ئێمە لە تۆرە کۆمەڵایەتیەکان

جیهان

بەریتانیا بڕیارێكی نوێی بۆ پەنابەران دەركرد

خەڵك- بەشی هەواڵ

وەزارەتی ناوخۆی بەریتانیا بەنیازە هەموو ئەو پەنابەرانە بنێرێتەوە وڵاتەكانی خۆیان، كە داوانامەكانیان ڕەتكراوەتەوە.

ئاری جەلال، سه‌رۆكی دەزگای لوتكە بۆ كاروباری ئاوارە و پەنابەران بۆ (خەڵك) ڕایگەیاند، وەزارەتی ناوخۆی بەریتانیا نامەیەكی بۆ ڕێكخراوەكانی كۆچ ناردووە و پێی ڕاگەیاندوون، كە ئەو پەنابەرانەی داوانامەكانیان ڕەتكراوەتەوە پێویستە لە ماوەی ٢١ ڕۆژدا بەریتانیا بەجێبهێڵن.

ڕاشیگەیاند، بەپێی بڕیارەكە داوانامە ڕەتكراوەكان پێداچوونەوە بە كەیسەكانیاندا ناكرێتەوە و لە ماوەی هەفتەیەكدا ئاگاداركردنەوەیەكیان پێدەگات و پاش ئەوەش دەبێت لە ماوەی ٢١ ڕۆژدا بەریتانیا بەجێبهێڵن.

ئاشكراشی كرد، لە مانگی حوزەیرانەوە ناوەندی یاسای بەرژەوەندی گشتی بەریتانیا نیگەرانی خۆی سەبارەت بە چارەنووسی پەنابەرەكان دەربڕیوە، بەهۆی نەبوونی هیچ پاڵپشتییەك بۆ ئەو پەنابەرانە.

وتەبێژی بەرژەوەندی گشتی ڕایگەیاندووە، كە مرۆڤ مافی ئوەی هەیە، كە سەلامەت بێت و چاودێری بكرێت و داوای پەنابەرێتیش بكات، هەرگیز نابێت ئەو مافانە گرێ بدرێت بە شوێنی لەدایكبوون یان كاغەزێك، كە شوێنی مانەوەی بۆ دیاری بكات.

جیهان

سوپای پاسداران لە نزیك قەرەباغ بڵاوەی پێكرا

خەڵك- بەشی هەواڵ

بەرپرسێكی باڵای سوپای پاسدارانی ئێران ئاشكرایكرد یەكەكانی سوپای پاسداران لە سەر سنوری نزیك ناوچەی ناگۆڕنۆ قەرەباغ لەنێوان ئازەربایجان و ئەرمینیا بڵاوەی پێكراوە.

سوپای پاسداران بەپێی زانیارییەكان كەرەستەی سەربازی رەوانەی سنورەكانی باكوری لە نزیك مەیدانی شەڕ لەنێوان ئازەربایجان و ئەرمینیا كردووە.

محەمەد پاكپور فەرماندەی هێزی وشكانی سوپای پاسدران بۆ ئاژانسی فارس وتی: بۆ پاراستنی بەرژەوەندییەكانی ئێران هێزەكانمان لەوێ بڵاوەی پێكراوە.

ناوبراو لە كاتی سەردانی بۆ ناوچە سنورییەكان وتیشی: هێزەكانمان لە رۆژانی سەرەتای شەڕەوە لەنێوان یەریڤان و باكۆ بۆ پاراستنی بەرژەوەندییەكانی نیشتمانی و دابینكردنی ئەمن و سەقامگیری بۆ دانیشتووانی ناوچەكە بڵاوەی پێكراوە.

لە رۆژانی رابردوودا نزیكەی 30 زرێپۆش و تانك لە ناوچەی سنوری بڵاوەیان پێكراوە.

بەردەوام بە لە خوێندنەوە

جیهان

ئەردۆغان: ڕێگا نادەین دەوڵەتێك لە سنوورەكانی عیراق و سوریا دروست بكرێت

خەڵك-بەشی هەواڵ

 

سەرۆك كۆماری توركیا ڕایدەگەیەنێت، هەرگیز توركیا ڕێگە نادات لە خوار سنوورەكانی زۆنگاوێكی تیرۆر دروست بكرێت.

ڕەجەب تەیب ئەردۆغان سەركۆماری توركیا و سەرۆكی گشتیی ئاك پارتی لە میانی بەشداریكردن لە كۆنگرەی حەوتەمی لقی قەیسەری ئاك پارتیدا ڕایگەیاند، دۆزینەوەی ٤٠٥ ملیار مەتر سێجا یەدەگی گازی سروشتی لە دەریای ڕەش، هیوای زیاتر كردوون بۆ دۆزینەوەی سەرچاوەی وزە لە دەریای ناوەڕاست.

وتیشی”هەوڵێك هەیە بۆ دروستكردنی دەوڵەتێك لە سوریا لە نزیك سنووری عیراق، بەڵام هەرگیز توركیا ڕێگە نادات لە خوار سنوورەكانی زۆنگاوێكی تیرۆر دروست بكرێت”.

ئەردۆغان ڕەخنەی لە فەڕەنسا گرت و ئاشكرایكرد، لە پشت كارەسات و داگیركردنی ئازەربایجانەوەن و سەرۆك كۆماری فەڕەنسا، ئیمانوێل ماكرۆن پێویستی بە پشكنینی هزری هەیە، چونكە چۆن سەرۆكی دەوڵەتێك بەم شێوەیە مامەڵە لەگەڵ ملیۆنەها لە پەیڕەوانی ئایینی جیاواز موسڵمانان لە وڵاتەكەیدا دەكات.

بەردەوام بە لە خوێندنەوە

جیهان

ڕێكخراوی تەندروستی جیهانی هۆشداری بەپەلە دەدات

خەڵك – بەشی هەواڵ

بەڕێوەبەری گشتیی ڕێكخراوی تەندروستی جیهانی هۆشداری دەداتە ئەو وڵاتانەی كەوتوونەتە نیوە خولگەی باكووری زەوییەوە.

تیدرۆس ئەدهانۆم، بەڕێوەبەری گشتیی ڕێكخراوی تەندروستی جیهانیی لە كۆنفڕانسێكی ڕۆژنامەوانیدا هۆشداری دایە ئەو وڵاتانەی كەوتوونەتە نیوە خولگەی باكوورەوە و ڕایگەیاند، دۆخەكى ڤایرۆسی كۆرۆنا بۆ ئەو وڵاتانە ناجێگر دەبێت.

ئەدهانۆم ڕاشیگەیاند، مانگەكانی داهاتوو یەكجار قورس دەبێت و بۆ هەندێك وڵات جێگەی مەترسییە و لە زۆرێك لەو وڵاتانەدا حاڵەتەكان بەشێوەیەكی خێرا زیاد دەكەن و پێویستی بەگرتنەبەری ڕێوشوێنی بەپەلە هەیە.

بەڕێوەبەری گشتیی ڕێكخراوی تەندروستی جیهانی داواش لە سەركردە سیاسییەكانی ئەو وڵاتانە دەكات دەستبەجێ ڕێكاری پێویست بگرنەبەر لەپێناو ڕێگریكردن لە ڕوودانی حاڵەتەكانی گیانلەدەستدانی زیاتر و داڕمانی خزمەتگوزارییە تەندروستییە بنەڕەتییەكان و داخستنی خوێندنگاكان.

بەردەوام بە لە خوێندنەوە

کوردستان