ئێمە لە تۆرە کۆمەڵایەتیەکان

کوردستان

سوپاسنامەیەك لە بنەماڵەی شێخ محەمەدی شێخ عەتاری نۆڕەباب

خەڵك – بەشی هەواڵ

بنەماڵەی شێخ محەمەدی شێخ عەتاری نۆڕەباب سوپاسی هەموو ئەو كەس و لایەنە حزبی و حكومییانە دەكەن كە بەبۆنەی پرسەی ناوبراوەوە هاوخەمییان بۆ كۆچی دوایی، (شێخ محەمەدی شێخ عەتار)، پیاو ماقوڵ و كەسایەتی دیاری شاری سلێمانی و ناوچەی شارباژێر دەربڕیوە.

 

دەقی سوپاسنامەكە

 

سوپاسنامەیەك لە بنەماڵەی شێخ محەمەدی شێخ عەتاری نۆڕەباب

بەناوی یەزدانی مەزن

بەڕێزان؛ بارەگای جەنابی بارزانی، نوسینگەی تایبەتی نێچیرڤان بارزانی سەرۆكی هەرێمی كوردستان، نوسینگەی تایبەتی مەسرور بارزانی، سەرۆكی حكومەتی هەرێمی كوردستان، جەنابی دكتۆر بەرهەم ئەحمەد ساڵح سەرۆكی كۆماری عیراق، بەرێز عومەری سەید عەلی ڕێكخەری گشتی بزوتنەوەی گۆڕان، د. هەڤاڵ ئەبوبەكر پارێزگاری سلێمانی، ئاوات محەمەد قائیماقمی قەزای مەڵبەندی سلێمانی، وەستا حەسەن بەڕێوەبەری گشتی ئاسایشی سلێمانی، بەڕێز سەید ئەحمەد جێگری بەرپرسی مەڵبەندی ١ی سلێمانی یەكێتی نیشتمانی كوردستان، بەرێز شاڵاو عەلی عەسكەری ئەندامی مەكتەبی سیاسی یەكێتيی نیشتمانيی كوردستان، بەڕێز خالید ماوەتی بەرپرسی ئاسایشی ناوشاری سلێمانی، بەڕێز، مامۆستا سەڵاحەدین محەمەد بەهادین ئەمینداری گشتی یەكگرتووی ئیسلامی، مامۆستا عەلی باپیر، ئەمیری كۆمەڵی ئیسلامی، وتەبێژ و سەرۆكی یەكێتی وەبەرهێنەرانی كوردستان- سلێمانی، مەكتەبی هەواڵگری، ئەنجومەنی سەركردایەتی پارتی لەپارێزگای سلێمانی و هەڵەبجە، لقی ٢١ و لقی٤ی پارتی دیموكراتی كوردستان، ناوچەی سلێمانی و شارباژێری پارتی دیموكراتی كوردستان، بەڕێزان ئیدارەی چوارتا ،مامۆستایانی ئاینی، رێكخراوەكان، بەرپرسانی ئیداری، سەرجەم بەرپرسانی حكومی و حزبی، سیاسی و وەزیرە بەڕێزەكان، ڕێش سپی و پیاوماقوڵان، خزمان و دۆستانمان لەدەرەوەی وڵات، هەموو ئەو ئازیز و بەرێزانەی كە یاوەری گۆڕستان و بەشداری پرسە بوون.

پێزانینی زۆرمان دەردەبڕین بۆ بەدەمەوە هاتن و گەیاندنی هاوخەمیتان بۆ كۆچی دوایی، جەنابی شێخ محەمەدی شێخ عەتار، پیاو ماقوڵ و كەسایەتی دیاری شاری سلێمانی و ناوچەی شارباژێر.

بەسەركردنەوەتان بە بروسكەو نامەو تەلەفۆن و سەردانیتان، باری گرانی خەمی سەرشانی سووك كردین و ئامادەیی و هەواڵ پرسیتان قەرەبووی ئەو كۆستە گەورەیەی كردینەوە.

ئاشكرایە لای بەرێزتان، جەنابی شێخ محەمەدی شێخ عەتاری نۆڕەباب، دۆست و خەمخۆر و نان بدە و پیاوی سات و كاتە دژوارەكان بووە و فریادڕەسی هەمووان بووە لە خۆشی و ناخۆشیدا، لە دەستدانیشی بووە خەسارەت بۆ بنەماڵە و شارەكە و ناوچەی شارباژێڕ، بۆیە بەناوی یەك بەیەكی ئەندامانی بنەماڵەو خزمان و ریشسپیانمان سوپاسی ئەمەكداری و خەمخۆریتان دەكەین، خوای گەورە پشتوپەنا و یاوەری خێر و خۆشیتان بێ و وەك هەمیشە نموونەی بە دەمەوە هاتن و خەمخۆریتان لەسەر سەر و چاوان دادەنێین و ئەوپەڕی پێزانیمان دەردربڕین بۆتان و بە ئەمەك دەبین بۆ وەفاداریتان.

یەزدانی مەزن هەموو لایەكتان پارێزراو و سەرفراز بكات، دڵشاد و كامەران بن.

لەگەڵ ئەوپەڕی ڕێزمان بۆتان

ئاوات شێخ محەمەد شێخ عەتاری نۆڕەباب

لەجیاتی بنەماڵە

کوردستان

شێروان شێروانی لە ئاسایشی گشتی هەولێرە
دەستەی مافەكانی مرۆڤ: ڕەوشی مافەكانی مرۆڤ لە هەرێم بەرەو خراپتر دەڕوات

خەڵك- بەشی هەواڵ
سەرۆكی دەستەی سەربەخۆی مافەكانی مرۆڤ ڕایدەگەیەنێت، كە ڕەوشی مافەكانی مرۆڤ ڕۆژ بە رۆژ بەرە و خراپتر دەڕوات هۆكارەكانیشی دیارن و دەشڵێت: “شێروان شێروانی لە ئاسایشی گشتی هەولێرە”.

زیا پترۆس، سەرۆكی دەستەی سەربەخۆی مافەكانی مرۆڤ بۆ (دەنگی كوردی ئەمریكا) ڕایگەیاندووە، بارودۆخەكە وایلێهاتووە كەخەڵكی هەرێمی كوردستان لەقەیرانی ئابوری و دارایی و سیاسی و ئەم بارودۆخەی، كە ئێستا پێی تێپەڕدەبین، هەروەها بابەتی سەروەربوونی یاسا و دادگاكان زۆر كێشەمان هەیە، ئەم كێشانە كاتێك كەچارەسەرنەكرا هۆكارێكی سەرەكین بۆ ئەوەی ڕەوشەكانی مافی مرۆڤ بەرە و خراپتر بڕوات.

وتیشی، “پاش ئەوەی خۆپیشاندانەكە كرا لە زاخۆ و لە دهۆك و شوێنەكانی تر بارودۆخەكە بەرەو خراپتر ڕۆیشت، من چەند جارێك باسم كردووە، كەهەتا كاری ڕۆژنامەنوسان و ڕۆژنامەگەری ڕێكنەخرێت بەیاسایەك بەكارنەبێت ئەم بارودۆخە هەرئاوا دەمێنێتەوە و ڕۆژ بە ڕۆژ چەند كەیسێك و چەند حاڵەتێك دەبینین كەپێشێلكاری مافەكانیان كراوە، بۆیە پێویستە حكومەتی هەرێمی كوردستان و پەرلەمانی كوردستان بەزووترین كات بەدواداچونێكی جددی بكەن بۆ ڕێكخستنی كاروباری ڕۆژنامەنوسی و ڕۆژنامەگەری بۆئەوەی ئەوانیش بتوانن بەچ شێوەیەك كاربكەن واتە ئێستا بەڕاستی فەوزایە.”

سەرۆكی دەستەی سەربەخۆی مافەكانی مرۆڤ پێشبینی ئەوەی كرد، ڕەوشی مافەكانی مرۆڤ بەرەو خراپتر بڕوات لەو ڕوەوە دەڵێت: “پێشبینیم ئەوەیە ئەگەر كێشە سەرەكیەكانی وڵاتی ئێمە لەسیستەمی حكومڕانی، لەدامودەزگاكان، لەوەی كە ئێستا باسی دەكەین و دەڵێن چاكسازی دەكەین، نەهێشتنی ئەم قەیرانە داراییە، باشكردنی ڕەوشی فەرمانبەران و جوڵانەوەی بازاڕ و ڕەخساندنی هەلیكار بۆ ئەوانەی كە كاریان نییە، ئەگەر ئەمانە چارەسەر نەكرێت ڕەوشەكە بەرە و خراپتریش دەڕوات، چونكە ڕۆژ بەڕۆژ ڕەوشی دەروونی هەموو هاولۆاتیەك بەرەو خراپتر دەڕوات، كەئەمانە هەمووی دەبێت چارەسەربكرێت”.

جەختیكردەوە، ئەگەر دۆخەكە بەو شێوەیە بمێنێت بەڵێ بەرەو مەترسی دەڕوات، چونكە حاڵەتی زۆرمان هەیە وەكو ڕۆژنامەنوس یان خەڵكانێكی ئاسایی، كە دەیەوێت ڕای خۆی دەرببڕێت لەسۆشیال میدیا ئەمانە هەمووی ڕێكنەخراوە نابێت ئەمانە بەم شێوەیە مامەڵەیان لەگەڵ بكرێت، پێویستە ئەمڕۆ ڕێكخراوەكانی كۆمەڵگەی مەدەنی، لایەنی حكومی ئەم بابەتە لەبەرچاو بگرن، ئێستا پێویستمان بەڕۆشنبیرییە، تائێستا خەڵكانی ئێمە ڕۆشنبیر نەكراوە كە بە چ ڕێگایەك ڕای خۆی دەرببڕێت.

زیا پترۆس سەبارەت بەدواداچوونی دەستەكەیان لەسەر كەیسی ڕۆژنامەنووس شێروان شێروانی، دەڵێت: “من پەیوەندیم كرد بەچەند لایەنێك لەئاسایش، كە لەئاستێكی بەرزبوون بۆ ئەوەی ڕاستەخۆ و خێرا بزانن بابەتەكەی چییە؟ ئەوان بەفەرمی وەڵاممان دەدەنەوە ئەوەی كە زانیم لەدادگا بڕیاری ڕاگرتنی هەبووە، ئێستا لەئاسایشی گشتی هەولێرە، باسی تۆمەتەكەی نەوت، پاش دوو ڕۆژ دووبارە من پەیوەندیەكم كرد بۆ ئەوەی بزانم بابەتەكەی چۆنە و تیمێكی دەستە بنێرم و بیبینن ئەم كەسە (شێروان شێروانی) پەڕاوەكەی ببینرێت بۆئەوەی بزانیین لێكۆڵینەوە چۆن كراوە لەسەری و ئەو ماددەیەی، كە لەسەری گیراوە چ ماددەیەكە هەتا ئێستا ئەم زانیاریەمان بەدەست نەگەیشتووە”.

بەردەوام بە لە خوێندنەوە

کوردستان

سبەینێ‌ خۆپیشاندانی مامۆستایان دەستپێدەكاتەوە

خەڵك- بەشی هەواڵ

ئەنجوومەنی مامۆستایانی ناڕازی گەرمیان پەیامێك ئاڕاستەی مامۆستایان دەكات و ڕایدەگەیەنێت، كە ئەگەر ئەتانەوێت بایکوت بەردەوام بیت، ڕۆژی شەمە 24/10/2020 لای پەروەردەی کەلار ئامادەبن.

ئەنجوومەنی مامۆستایانی ناڕازی گەرمیان لە ڕاگەیەنراوێكدا ئاماژەی بەوەكردووە، لەژێر فشاری حزبی و حکومیدا هەوڵی شكاندنی بایكۆت دەدرێت، لەكاتێكدا سەرجەم بەڕێوەبەرەكان واژۆیان كردووە، كە بایكۆت دەكەن تا جێبەجێ‌ كردنی داواكانیان، بەڵام پەشیمان بوونەوە.

ڕاشیگەیاندووە، كە ڕۆژی شەمە 24 / 10/ 2020 کاتژمێر 10 ی سەر لەبەیانی خۆپیشاندانی بەرفراوان ئەنجام دەدەین لەپێش پەروەردەی کەلار و جەخت دەکەینەوە لەسەر بایکۆتی هەموو جۆرێکی پڕۆسەی خوێندن و ناچینە ژێر باری هیچ فشارێکی حزبی و حکومی.

دەقی ڕاگەیەنراوەكە:

مامۆستایانی سەربەرزی گەرمیان
سێ شەمە 20 / 10 / 2020 کۆبوونەوەی بەڕێوەبەرەکانی ئامادەیی سنوری پەروەردەی گەرمیان لەگەڵ بەڕێوەبەری گشتی پەروەردەی گەرمیان و بەڕێوەبەری پەروەردەی کەلار ئەنجام درا بەداخەوە زۆرینەی بەڕێوەبەرەکان و بەڕێوەبەری پەروەردەی گەرمیان و کەلار لە جیاتی دابینکردن و داکۆکی لە مافەکانی مامۆستا، لەهەوڵی شکاندنی بایکۆتن لەژێر فشاری حزبی و حکومیدا. لەکاتێکدا سەرجەم بەڕێوەبەرەکان واژویان کردوە کە بایکۆتی پرۆسەی خوێندن دەکەن تا جێبەجێ کردنی داواکارییەکان بەڵام پەشیمان بونەتەوە لەژێر فشاری بەڕێوەبەری پەروەردەی گەرمیان و کەلار .
لەبەرئەوە ئێمە وەکو مامۆستایان جەخت دەکەینەوە لەسەر بایکۆتی هەموو جۆرێکی پرۆسەی خوێندن و ناچینە ژێر باری هیچ فشارێکی حزبی و حکومی .
داوا لەمامۆستایانی بەڕێز دەکەین پاڵپشت و هاوکارمان بن بەشێوەیەکی بەرفراوان بەشداری چالاکیەکان بکەن .
ڕۆژی شەمە 24 / 10/ 2020 کاتژمێر 10 ی سەر لەبەیانی خۆپیشاندانی بەرفراوان ئەنجام دەدەین لەپێش پەروەردەی کەلار
ئەنجومەنی مامۆستایانی ناڕازی گەرمیان

بەردەوام بە لە خوێندنەوە

کوردستان

لە شارێكی هەرێم نزیكەی 9 هەزار تووشبووی كۆرۆنا چاكبوونەتەوە

خەڵك- بەشی هەواڵ
بەڕێوەبەرایەتی گشتی تەندروستی دهۆك ئاشكرای دەكات، كە 207 نەخۆشی تووشبوو بە ڤایرۆسی كۆرۆنا چاكبوونەتەوە و بەوەش ژمارەی چاكبوونەوە 9 هەزار كەسی تێپەڕاندووە.

بەڕێوەبەرایەتی گشتی تەندروستی دهۆك لە ڕاگەیەنراوێكدا ئاماژەی بەوەكردووە، ئەمڕۆ شەممە 207 نەخۆشی تووشبوو بە ڤایرۆسی كۆرۆنای نوێ‌ بەتەواوی چارەسەر بوون و گەڕانەوە ماڵەوە.

ڕاشیگەیاندووە، ئەو نەخۆشانە هەموو پشكنینەكانیان بۆ ئەنجامدرا و دەركەوت بەتەواوی چاكبوونەوە و سەلامەت، بۆیە نەخۆشخانەیان جێهێشت.

ئاشكراشی كردووە، تاوەكو ئێستا 8723 تووشبووی كۆرۆنا چاكبوونەتەوە و 10299 كەسیش لەژێر چارەسەری پزیشكی لە نەخۆشخانە ماون.

بەردەوام بە لە خوێندنەوە

کوردستان