ئێمە لە تۆرە کۆمەڵایەتیەکان

ئابوری

دابەشكردنی مووچەی فەرمانبەران دەستپێدەكات

خەڵك- بەشی هەواڵ
دوای ئەوەی هەولێر و بەغدا لە 15ـی ئابی ٢٠٢٠ ڕێككەوتن لەسەر ئەوەی مانگانە تا پەسەندكردنی بودجە ٣٢٠ ملیار دینار ڕەوانەی هەرێم بكرێت، چاوەڕوان دەكرێت ناوەڕاستی ئەم هەفتەیە پارەكە بگاتە هەرێم و دەست بە دابەشكردنی مووچە دەكرێت.

سەرچاوەیەك لە حكومەتی هەرێم بە(خەڵك)ی ڕاگەیاند، ڕێككەوتنی هەولێر و بەغدا بۆ ناردنی ٣٢٠ ملیار دینارەكە هیچ كێشەیەكی نیە و تاوەكو سێ مانگ و پەسەند كردنی بودجە مانگانە ئەو پارەیە ڕەوانەی هەولێر دەكرێت.

لەبارەی كاتی ناردنی پارەكە، كە بڕیاربوو ١٥ی مانگ ڕەوانە بكرێت وتی، “ڕەوانە كردنی پارەكە لەگەڵ دابەشكردنی مووچەی فەرمانبەرانی عیراق دەبێت و لەگەڵ دابەشكردنی مووچە ئەو ٣٢۰ ملیار دینارە ڕوانە دەكرێت”.

ئاشكاشی كرد، “ناوەڕاستی ئەم هەفتەیە پارەكەی بەغدا دەگات، چونكە لەم هەفتەیە عیراق دەست بە دابەشكردنی مووچە دەكات”.

ئەمڕۆ 19ی ئەیلول، مانگێك و دوو ڕۆژ تێدەپەڕێت بەسەر دابەشكردنی مووچەی مانگی 3ی ئەمساڵ لە 17ی مانگی ڕابردوودا، كە بە وەزارەتی تەندروستی دەستی پێكرد و ڕێژەی 21%ی مووچەش بڕدرا، بەڵام تا ئێستا هیچ میكانیزمێك بۆ دابەشكردنی مووچەی مانگی 4 دیاری نەكراوە.

ئابوری

مەسرور بارزانی: دەمانەوێت نرخی شوێنی نیشتەجێبوون بۆ خەڵك هەرزان بكەین

خەڵك – بەشی هەواڵ

سەرۆكی حكومەتی هەرێمی كوردستان ڕایدەگەیەنێت، دەیانەوێت نرخی شوێنی نیشتەجێبوون بۆ خەڵك هەرزان بكەن، هەر لەبەر ئەوەشە وەبەرهێنان لە پڕۆژەكانی نیشتەجێبوون لە سەرانسەری هەرێمی كوردستان دەكەن.

مەسرور بارزانی، سەرۆكی حكومەتی هەرێمی كوردستان لە جریوەیەكدا لە تۆڕی كۆمەڵایەتی تویتەر نووسیویەتی، بە بودجەی 332 ملیۆن دۆلار 42 پڕۆژەی نیشتەجێبوون و بیناسازییان خستووەتەگەڕ.

هاوكات لەو جریوەیەدا مەسرور بارزانی، هاشتاگی كوردستانێكی بەهێزی داناوە.

مەسرور بارزانی ئاماژەی بەوەش كردووە، ئەمە دەبێتە هۆی ئەوەی شوێنەكانی نیشتەجێبوون نرخیان بۆ كوردستانیان گونجاو بێت و “ژیانێكی شەرەفمەندانە” بژین.

 

 

بەردەوام بە لە خوێندنەوە

ئابوری

بڕیارێك بۆ ڕێكخستنی كاری تەكسی لە هەرێم دەرچوو

خەڵك- بەشی هەواڵ
بەڕێوەبەرایەتی هاتووچۆی هەولێر ڕایدەگەیەنێت، كە پڕۆژەی ڕێكخستنەوەی تەكسیەكان و لێدانی باج و لۆگۆ دەستی پێكردەوە، كە پێشتر بەهۆی كەرەنتینە و ڕاگرتنی دەوامەوە وەستابوو.

مقەدەم فازڵ حاجی، بەڕێوەبەری ڕاگەیاندنی هاتووچۆی هەولێر بۆ (خەڵك) ئاماژەی بەوەكرد، كە سەرجەم شوفێرانی تەكسی و خاوەن تاكسیەكانی هەڵگری تابلۆی هەولێر ئاگادار دەكەینەوە، كەوا پڕۆژەی ڕێكخستنەوەی تاكسیەكان و لێدانی باج و لۆگۆ دەستی پێكردۆتەوە.

ڕاشیگەیاند، ئەو پڕۆژەیە لەماوەی ڕابردوودا بەهۆی كەرەنتینە و ڕاگرتنی دەوامی فەرمانگەكان بۆ ماوەیەك وەستابوو.

ئاماژەی بەوەشكرد، داوا لە شۆفێرانی تەكسی دەكەین بەزووترین كات سەردانی بەڕێوەبەرایەتی گواستنەوەی هەولێر بكەن بۆ دەستپێكردنی ڕێكارەكانی وەرگرتنی لۆگۆ و باج.

جەختیشی كردەوە، هەر شۆفێرێك سەردان نەكات خۆی بەرپرسیار دەبێت لەڕێكارەكانی دواتر، كە دەگیرێنە بەر لەدژی.

بەردەوام بە لە خوێندنەوە

ئابوری

یوسف محەمەد: لە عیراق و هەرێمەوە دەیان ملیار دۆلار براوەتە دەرەوە

خەڵك- بەشی هەواڵ
سەرۆكی پێشووی پەڕلەمانی كوردستان و سەرۆكی فراكسیۆنی گۆڕان لە بەغدا ڕایدەگەیەنێت، كە پێویستە گرنگی گەورە بە مەلەفی‌ دزەپێكردنی‌ پارەی‌ عیراق بۆ دەرەوە لە دوای 2003وە بدرێت و ئاشكراشی دەكات، كە لە عیراق و هەرێمەوە دەیان ملیار دۆلار براوەتە دەرەوە.

د. یوسف محەمەد، سەرۆكی فراكسیۆنی گۆڕان لە پەڕلەمانی عیراق لە هەژماری خۆی لە فەیسبووك بڵاویكردەوە، پێویستە كار لەسەر سزادانی گەندەڵكاران و گەڕاندنەوەی پارە تەهریب كراوەكان بۆ دەرەوە بكرێت.

ڕاشیگەیاندووە، بەڵگەنامەی‌ دادوەری و بانكی‌ گرنگ سەبارەت بە دزەپێكردنی‌ پارەی‌ عیراق لەلایەن گەندەڵكارانەوە بۆ دەرەوە هەیە، بڕی‌ ئەو پارانەش دەگاتە دەیان ملیار دۆلار، بەشێكیشیان لە هەرێمی‌ كوردستانەوەن.

ئاماژەی بەوەشكردووە، پێویستە دەسەڵاتداران ڕێوشوێنی‌ توند دژی‌ گەندەڵكاران بگرنەبەر و ڕێگە لە بەهەدەردانی‌ زیاتری‌ پارە بگیردرێت لەلایەن گەندەڵكارانەوە. بارودۆخی‌ دارایی‌ پێویستی‌ بە بڕیاری‌ قورسە بۆ بنیادنانەوەی‌ هەیكەلی‌ ئابوری‌ وڵات، چاكسازیی ئابوری هیچ بەهایەكی نابێت ئەگەر ڕێوشوێنی‌ یەكلاكەرەوە بۆ شەڕی‌ دژی‌ گەندەڵی‌ نەگرێتەبەر.

جەختیشی كردۆتەوە، پێویستە لە قۆناغی‌ داهاتوودا گرنگیەكی‌ گەورە بە مەلەفی‌ دزەپێكردنی‌ پارەی‌ عیراق بۆ دەرەوە لە دوای 2003وە بدرێت و چینی‌ دەسەڵاتدار‌ بەرامبەر قەیرانی‌ ئابوری‌ بەرپرسیارێتی هەڵگرن و هاوكاربن لە گەڕانەوەی‌ ئەو پارانە.

بەردەوام بە لە خوێندنەوە

کوردستان