ئێمە لە تۆرە کۆمەڵایەتیەکان

کوردستان

لە ڕووداوێكی هاتووچۆدا كەسێك گیانی لەدەستدا

خەڵك- بەشی هەواڵ
بەڕێوەبەرایەتی هاتووچۆی سلێمانی ڕایدەگەیەنێت، لە ڕووداوێكی هاتووچۆدا لەسەر ڕێگای چەمچەماڵ كەسێك گیانی لەدەستدا.

بەڕێوەبەرایەتی هاتووچۆی سلێمانی لە ڕاگەیەنراوێكدا ئاماژەی بەوەكردووە، پاش نیوەڕۆی ئەمڕۆ ڕووداوێكی هاتووچۆ لەڕێگەی نێوان تەكیە – چەمچەماڵ لەنێوان نیسان پیكاب و بارهەڵگرێك ڕوویدا.

ڕاشیگەیاندووە، بەهۆی ئەو ڕووداوەوە شۆفێری نیسان پیكابەكە گیانی لەدەستداوە.

بەپێی زانیارییەكان، هەر لەو ڕووداوەدا چەند كەسێك بریندار بوون و بۆ چارەسەر ڕەوانەی نەخۆشخانە كراون.

راپۆرت

هۆکار و نیشانەکانی شکانی ئەندامی نێرینەی پیاوان

خەڵک – بەشی هەواڵ

 

هیوا عەبدولڕەحمان چۆمانی پزیشیکی  نەشتەرگەری گورچیلە و میزەڕۆ باس لەهۆکار و نیشانەکانی شکانی ئەندامی نێرینەی پیاوان دەکات و داوا دەکات هەرکەسێک تووشی ئەو حاڵەتەبوو پێش تێپەڕوونی ٢٤ کاتژمێر بەسەر ڕووداوەکەدا سەردانی پزیشکی پسپۆڕ بکات.

شکانی ئەندامی نێرینەی پیاو ( چوک):کسر القضیب:“Penile Fracture “ چیە؟ 

بریتیە لە تەقین و هەڵپچڕانی پەردەی داپۆشەر(Tunica Albogenia )ی دوو لولەک (Corpus Cavernosum)ی چوک، لەکاتی پڕبونی ئەو دوو لولەکە بەخوێنێکی زۆر لەکاتی ڕەپبون، “ئەو دوو لولەکە ناوئاخنکراون بەشانەی ئیسفەنجی ئەشکەوتی و مولولەی خوێن”.

بەڵام چونکە دڕانەکە دەنگێکی تایبەتی لەگەڵە وەک تەقاندنی ئێسکی جومگەکان وایەو لەکاتی ئەوپەڕی ڕەقی چوک ڕوودەدات، بۆیە ناوینراوە شکان، ئەگەرنا هیچ ئیسکێک یان کڕکڕاگەیەک لەناو چوکی پیاو بوونی نییە .

شکانی چوک بارێکی لەناکاوە و پێویستە نەخۆشەکە بەبێ دوودڵی و شەرم سەردانی فریاکەوتن یان پزیشکی پسپۆری میزەڕۆ بکات، چونکە ئەگەر لەماوەی ٢٤ کاتژمێری دوای ڕووداوەکە چارەسەرکرا، ئەوە لەداهاتوو دووردەبێت لەکێشە سێکسییەکان .

شکانی چوک ڕەنگە بۆری گواستنەوەی میزیش بگرێتەوە کەبەژێرەوەی دوو لولەکی شانە ئیسفەنجیەکانی چوک دا دەڕوات و میزی نەخۆش خوێناوی دەبێت.

 

نیشانەکانی شکانی چوک:

» بیستنی دەنگێکی وەک تەقاندنی ئێسکی جومگەکان.

» نەخۆش دەستبەجێ هەست بە ئازارێکی توندی چوکی ئەکات.

» ڕەپبونەکەی خێرا خاودەبێتەوە و دوبارە ڕەقنابێتەوە.

» هەڵاوسان و شین و مۆربونەوەی چوک لەئەنجامی دزەکردنی خوێن لەشانە ئیسفەنجیەکانی چوک بۆ شانەکانی ژێر پێست، بەمەش چوک شێوەی باینجان وەردەگرێ !

» ڕەنگە میزکردنی زەحمەتبێت یان لەدەرچەی میزی خوێن دەرکەوێت.

 

هۆکارەکان :

شکانی چوک ڕوودەدات لەئەنجامی بەرکەوتنێکی کتوپڕی چوک لەکاتی ڕەقبوندا، کە ببێتە هۆی چەماندنەوەی چوک بەتوندی، بەمەش پەردەی داپۆشەری دوو لولەکی شانە ئیسفەنجیە پڕ خوێنەکانی چوک دەتەقێت و خوێن بەربوون بۆ ژێر پێستی چوک ڕووئەدات (لەکاتی تەواو ڕەقبونی چوکی پیاو، ئەو پەردەیە کە پەردەیەکی چڕ و بەهێزە، لە ٢.٢٥ ملم ەوە دەبێت بەتەنها ٠.٢٥ ملم، واتا زۆر تەنکدەبێتەوە بۆ ئەوەی ڕێگا بدات بەدرێژ و ئەستوربونی چوک).

» باوترین هۆکاری شکانی چوکی پیاو، لەکاتی سەرجێییکردنە لەڕێگەی زێوە، بەهۆی بەرکەوتنێکی توند و لەناکاوی چوکی پیاوەکە بەدەوروبەری زێی هاوسەرەکەی، بەتایبەت ئەگەر ئافرەتەکە بکەوێتە سەر پیاوەکەی( وضع الفارسة)!

» ئاوهێنانەوەی

بەردەوام بە لە خوێندنەوە

کوردستان

هەرێمی کوردستان..ڕێژەى چاکبوونەوە لەتووشبوون بەکۆرۆنا زیاترە

خەڵک – بەشی هەواڵ

وەزارەتی تەندروستی هەرێم ئاماری ٢٤ کاتژمێری ڕابردووی کۆرۆنای بڵاوکردەوە، کە لەو ماوەیەدا ٣٧٢ تووشبووی کۆرۆنا چاکبوونەتەوە، کە ئەم ڕێژەیەش زیاترە لەڕێژەى تووشبوون بەکۆرۆنا.

 

وەزارەتی تەندروستی لەو ئامارە ٢٤ کاتژمێرییەیدا، ئەوەشی خستۆتەڕوو، تەنها نۆ تووشبووی کۆرۆنا گیانیان لەدەستدا، کە وردەکارییەکەی بەم جۆرەی خوارەوەیە:

 

ڕاگەیاندراوی (٢٤) کاتژمێری تایبەت بە نەخۆشی ڤایرۆسی کۆڕۆنای نوێ COVID19 ژمارە (٢٨٣)

١. پشکنین: (٣٧١٢ پشکنینی نوێ)
• (٦٩٢) هەولێر
• (٥٨٠) سلێمانی
• (٢٣٧٧) دهۆك
• (٢٠) هەڵەبجە
• (٤٣) گەرمیان
• (٠) ڕاپەڕین

٢. تووشبوو: (٢٨٩ تووشبووی نوێ)
• (١٧) هەولێر
• (٤١) سلێمانی
• (٢١٨) دهۆك
• (٢) هەڵەبجە
• (١١) گەرمیان
• (٠) ڕاپەڕین

٣. چاکبوون: (٣٧٢ چاکبوون)
• (١١٦) هەولێر
• (١٥) سلێمانی
• (٢١٩) دهۆك
• (٧) هەڵەبجە
• (١٥) گەرمیان
• (٠) ڕاپەڕین

٤. مردن: (٩ مردن)
• (٤) هەولێر
• (١) سلێمانی
• (١) دهۆك
• (٠) هەڵەبجە
• (٣) گەرمیان
• (٠) ڕاپەڕین

ئاماری گشتی:
کەڕەنتین هاوڵاتی ٢١٨٧١ (٢١٨٧١ دەرچوو)
پشکنین ٨٣٦٥٩٢ (٢٩٥٠٢٤ هەولێر، ١٨٥٥٨١ سلێمانی، ٣٤٨٩٨٨ دهۆك، ٦٩٩٩ هەڵەبجە)
تووشبوون ٩٨١٠٩ (٣٥٢١٤ هەولێر، ٢٨٥٩٤ سلێمانی، ٣١٢٣٨ دهۆك، ٣٠٦٣ هەڵەبجە)
چاکبوون ٦١٩٦٢ (٢١٨٣٧ هەولێر، ١٩٦٢١ سلێمانی، ١٧٦٧٨ دهۆك، ٢٨٢٦ هەڵەبجە)
لەژێر چارەسەر ٣٢٩٣٥ (١٢٥٠٥ هەولێر، ٧٤٠٨ سلێمانی، ١٢٩٢٤ دهۆك، ٩٨ هەڵەبجە)
مردن ٣٢١٢ (٨٧٢ هەولێر، ١٥٦٥ سلێمانی، ٦٣٦ دهۆك، ١٣٩ هەڵەبجە)

بۆ زانیاری زیاتر سەردانی داشبۆردی حکومەتی هەرێمی کوردستان بکەن لەم لینکە (https://gov.krd/coronavirus/dashboard/).
وێڕای دەستخۆشی بۆ پزیشکان و کارمەندانی تەندروستی و هەموو تیمەکانی پزیشکی کە لە ئەرکدان، جەخت دەکەینەوە هاووڵاتیان پابەندبن بە ڕێنماییەکانی تەندروستی و دورکەوتنەوە لە شوێنی قەڵەبالغ و دانانی ماسك و دەستکێش، وە لەکاتی پێویستدا پەیوەندی بکەن بە هێڵی گەرمی ژمارە (١٢٢).

وەزارەتی تەندروستی
حکومەتی هەرێمی کوردستان
٥ی کانونی یەکەم ٢٠٢٠

بەردەوام بە لە خوێندنەوە

کوردستان

ڕەوتێكی سەربەخۆی كەركوكییەكان لە هەولێر ڕاگەیەنرا

خەڵك-ئارام سەردار
لە شاری هەولێر گروپێك ڕەوتێكی بەناو سەربەخۆیان ڕاگەیاند بۆ بەشداری لەهەڵبژاردنەكانی عیراق، بنەماڵەی نەجمەدین كەریم ڕەتی دەكەنەوە ڕەوتەكە پەیوەندی بەئەوانەوە هەبێت.

كارۆخ سەید ڕزگار، بەناوی ڕەوتێكی سیاسی لەكۆنفڕانسێكی ڕۆژنامەوانیدا ڕایگەیاند، ڕەوتە سیاسیەكەیان ڕەوتێكی سێبەر نیە و پەیوەندی بەهیچ حزبێكەوە نیە، تەنانەت وەكو فشارێكیش بووە لەسەریان لەلایەن خەڵكی كەركووك كەوا دەبێ تەنها قسەنەكەن و داكۆكیكاری سەرسەختی مافەكانیان بن.

دەشڵێت: “ڕەوتەكە لەكەسانی دڵسۆز و ڕۆشنبیر و نیشتیمان پەروەر پێكدێت، ئەوانەشی كاندیدیان دەكەن پەیوەندیان بەهیچ حزبێكەوە نیە و مەلەفی گەندەڵیشیان لەسەر نیە، ڕەتیشی كردەوە ڕەوتە سیاسیەكە پەیوەندی بە هیچ كەسێك و ناوی كەسێك هەبێت، كەمەبەست لێی (نەجمەدین كەریم) پارێزگاری پێشوو و بنەماڵەكەیەتی.

ئەوەشی خستەڕوو، لەدوای ١٦ی ئۆكتۆبەر چوینە دەرەوەی وڵات بەڵام لەسەر داوای خەڵك گەڕاینەوە، دروشمی لیستەكەشمان “متمانە-ڕاستگۆیی- یەكسانی”، بەداخەوە پێشتر خەڵكانێك ڕاستگۆ نەبوون و یەكسانیش بەهۆی جیاوازی پێكهاتەكانی كەركووكە، ناوی ڕەوتەكە و كاندیدەكان ڕاناگەیەنن، بەڵام خەڵكانی بەهێز كاندیدن و هەمووشتێك ئامادەكراوە لەناو و كاندیدەكان.

ئەمەش لەكاتێكدایە بنەماڵەی نەجمەدین كەریم، پارێزگاری پێشووی كەركوك بەر لەكۆنگرەكە ڕەتیان كردەوە ئەو ڕەوتەی ڕادەگەیەنرێت كۆچكردوو دوور و نزیك پەیوەندی پێیانەوە هەبێت و هیچ پەیوەندیەكی بەو كەسانەوە نەبووە .

بەردەوام بە لە خوێندنەوە

کوردستان