ئێمە لە تۆرە کۆمەڵایەتیەکان

کوردستان

بە ڤیدیۆ؛ لەگەڵ گەیشتنی كازمی بۆ سلێمانی لەبەردەم فڕۆكەخانە خۆپیشاندانە

خەڵك- بەشی هەواڵ
كەمێك لەمەوبەر مستەفا كازمی، سەرۆك وەزیرانی عیراق گەیشتە سلێمانی و لە بەردەم فڕۆككەخانەی نێودەوڵەتی شارەكە جوتیاران بۆ داواكردنی شاسیتە داراییەكانیان خۆپیشاندانیان دەستپێكرد.

لەگەڵ گەیشتنی كازمی بۆ سلێمانی، جوتیاران بۆ داواكردنی مافەكانیان و شایستە داراییەكانیان، بە بەرزكردنەوەی لافیتە لەبەردەم دەروازەی فڕۆكەخانەی نێودەوڵەتی سلێمانی و لەسەر شەقامی سەرەكی سلێمانی- ڕاپەڕین گردبوونەوە.

جوتیاران داوا لە كازمی دەكەن وەك سەرۆك وەزیرانی عیراق بڕیار بدات بە خەرج كردنی شایستە داراییەكانیان، كە چەند ساڵێكە پێیان نەدراوە

هەئێستا لەناو جوتیاراندا یەکەمین پەیج ڕۆماڵ دەکەین

Gepostet von Ganj W Kshtwkal am Freitag, 11. September 2020

کوردستان

شێخ جەعفەر: داعش سەریهەڵداوەتەوە

خەڵك- بەشی هەواڵ
جێگری سەرۆكی هەرێمی كوردستان ڕایدەگەیەنێت، داعش به ‌جووڵەیەكی بەهێزەوە دەستی بە چالاكی كردوەتەوە و لەو چوارچێوەیەشدا دۆخی كەركوك لەبار نییە.

شێخ جەعفەر شێخ مستەفا، جێگری سەرۆكی هەرێمی كوردستان بە ماڵپەڕی (باسنیوز)ی ڕاگەیاندووە: “له ‌هەندێك ناوچە داعش بە بەهێزی سەری هەڵداوەتەوە و جێگیر بوون“.

بە وتەی شێخ جەعفەر:”ئێستا چەكدارانی داعش بە شێوەی پارتیزانی پەلاماری هێزەكان دەدەن و هێرش دەكەن، ”بە ‌تایبەتیش لە زنجیره ‌چیاكانی حەمرین و ئەو ناوچانەی كە دەكەونە سنووری بۆشایی ئەمنیی نێوان پێشمەرگە و سوپای عێراق، بەشێكیش له ‌پشت ناوچەكانی ژێر كۆنترۆڵی سوپای عێراقەوە جووڵەیان هەیە، واتە لە سنووری سوپای عێراقەوە“.

جێگری سەرۆكی هەرێمی كوردستان دەڵێت”بە گرنگی دەزانێن هێزی پێشمەرگە و سوپای عێراق له رووی هەواڵگری و لێژنەی هەماهەنگی و ئۆپەراسیۆنی هاوبەشەوە هەماهەنگیان هەبێت، چونكە لە هەموو شوێنەكان مەترسیی داعش هەیە، بە تایبەتیش لە كەركوك و دەرەوەی شاری كەركوك، لە هەموو بارێكەوە لە دۆخەكە دەترسین“.

بەردەوام بە لە خوێندنەوە

کوردستان

یەكێتی پۆستێكی دیكەی لە حكومەتی هەرێم وەرگرت

خەڵك- بەشی هەواڵ
لەچوارچێوەی ڕێككەوتنی یەكێتی و پارتی بۆ پێكهێنانی حكومەتی هەرێم، دوێنێ‌ یەكێتی پۆستی سەرۆكی دەستەی گەشتوگوزاری وەرگرت، ئەمڕۆش پۆستی بریكاری وەزارەتی پیشەسازی و بازرگانی وەردەگرێت.

قوباد تاڵەبانی، جێگری سەرۆكی حكومەتی هەرێم لە پشكی یەكێتی لە هەژماری خۆی لە فەیسبووك بڵاویكردەوە، مە‌ِراسیمێك بۆ دەستبەكاربوونی عەلی عوسمان وەک بریکاری وەزیری پیشەسازی و بازرگانی ئەنجام درا و وێڕای پێشکەش کردنی چەپکە گوڵی پیرۆزبایی، هیوای سەركەوتنمان بۆ خواستن.

ڕاشیگەیاندووە، جەختیشمان لە گرنگی پەرەپێدانی پیشەسازی و فراوانکردنی ئاسۆکانی بازرگانی کردەوە وەك هۆكارێك بۆ فرەجۆركردنی سە‌رچاوەكانی داهاتی گشتی و ڕە‌‌خساندنی ھە‌لی كاری زیاتر بۆ هاووڵاتیان.

دوێنێ‌ لە مەڕاسیمێكی دیكەدا بە ئامادەبوونی جێگری سەرۆكی حكومەت و وەزیرانی پلاندانان و شارەوانی، ئەمەل جەلال لە پشكی یەكێتی پۆستی سەرۆكی دەستەی گەشتوگوزاری وەرگرت.

بەردەوام بە لە خوێندنەوە

کوردستان

هەولێر، باندێكی دزیكردن دەستگیركرا

خەڵك- بەشی هەواڵ
پۆلیسی هەولێر، دەستگیركردنی باندێكی دزیكردن كە دەیان هەزار دۆلاری دزیوە ڕادەگەیەنێت.

بەپێی ڕاگەیەندراوێك كە لەلایەن پۆلیسی پارێزگەی هەولێرەوە بڵاوكرایەوە”سێ تۆمەتبار دەستگیركراوە، كە پێشتر یەكێكیان بەشێوەی وەهمی ئۆتۆمبێلێكی بە هاوڵاتییەك فرۆشتووە و لەكاتی دەستگیكردنی چەكی بێمۆڵەت و داری كارەبایی پێبووە و ویستوویەتی بۆ روبەڕوبوونەوە لەگەڵ هێزەكانی پۆلیس بەكاریبهێنێت”.
هەر لە ڕاگەیەندراوەكەدا هاتووە”ئاماژە بەەوەشكراوە، ئەو كەسە دانیناوە بەوەی بە هاوبەشی لەگەڵ دوو كەسی دیكەدا تاوانەكەی ئەنجامداوە و لەكاتی دەستگیركردنیاندا دەستبەسەر كلاشینكۆفێك و دوو دەمانچە و ژمارەیەك فیشەك و بڕێك ماددەی هۆشبەردا بگیرێت و دانیان بەوەشداناوە كە بڕی ٤٠ ملیۆن دینار و 20 هەزار دۆلار و 35 هەزار دۆلاری دیكە و 38 هەزار دۆلاری دیكەیان دزیوە.

پۆلیسی هەولێر دەڵێت”لە ئێستادا بەپێی ماددەكانی 442 و 279 و 21ی چەك و 14ی ماددەی هۆشبەر لە یاسای سزادان راگیراون”.

 

بەردەوام بە لە خوێندنەوە

کوردستان