کەشناسی سلێمانی ڕایگەیاند، ئەمڕۆ تاوە باران و بروسکەی کورتخایەن دەبێت، خۆڵبارین بەردەوام دەبێت.
بەڕێوەبەرایەتی کەشناسی و بومەلەرزەزانی سلێمانی کەشوهەوای ئەمڕۆی سلێمانی بڵاوکردووەتەوە، بەپێی پێشبینییەکان ئەمڕۆ ئاسمان هەور و نیمچە هەور دەبێت، تاوە باران و بروسکەی کورتخایەن لە ناوچە شاخاوییەکانی باکوور و خۆرهەڵات دەبێت.
خۆڵبارین بەردەوامی هەیە، مەودای بینین حەوت بۆ نۆ کیلۆمەتر دەبێت، پلەکانی گەرماش بەراورد تا ڕادەیەک وەک دوو ڕۆژی ڕابردوو دەبێت و جێگیردەبێت.
ئاڕاستەی با بەرەو باشووری خۆرئاوا بۆ باکووری خۆرئاوایە، خێرایی با لەنێوان ١٠ بۆ ٢٠ کیلۆمەتر دەبێت.
