ئێمە لە تۆرە کۆمەڵایەتیەکان

عێراق

كازمی و بلاسخارت باس لە هەڵبژاردن دەكەن

خەڵك- بەشی هەواڵ
سەرۆك وەزیرانی عیراق و نوێنەری تایبەتی سكرتێری گشتی نەتەوە یەكگرتووەكان لە عیراق باس لە هەڵبژاردنی پێشوەختە و هەماهەنگی لەو بوارەدا دەكەن.

بەپێی ڕاگەیەنراوێكی نووسینگەی سەرۆك وەزیرانی عیراق، ئەمڕۆ شەممە مستەفا كازمی لە بەغدا پێشوازی كردووە لە جنین بلاسخارت، نوێنەری تایبەتی سكرتێری گشتی نەتەوە یەكگرتووەكان لە عیراق و گفتوگۆیان كردووە كردووە لەسەر كاری هاوبەش لەبواری هەماهەنگی بۆ ئەنجامدانی هەڵبژاردنی پێشوەخت.

بەپێی بڕیاری حكومەتی عیراق لە مانگی حوزەیرانی ساڵی داهاتوودا هەڵبژارددنی پێشوەختە لە عیراق و هەرێمی كوردستان بۆ پەڕلەمانی عیراق ئەنجام دەدرێت.

هەر بەپێی ڕاگەیەنراوەكە، جەخت لە ڕۆڵی نەتەوە یەكگرتووەكان كراوەتەوە بۆ چاودێری كردنی هەڵبژاردنەكان تاوەكو هەڵبژاردنێكی پاك و بێگەرد ئەنجام بدرێت.

ئاماژە بەوەشكراوە، كە نەتەوە یەكگرتووەكان ڕۆڵی خۆی ببینێت لە دۆسیەی ئاوارەكان و گفتوگۆ لەسەر هەوڵەكانی حكومەت كرا بۆ یەكلایی كردنەوەی ئەو پرسە بەزووترین كات.

عێراق

عیراق، گەندەڵییەكی گەورە لە وەزارەتی بازرگانیدا ئاشكرادەبێت

خەڵك- بەشی هەواڵ
لیژنەی دەستپاكی لە پەرلەمانی عیراق، گرێبەستی گەندەڵییەكی گەورە لە كۆگاكانی وەزارەتی بازرگانیدا ئاشكرا دەكات كە لە زەیتی ماوەبەسەرچوو پێكهاتووە و مێژووی هاوردەكردنەكەی بۆ ساڵی 2009 دەگەڕێتەوە، بەهاكەشی بە زیاتر لە 66 ملیار دینار مەزەندە دەكرێت.

عەبدولئەمیر مەیاحی، ئەندامی لیژنەی دەستپاكی لە پەرلەمانی عیراق لە لێدوانێكیدا بۆ میدیاكان ڕایگەیاندووە”لە لیژنەی دەستپاكی زانیارییان لەبارەی بوونی بڕێكی زۆر زەیتی ماوەبەسەرچوو لە كۆگاكانی وەزارەتی بازرگانی پێگەیشتووە كە لە ساڵی 2009وە هاوردەكراوە”.

بە وتەی مەیاحی”بەهای ئەو زەیتە بە زیاتر لە 66 ملیار دینار مەزەندە دەكرێت و ئێستا تێكچووە و گومانی گەندەڵیشی لێدەكرێت، بۆیە لە كۆگاكاندا دەستی بەسەرداگیراوە و لەو دەمەوە بەوشێوەیە بەجێهێڵدراوە، بڕەكەشی بە زیاتر لە 30 هەزار تەن مەزەندە دەكرێت”.

ئەندامەكەی لیژنەی دارایی پەرلەمانی عیراق دەڵێت”ئەو بڕە زەیتە تێكچووە لەئێستادا بەشێوەیەكی سەیر بە سێ‌ ملیار دینار فرۆشراوە كە ماوەی بەسەر چووە، ئەمەش دەچێتە چوارچێوەی گرێبەستێكی گەندەڵی ترەوە”.

بەردەوام بە لە خوێندنەوە

عێراق

هێڵی ئاسمانی نێوان عیراق و ئەوروپا دەخرێتەوەگەڕ

خەڵك- بەشی هەواڵ
بریكاری كۆمپانیای هێڵی ئاسمانی عیراق لە شاری فرانكفۆرتی ئەڵمانی ڕایدەگەیەنێت، هێڵی ئاسمانی نێوان عیراق و ئەوروپا دەخرێتەوەگەڕ.

ئەمڕۆ پێنج شەممە، ئاژانسی دەنگوباسی (العراقیە) لە زاری بەلسەم سامر، بریكاری كۆمپانیای هێڵی ئاسمانی عیراق لە شاری فرانكفۆرتی ئەڵمانی بڵاویكردەوە”هێڵی ئاسمانی نێوان هەریەك لە ئەڵمانیا و دانیمارك و بەریتانیا لەگەڵ عیراقدا دەخرێتەگەڕ، ئەمەش لەڕێی واژۆكردنی گرێبەستی كاركردن لەگەڵ كۆمپانیای (ئێر ئێكسپلۆری بەلجیكی) كە لە سەرەتای مانگی كانوونی یەكەمی داهاتووەوە چوار گەشت لە ئەڵمانیا و گەشتێك لە كۆبنهاگن و گەشتێكی تر لە لەندەنەوە ئەنجام دەدات”.

بە وتەی بەلسەم سامر”واژۆكردنی ئەو گرێبەستە نوێیە، دوای سەردانەكەی ئەم دواییەی وەزیری گواستنەوە بوو بۆ بەرلین كە لە چوارچێوەی شاندێكدا بەسەرۆكایەتی مستەفا كازمی سەرۆك وەزیرانی عیراق سەردانی ئەڵمانیایان كرد”.

بەردەوام بە لە خوێندنەوە

عێراق

عیراق؛پەڕلەمان كۆدەبێتەوە پرۆژە یاسای وەرگرتنی قەرز تەوەرێكی سەرەكی دانیشتنەیە

خەڵك- بەشی هەواڵ
پەڕلەمانی عیراق سەرەتای هەفتەی داهاتوو كۆدەبێتەوە كە قسە وگفتوگۆ لەسەر دوو تەوەر دەكرێت، كە پرۆژە یاسای وەرگرتنی قەرزهەروەها یەكلاكردنەوەی بازنەكانی هەڵبژاردنە.

كارنامەی دانیشتنی ڕۆژی شەممەی داهاتووی 24ی تشرینی یەكەمی 2020 پەڕلەمانی عیراق كۆدەبێتەوە و خوێندنەوەی یەكەم بۆ پرۆژە یاسای پڕكردنەوەی كورتهێنانی بودجە دەكرێت كە بە پرۆژە یاسای وەرگرتنی قەرزە.

هەر لە كارنامەكەدا هاتووە تەوەرێكی دیكەی دانیشتنەكانی ڕۆژی شەممە یەكلاكردنەوەی پرسی بازنەكانی هەڵبژاردنە بۆ هەڵبژاردنە پێشوەختەكەی عیراق، كە بڕیارە لەمانگی حوزەیرانی داهاتوو بەرێوە بچێت.

بەردەوام بە لە خوێندنەوە

کوردستان