ئێمە لە تۆرە کۆمەڵایەتیەکان

ژینگە

كاتی یەكەم بەفر بارینی ئەمساڵ لە كوردستان دیاریكرا

خەڵك- بەشی هەواڵ
بەپێی پێشبینییە كەشناسییەكان، لە كۆتاییەكانی ئەم مانگەوە پلەكانی گەرما بەڕێژەیەكی بەرچاو دادەبەزن و شارەزایەكی كەشناسی دەڵێت: “هەفتەی داهاتوو لە ناوچە شاخاوییەكانی باكوری كوردستان و ناوچەی سێ‌ گۆشەی نێوان سێ‌ پارچەی كوردستان بەفر دەبارێت”.

محەمەد كەمال، شارەزای كەشناسی بۆ (خەڵك) ئاماژەی بەوەكرد، قۆناغی یەكەمی دابەزینی پلەكانی گەرما دەستپێكێكی دڵخۆشكەرە بۆ وەرزی بارانبارینی ئەمساڵ، چونكە لە کۆتا ڕۆژەکانداین لەگەڵ وەرزی هاوین و ئیتر دەچینە ناو وەرزی پاییزەوە و کۆمەڵێ گۆڕانکاری لە کەشی هەرێم ڕووئەدەن.

ڕاشیگەیاند، پێشبینیی دەكرێت سەرەتای هەفتەی داهاتوو تۆپەڵە هەوایەكی ساردی جەمسەری لە ڕوسیاوە دابەزێتە خوارەوه بۆ چیاكانی باكووری كوردستان، بەهۆیەوە ئەگەری بەفربارینی زۆر و دابەزینی پلەكانی گەرمی هەیە لە تەواوی شار و شارۆچكەكانی باكووری كوردستان بۆ ژێر سفری سەدی.

بەپێی پێشبینییەكانی ئەو شارەزایەی بواری كەشناسی، “ئەگەر هەیە بەفربارین زنجیرە چیاكانی حەسارۆست و قەندیل و لوتكە بەرزەكانی دەورووبەری هەرسێ سنوری نێوان باكوور و خۆرهەڵات و باشووری كوردستان بگرێتەوە”.

ڕوونیشی كردۆتەوە، ئەم گۆڕانكارییە كاریگەری باشی دەبێت لەسەر دابەزینی پلەكانی گەرمی و بەرزبوونەوەی ڕێژەی شێ لە هەوادا و هۆكارێكی ئەرێنییە بۆ دروستبوونی شەپۆلەكانی بارانبارین له مانگەكانی داهاتوودا.

ژینگە

هەسارۆچكەیەكی گەورە خۆی دەكێشێت بە سوڕگەی زەویدا

خەڵك- بەشی هەواڵ
هەسارۆچكەیەك بە قەبارەیەكی گەورەتر لە هەرەمەكان، خۆی بە سوڕگەی زەویدا دەكێشێت.

ناوەندی ناسا بۆ توێژینەوەی تەنە نزیكەكان لە زەوی كە چاودێری هەسارۆچكەی 2020 QD5 دەكات ڕایگەیاند، ئەمڕۆ دوو شەممە 26ی تشرینی یەكەم، هەسارۆچكەكە بەسەر زەویدا فڕیوە.

مەزەندە دەكرێت پێوەری ئەو هەسارۆچكەیە لەنێوان 60 بۆ 130 مەتردا بێت، ئەمەش هەمان بەرزی خەمڵێنراوی گەورەترین هەرەمە لە جیزە لە میسر.

هەرەمەكان كەمێك بچوكن لەئێستادا بەهۆی گۆڕانكاریی كەشوهەوا، لەكاتێكدا ڕۆژێك لە ڕۆژان و 2551 ساڵی پێش زایین و تەنانەت لە ساڵی 1300، بەرزترین باڵەخانە بوون لە جیهاندا.

هەسارۆچكەكه بە 2020 QD5 پۆلێن دەكرێت و لە جۆری هەسارۆچكەكانی ئەپۆڵۆیە (بەو هەسارۆچكانە دەوترێت كە نزیكن لە زەوییەوە)، بەهۆی خزانیییەوە لە ئاسمان بەر سوڕگەی زەوی كەوت.

ناسا دەڵێت، هەسارۆچكەكە بە خێرایی 8.57 كیلۆمەتر لە كاتژمێرێكدا تێپەڕیوە، ئەو تاوێرە ئاسمانییەش نزیكەی 10.03 میلی مانگی لە زەوییەوە دوور بووە كە دەكاتە 2395738 میل.

ناسا چاودێری سەدان هەسارۆچكە دەكات، 2020 QD5 بەشێوەیەكی سەلامەت بە نزیك زەویدا تێپەڕی، هەرچەندە بە گەورەترین تاوێرە ئاسمانییەكان دادەنرێت.

چاودێرانی ئەستێرەكان، تووشی هیوابڕان بوون كاتێك زانییان تاوێرەكە لە زەوییەوە نابنرێت كە كاتژمێری 3.13 بەپێی كاتی خۆرهەڵات، واتا 8.13ی بەیانی بە كاتی هاوینەی بەریتانیا تێپەڕی.

بەردەوام بە لە خوێندنەوە

ژینگە

کەشوهەوای ئەمڕۆ و سبەینێی شارەکانی هەرێم

خەڵک – بەشی هەواڵ

 

بەپێی پێشبینییەکانی بەڕێوەبەرایەتی کەشناسی و بوومەلەرزەزانی هەرێم کەشوهەوای ئەمڕۆ و سبەینێی شارەکانی هەرێم بەم جۆرەی خوارەوەیە:

بەردەوام بە لە خوێندنەوە

ژینگە

كەشوهەوای ئەمڕۆ و سبەینێی شارەكانی هەرێمی كوردستان

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە.

بەپێی پێشبینییەكانی كەشناسی، ئەمڕۆ یەك شەممە ئاسمان ساماڵ دەبێت و دەگۆڕێت بۆ پەڵە هەور.

هەر بەپێی پێشبینییەكان، سبەینێ دوو شەممە، ئاسمان ساماڵ دەبێت و هەندێ: جار دەگۆڕێت بۆ پەڵە هەور.

بەردەوام بە لە خوێندنەوە

کوردستان