ئێمە لە تۆرە کۆمەڵایەتیەکان

کوردستان

فراكسیۆنی گۆڕان: بە ئامێری پێشكەوتوو لە ئاسمانەوە زەوی لە سلێمانی ئیفراز دەكرێت

خەڵك-بەشی هەواڵ

سەرۆكی فراكسیۆنی گۆڕان ڕایدەگەیەنێت، پرسی داگیركاری زەوی لە سلێمانی، بۆ ئێمە پرسێكی گەورە و قورسی، بەهەدەردان و گەندەڵیە.
دابان محەمەد سەرۆكی فراكسیۆنی گۆڕان لە پەڕلەمانی كوردستان لە هەژماری خۆی بڵاویكردەوە، لێشاوێك لە داگیركردن، ئیفرازكردن، دابەشكردن و فرۆشتنی زەوی لە سلێمانی دەستی پێكردوە، تەنانەت گەیشتووەتە ئەوەی، زەوی تەرخانكراو بۆ سەوزایی گەڕەكەكان و شوێنی قوتابخانە و مزگەوت و نەخۆشخانە و خزمەتگوزارییەكانی دیكە، دەستی بۆ ببرێت! لە دوای خاڵە سنوورییەكان لەم سنوورەدا، ئەم پرسە بووە بە كەیسێكی قورسی بەهەدەردان و گەندەڵی و سەرچاوەی دارایی و دەوڵەمەندبوونی چەندین بەرپرسی ئەمنی، سەربازی، حزبی و حكومی، كە ناوی بەرپرسەكان و بازرگان و تەنانەت دەڵاڵەكانیش لای ئێمە ئاشكرایە.
ناوبراو ناوی ئەو شوێنانە ئاشكرا دەكات كە مامەڵەیان پێوە دەكرێت بەم شێوەیە:
-ئاوبارە (د.ت)
-ڕێگای تاسڵو، جە سوتاندی سنەوبەرەكان زیاتر لە 120 دۆنم
-تەنیشت و پشتی قەبرستانی عەواڵ بە هاوبەشی ( د.ت) (ه.ح)
-بەرامبەر محەمەتەی كارەباكە زیاتر لە هەزار دۆنم ( ه.ح)
-بەرامبەر دەرگای سەناعەی بەكرەجۆ ( ه.ح)
-تەنیشت مەتاری سلێمانی (د.ت)
-بەرامبەر دەرگای سەناعەی بەكرەجۆ (ه.ح)
-زەوی تەرخانكراو بۆ خزمەتگوزاری گەڕەكەكانی بیستەكان و …
-تەنیشت دەواجنەكان (د.ت)
-كانی گۆمە تا تانجەرۆ بە هاوبەشی (د.ت) (ه.ح)
-خوار بەكرەجۆ زەوییە كشتوكاڵیەكان (ه.ح)
-خەلیفاوا (ه.ح) كە زیاتر لە 100 پارچە زەوی كراوە بەناوی یەك یٔافرەتەوە

ئەوەش ڕووندەكاتەوە، بە ئامێری پێشكەوتوو و لە ئاسمانەوە زەوی ئیفراز دەكرێت! بە دەغڵ و دانەوە مامەڵە بە زەوییەوە دەكرێت، بە سەوزایی و دار و درەختەوە نەخشەی بازرگانی بۆ دەكێشرێت، فشار لە خاوەن زەوییە كشتوكاڵیەكان دەكرێت، یان ڕازیبن بە پارچە پارچەكردن و دابەشكردنی زەوییەكانیان، یان داگیر دەكرێت! ڕشتنی ئەم ئاوە سەرچاوەكەی دیارە، كە زۆر كەس پێی تێخستووە، خەم ساردی و بێ دەسەڵاتی و چاوپۆشی دەزگا پەیوەندیدارەكانی حكومەتی خۆجێی لە ئاست ئەم دەستدرێژی و داگیركارییە لە سلێمانی، ئێمە دەباتە قۆناغێكی تر بۆ ڕاگرتن و چارەسەر كە سیاسییە.

ئاشكراشیكرد، بۆ ئێمە پرسی وەبەرهێنان و زەوی و زار، پرسێكی گەورە و قورسی گەندەڵیە، زیاتر نەبێت كەمتر نیە لە پرسی نەوت و داهاتی ناوخۆ و قاچاغی سنوورەكان، داواكارم لە نوسینگەكانی خانوبەرە و هاووڵاتیانیش، مامەڵە لەگەڵ ئەم جۆرە زەویانەدا نەكەن، بە یاسا لەم خولەی پەڕلەمان زیادەڕۆ مەنع كراوە و زەرەرمەندی یەكەم و كۆتایی ئەوان دەبن.

کوردستان

شێروان شێروانی لە ئاسایشی گشتی هەولێرە
دەستەی مافەكانی مرۆڤ: ڕەوشی مافەكانی مرۆڤ لە هەرێم بەرەو خراپتر دەڕوات

خەڵك- بەشی هەواڵ
سەرۆكی دەستەی سەربەخۆی مافەكانی مرۆڤ ڕایدەگەیەنێت، كە ڕەوشی مافەكانی مرۆڤ ڕۆژ بە رۆژ بەرە و خراپتر دەڕوات هۆكارەكانیشی دیارن و دەشڵێت: “شێروان شێروانی لە ئاسایشی گشتی هەولێرە”.

زیا پترۆس، سەرۆكی دەستەی سەربەخۆی مافەكانی مرۆڤ بۆ (دەنگی كوردی ئەمریكا) ڕایگەیاندووە، بارودۆخەكە وایلێهاتووە كەخەڵكی هەرێمی كوردستان لەقەیرانی ئابوری و دارایی و سیاسی و ئەم بارودۆخەی، كە ئێستا پێی تێپەڕدەبین، هەروەها بابەتی سەروەربوونی یاسا و دادگاكان زۆر كێشەمان هەیە، ئەم كێشانە كاتێك كەچارەسەرنەكرا هۆكارێكی سەرەكین بۆ ئەوەی ڕەوشەكانی مافی مرۆڤ بەرە و خراپتر بڕوات.

وتیشی، “پاش ئەوەی خۆپیشاندانەكە كرا لە زاخۆ و لە دهۆك و شوێنەكانی تر بارودۆخەكە بەرەو خراپتر ڕۆیشت، من چەند جارێك باسم كردووە، كەهەتا كاری ڕۆژنامەنوسان و ڕۆژنامەگەری ڕێكنەخرێت بەیاسایەك بەكارنەبێت ئەم بارودۆخە هەرئاوا دەمێنێتەوە و ڕۆژ بە ڕۆژ چەند كەیسێك و چەند حاڵەتێك دەبینین كەپێشێلكاری مافەكانیان كراوە، بۆیە پێویستە حكومەتی هەرێمی كوردستان و پەرلەمانی كوردستان بەزووترین كات بەدواداچونێكی جددی بكەن بۆ ڕێكخستنی كاروباری ڕۆژنامەنوسی و ڕۆژنامەگەری بۆئەوەی ئەوانیش بتوانن بەچ شێوەیەك كاربكەن واتە ئێستا بەڕاستی فەوزایە.”

سەرۆكی دەستەی سەربەخۆی مافەكانی مرۆڤ پێشبینی ئەوەی كرد، ڕەوشی مافەكانی مرۆڤ بەرەو خراپتر بڕوات لەو ڕوەوە دەڵێت: “پێشبینیم ئەوەیە ئەگەر كێشە سەرەكیەكانی وڵاتی ئێمە لەسیستەمی حكومڕانی، لەدامودەزگاكان، لەوەی كە ئێستا باسی دەكەین و دەڵێن چاكسازی دەكەین، نەهێشتنی ئەم قەیرانە داراییە، باشكردنی ڕەوشی فەرمانبەران و جوڵانەوەی بازاڕ و ڕەخساندنی هەلیكار بۆ ئەوانەی كە كاریان نییە، ئەگەر ئەمانە چارەسەر نەكرێت ڕەوشەكە بەرە و خراپتریش دەڕوات، چونكە ڕۆژ بەڕۆژ ڕەوشی دەروونی هەموو هاولۆاتیەك بەرەو خراپتر دەڕوات، كەئەمانە هەمووی دەبێت چارەسەربكرێت”.

جەختیكردەوە، ئەگەر دۆخەكە بەو شێوەیە بمێنێت بەڵێ بەرەو مەترسی دەڕوات، چونكە حاڵەتی زۆرمان هەیە وەكو ڕۆژنامەنوس یان خەڵكانێكی ئاسایی، كە دەیەوێت ڕای خۆی دەرببڕێت لەسۆشیال میدیا ئەمانە هەمووی ڕێكنەخراوە نابێت ئەمانە بەم شێوەیە مامەڵەیان لەگەڵ بكرێت، پێویستە ئەمڕۆ ڕێكخراوەكانی كۆمەڵگەی مەدەنی، لایەنی حكومی ئەم بابەتە لەبەرچاو بگرن، ئێستا پێویستمان بەڕۆشنبیرییە، تائێستا خەڵكانی ئێمە ڕۆشنبیر نەكراوە كە بە چ ڕێگایەك ڕای خۆی دەرببڕێت.

زیا پترۆس سەبارەت بەدواداچوونی دەستەكەیان لەسەر كەیسی ڕۆژنامەنووس شێروان شێروانی، دەڵێت: “من پەیوەندیم كرد بەچەند لایەنێك لەئاسایش، كە لەئاستێكی بەرزبوون بۆ ئەوەی ڕاستەخۆ و خێرا بزانن بابەتەكەی چییە؟ ئەوان بەفەرمی وەڵاممان دەدەنەوە ئەوەی كە زانیم لەدادگا بڕیاری ڕاگرتنی هەبووە، ئێستا لەئاسایشی گشتی هەولێرە، باسی تۆمەتەكەی نەوت، پاش دوو ڕۆژ دووبارە من پەیوەندیەكم كرد بۆ ئەوەی بزانم بابەتەكەی چۆنە و تیمێكی دەستە بنێرم و بیبینن ئەم كەسە (شێروان شێروانی) پەڕاوەكەی ببینرێت بۆئەوەی بزانیین لێكۆڵینەوە چۆن كراوە لەسەری و ئەو ماددەیەی، كە لەسەری گیراوە چ ماددەیەكە هەتا ئێستا ئەم زانیاریەمان بەدەست نەگەیشتووە”.

بەردەوام بە لە خوێندنەوە

کوردستان

سبەینێ‌ خۆپیشاندانی مامۆستایان دەستپێدەكاتەوە

خەڵك- بەشی هەواڵ

ئەنجوومەنی مامۆستایانی ناڕازی گەرمیان پەیامێك ئاڕاستەی مامۆستایان دەكات و ڕایدەگەیەنێت، كە ئەگەر ئەتانەوێت بایکوت بەردەوام بیت، ڕۆژی شەمە 24/10/2020 لای پەروەردەی کەلار ئامادەبن.

ئەنجوومەنی مامۆستایانی ناڕازی گەرمیان لە ڕاگەیەنراوێكدا ئاماژەی بەوەكردووە، لەژێر فشاری حزبی و حکومیدا هەوڵی شكاندنی بایكۆت دەدرێت، لەكاتێكدا سەرجەم بەڕێوەبەرەكان واژۆیان كردووە، كە بایكۆت دەكەن تا جێبەجێ‌ كردنی داواكانیان، بەڵام پەشیمان بوونەوە.

ڕاشیگەیاندووە، كە ڕۆژی شەمە 24 / 10/ 2020 کاتژمێر 10 ی سەر لەبەیانی خۆپیشاندانی بەرفراوان ئەنجام دەدەین لەپێش پەروەردەی کەلار و جەخت دەکەینەوە لەسەر بایکۆتی هەموو جۆرێکی پڕۆسەی خوێندن و ناچینە ژێر باری هیچ فشارێکی حزبی و حکومی.

دەقی ڕاگەیەنراوەكە:

مامۆستایانی سەربەرزی گەرمیان
سێ شەمە 20 / 10 / 2020 کۆبوونەوەی بەڕێوەبەرەکانی ئامادەیی سنوری پەروەردەی گەرمیان لەگەڵ بەڕێوەبەری گشتی پەروەردەی گەرمیان و بەڕێوەبەری پەروەردەی کەلار ئەنجام درا بەداخەوە زۆرینەی بەڕێوەبەرەکان و بەڕێوەبەری پەروەردەی گەرمیان و کەلار لە جیاتی دابینکردن و داکۆکی لە مافەکانی مامۆستا، لەهەوڵی شکاندنی بایکۆتن لەژێر فشاری حزبی و حکومیدا. لەکاتێکدا سەرجەم بەڕێوەبەرەکان واژویان کردوە کە بایکۆتی پرۆسەی خوێندن دەکەن تا جێبەجێ کردنی داواکارییەکان بەڵام پەشیمان بونەتەوە لەژێر فشاری بەڕێوەبەری پەروەردەی گەرمیان و کەلار .
لەبەرئەوە ئێمە وەکو مامۆستایان جەخت دەکەینەوە لەسەر بایکۆتی هەموو جۆرێکی پرۆسەی خوێندن و ناچینە ژێر باری هیچ فشارێکی حزبی و حکومی .
داوا لەمامۆستایانی بەڕێز دەکەین پاڵپشت و هاوکارمان بن بەشێوەیەکی بەرفراوان بەشداری چالاکیەکان بکەن .
ڕۆژی شەمە 24 / 10/ 2020 کاتژمێر 10 ی سەر لەبەیانی خۆپیشاندانی بەرفراوان ئەنجام دەدەین لەپێش پەروەردەی کەلار
ئەنجومەنی مامۆستایانی ناڕازی گەرمیان

بەردەوام بە لە خوێندنەوە

کوردستان

لە شارێكی هەرێم نزیكەی 9 هەزار تووشبووی كۆرۆنا چاكبوونەتەوە

خەڵك- بەشی هەواڵ
بەڕێوەبەرایەتی گشتی تەندروستی دهۆك ئاشكرای دەكات، كە 207 نەخۆشی تووشبوو بە ڤایرۆسی كۆرۆنا چاكبوونەتەوە و بەوەش ژمارەی چاكبوونەوە 9 هەزار كەسی تێپەڕاندووە.

بەڕێوەبەرایەتی گشتی تەندروستی دهۆك لە ڕاگەیەنراوێكدا ئاماژەی بەوەكردووە، ئەمڕۆ شەممە 207 نەخۆشی تووشبوو بە ڤایرۆسی كۆرۆنای نوێ‌ بەتەواوی چارەسەر بوون و گەڕانەوە ماڵەوە.

ڕاشیگەیاندووە، ئەو نەخۆشانە هەموو پشكنینەكانیان بۆ ئەنجامدرا و دەركەوت بەتەواوی چاكبوونەوە و سەلامەت، بۆیە نەخۆشخانەیان جێهێشت.

ئاشكراشی كردووە، تاوەكو ئێستا 8723 تووشبووی كۆرۆنا چاكبوونەتەوە و 10299 كەسیش لەژێر چارەسەری پزیشكی لە نەخۆشخانە ماون.

بەردەوام بە لە خوێندنەوە

کوردستان