ئێمە لە تۆرە کۆمەڵایەتیەکان

عێراق

عیراق ڤاكسینی كۆرۆنا دەكڕێت
كازمی چەند بڕیارێكی نوێی دەربارەی كۆرۆنا دەركرد

خەڵك- بەشی هەواڵ
لیژنەی باڵای تەندروستی و سەلامەتی نیشتمانی عیراق كۆبووەوە و بە واژۆی سەرۆكی لیژنەكە، كە سەرۆك وەزیرانی عیراقە چەند بڕیارێكی نوێی دەربارەی ڤایرۆسی كۆرۆنا و ڕێكارەكانی خۆپارێزی دەركرد و بڕیاریشی دا ڤاكسینی دژی كۆرۆنا بكڕێت.

نووسینگەی سەرۆك وەزیرانی عیراق بڵاویكردەوە، ئەمڕۆ شەممە 19ی ئەیلول، لیژنەی باڵای تەندروستی و سەلامەتی نیشتمانی عیراق بە سەرۆكایەتی مستەفا كازمی كۆبۆتەوە و ژمارەیەك بڕیاری دەربارەی دواین دۆخی تەندروستی و ڕێكارەكانی خۆپارێزی لە ڤایرۆسی كۆرۆنا دەركردووە.

ئاشكراشی كرد، كە بەهۆی تەشەنە كردنی كۆرۆناوە بڕیار دراوە پێشوازی لە هیچ زیارەتكارێك نەكرێت لە هیچ وڵاتێكەوە، بەڵام ڕێگا بە كردنەوەی مزگەوتەكان دەدرێت بۆ پەرستش بە مەرجی پابەندبوونی نوێژخوێنان بە بەكارهێنانی ئامرازەكانی خۆپارێزی (دەستكێش و دەمامك) و دوور وەستان لەكاتی نوێژكردندا.

لیژنەی باڵای تەندروستی و سەلامەتی نیشتمانی بڕیاریشیداوە بە كردنەوەی باخچەكان و شاری یاری و شوێنەكانی حەوانەوەی هاووڵاتیان، بەڵام بە مەرجی بەكارهێنانی ڕێكارەكانی خۆپارێزی و دروست نەكردنی قەرەباڵغی و دووری نێوان هاووڵاتیان ڕەچاو بكرێت.

جەختیشی كردۆتەوە، كە پەلە بكرێت لە كڕینی ڤاكسینی كۆرۆنا و بۆ ئەوەش بەشی یەكەمی پارەی تەرخانكراو بە بڕی 20% خەرج بكرێت ئەویش بەپێی ڕاسپاردەكانی ڕێكخراوی تەندروستی جیهانی.

لیژنە باڵاكە بڕیاریشی داوە بەشداری بكات لەگەڵ چین و ئیمارات بۆ گەشەپێدانی ڤاكسینی چین و سوود بینین لەو ڤاكسینە.

عێراق

پێشبینی دەكرێت لیستێكی یەكگرتووی كورد و شیعە و سوننە دروستبكرێت

خەڵك- بەشی هەواڵ
پەرلەمانتارێكی هاوپەیمانی عیراقیون، پێشبینی دەكات بۆ هەڵبژتردنی داهاتوو، هاوپەیمانی سیاسی لەنێوان پێكهاتە جیاجیاكاندا دروستبكرێت.

حەسەن فدعەم پەرلەمانتاری هاوپەیمانی عیراقیون لە پەرلەمانی عیراق لە لێدوانێكی ڕۆژنامەوانیدا ڕایگەیاند”پێشنیارێك هەیە بۆ دامەزراندنی هاوپەیمانییەكی درێژكراوە كە لە دهۆكەوە دەستپێدەكات و لە بەسرە كۆتایی دێت و سوننە و شیعە و كورد لە یەك لیستدا بۆ هەڵبژاردنی داهاتوو كۆدەكاتەوە”.

سەبارەت بە ئەگەری ئەنجامدانی هەڵبژاردنی پێشوەختیش لەكاتی دیاریكراوی خۆیدا، فدعەم وتی”لەوبڕوایەدانیم هەڵبژاردن لە مانگی حوزەیرانی داهاتوودا سازبكرێت، بەهۆی نەبوونی كاتی پێویست لەبەردەم كۆمسیۆنی سەربەخۆی هەڵبژاردنەكان”.

پەرلەمانتارەكەی هاوپەیمانی عیراقیون پێشبینی كرد”هەڵبژاردن لە مانگی تشرینی ساڵی 2021 ئەنجام بدرێت”.

پەرلەمانی عیراق لە شەممەی ڕابردوو دەنگیدا لەسەر بازنەی هەڵبژاردنی یاسای نوێی هەڵبژاردنەكان بۆ 16 پارێزگە و دەنگدانیشی لەسەر پارێزگەكانی كەركوك و نەینەوا بۆ ئەمڕۆ دوو شەممە دواخست.

مستەفا كازمی سەرۆك وەزیرانی عیراق، ڕۆژی شەشی مانگی حوزەیرانی 2021ی وەك وادەی ئەنجامدانی هەڵبژاردنی پێشوەختە لە وڵاتدا داریی كردووە.

بەردەوام بە لە خوێندنەوە

عێراق

بەشير حەداد: تەنیا لەم حاڵەتەدا دەنگ لەسەر بازنەی هەڵبژاردنی كەركوك و نەینەوا دەدرێت

خەڵك- بەشی هەواڵ
جێگری دووەمی سەرۆكی پەرلەمانی عیراق ڕایدەگەیەنێت، ناكرێت دەنگ لەسەر بازنەی هەڵبژاردن بدرێت لە پارێزگەكانی كەركوك و نەینەوا، بەبێ‌ پێكهاتنی نێوان نوێنەرانی پێكهاتەكان.

بەشیر حەداد، جێگری دووەمی سەرۆكی پەرلەمانی عیراق لە كۆبوونەوەیەكدا بە ئامادەبوونی دەستەی سەرۆكایەتی پەرلەمانی عیراق و نوێنەران و پەرلەمانتارانی پارێزگەكانی كەركوك و نەینەوا و سەرۆكی لیژنەی یاسایی، ڕایگەیاند”دواخستنی دەنگدان لەسەر دابەشكردنی بازنەی هەڵبژاردنەكان لە كەركوك و نەینەوا، لەدوای دەنگدانی پەرلەمان بوو لەسەر بازنەی هەڵبژاردنی 16 پارێزگە لە دانیشتنی شەممەی ڕابردوو، ئەمەش لەپێناو بەخشینی هەلی زیاتر بە پێكهاتەكان بۆ گەیشتن بە ڕێكەوتنێك كە ببێتە جێگەی ڕەزامەندی هەموو لایەنەكان، سەرلەئێوارەی ئەمڕۆش دەنگ لەسەر بازنەی هەڵبژاردنی ئەو دوو پارێزگەیە دەدرێت”.

بە وتەی بەشیر حەداد”ناكرێت دەنگ لەسەر بازنەی هەڵبژاردن بدرێت لە پارێزگەكانی كەركوك و نەینەوا بەبێ‌ پێكهاتنی نێوان نوێنەرانی پێكهاتەكان، پەرلەمانیش بەردەوام هەوڵیداوە ڕۆڵی خۆی ببینێت لە پەسەندكردنی یاساكان و داڕشتنیان، بەشێوەیەك لەگەڵ پێداویستی قۆناغەكە و خواستی جەماوەردا بگونجێت”.

بەردەوام بە لە خوێندنەوە

عێراق

عیراق، سلێمانی زۆرترین حاڵەتی مردنی بە كۆرۆنا تۆماركردەوە

خەڵك- بەشی هەواڵ
وەزارەتی تەندروستی عیراق ڕایدەگەیەنێت، 3691 حاڵەتی نوێی تووشبوون بە ڤایرۆسی كۆرۆنا تۆماركراوە و 3244 كەسیش چاكبوونەتەوە و 48 كەسیش مردوون، كە بەتەنیا 15 كەسیان لە سلێمانی بوون.

بەپێی بەیاننامەیەك كە لەلایەن وەزارەتی تەندروستی عیراقەوە بڵاوكرایەوە” لە 24 كاتژمێری ڕابردوودا 19 هەزار و 73 پشكنینی تایبەت بە كۆرۆنا ئەنجام دراوە و دەركەوتووە 3691 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون.

هەر لە بەیاننامەكەدا هاتووە”زۆرینەی تووشبووەكان لە بەغدا بوون، هەروەها لە سلێمانی 345 و هەولێر 486 و دهۆك 452 و كەركوك 175 حالًەت تۆماركراوە.
وەزارەتی تەندروستی عيراق ئاماژەی بە چاكبوونەوەی 3244 تووشبووی پەتاكە كردووە كە زۆربەیان لە بەغدا بوون.

تەندروستی عیراق لە بەیاننامەكەیدا ژمارەی حاڵەتەكانی گیانلەدەستدانیشی ئاشكراكردووە لەماوەی 24 كاتژمێری ڕابردوو كە 48 حاڵەت بووە و تەنیا لە سلێمانیش 15 حاڵەتیان تۆماركراون.

بەردەوام بە لە خوێندنەوە

کوردستان