەی وەزیری دارایی حكومەتی فیدڕاڵ سەبارەت بە بەقاچاغبردنی نەوتی هەرێم ڕەتدەكاتەوە و دەشڵێت،”دامەزراوەی دیلۆیت وردبینیان بۆ دەكات وئەوانیش بۆ رای گشتی دەيخەنەڕوو”.

وەزارەتی سامانە سروشتییەكانی حكومەتی هەرێم لە ڕاگەیەنراوێكدا بڵاویكردەوە، بەتوندی ئەو دەنگۆیانەی ئەم دواییەی وەزیری دارایی حكومەتی فیدڕاڵ سەبارەت بە بەقاچاخبردنی نەوت لە هەرێمی كرودستان ڕەتدەكەینەوە، ئەم جۆرە پڕوپاگەندانە بێ بنەما و بێ بەڵگەن.

لە ڕاگەیەنراوەكەدا هاتووە، ژمارەكانی تایبەت بە هەناردە و بەرهەمهێنانی نەوت لەلایەن دامەزراوەی دیلۆیت وردبینیان بۆ دەكرێت و بۆ رای گشتی دەخرێتەڕوو بۆیە راستتر ئەوەیە، كە دەسەڵاتی فیدراڵی هەمان ڕێكاری حكومەتی هەرێم بگرێتەبەر.

ئەوەشخراوەتەڕوو، وردبینی و بڵاوكردنەوەی رێژەی بەرهەمێنانی نەوت، لەلایەن دامەزراوەی دیلۆیت ەوە لە پێناو شەفافیەت و بەپرسیارێتی زیاترە لە كەرتی نەوت لەسەر ئاستی تەواوی عێراق دا.

کوردستان

هاتووچۆی سلێمانی ؛سزای نەبەستنی ماسك لە سبەینێوە دەچێتە بواری جێ بەجێ كردنەوە

خەڵك – بەشی هەواڵ

بەڕێوەبەری هاتووچۆی پارێزگای سلێمانی ڕایدەگەیەنێت ، بڕیاری سزای نەبەستنی ماسك لە لایەن وەزارەتی ناوخۆوە دەرچووە، لە سلێمانیش جێ بەجێ دەكرێت بەڵام هێشتا كێشەی دابەزاندنی بەرنامەكەمان هەیە لە ئامێری (پی دی ئای)، ئەگەر كارەكانی تەواو بوو لە سبەینێوە دەست بە جێ بەجێ‌ كردنی دەكرێت .

عەمیدی مافپەروەر فەرەیدون عومەر ئەحمەد، بەڕێوەبەری هاتووچۆی پارێزگای سلێمانی بە (خەڵك) ی ڕاگەیاند، بڕیاری سزادانی ئەو كەسانەی كە ماسك نابەستن لە لایەن وەزارەتی ناوخۆوە دەرچووە و لە سلێمانیش جێ بەجێ‌ دەكرێت.

وتیشی ،” لە ئێستادا كێشەمان لە دابەزاندنی بەرنامەكە هەیە بۆ ناو ئامێری (پی دی ئای) ،كە هاوشێوەی سزای سەرپێچی هاتووچۆ ، كە لە ڕێگەی مۆبایلەوە بۆت دێتەوە ، كەی ئەو كێشە چارەسەر كرا دەست بە جێ بەجێ‌ كردنی دەكرێت “.

ڕاشیگەیاند، لە ئێستادا سەرقاڵی چارەسەركردنی كێشەكەن ئەگەر تا سبەی تەواو بووە ئەوا لە رۆژی هەینی 30-10-2020ەوە سزای نەبەستنی ماسك لەلایەن شۆفێرانی سەرپێچیكارەوە بەشێوەی (پی دی ئای) جێبەجێدەكرێت، كە بڕەكەی 50 هەزار دینارە.

 

بەردەوام بە لە خوێندنەوە

کوردستان

گەرمیان؛ ڕووداوێكی هاتووچۆ قوربانی لێكەوتەوە

خەڵك – بەشی هەواڵ

بەڕێوەبەرایەتی هاتووچۆی گەرمیان ڕایدەگەیەنێت ، لە ڕووداوێكی هاتووچۆدا لەسەر ڕێگای كەلار-دەربەندیخان ئۆتۆمبێلێك وەرگەڕا و شۆفێرەكەی برینداربوو، بۆ چارەسەر ڕەوانەی نەخۆشخانە كرا .

بەڕێوەبەرایەتی هاتووچۆی گەرمیان لە ڕاگەیەنراوێكدا بڵاویكردەوە، ئێوارەی ئەمڕۆ لەسەر ڕێگای كەلار-دەربەندیخان لەنزیك گوندی سەید محمود ئۆتۆمبێلێكی جۆری هۆندا ئەلنترا كۆنترۆڵی لەدەستدا و وەرگەڕا، جگە لە زیانی ماددی شۆفێرەكەی برینداربوو، كە بەڕەگەز عەرەبە.

ڕاشیگەیاندووە، بەمەبەستی وەرگرتنی چارەسەر گەیەنرایە نەخۆشخانەی شەهید مەلا ئەحمەد لە شارەدێی باوەنور، لەلایەن تیمی هاتوچۆشەوە وە لێكۆڵینەوە لە ڕوداوەكە دەستی پێكردوە.

بەردەوام بە لە خوێندنەوە

کوردستان

هەپەگە ڕاگەیەنراوێكی بڵاوكردەوە

خەڵك – بەشی هەواڵ

هێزەكانی پاراستنی گەل ڕایدەگەیەنێت ، هێزەكانیان لە ٢٨ی ئەم مانگە لە ناوچەی باگۆكی شاری مێردین لە دژی بۆری نەوتی بۆتاش چالاكییەكیان ئەنجامداوە و لەو چالاكییەدا بۆری نەوتەكە بە تەواوەتی لەناوچووە.

ناوەندی راگەیاندن و چاپەمەنی هێزەكانی پاراستنی گەل (هەپەگە) لە راگەێنراوێكیدا ئاماژەی بەوە كرد، كە سوپای توركیا لە ناوچەی چەلێی جۆلەمێرگ دەستی بە ئۆپڕاسیۆنێكی سەربازی كردبوو، بەڵام ئۆپڕاسیۆنەكە بێ ئەنجام كۆتایی پێهاتووە.

لەراگەیێنراوەكەی هەپەگەدا هاتووە:
“هێزەكانمان لە بەرواری ٢٨ی تشرینی یەكەم لە كاتژمێر ١٣:٠٠ لە دژی بۆری نەوتی بۆتاش لە هەرێمی باگۆكی سەر بە شاری مێردین چالاكیەكی سەركەوتوویان ئەنجامداوە. لەو چالاكیەدا بۆری نەوتەكە بە تەواوەتی لەناو چووە.

ئۆپڕاسیۆنەكە بێئەنجام كۆتایی پێهات
دەوڵەتی داگیركەری تورك لە بەرواری ١٤ی تشرینی یەكەمدا لە ناوچەی چەلێی سەر بە جۆلەمێرگ لە گوندی گزێ، زائیتە، تخوب، گوزەرەش، سرتا هەلوەسیسێ و سرتا پیرێ و گردی شەهید عەگید دەستی بە ئۆپڕاسیۆن كردبوو، بەڵام ئۆپڕاسیۆنەكە لە ٢٤ی تشرینی یەكەمدا بێئەنجام كۆتایی پێهات.

هێرشە ئاسمانیەكانی سەر هەرێمەكانی پاراستنی میدیا
سوپای داگیركەری تورك هێرشی ئاسمانی كردە سەر هەرێمەكانی پاراستنی میدیا. زانیاریەكان لە بارەی هێرشە ئاسمانیەكانەوە بەم شێوەیە؛

-٢٤ی تشرینی یەكەم لە كاتژمێر ١٨:٠٠ لە ناوچەی بەرگاری سەر بە هەرێمی گارێ فڕۆكە جەنگیەكانی گوندی یەكمالەیان بوردومان كرد.

-٢٤ی تشرینی یەكەیم لە كاتژمێر ١٨:٣٠ خولەك لە ناوچەی كۆلتێی سەر بە هەرێمی خواكورك خەڵكی مەدەنی بوو بە ئامانجی بوردومانی فڕۆكە جەنگیەكانی دەوڵەتی داگیركەری تورك. دواتر بە ئۆبوس و هاوەن هەمان ناوچەی تۆپباران كرا. تۆپباران و بوردومانەكە هیچ زیانێكی گیانیی خەڵكی مەدەنی بەدواوە نەبوو، بەڵام ئۆتۆمبیلەكانیان لەناو چوون و زیانێكی زۆر مادیان بەركەوت.

-٢٥ی تشرینی یەكەم لە كاتژمێر ٠٤:٣٠ خولەك لە ناوچەی مەیرۆكێی سەر بە هەرێمی گارێ، گوندی چەمرۆبۆتكی بوردومان كرا.

-٢٦ی تشرینی یەكەم لە كاتژمێر ١٢:٥٠ خولەك لە هەرێمی زاپ، ناوچەی تی بوردومان كرا.

-٢٦ی تشرینی یەكەم لە كاتژمێر ١٣:٠٠ لە هەرێمی زاپ، ناوچەی چەمچو بە فڕۆكەی جەنگی بوردومان كرا.

-٢٧ی تشرینی یەكەم لە كاتژمێر ٠٥:٣٠ خولەك لە هەرێمی گارێ، ناوچەی سیانێ و دەوروبەری گوندی كانی ئۆهران بوردومان كرا.

-٢٨ی تشرینی یەكەم لە كاتژمێر ١٦:٣٠ خولەك لە ناوچەی مەیرۆكێی سەر بەر هەرێمی گارێ، گوندی ستێڤری خوارووی لە كانتی كۆنترا بە فڕۆكەی جەنگی بوردومان كرا.

-٢٨ی تشرینی یەكەم لە كاتژمێر ١٨:٤٠ خولەك ناوچەی چەمچوی سەر بە هەرێمی زاپ و هەمان رۆژ ناوچەی سیدای سەر بە هەرێم زاپیش بوردومان كران.
ئەو هێرشە ئاسمانیانە هیچ زیانێكی هێزەكانمانی بەدواوە نەبوو.”

بەردەوام بە لە خوێندنەوە

کوردستان