ئێمە لە تۆرە کۆمەڵایەتیەکان

جیهان

“قودس، موڵكی تڕەمپ نییە تاكو بتوانێت كڕین و فرۆشتنی پێوە بكات”

خەڵك-بەشی هەواڵ

كونسولی گشتی فەلەستین لە هەرێمی كوردستان ڕایدەگەیەنێت، ئاساییكردنەوەی پەیوەندییەكانی دوو وڵاتی عەرەبی لەگەڵ ئیسرائیل ڕەتدەكەینەوە و ئەو هەنگاوەیان تاكلایەنەیە و دەرچوونە لە كۆدەنگی ئیسلامی و دەستپێشخەری عەرەبی بۆ ئاشتی كە لە لوتكەی بەیروت لە ساڵی ٢٠٠٢ دا بڕیاری لەسەردرا.

نەزمی حەزوری كونسولی گشتی فەلەستین لە هەرێمی كوردستان بە ئانادۆڵی ڕاگەیاند، سەرۆك مەحمود عەباس سەرۆكی دەوڵەتی فەلەستین و سەركردایەتی فەلەستین بە ڕوون و ئاشكرا ئەوەیان ڕاگەیاندووە كە ئاساییكردنەوەی پەیوەندییەكانی نێوان ئیمارات و بەحرەین لەگەڵ ئیسرائیل ڕەتدەكەنەوە و مایەی نیگەرانیمانە، لەكاتێكدا ستایشی گەلی هەردوو وڵاتی ئیمارات و بەحرەین دەكەین لە پاڵپشتی بەردەوامیان بۆ گەلی فەلەستینی لە هەموو بوارەكاندا و لە ئامێزگرتنی هاووڵاتییانی فەلەستینی بۆ كاركردن لە وڵاتەكانیان.
وتیشی”كاردانەوە و هەڵوێستەكان لە ئاستی پێویستدا نەبوون، بەتایبەت وەك دەوڵەتی فەلەستین شكستمان هێنا بۆ دەركردنی بڕیار لە كۆمكاری وڵاتانی عەرەب بۆ ئیدانەكردنی بڕیاری ئاساییكردنەوە و هەنگاوی تاكلایەنەی ئەو وڵاتانە بۆ ئاساییكردنەوە، بەو پێیەی ئەم هەنگاوە دەرچوونە لە كۆدەنگی عەرەبی و و هەنگاوی تاكلایەنەیە، ئەوەی جەختی لێدەكەینەوە ئەوەیە كە ئەو هەنگاوە دەرچوونە لە دەستپێشخەری عەرەبی بۆ ئاشتی، دەستپێشخەرییەكەی شای ئوردن، عەبدوڵڵای دووەم و شای كۆچكردووی سعوودیە، فەهد بن عەبدولعەزیز لە لووتكەی بەیروت لە ساڵی ٢٠٠٢.

 

ئاساییكردنەوەی پەیوەندییەكانی دوو وڵاتی عەرەبی لەگەڵ ئیسرائیل تاكلایەنەیە و دەرچوونە لە كۆدەنگی ئیسلامی

 

سەرۆكی ئەمریكا لە ڕێوڕەسمی واژووكردنی ئاساییكردنەوەی پەیوەندییەكانی نێوان ئیمارات و بەحرەین لەگەڵ ئیسرائیل ڕایگەیاند، ژمارەیەك وڵاتی عەرەبی دیكە هەنگاوی هاوشێوە دەنێن، لەو بارەوە حەزوری ڕایگەیاند، تڕەمپ بووە بە وتەبێژی فەرمی بەناوی ئاساییكردنەوە، لەپاڵ ئەوەی سەرۆكی ئەمریكایە، وتەبێژە بەناوی ئاساییكردنەوە، ئەو قسە لەسەر ئەو وڵاتانە دەكات كە پەیوەندییەكانیان ئاساییدەكەنەوە، بەر لەوەی وڵاتەكە خۆی ئەوە ڕابگەیەنێت، تڕەمپ بەر لەو وڵاتانە دەڵێت ئەوان باڵیۆزخانەی خۆیان لە وڵاتی بەرامبەر دەكەنەوە لەكاتێكدا هێشتا ئەوان خۆیان ئەوەیان ڕانەگەیاندووە، وێڕای ئەوەی ئەو هەنگاوە لەناو ڕێككەوتنەكەشدا هەیە، بەڵام تڕەمپ وەك وتەبێژ مژدەی ئەوە ڕادەگەیەنێت كە وڵاتانی دیكە هەیە و بەشێوەی بریقەدار باس لەوە دەكات، ئەو لەو وڵاتانە بە پەرۆشترە كەنیازی ئاساییكردنەوەیان هەیە، ئەمە پێشبینی كراوە.

ڕوونیشیكردەوە، ئێمە نەمانوتووە لەگەڵ ئاشتی نین، بەڵام ئاشتییەك كە لەسەر بنەمای دەستپێشخەری عەرەبی بۆ ئاشتی و بڕیارەكانی نێودەوڵەتی بێت، لەوانە ئەنجوومەنی ئاسایش، كۆمەڵەی گشتی نەتەوە یەكگرتووەكان، ئەو ڕێكخراوە نێودەوڵەتییانەی دانیان بە مافی گەلی فەلەستین ناوە.

ئاشكراشیكرد، قودس خاكێكی ئاسایی نییە وەك خانوو یان شارێك مامەڵەی كڕین و فرۆشتنی پێوە بكرێت، قودس لەلایەن خوای گەورەوە پیرۆز كراوە و ئیسرا و میعراج تیایدا ڕوویداوە، خاكی پیرۆزی سەرجەم ئایینەكانە، شوێنی لەدایكبوونی پێغەمبەر عیسایە، موڵكی تڕەمپ نییە تاكو بتوانێت كڕین و فرۆشتنی پێوە بكات یان بە ئارەزووی خۆی بڕیار بدات بیكات بە پایتەختی ئیسرائیل.

جیهان

ئێران: لە بردنی گروپە چەكدارییەكان بۆ ئازەربایجان نیگەرانین

خەڵك – بەشی هەواڵ

وتەبێژی وەزارەتی دەرەوەی كۆماری ئیسلامی ئێران ڕایدەگەیەنێت: وڵاتەكەی وەڵامی هەر دەستدرێژییەك دەداتەوە، تەنانەت ئەگەر بە هەڵەش بكرێت.

سەعید خەتیبزادە وتەبێژی وەزارەتی دەرەوەی ئێران، لە كۆنفڕانسێكی ڕۆژنامەوانیدا لەبارەی شەڕ و پێكدادانەكانی نێوان ئەرمینیا و ئازەربایجان، نیگەرانیی تارانی دەربڕی لە گواستنەوەی گروپە چەكدارە سورییەكان بۆ ئازەربایجانی هاوسنووری ئێران و ڕایگەیاند، تاران نیگەرانە لەو هەواڵانەی باس لە هێنانی گروپە تەكفیرییەكان بۆ ئازەربایجان دەكەن.

چەند جارێك لە چوارچێوەی شەڕی نێوان ئەو دوو وڵاتە، موشەك لەناو خاكی ئێراندا كەوتوەتە خوارەوە، وتەبێژەكەی وەزارەتی دەرەوەی ئێران دووپاتیكردەوە، ئەو پرسە هێڵی سوورە و پەیوەندی بە ئاسایشی هاووڵاتیانی ئێرانەوە هەیە، بۆیە هۆشداری دراوەتە هەردوو وڵات و (نامانەوێت كەوتنی مووشەكەكان لەسەر خاكی ئێران بەردەوام بن).

سەعید خەتیبزادە هۆشداریشیدا لەوەی، ئێران وەڵامی هەر دەستدرێژییەك دەداتەوە بكرێتە سەر خاكەكەی، تەنانەت ئەگەر بە هەڵەش بكرێت.

بەردەوام بە لە خوێندنەوە

جیهان

ئەرمینیا: تا كۆتایی شەڕدەكەین

خەڵك- بەشی هەواڵ
نیكۆڵ باشینیان سەرۆك وەزیرانی ئەرمینیا، ڕێگەچارەی دیپلۆماسی لەگەڵ ئازەربایجان لەسەر ناوچەی قەرەباغ ڕەتەكاتەوە لەم قۆناغەدا و دەڵێت، وڵاتەكەی تا كۆتایی شەڕدەكات.

ئەمڕۆ چوار شەممە، ماڵپەڕی (روسیا الیوم) لە زاری باشینیان-ەوە بڵاویكردەوە”گەلی ئەرمەنی بە چەك نەبێت ناتوانێت بگاتە چارەسەرێكی شیاو لەبارەی ناكۆكۆكییەكان  لە قەرەباغ، بۆیە پێویستە بزانین  پرسی قەرەباغ لانی كەم لەم قۆناغەدا بەڕێگەچارەی دیپلۆماسی چارەسەرناكرێت”.

بە وتەی سەرۆك وەزیرانی ئەرمینیا”هەڵوێستی وڵاتەكەی جێگیرو نەگۆڕە و لە سەرەتای ساڵانی نەوەدەوە جێگەی گفتووگۆكردن نییە كە خۆی لەوەدا دەبینێتەوە، ئەرمینیا نابێت بەبێ‌ ئەرتساخ (ناوی ئەرمەنی بۆ ناوچەی قەرەباغ)”.

نیكۆڵ باشینیان دەڵێت”پرسی ئێمە خۆی لە درێژەدان بە شەڕكردن دەبینێتەوە تا كۆتایی، لەپێناو مافی گەلەكەمان، ئیتر گرنگ نییە چی لە ئایندەدا ڕوودەدات، بە واتای شەڕكردن لەپێناو مافی گەلەكەمان لەمڕۆدا لە سایەی هەڵوێستی ئازەربایجان كە دەخوازێت چەك هەڵبگرین و بەرگری لە نیشتمان بكەین”.

بەردەوام بە لە خوێندنەوە

جیهان

ئێران ژمارەیەكی تری پێوانەیی تووشبوونی ڕۆژانە بە كۆرۆنا تۆماردەكات

خەڵك-بەشی هەواڵ
وتەبێژی وەزارەتی تەندروستی ئێران ، ئاماری 24 كاتژمێری ڕابردووی تایبەت بە ڤایرۆسی كۆرۆنا لە وڵاتەكەدا ڕادەگەیەنێت، و ئاماژەی بە تۆماركردنی زیاتر لە 5 هەزار 600 حاڵەتی تووشبوون و 312 حاڵەتی گیان لەدەستدانی نوێ‌ دەكات بەهۆی ڤایرۆسەكەوە.

ئەمڕۆ چوار‌ شەممە سیما سادات لاری، وتەبێژی وەزارەتی تەندروستی ئێران لە كۆنفرانسێكی ڕۆژنامەوانیدا ڕایگەیاند ، لە ماوەی 24 كاتژمێری ڕابردوودا 5616 كەس لە ئێران تووشی ڤایرۆسی كۆرۆنا بوون و 312 كەسیش گیانیان لە دەستدا، بەمەش كۆی گشتی ژمارەی ئەوانەی لە ئێران بەهۆی كۆرۆناوە گیانیانلەدەستداوە بۆ 31 هەزار و 346 كەس بەرزدەبێتەوە.

تۆماركردنی زیاتر لە 5 و 600 حاڵەتی تووشبوون لە ئێراندا، بە بەرزترین ژمارەی تووشبونی ڕۆژانە لە وڵاتەكەدا دادەنرێت.
بە وتەی سادات لاری، “لە سەرەتای سەرهەڵدانی پەتاكە لەسەرتاسەری وڵات 545 هەزار و 286 كەس تووشی كۆرۆنا بوون كە 4861 كەسیان باری تەندروستییان ناجێگیرە”.

وتەبێژی وەزارەتی تەندروستی ئێران دەڵێت: “تا ئێستا 438 هەزار و 709 كەس نەخۆشییەكەیان پەڕاندووە و چاكبوونەتەوە”.

بەردەوام بە لە خوێندنەوە

کوردستان