ئێمە لە تۆرە کۆمەڵایەتیەکان

عێراق

ڕاوێژكارێكی پێشووی بەرهەم ساڵح: دەبێت غەدری سەر فەرمانبەران لابرێت

خەڵك – بەشی هەواڵ
ڕاوێژكارێكی پێشووی سەرۆكایەتی كۆماری عیراق ڕادەگەیەنێت، بودجەی ئەمساڵی عیراق زەبەلاحترین بودجەیە لە مێژووی وڵاتەكدا، كە ۱٤۸ ترلیۆن دینارە بۆ ساڵی ۲٠۲٠ لە بودجەی چەندین وڵاتی ناوچەكە زیاترە، دەشڵێت: “پێویستە ئەو غەدرە لەسەر فەرمانبەرانی كوردستان هەڵبگیرێت و قوتی خەڵك نەبێتە قوربانی ململانێكان”.

سالار مەحمود، ڕاوێژكاری پێشووی سەرۆك كۆماری عیراق لە هەژماری تایبەتی خۆی لە فەیسبووك ڕایگەیاندووە، عیراق بەقەیرانێكی ئابووری مەترسیداردا تێپەڕ ئەبێت و هەرێمی كوردستانیش لە قوڵترین قەیرانی ئابوریدایە، بۆیە ڕێككەوتنی كوردستان و عیراق بەشێك لەنەهامەتییەكانی خەڵك بۆ قۆناغێك كەم ئەكاتەوە، بەردەوامبونی ئەم دۆخە نیگەرانی و نەهامەتیەكان زیاتر دەكات.

وتیشی، “بەڕێككەوتن پشكی مووچەی هەرێم لە بودجە بچەسپێنرێت و پێویستە ئەو غەدرە لەسەر فەرمانبەرانی كوردستان هەڵبگیرێت و قوتی خەڵك نەبێتە قوربانی ململانێكان”.

ڕاشیگەیاندووە، نوێنەرانی كورد لەپەڕلەمانی بەغدا پێویستە بەیەك دەنگ خۆیان بۆ شەڕی قوتی خەڵكی كورستان حازر بكەن، داكۆكی لە قوتی خەڵك واجبی یاسایی و ئەخلاقیە.

ئاماژەی بۆ ئەوەشكردوە، گەورەترین كورتهێنان لە مێژووی عیراقدا لە پڕۆژە بودجەی ئەمساڵدایە، كە ۸۱ ترلیۆن دینارە، لەبەر ئەوە جگە لەدابینكردنی مووچە ناتوانرێ پڕۆژەی خزمەتگوزاری پێویست بۆ شارەكان و خەڵكەكە دەستەبەر بكرێت.

ئاشكراشی كردووە، بودجەی ساڵی ۲٠۱۹ی عیراق ۱٤۲ ترلیۆن دینار بوو، جگە لەمووچە هیچ پڕۆژەیەكی ستراتیژی پێ جێبەجێ نەكرا.

عێراق

دوای ساڵێك لە سەرهەڵدانی، خۆپیشاندانەكانی عیراق دەستیپێكردەوە

خەڵك-بەشی هەواڵ

 

لە ساڵیادی خۆپیشاندانەكانی بەغدا و پارێزگاكانی دیكەی باشوری عیراق، خۆپیشاندانی ناڕەزایی دەستیپێكردەوە.

میدیاكانی عیراق بڵاویانكردەوە، لە كاتژمێر 8:00ی بەیانی ئەمڕۆ یەك شەممەوە خۆپیشاندان لە بەغدای پایتەخت دەستیپێكردووەتەوە.

خۆپیشاندانەكەی ئەمڕۆ هاوكاتە لەگەڵ تێپەڕبوونی ساڵێك بەسەر “خۆپیشاندانەكانی تشرینی یەكەم” ساڵی ڕابردوو، كە بەهۆیەوە زیاتر لە 600 كەس كوژران و زیاتر لە 25 هەزار كەسیش برینداربوو.

بەپێی زانیارییەكان داوا لە خۆپیشاندەران كراوە دووربكەونەوە لە توندوتیژی و بەكارهێنانی چەك، هاوكات پابەندبن بە ڕێنماییە تەندروستییەكان و خۆیان بپارێزن.

بەو بۆنەوە ئەمشەو مستەفا كازمی سەرۆك وەزیرانی عیراق لە پەیامێكیدا ڕایگەیاند، هەموو هەوڵێكیان بۆئەوەیە ڕێگری بكرێت لەساختەكاری لە هەڵبژاردنی پێشوەختە لە عیراقدا و دەیانەوێت هەڵبژاردنێكی پاك و بێگەرد ئەنجام بدرێت.

وتیشی”هەڵبژاردن لە 6ی حوزەیرانی ساڵی داهاتوو ئەنجامدەدرێت و داواشی لە هاووڵاتیان و هێزە ئەمنیەكان كرد ڕووبەڕووبوونەوە لەنێوانیاندا ڕوونەدات.

بەردەوام بە لە خوێندنەوە

عێراق

مستەفا كازمی پەیامێكی بڵاوكردەوە

خەڵك – بەشی هەواڵ

ئەمشەو خۆپیشاندان لەبەغدا دەستیپێكرد و هێزێكی ئەمنی زۆریش لەدەروازەكانی ناوچەی سەوزی بەغدا بڵاوەی پێكراوە بۆ بەرگرتن لەخۆپیشاندەران و سەرۆك وەزیرانی عیراقیش ڕایدەگەیەنێت، هەموو هەوڵێكیان بۆ ئەوەیە هەڵبژاردنی پێشوەختە لەكاتی خۆیدا ئەنجامبدرێت.

ئەمشەو خۆپیشاندان لە بەغدا دەستیپێكرد و دواتریش هێزێكی ئەمنی لە دەروازەكانی ناوچەی سەوز بڵاوەی پێكراوە بۆ بەرگرتن لەچوونی خۆپیشاندەران بۆ ناوچەكە.

هەر ئەمشەو مستەفا كازمی سەرۆك وەزیرانی عیراق لە پەیامێكیدا ڕایگەیاند، هەموو هەوڵێكیان بۆئەوەیە كە ڕێگریی بكرێت لەساختە كاریی لە هەڵبژاردنی پێشوەختە لە عیراقدا دەیانەوێت هەڵبژاردنێكی پاك و بێگەرد ئەنجامبدرێت.

كازمی ئاماژەی بۆ ئەوەشكرد، هەڵبژاردن لە 6ی حوزەیرانی ساڵی داهاتوو ئەنجامدەدرێت و داواشی لە هاووڵاتیان و هێزە ئەمنیەكان كرد ڕووبەڕووبوونەوە لەنێوانیاندا ڕوونەدات.

بەردەوام بە لە خوێندنەوە

ئابوری

“گەورەترین سەنتەری ئامادەكاری بۆ بنیاتنانی توانای نیشتمانی لەكەرتی نەوت و وزە لە بەسڕە دەكرێتەوە”

خەڵك – بەشی هەواڵ

وەزیری نەوتی عیراق ڕایدەگەیەنێت، حكومەت سورە لەسەر گۆڕینی فەلسەفەی ئابووری وڵات.

ئیحسان عەبدولجەبار وەزیری نەوتی عیراق لە ڕاگەیەنراوێكدا جەختی لەوە كردەوە، حكومەت سورە لەسەر گۆڕینی فەلسەفەی ئابووری و میكانیزمی ئیدارەكردنی سامانی هایدرۆكاربۆنی لەپێناو گەشەی بەردەوامی نیشتمانیی و كاركردن بۆ گۆڕینی بەهای بازاڕی بەرهەمی نیشتمانیی.

بەوتەی وەزیری نەوتی عیراق، حكومەتی عیراقی دەیەوێت پەلە بكات لەجێبەجێكردنی پرۆژەكانی وەبەرهێنان لەكەرتەكانی گاز و پیشەسازی پێترۆكیمیایی وزە ئەویش بەپشتبەستن بەتەكنەلۆژیای نوێ لەگەڵ دەستەبەركردنی دەرفەتی مەشق و ڕاهێنان بۆكادرانی كەرتی نەوتی.

ئیحسان عەبدولجەبار ئاماژەی بەوەشداوە، كارنامە چاكسازییەكەی حكومەت كەبەكاغەزی سپی ناودەبرێت پێویستی بەپشتیوانی و دەرفەت و ژینگەی وەبەرهێنانی ئارام هەیە بۆ كۆمپانیا جیهانیەكان و دووپاتیشیكردەوە،كە لەگەشتەكەیان بۆ ئەوروپا لەگەڵ سەرۆك وەزیران سەرجەم ئەو وردەكاریانە لەگەڵ ئیدارەی كۆمپانیا جیهانیەكان باسكراون.

وەزیری نەوتی عیراق ئاشكراشیكرد، لە داهاتوودا گەورەترین سەنتەری ئامادەكاری بۆ بنیاتنانی توانای نیشتمانی لەكەرتی نەوت و وزە لە بەسڕە دەكرێتەوە.

بەردەوام بە لە خوێندنەوە

کوردستان