ئێمە لە تۆرە کۆمەڵایەتیەکان

جیهان

ناوەڕۆكی پەیوەندییە تەلەفۆنیەكەی ماكرۆن و ئەردۆغان ئاشكرا كرا

خەڵك-بەشی هەواڵ

كۆشكی ئەلیزێ ڕایدەگەیەنێت، ئیمانوێل ماكرۆن سەركۆماری فەڕەنسا لە پەیوەندییەكی تەلەفۆنییدا كە لەگەڵ ڕەجەب تەیب ئەردۆغان سەركۆماری توركیا ئەنجامیدا ڕایگەیاند، هەمیشە ئامادەی دیالۆگن و گرنگیی دەدەن بە پەیوەندی دروستی نێوان یەكێتیی ئەوروپا و توركیا.

كۆشكی ئەلیزێ لە ڕاگەیەنراوێكدا سەبارەت بەو پەیوەندییە تەلەفۆنییە ئاماژە بۆ ئەوە دەكات،
پەیوەندییە تەلەفۆنییە زیاتر لە كاتژمێرێكی خایاندووە، بابەتەكانی ڕۆژهەڵاتی دەریای ناوەڕاست، لیبیا و سووریا تاوتوێ كراون و ماكرۆن خۆشحاڵی خۆی نیشانداوە بە دەستپێكردنی كۆبوونەوەی كنەكردنی سەرەتایی لەنێوان توركیا و یۆناندا.

ئاشكراشیدەكات، ماكرۆن داوای كردووە ئەو كۆبوونەوانە بە نیازباشی و هەوڵدان بۆ كەمكردنەوەی گرژییەكان ئەنجام بدرێت و داواشی كردووە دیالۆگی هاوشێوەی ئەوە لەنێوان توركیا و قوبرسی باشوور دروست ببێت.

لە ڕاگەیەنراوەكەدا ئەوەش ڕوونكراوەتەوە، ماكرۆن داوای لە توركیا كردووە ڕێز لە سەروەری وڵاتانی یەكێتی ئەوروپا و یاسا نێودەوڵەتییەكان بگرێت، خۆی بە دوور بگرێت لە چالاكی نوێی تاك لایەنە كە گرژیی دروست دەكات و بەبێ دروستبوونی نادیاریی لە دەریای ناوەڕاستدا، هەنگاو بنێت بە ئاڕاستەی بنیاتنانی بواری ئاشتیی و هاریكاریی.

جیهان

حكومەتی بەریتانیا لە هەوڵدایە لە دوو مانگی داهاتوودا ڤاكیسنەكە پەسەند بكات

خەڵك – بەشی هەواڵ

بەپێی ڕاپۆرتی ڕۆژنامەیەكی بەریتانی، حكومەتی ئەو وڵاتە هەوڵدەدات پێش كۆتایی هاتنی ئەمساڵ باشترین و كاریگەرترین ڤاكیسنی كۆرۆنا پەسەند بكات.

ڕۆژنامەی دەیلی مەیلی بەریتانی لە ڕاپۆرتێكیدا كە لە بارەی هەوڵەكانی حكومەتی بەریتانیا بۆ بەرەنگاربوونەوەی كۆرۆنا بڵاویكردووەتەوە ئاماژەی بەوەكردووە: حكومەتی وڵاتەكەیان هەوڵدەدات پێش كۆتایی هاتنی ئەمساڵ باشترین و كاریگەرترین ڤاكیسنی كۆرۆنا پەسەند بكات و بیدات بەو كەسانەی لە هێڵی پێشەوەی بەرەنگاربوونەوەی كۆرۆنادان وەك پزیشكان و كارمەندانی تەندروستی و هێزە ئەمنییەكان و ئەوانەی لە خانەی بەساڵاچووان كاردەكەن و ئەوانەی تەمەنیان گەیشتووەتە 80 ساڵ سوود لەو ڤاكسینە وەردەگرن.

ڕۆژنامەكە ئەوەشی خستووەتەڕوو: حكومەت ئەو هەنگاوەی ناوە بۆ ئەوەی هیوایەك بە هاووڵاتیان بدات و خۆی ڕزگاربكات لە كەرەنتینەكردنی خەڵكی كە لە ئاداری ڕابردووەوە لەو وڵاتە پیادە دەكرێت.

بەردەوام بە لە خوێندنەوە

جیهان

ئێران، نزیكەی 6 هەزار حاڵەتی تووشبوونی نوێ‌ بە كۆرۆنا ڕادەگەیەنرێت

خەڵك-بەشی هەواڵ
وتەبێژی وەزارەتی تەندروستی ئێران ، ئاماری 24 كاتژمێری ڕابردووی تایبەت بە ڤایرۆسی كۆرۆنا لە وڵاتەكەدا ڕادەگەیەنێت و ئاماژەی بە تۆماركردنی نزیكەی 6 هەزار حاڵەتی تووشبوون و 337 حاڵەتی گیان لەدەستدانی نوێ‌ دەكات بەهۆی ڤایرۆسەكەوە.

ئەمڕۆ دوو شەممە سیما سادات لاری، وتەبێژی وەزارەتی تەندروستی ئێران لە كۆنفرانسێكی ڕۆژنامەوانیدا ڕایگەیاند ، لە ماوەی 24 كاتژمێری ڕابردوودا 5960 كەس لە ئێران تووشی ڤایرۆسی كۆرۆنا بوون و 337 كەسیش گیانیان لە دەستدا، بەمەش كۆی گشتی ژمارەی ئەوانەی لە ئێران بەهۆی كۆرۆناوە گیانیانلەدەستداوە بۆ 32 هەزار و 953 كەس بەرزدەبێتەوە.

بە وتەی سادات لاری، “لە سەرەتای سەرهەڵدانی پەتاكە لەسەرتاسەری وڵات 574 هەزار و 856 كەس تووشی كۆرۆنا بوون كە 4810 كەسیان باری تەندروستییان ناجێگیرە”.

وتەبێژی وەزارەتی تەندروستی ئێران دەڵێت: “تا ئێستا 459 هەزار و 250 كەس نەخۆشییەكەیان پەڕاندووە و چاكبوونەتەوە”.

بەردەوام بە لە خوێندنەوە

جیهان

زیاتر لە 150 چەكداری سوری سەر بە توركیا كوژران و بریندار بوون

خەڵك- بەشی هەواڵ

ئەمڕۆ دوو شەممە فڕۆكە جەنگییەكانی روسیا گرووپە چەكدارەكانی ئۆپۆزسیۆنی سوریای هاوپەیمانی توركیایان لەوانە گرووپی شام لە پارێزگای ئیدلب بۆردومان كرد.

روانگەی سوری بۆ مافەكانی مرۆڤ ئاشكرایكرد 56 چەكداری گرووپەكانی ئۆپۆزسیۆن لەو هێرشە ئاسمانیەدا كوژراون لە بارەگاكانیان لە باكوری خۆرئاوای سوریا لە نزیك سنورەكانی توركیا.

هاوكات لە هێرشەكەدا زیاتر لە 100 چەكداری دیكەی گروپی شام بریندار بوون.

پێشتر روانگەی سوری وتی: زانیاری هەیە 34 چەكدار كوژراون.

رامی عەبدولڕەحمان بەڕێوەبەری روانگەی سوری بۆ فرانس پرێس وتی: چەكدارە سورییەكان لە كاتی مەشق و راهێناندا بوون كە سەدان چەكدار بوون و بۆردومان كراون.

سەیف رەعد بەرپرسی میدیایی بەرەی نیشتمانی كە گروپێكی چەكداری سەر بە توركیایە بە فرانس پرێسی وت: شەرمەزاری پێشێلكردنی فڕۆكە روسییەكان و رژێم دەكەین كە پێگە سەربازییەكان لە گوند و شارۆچكەكان دەكەنە ئامانج و رێككەوتنی توركی روسی پێشێل دەكەن.

بەردەوام بە لە خوێندنەوە

کوردستان