ئێمە لە تۆرە کۆمەڵایەتیەکان

ئابوری

“دادگا لەبەرژەوەندی هاووڵاتیان و دژی كۆمپانیاكانی مۆبایل بڕیاریدا”

خەڵك- بەشی هەواڵ
پەڕلەمانتارێكی كورد لە بەغدا ڕایدەگەیەنێت، كە دادگا لەبەرژەوەندی هاووڵاتیان و دژی كۆمپانیاكانی مۆبایل بڕیاریدا.

د. غالب محەمەد، ئەندامی پەڕلەمانی عیراق لە كۆنگرەیەكی ڕۆژنامەوانیدا ڕایگەیاند، پاش كۆكردنەوەی واژوو، تۆماركردنی داوای یاسایی، ئەمڕۆ ۲٠/۹/۲٠۲٠ لەگەڵ سەركەوت شەمسەدین و هاوپیشەكانمان لە فراكسیۆنە جیاوازەكان (محمد شیاع سودانی، علا‌و روبەیعی، محمد دەراجی، عالییە نوسەیف) پشتیوانی خۆمان دەربڕی بۆ بڕیاری دادگای كەرخ بۆ هەڵوەشاندنەوەی بڕیاری ژمارە (٥٠) ی ساڵی ۲٠۲٠ ی ئەنجوومەنی وەزیران و ڕەتكردنەوەی تانە و تەزەڵومی حكومەتی عیراق و كۆمپانیای ئاسیا و زەین.

ڕاشیگگەیاند، ئەو هەنگاوە بە كۆكردنەوەی واژوی ۹۲ پەڕلەمانتار و تۆماركردنی سكاڵا لەلایەن محمد شیاع سودانی وەك نوێنەری پەڕلەمانتاران دژی بڕیارەكەی حكومەت بۆ نوێكردنەوەی مۆڵەتی ئەو كۆمپانیایانە.

ئاشكراشی كرد، بەپێی بڕیاری دادگا حكومەت ناتوانێت ڕاستەوخۆ مۆڵەتی ئەو كۆمپانیایانە نوێ بكاتەوە، كۆمپانیاكان دەبێت قەرزەكانیان بدەنەوە بە حكومەتی هەرێم و حكومەتی عیراق، كرێی ئینتەرنێت و مۆبایل بەرزە و خزمەتگوزاری وەك پێویست نییە، بۆیە دەبێت دەرفەت بۆ كۆمپانیای تریش بكرێتەوە و بازاڕەكە قۆرغ نەكرێت.

لە ماوەی ڕابردوودا هەردوو لیژنەی دەستپاكی و لیژنەی پەیوەندییەكان و ڕاگەیاندنی پەڕلەمانی عیراق بڕیارێكی حكومەتی عیراقی بۆ نوێكردنەوەی مۆڵەتی كۆمپاكانیانی گەیاندن (مۆبایل) ڕەتكردەوە و ڕایگەیاند، كە دەبێت ڕەزامەندی بۆ نوێكردنەوەی مۆڵەتی ئەو كۆمپانیایانە چەند مەرجێكی تێدابێت و لە بەرژەوەندی هاوولاتیان بێت و قەرزەكانیشیان بدەنەوە.

دادگا لەبەرژەوەندی هاوڵاتیان و دژی کۆمپانیاکانی مۆبایل بریاریداپاش کۆکردنەوەی واژوو، تۆمارکردنی داوای یاسایی، ئەمڕۆ ۲٠/۹/۲٠۲٠ لەگەڵ هاورێم کاک سەركەوت شەمسەدین و هاوپیشەکانمان لە فراکسیۆنە جیاوازەکان(محمد شیاع سودانی، علاء روبەیعی، محمد دەراجی، عالییە نوسەیف) لە کۆنگرەیەکی رۆژنامەوانی سەرکەوتنی هەوڵەکانمان دژی کۆمپانیاکانی مۆبایل راگەیاند، و پشتیوانی خۆمان دەربری بۆ بریاری دادگای کەرخ بۆ هەڵوەشان بریاری ژمارە (٥٠ ) ی ساڵی ۲٠۲٠ ی ئەنجومەنی وەزیران و رەتکردنەوەی تانە و تەزەڵومی حکومەتی عێراق و کۆمپانیای ئاسیا و زەین.ئەو هەنگاوە بە کۆکردنەوەی واژوی ۹۲ پەرلەمانتار و تۆمارکردنی سکاڵا لەلایەن بەرێز محمد شیاع سودانی وەک نوێنەری پەرلەمانتاران دژی بریارەکەی حکومەت بۆ نوێکردنەوەی مۆڵەتی ئەو کۆمپانیایانە.بەپێی بریاری دادگا حکومەت ناتوانێت راستەوخۆ مۆڵەتی ئەو کۆمپانیایانە نوێ بکاتەوە، کۆمپانیاکان دەبێتە قەرزەکانیان بدەنەوە بە حکومەتی هەرێم و حکومەتی عێراق، کرێی ئینتەرنێت و مۆبایل بەرزە و خزمەتگوزاری وەک پێویست نییە. بۆیە دەبێت دەرفەت بۆ کۆمپانیای تریش بکرێتەوە و بازارەکە قۆرغ نەکرێت.پێکەوە بەردەوام ئەبین و کاری هاوبەش لەگەڵ پەرلەمانتاران فراوانی دەكەینغالب محمد عەلی

Gepostet von ‎Ghalib M. Ali-غالب محەمەد عەلی‎ am Sonntag, 20. September 2020

ئابوری

مەسرور بارزانی: دەمانەوێت نرخی شوێنی نیشتەجێبوون بۆ خەڵك هەرزان بكەین

خەڵك – بەشی هەواڵ

سەرۆكی حكومەتی هەرێمی كوردستان ڕایدەگەیەنێت، دەیانەوێت نرخی شوێنی نیشتەجێبوون بۆ خەڵك هەرزان بكەن، هەر لەبەر ئەوەشە وەبەرهێنان لە پڕۆژەكانی نیشتەجێبوون لە سەرانسەری هەرێمی كوردستان دەكەن.

مەسرور بارزانی، سەرۆكی حكومەتی هەرێمی كوردستان لە جریوەیەكدا لە تۆڕی كۆمەڵایەتی تویتەر نووسیویەتی، بە بودجەی 332 ملیۆن دۆلار 42 پڕۆژەی نیشتەجێبوون و بیناسازییان خستووەتەگەڕ.

هاوكات لەو جریوەیەدا مەسرور بارزانی، هاشتاگی كوردستانێكی بەهێزی داناوە.

مەسرور بارزانی ئاماژەی بەوەش كردووە، ئەمە دەبێتە هۆی ئەوەی شوێنەكانی نیشتەجێبوون نرخیان بۆ كوردستانیان گونجاو بێت و “ژیانێكی شەرەفمەندانە” بژین.

 

 

بەردەوام بە لە خوێندنەوە

ئابوری

بڕیارێك بۆ ڕێكخستنی كاری تەكسی لە هەرێم دەرچوو

خەڵك- بەشی هەواڵ
بەڕێوەبەرایەتی هاتووچۆی هەولێر ڕایدەگەیەنێت، كە پڕۆژەی ڕێكخستنەوەی تەكسیەكان و لێدانی باج و لۆگۆ دەستی پێكردەوە، كە پێشتر بەهۆی كەرەنتینە و ڕاگرتنی دەوامەوە وەستابوو.

مقەدەم فازڵ حاجی، بەڕێوەبەری ڕاگەیاندنی هاتووچۆی هەولێر بۆ (خەڵك) ئاماژەی بەوەكرد، كە سەرجەم شوفێرانی تەكسی و خاوەن تاكسیەكانی هەڵگری تابلۆی هەولێر ئاگادار دەكەینەوە، كەوا پڕۆژەی ڕێكخستنەوەی تاكسیەكان و لێدانی باج و لۆگۆ دەستی پێكردۆتەوە.

ڕاشیگەیاند، ئەو پڕۆژەیە لەماوەی ڕابردوودا بەهۆی كەرەنتینە و ڕاگرتنی دەوامی فەرمانگەكان بۆ ماوەیەك وەستابوو.

ئاماژەی بەوەشكرد، داوا لە شۆفێرانی تەكسی دەكەین بەزووترین كات سەردانی بەڕێوەبەرایەتی گواستنەوەی هەولێر بكەن بۆ دەستپێكردنی ڕێكارەكانی وەرگرتنی لۆگۆ و باج.

جەختیشی كردەوە، هەر شۆفێرێك سەردان نەكات خۆی بەرپرسیار دەبێت لەڕێكارەكانی دواتر، كە دەگیرێنە بەر لەدژی.

بەردەوام بە لە خوێندنەوە

ئابوری

یوسف محەمەد: لە عیراق و هەرێمەوە دەیان ملیار دۆلار براوەتە دەرەوە

خەڵك- بەشی هەواڵ
سەرۆكی پێشووی پەڕلەمانی كوردستان و سەرۆكی فراكسیۆنی گۆڕان لە بەغدا ڕایدەگەیەنێت، كە پێویستە گرنگی گەورە بە مەلەفی‌ دزەپێكردنی‌ پارەی‌ عیراق بۆ دەرەوە لە دوای 2003وە بدرێت و ئاشكراشی دەكات، كە لە عیراق و هەرێمەوە دەیان ملیار دۆلار براوەتە دەرەوە.

د. یوسف محەمەد، سەرۆكی فراكسیۆنی گۆڕان لە پەڕلەمانی عیراق لە هەژماری خۆی لە فەیسبووك بڵاویكردەوە، پێویستە كار لەسەر سزادانی گەندەڵكاران و گەڕاندنەوەی پارە تەهریب كراوەكان بۆ دەرەوە بكرێت.

ڕاشیگەیاندووە، بەڵگەنامەی‌ دادوەری و بانكی‌ گرنگ سەبارەت بە دزەپێكردنی‌ پارەی‌ عیراق لەلایەن گەندەڵكارانەوە بۆ دەرەوە هەیە، بڕی‌ ئەو پارانەش دەگاتە دەیان ملیار دۆلار، بەشێكیشیان لە هەرێمی‌ كوردستانەوەن.

ئاماژەی بەوەشكردووە، پێویستە دەسەڵاتداران ڕێوشوێنی‌ توند دژی‌ گەندەڵكاران بگرنەبەر و ڕێگە لە بەهەدەردانی‌ زیاتری‌ پارە بگیردرێت لەلایەن گەندەڵكارانەوە. بارودۆخی‌ دارایی‌ پێویستی‌ بە بڕیاری‌ قورسە بۆ بنیادنانەوەی‌ هەیكەلی‌ ئابوری‌ وڵات، چاكسازیی ئابوری هیچ بەهایەكی نابێت ئەگەر ڕێوشوێنی‌ یەكلاكەرەوە بۆ شەڕی‌ دژی‌ گەندەڵی‌ نەگرێتەبەر.

جەختیشی كردۆتەوە، پێویستە لە قۆناغی‌ داهاتوودا گرنگیەكی‌ گەورە بە مەلەفی‌ دزەپێكردنی‌ پارەی‌ عیراق بۆ دەرەوە لە دوای 2003وە بدرێت و چینی‌ دەسەڵاتدار‌ بەرامبەر قەیرانی‌ ئابوری‌ بەرپرسیارێتی هەڵگرن و هاوكاربن لە گەڕانەوەی‌ ئەو پارانە.

بەردەوام بە لە خوێندنەوە

کوردستان