ئێمە لە تۆرە کۆمەڵایەتیەکان

عێراق

عیراق و هەرێم، زیاتر لە 5 هەزار تووشبووی نوێ‌ بە كۆرۆنا تۆماركرا

خەڵك- بەشی هەواڵ
وەزارەتی تەندروستی عیراق 5055 حاڵەتی توشبوونی نوێ‌ بە ڤایرۆسی كۆرۆنا لەعیراقدا ڕادەگەیەنێت و ئاماژە بە چاكبوونەوەی 3231 كەسیش دەكات كە نەخۆشییەكەیان پەڕاندووە و چاكبوونەتەوە.

بەپێی بەیاننامەیەك كە لەلایەن وەزارەتی تەندروستی عیراقەوە بڵاوكرایەوە” لەماوەی 24 كاتژمێری ڕابردوودا 5055 حاڵەتی توشبوونی نوێ‌ لە تێكڕای پارێزگەكانی عیراقدا تۆماركران، لەگەڵ ئەمەشدا 3231 حاڵەتی چاكبوونەوەش لە هەمان ماوەدا تۆماركراوە.
بەپێی ئامارەكان، بەغدا زۆرترین ژمارەی مردن و تووشبوانی تۆماركردووە، و پاشان پارێزگەی واست لە پلەی دووەمدایە كە 416 كەس تووشی كۆرۆنا بوون و 8 كەسیش لە پارێزگەكەدا بەهۆی ڤایرۆسەكەوە گیانیانلەدەستدا.

لە بەیاننامەكەی وەزارەتی تەندروستی عیراقدا هاتووە،” تۆماركردنی حاڵەتەكانی توشبوون بە كۆرۆنا بەسەر زۆرێك لە پارێزگەكاندا دابەشبوون كە بەمشێوەیەن: بەغدا ڕەسافە: 537 حاڵەت، مەدینە توب: 133 حاڵەت، بەغدا كەرخ: 953 حاڵەت، بەسرە: 327 حاڵەت، نەجەف: 104 حاڵەت، سلێمانی: 345 حاڵەت، هەولێر: 240 حاڵەت، كەركوك: 117 حاڵەت، دهۆك: 370 حاڵەت، كەربەلا: 154 حاڵەت، واست: 416 حاڵەت، دیالە: 68 حاڵەت، میسان: 142 حاڵەت، زیقار: 357 حاڵەت، ئەنبار: 24 حاڵەت، بابل: 67 حاڵەت، سەڵاحەدین: 158 حاڵەت، نەینەوا: 125 حاڵەت، دیوانیە: 263 حاڵەت، موسەننا: 155 حاڵەت”.

هەر لە بەیاننامەكەدا وەزارەتی تەندروستی عیراق، ئاماژەی بە تۆماركردنی 72 حاڵەتی گیانلەدەستدانیش كردووە لەماوەی 24 كاتژمێری ڕابردوو لە تێكڕای پارێزگەكانی عیراق و هەرێمی كوردستان.

وەزارەتی تەندروستی عیراق دەڵێت”كۆی گشتی ژمارەی تووشبوان بە ڤایرۆسی كۆرۆنا لە وڵاتدا گەیشتۆتە 332.635 كەس و لەو ژمارەیەش 8754 كەس گیانیانلەدەستداوە و 264.988 كەس نەخۆشییەكەیان پەڕاندووە و چاكبوونەتەوە، ئەوانەش كە تائێستا لە نەخۆشخانەن و چارەسەرییان بۆ دەكرێت 58893 كەسن كە 541 حاڵەتیان باری تەندروستییان.

عێراق

هەڵوێستی حەنان فەتلاوی لەسەر سلفەی 10 ملیۆن دینار بۆ ژنی دووەم

خەڵك- بەشی هەواڵ
سەرۆكی بزوتنەوەی ئیرادە، هەڵوێستی خۆی لەبارەی بڕیاری پێدانی سلفەیەك بە بڕی 10 ملیۆن دینار بۆ ئەو فەرمانبەرەی ژنی دووەم دەهێنێت، ڕادەگەیەنێت.

حەنان فەتلاوی سەرۆكی بزوتنەوەی ئیرادە لە تویتێكیدا لەسەر تۆڕی كۆمەڵایەتی (تویتەر) ڕاگەیاند”بانكی ڕەشید بڕیاریداوە سلفەیەك بە بڕی (10) ملیۆن دینار بداتە ئەو فەرمانبەرەی ژنی دووم دەهێنێت!!”.

بە وتەی فەتلاوی”نەنگییە بەیاننامەیەكی لەو جۆرە لەلایەن بانكێكی حكومی بەڕێزەوە بڵاودەكرێتەوە.. ئەو ڕوونكردنەوەیەی بۆ بیانووی بەیاننامەكەش دەرچوو، وەك عوزرێكی باشتر لە قەباحەت بوو.. ژن كاڵا نییە نمایش بكرێت یان بفرۆشرێت”.

ئەمڕۆ چوار شەممە، بانكی ڕەشید ڕایگەیاند”سلفەیەك بە بڕی 10 ملیۆن دینار دەداتە ئەو فەرمانبەرەی ژنی دووەم دەهێنێت”.

بەپێی بەیاننامەیەكیش كە لەلایەن بانكەكەوە بڵاوكرایەوە”بڕیاری پێدانی ئەو سلفەیە بۆ هاوسەرگیریی، بۆ هەموو لاوانی فەرمانبەرە، بەبی ڕەچاوكردنی ئەوەی وەرگرتنی مووچەكەی لە بانكەكە جێگیركردبێت كە لەئێستادا كاریی پێدەكرێت”.

بەردەوام بە لە خوێندنەوە

عێراق

ئۆپەراسیۆنە هاوبەشەكانی عیراق: داعش خۆی ڕێكدەخاتەوە

خەڵك- بەشی هەواڵ
فەرماندەیی ئۆپەراسیۆنە هاوبەشەكانی عیراق ڕایدەگەیەنێت، گروپە چەكدارەكانی داعش سەرقاڵی خۆڕێكخستنەوەن و ڕەوشی ئێستای وڵاتییان قۆستۆتەوە، ئاماژە بە خاپووركردنی زۆرێك لە حەشارگە و تونێلەكانی ڕێكخراوەكەش دەكات لە كەركوك و دەوروبەری.

لیوا تەحسین خەفاجی، وتەبێژی ئۆپەراسیۆنە هاوبەشەكانی عیراق، ڕایگەیاند”چەكدارانی ڕێكخراوی داعش، لەم ماوەیەی دواییدا هەوڵی خۆڕێكخستنەوە دەدەن و تەنگژەی ئابوری و كۆرۆنایان قۆستۆتەوە، تابتوانن كارتەكانیان ڕێكبخەنەوە و دەست بە جموجۆڵ و چالاكی بكەنەوە”.

بە وتەی خەفاجی”ڕێكخراوی داعش پشتی بە هەندێك ناوچە بەستووە بۆ داڵدەدانی چەكدارانی، هێزە ئەمنییەكانیش زانیاریی هەواڵگری وردیان دەستكەوتووە سەبارەت بە جموجۆڵی چەكدارانی ڕێكخراوەكە ولەئێستا لە كەركوك و دەوروبەری كار لەسەر ئەو زانیارییانە دەكەن”.

وتەبێژی ئۆپەراسیۆنە هاوبەشەكانی عیراق دەڵێت”زۆرێك لە حەشارگە و تونێلەكانی سەر بە ڕێكخراوی داعش خاپوركران و چەك و تەقەمەنییەكی زۆری داعش دەستییان بەسەرداگیرا، دیاریكردنی ئامانج و شوێنی وەشاندنی گورزيش لە ڕێكخراوەكە، پێویستی بە دەستپێشخەریی ئۆپەراسیۆنەكان و دەستخستنی زانیاریی هەواڵگری وردە”.

بەردەوام بە لە خوێندنەوە

عێراق

تەندروستی دواین ئاماری كۆرۆنای لە عیراق و هەرێم ڕاگەیاند

خەڵك- بەشی هەواڵ
وەزارەتی تەندروستی عیراق ئاشكرای دەكات، 3667 حاڵەتی نوێی تووشبوون بە ڤایرۆسی كۆرۆنا تۆماركراوە و 2876 كەسیش چاكبوونەتەوە و 52 كەسیش گیانیان لەدەستداوە، كە 15 كەسیان لە هەرێمی كوردستانن.

وەزارەتی تەندروستی عیراق لە بەیاننامەیەكدا ئاماژەی بەوەكردووە، كە لە 24 كاتژمێری ڕابردوودا 20 هەزار و 214 پشكنینی تایبەت بە كۆرۆنا ئەنجام دراوە و دەركەوتووە 3667 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون.

ئاشكراشی كردووە، كە زۆرینەی تووشبووەكان لە بەغدا بوون، هەروەها لە سلێمانی 185 و هەولێر 422 و دهۆك 471 حاڵەت تۆماركراوە.

ڕوونیشی كردۆتەوە، كە 2876 تووشبوو بە پەتاكە چاكبوونەتەوە، هاوكات 52 كەسیش گیانیان لەدەستداوە.

ڕوونیشی كردۆتەوە، كە بە تەنها لە هەرێمی كوردستان 15 كەس گیانیان لەدەستداوە.

بەردەوام بە لە خوێندنەوە

کوردستان